ವಿಶ್ವಕಪ್ ತಂಡದಲ್ಲಿ ಭಾಗಿಯಾಗಬೇಕು ಎಂಬುದು ನನ್ನ ಕನಸಾಗಿತ್ತು! ಆದರೆ… ; ಅಜಿಂಕ್ಯ ರಹಾನೆ

ಬೆಂಗಳೂರು (ಆ. 11): 2015 ರಲ್ಲಿ ಟೀಂ ಇಂಡಿಯಾದ 4ನೇ ಕ್ರಮಾಂಕದ ಸ್ಟಾರ್ ಬ್ಯಾಟ್ಸ್​ಮನ್ ಆಗಿದ್ದ ಅಜಿಂಕ್ಯ ರಹಾನೆ ಬಳಿಕ ಫಾರ್ಮ್​ ವೈಫಲ್ಯದಿಂದ ಹೊರಗುಳಿಯಬೇಕಾಯಿತು. ಆದರೆ, ಕಳೆದ ವರ್ಷ ರಣಜಿ ಸೇರಿದಂತೆ ಐಪಿಎಲ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿ ಕಮ್​​ಬ್ಯಾಕ್ ಮಾಡಿದ್ದರು. ಆದರೂ ಅವರಿಗೆ 2019 ವಿಶ್ವಕಪ್ ತಂಡದಲ್ಲಿ ಅವಕಾಶ ಸಿಗಲಿಲ್ಲ.

ಸದ್ಯ ಈ ಬಗ್ಗೆ ಮಾತನಾಡಿರುವ ರಹಾನೆ, ‘ವಿಶ್ವಕಪ್​ ತಂಡದಲ್ಲಿ ಭಾಗಿಯಾಗಬೇಕು ಎಂಬುದು ಪ್ರತಿಯೊಬ್ಬ ಕ್ರಿಕೆಟಿಗನ ಕನಸು. ನನ್ನದು ಕೂಡ ಅದೆ ಕನಸಾಗಿತ್ತು. ಇದಕ್ಕೋಸ್ಕರ ಸಾಕಷ್ಟು ಸಮಯ ಕಾದು, ಬಳಿಕ ಸ್ಥಾನ ಸಿಗಲಿಲ್ಲ ಎಂದಾದರೆ ತುಂಬಾ ಬೇಸರವಾಗುತ್ತದೆ. ಆದರೆ, ಇದಕ್ಕೆ ಕುಗ್ಗದೆ ನಾವು ಮುಂದುವರೆಯಬೇಕು’ ಎಂದಿದ್ದಾರೆ.



‘ಕೌಂಟಿ ಕ್ರಿಕೆಟ್​ನಲ್ಲಿ ನಾನು ಎರಡು ತಿಂಗಳು ಆಡಿದಾಗ ಸಾಕಷ್ಟು ವಿವಾರಗಳನ್ನು ಕಲಿತಿರುವೆ. ವಿಶ್ವಕಪ್ ತಂಡದಲ್ಲಿ ಆಡಬೇಕೆಂಬುದು ಕನಸಾಗಿತ್ತು. ಆದರೆ ಅವಕಾಶ ಸಿಗದಿದ್ದಾಗ ನಾವು ಮುಂದುವರೆಯಲೇಬೇಕು'.

ಭರ್ಜರಿ ಫಾರ್ಮ್​ನಲ್ಲಿರುವ ಈ 5 ಆಟಗಾರರಿಗೆ ಟೀಂ ಇಂಡಿಯಾದಲ್ಲಿಲ್ಲ ಜಾಗ..!

'ಸದ್ಯ ಮುಂದಿನ ವಿಶ್ವಕಪ್​ಗೆ ನಾನು ಈಗಿನಿಂದಲೇ ಪ್ರಯತ್ನ ಪಡುತ್ತಿದ್ದೇನೆ. ವಿಶ್ವಕಪ್​ ನಂತರ ಜೀವನವಿದೆ. ಅನೇಕ ಸವಾಲುಗಳಿವೆ. ಮುಂದೆ ವಿಶ್ವ ಟೆಸ್ಟ್​ ಚಾಂಪಿಯನ್ ಶಿಪ್​ ಇದೆ. ನಾನೀಗ ಇದರತ್ತ ಹೆಚ್ಚಿನ ಗಮನ ಹರಿಸುತ್ತಿದ್ದೇನೆ. ಭಾರತ ತಂಡವನ್ನು ಉತ್ತುಂಗಕ್ಕೇರಿಸಲು ಪ್ರಯತ್ನ ಪಡುತ್ತೇನೆ' ಎಂದಿದ್ದಾರೆ.

'ನನಗೆಲ್ಲಾದರು ಏಕದಿನ ಅಥವಾ ಟಿ-20 ಕ್ರಿಕೆಟ್​ನಲ್ಲಿ ಆಡುವ ಅವಕಾಶ ಸಿಕ್ಕರೆ ಪರಿಶ್ರಮ ಪಟ್ಟು ಸರಿಯಾದ ರೀತಿಯಲ್ಲಿ ಉಪಯೋಗಿಸಿಕೊಳ್ಳುವೆ. ಸೀಮಿತ ಓವರ್ ಕ್ರಿಕೆಟ್​ನಲ್ಲಿ ನಾನು ಉತ್ತಮ ಪ್ರದರ್ಶನ ತೋರುತ್ತಿರುವುದನ್ನು ಕೆಲವರು ಗಮನಿಸಿದ್ದಾರೆ ಎಂಬುದೆ ನನಗೆ ಸಂತಸದ ವಿಷಯ' ಎಂದು ರಹಾನೆ ಹೇಳಿದ್ದಾರೆ.