Shoaib Akhtar: ಪಾಕ್​ ವೇಗಿಗೆ ಹೆದರಿ ಎಬಿಡಿ ಕಣ್ಣೀರಿಟ್ಟಿದ್ದರು..!

ಟೀಮ್ ಇಂಡಿಯಾ ವೇಗಿ ಜಸ್​ಪ್ರೀತ್ ಬುಮ್ರಾ ಬಗ್ಗೆ ಮಾತನಾಡಿದ ಅಖ್ತರ್, ಆಸಿಫ್ ಬಳಿಕ ನಾನು ಕಂಡ ಅತ್ಯುತ್ತಮ ವೇಗಿ ಎಂದರೆ ಅದು ಬುಮ್ರಾ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಅವರ ಫಿಟ್‌ನೆಸ್ ಬಗ್ಗೆ ಹಲವರು ಅನುಮಾನ ವ್ಯಕ್ತಪಡಿಸಿದ್ದರು. ಹೀಗಾಗಿ ನಾನು ಕೂಡ ಅವರನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದೆ.

ab de villiers

ab de villiers

  • Share this:
    ದಕ್ಷಿಣ ಆಫ್ರಿಕಾ ಮಾಜಿ ಆಟಗಾರ ಮಿಸ್ಟರ್ 360 ಖ್ಯಾತಿಯ ಎಬಿ ಡಿವಿಲಿಯರ್ಸ್ (Ab de villiers) ವೇಗಿಯೊಬ್ಬರನ್ನು ಎದುರಿಸಲು ಭಯಪಟ್ಟಿದ್ರಾ? ಇಂತಹದೊಂದು ಚರ್ಚೆಯನ್ನು ಹುಟ್ಟುಹಾಕಿರುವುದು ಪಾಕ್ ವೇಗಿ ಶೊಯೇಬ್ ಅಖ್ತರ್ (Shoaib Akhtar). ಹೌದು, ಪಾಕಿಸ್ತಾನ ವೇಗಿ ಮೊಹಮ್ಮದ್ ಆಸಿಫ್​ ವಿರುದ್ಧ ಆಡುವಾಗ ಎಬಿ ಡಿವಿಲಿಯರ್ಸ್ ಅಳುತ್ತಿದ್ದರು ಎಂದು ಅಖ್ತರ್ ಹೇಳಿಕೊಂಡಿದ್ದಾರೆ.

    ಸಂದರ್ಶನವೊಂದರಲ್ಲಿ ಮಾತನಾಡಿದ ರಾವಲ್ಪಿಂಡಿ ಎಕ್ಸ್​ಪ್ರೆಸ್ ಖ್ಯಾತಿ ಶೊಯೇಬ್ ಅಖ್ತರ್, ಎಬಿಡಿ ಆಫಿಸ್ ಎಸೆತವನ್ನು ಎದುರಿಸಲು ಭಯ ಪಡುತ್ತಿದ್ದರು. ಅವರನ್ನು ಎದುರಿಸುವಾಗ ಅಳುತ್ತಿದ್ದರು. ಹಾಗೆಯೇ ಟೀಮ್ ಇಂಡಿಯಾ ಮಾಜಿ ಆಟಗಾರ ವಿವಿಎಸ್ ಲಕ್ಷ್ಮಣ್ ಅವರೂ ಸಹ ಆಸಿಫ್ ಬೌಲಿಂಗ್ ವೇಳೆ ಪರದಾಡುತ್ತಿದ್ದರು. ಲಕ್ಷ್ಮಣ್​ಗೆ ಹೇಗೆ ಬ್ಯಾಟಿಂಗ್ ಮಾಡಬೇಕು ಎಂಬುದೇ ಗೊತ್ತಾಗುತ್ತಿರಲಿಲ್ಲ ಎಂದು ಅಖ್ತರ್ ಹೇಳಿದ್ದಾರೆ.

    ನನ್ನ ಪ್ರಕಾರ ವಾಸಿಮ್ ಅಕ್ರಮ್‌ಗಿಂತಲೂ ಅತ್ಯುತ್ತಮ ಬೌಲರ್ ಮೊಹಮ್ಮದ್ ಆಸಿಫ್. ಆಸಿಫ್ ಎದುರಿಸುವಾಗ ಬ್ಯಾಟ್ಸ್‌ಮನ್‌ಗಳು ಅಳುತ್ತಿರುವುದನ್ನು ನಾನು ನಿಜವಾಗಿ ನೋಡಿದ್ದೇನೆ. ಒಮ್ಮೆ ಲಕ್ಷ್ಮಣ್ 'ಈತನನ್ನು ನಾನು ಹೇಗೆ ಎದುರಿಸಲಿ' ಎಂದು ಹೇಳಿದ್ದರು. ಎಬಿ ಡಿವಿಲಿಯರ್ಸ್ ಏಷ್ಯನ್ ಟೆಸ್ಟ್ ಚಾಂಪಿಯನ್‌ಶಿಪ್ ಸಮಯದಲ್ಲಿ ಅಕ್ಷರಶಃ ಕಣ್ಣೀರಿಡುತ್ತಿರುವುದು ನಾನು ನೋಡಿದ್ದೆ ಅಖ್ತರ್ ಹೇಳಿದ್ದಾರೆ.

    ಇದೇ ವೇಳೆ ಟೀಮ್ ಇಂಡಿಯಾ ವೇಗಿ ಜಸ್​ಪ್ರೀತ್ ಬುಮ್ರಾ ಬಗ್ಗೆ ಮಾತನಾಡಿದ ಅಖ್ತರ್, ಆಸಿಫ್ ಬಳಿಕ ನಾನು ಕಂಡ ಅತ್ಯುತ್ತಮ ವೇಗಿ ಎಂದರೆ ಅದು ಬುಮ್ರಾ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಅವರ ಫಿಟ್‌ನೆಸ್ ಬಗ್ಗೆ ಹಲವರು ಅನುಮಾನ ವ್ಯಕ್ತಪಡಿಸಿದ್ದರು. ಹೀಗಾಗಿ ನಾನು ಕೂಡ ಅವರನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದೆ. ಅವರು ತ್ವರಿತ ಬೌನ್ಸರ್ ಎಸೆಯಲು ನಿಪುಣರು. ಅಷ್ಟೇ ಶೀಘ್ರದಲ್ಲೇ ತೀಕ್ಷ್ಣ ಎಸೆತಗಳ ಮೂಲಕ ಕಂಗೆಡಿಸಬಲ್ಲರು. ಬುಮ್ರಾ ಉತ್ತಮ ವ್ಯಕ್ತಿ ಕೂಡ ಹೌದು ಎಂದು ಪಾಕ್ ಮಾಜಿ ವೇಗಿ ತಿಳಿಸಿದರು.
    Published by:zahir
    First published: