HOME » NEWS » Sports » BUMRAH STARS AS AUSTRALIA BOWLED OUT FOR 151

(VIDEO): ಬುಮ್ರಾ ಯಾರ್ಕರ್ ದಾಳಿಗೆ ಆಸೀಸ್ ಉಡೀಸ್: 39 ವರ್ಷಗಳ ದಾಖಲೆ ನೆಲಸಮ

ಬುಮ್ರಾ 6 ವಿಕೆಟ್ ಕೀಳುವ ಮೂಲಕ ಡೆಬ್ಯು ಮಾಡಿದ ವರ್ಷದಲ್ಲಿ ಅತಿ ಹೆಚ್ಚು ವಿಕೆಟ್​ಗಳನ್ನು ಪಡೆದ ಭಾರತೀಯ ಬೌಲರ್​​​ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ. 2018ರಲ್ಲಿ ಒಟ್ಟು 41 ವಿಕೆಟ್ ಪಡೆಯುವ ಮೂಲಕ 39 ವರ್ಷಗಳ ಹಿಂದಿನ ದಾಖಲೆಯನ್ನು ಬುಮ್ರಾ ಮುರಿದಿದ್ದಾರೆ.

Vinay Bhat | news18
Updated:December 28, 2018, 12:02 PM IST
(VIDEO): ಬುಮ್ರಾ ಯಾರ್ಕರ್ ದಾಳಿಗೆ ಆಸೀಸ್ ಉಡೀಸ್: 39 ವರ್ಷಗಳ ದಾಖಲೆ ನೆಲಸಮ
Pic: Twitter
  • News18
  • Last Updated: December 28, 2018, 12:02 PM IST
  • Share this:
ಮೆಲ್ಬೋರ್ನ್​​: ಇಲ್ಲಿನ ಮೇಲ್ಬೋರ್ನ್​​ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಟೆಸ್ಟ್​​ನಲ್ಲಿ ಟೀಂ ಇಂಡಿಯಾ ಬೌಲರ್​ಗಳು ಅದ್ಭುತ ಪ್ರದರ್ಶನ ತೋರುತ್ತಿದ್ದಾರೆ.

ಯಾರ್ಕರ್ ಸ್ಪೆಷಲಿಸ್ಟ್​​ ಜಸ್​​ಪ್ರೀತ್ ಬುಮ್ರಾ (33/6) ಅವರ ಬೌಲಿಂಗ್ ಬಿರುಗಾಳಿಗೆ ತರಗೆಲೆಯಂತೆ ಉರುಳಿದ ಕಾಂಗರೂಗಳು 151 ರನ್​ಗೆ ಆಲೌಟ್ ಆಗಿದ್ದಾರೆ. ಅದರಲ್ಲು ಬುಮ್ರಾ ಬೆಂಕಿಯ ಚೆಂಡಿಗೆ ಶಾನ್ ಮಾರ್ಶ್​​ ಔಟ್ ಆಗಿದ್ದು ಆಸೀಸ್ ಆಟಗಾರರನ್ನು ದಂಗಾಗುವಂತೆ ಮಾಡಿತು. ಸ್ಲೋ ಯಾರ್ಕರ್​​ ಮೂಲಕ ಎಲ್​​ಬಿ ಬಲೆಗೆ ಸಿಲುಕಿದ ಮಾರ್ಶ್​​ ಪೆವಿಲಿಯನ್​​ನತ್ತ ಹೆಜ್ಜೆ ಹಾಕಬೇಕಾಯಿತು.

 


ಅಂತೆಯೆ ಬುಮ್ರಾ ಪ್ರಮುಖ ಬ್ಯಾಟ್ಸ್​ಮನ್​​​​ಗಳಾದ ಮಾರ್ಕಸ್ ಹ್ಯಾರಿಸ್, ಟ್ರಾವಿಸ್ ಹೆಡ್, ಟಿಮ್ ಪೇಯ್ನ್, ನೇಥನ್ ಲ್ಯಾನ್ ಹಾಗೂ ಜೋಷ್ ಹ್ಯಾಜ್ಲೇವುಡ್ ಅವರನ್ನು ಪೆವಿಲಿಯನ್​ಗೆ ಅಟ್ಟಿದರು. 15.5 ಓವರ್ ಬೌಲಿಂಗ್ ಮಾಡಿದ ಬುಮ್ರಾ ಕೇವಲ 33 ರನ್​ ನೀಡಿದ 6 ವಿಕೆಟ್ ಕಿತ್ತರು.

ಇದನ್ನೂ ಓದಿ: 'ನೀನು ಸಿಕ್ಸ್​ ಸಿಡಿಸಿದರೆ ನನ್ನ ಬೆಂಬಲ ಮುಂಬೈ ತಂಡಕ್ಕೆ': ರೋಹಿತ್​ರನ್ನು ಕೆಣಕಿದ ಆಸೀಸ್ ನಾಯಕ

ಇದರ ಜೊತೆಗೆ ಬುಮ್ರಾ 6 ವಿಕೆಟ್ ಕೀಳುವ ಮೂಲಕ ಡೆಬ್ಯು ಮಾಡಿದ ವರ್ಷದಲ್ಲಿ ಅತಿ ಹೆಚ್ಚು ವಿಕೆಟ್​ಗಳನ್ನು ಪಡೆದ ಭಾರತೀಯ ಬೌಲರ್​​​ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ. ಇದಕ್ಕೂ ಮುನ್ನ ಭಾರತ ಪರ 1979ರಲ್ಲಿ ದಿಲೀಪ್ ದೋಶಿ ಅವರ 40 ವಿಕೆಟ್ ಪಡೆದಿದ್ದರು. ಈಗ ಬುಮ್ರಾ 2018ರಲ್ಲಿ 41 ವಿಕೆಟ್ ಪಡೆಯುವ ಮೂಲಕ 39 ವರ್ಷಗಳ ಹಿಂದಿನ ದಾಖಲೆಯನ್ನು ಮುರಿದಿದ್ದಾರೆ.

 



 



ಬುಮ್ರಾ ಪ್ರದರ್ಶನಕ್ಕೆ ಟ್ವಿಟರ್ ಪ್ರತಿಕ್ರಿಯೆ:

 



 



 



 



 



First published: December 28, 2018, 11:17 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories