• Home
  • »
  • News
  • »
  • sports
  • »
  • ಎಎಫ್​ಸಿ ಕಪ್ ನಿರಾಸೆಯ ನಂತರ ಐಎಸ್ಎಲ್​ನಿಂದಲೂ ಬೆಂಗಳೂರು ಎಫ್​ಸಿ ಔಟ್

ಎಎಫ್​ಸಿ ಕಪ್ ನಿರಾಸೆಯ ನಂತರ ಐಎಸ್ಎಲ್​ನಿಂದಲೂ ಬೆಂಗಳೂರು ಎಫ್​ಸಿ ಔಟ್

ಕೋಲ್ಕತಾ ತಂಡದ ಆಟಗಾರರ ವಿಜಯೋತ್ಸವ

ಕೋಲ್ಕತಾ ತಂಡದ ಆಟಗಾರರ ವಿಜಯೋತ್ಸವ

ಮಾರ್ಚ್ 14, ಶನಿವಾರದಂದು ನಡೆಯುವ ಫೈನಲ್​ನಲ್ಲಿ ಅಥ್ಲೆಟಿಕೋ ಡೀ ಕೋಲ್ಕತಾ ಮತ್ತು ಗೋವಾ ಎಫ್​ಸಿ ಪ್ರಶಸ್ತಿಗಾಗಿ ಮುಖಾಮುಖಿಯಾಗಲಿವೆ. ಎರಡೂ ತಂಡಗಳು ಎರಡು ಬಾರಿ ಚಾಂಪಿಯನ್ಸ್ ಆಗಿದ್ದು, ಪ್ರಬಲ ಪೈಪೋಟಿಯ ನಿರೀಕ್ಷೆ ಇದೆ.

  • News18
  • Last Updated :
  • Share this:

    ಕೋಲ್ಕತಾ(ಮಾ. 09): ಹಾಲಿ ಫುಟ್ಬಾಲ್ ಚಾಂಪಿಯನ್ಸ್ ಬೆಂಗಳೂರು ಫುಟ್ಬಾಲ್ ಕ್ಲಬ್ ಕಳಪೆ ಪ್ರದರ್ಶನ ಮುಂದುವರಿದಿದೆ. ಎಎಫ್​ಸಿ ಕಪ್​ನ ಪ್ರಧಾನ ಹಂತ ತಲುಪುವ ಮುನ್ನವೇ ನಿರ್ಮಿಸಿದ್ದ ಬೆಂಗಳೂರಿಗರು ಈಗ ಇಂಡಿಯನ್ ಸೂಪರ್ ಲೀಗ್​ನಿಂದಲೂ ಹೊರನಡೆದಿದೆ. ನಿನ್ನೆ ನಡೆದ ಸೆಮಿಫೈನಲ್ ಹಣಾಹಣಿಯ ಎರಡನೆ ಲೆಗ್ ಪಂದ್ಯದಲ್ಲಿ 1-3 ಗೋಲುಗಳಿಂದ ಕೋಲ್ಕತಾ ವಿರುದ್ಧ ಸೋಲನುಭವಿಸಿತು. ಮೊದಲ ಲೆಗ್​ನಲ್ಲಿ 1-0ಯಿಂದ ಗೆದ್ದಿದ್ದ ಬಿಎಫ್​ಸಿ ಎರಡನೇ ಲೆಗ್​ನಲ್ಲಿ ನಿರಾಸೆಯ ಪ್ರದರ್ಶನ ತೋರಿತು. ಇದರೊಂದಿಗೆ ಎರಡೂ ಲೆಗ್ ಸೇರಿ 2-3 ಗೋಲುಗಳ ಅಂತರದಿಂದ ಬೆಂಗಳೂರು ಎಫ್​ಸಿ ಸೋತಿತು. ಅಥ್ಲೆಟಿಕೋ ಕೋಲ್ಕತಾ (ಎಟಿಕೆ) ಮಾರ್ಚ್ 14ರಂದು ನಡೆಯುವ ಫೈನಲ್​ನಲ್ಲಿ ಚೆನ್ನೈಯಿನ್ ಎಫ್​ಸಿ ತಂಡವನ್ನು ಎದುರುಗೊಳ್ಳಲಿದೆ.


    ಇಲ್ಲಿಯ ವಿವೇಕಾನಂದ ಯುಬ ಭಾರತಿ ಕ್ರೀರಂಗನ್ ಮೈದಾನದಲ್ಲಿ ನಡೆದ ಎರಡನೇ ಸೆಮಿಫೈನಲ್ ಲೆಗ್ ಪಂದ್ಯದಲ್ಲಿ ಬೆಂಗಳೂರಿಗರು 5ನೇ ನಿಮಿಷದಲ್ಲಿ ಗೋಲು ಗಳಿಸಿ ಫೈನಲ್ ಆಸೆ ಬಲಪಡಿಸಿಕೊಂಡಿದ್ದರು. ಎಟಿಕೆ ತಂಡದ ಡೇವಿಡ್ ವಿಲಿಯಮ್ಸ್ ಎರಡು ಗೋಲು ಗಳಿಸಿ ಬೆಂಗಳೂರಿಗರ ಆಸೆಗೆ ತಣ್ಣೀರೆರಚಿದರು. ರಾಯ್ ಕೃಷ್ಣ ಕೂಡ ಒಂದು ಗೋಲು ಗಳಿಸಿದರು. ಬೆಂಗಳೂರಿಗರು ಹರಸಾಹಸ ನಡೆಸಿದರೂ ಎರಡನೇ ಗೋಲು ಗಳಿಸಲು ಸಾಧ್ಯವಾಗಲಿಲ್ಲ. ಬೆಂಗಳೂರು ಎಫ್​ಸಿ ಇನ್ನೊಂದು ಗೋಲು ಭಾರಿಸಿದ್ದರೂ ಫೈನಲ್ ತಲುಪುವ ಸಾಧ್ಯತೆ ಇತ್ತು. ಆದರೆ, ಕೋಲ್ಕತಾ ತಂಡದ ಡಿಫೆನ್ಸ್ ಆಟಗಾರರು ಅಮೋಘ ಪ್ರದರ್ಶನ ನೀಡಿ ಬೆಂಗಳೂರಿಗರ ದಾಳಿಗಳನ್ನು ಸಮರ್ಥವಾಗಿ ಎದುರಿಸಿ ಹಿಮ್ಮೆಟ್ಟಿಸಿದರು. ಬೆಂಗಳೂರಿನ ಪರ ಆಶಿಕ್ ಕುರಿಯನ್ ಏಕೈಕ ಗೋಲು ಭಾರಿಸಿದರು.


    ಇದನ್ನೂ ಓದಿ: ನಮ್ಮ ಬೆಂಗಳೂರು ಕುಟುಂಬ ರೆಡಿನಾ; ಚಹಾಲ್ ಕನ್ನಡ ಟ್ವೀಟ್​ಗೆ ಬೆಂಗಳೂರು ಅಭಿಮಾನಿಗಳು ಫಿದಾ!


    ಮಾರ್ಚ್ 14, ಶನಿವಾರದಂದು ನಡೆಯುವ ಫೈನಲ್​ನಲ್ಲಿ ಅಥ್ಲೆಟಿಕೋ ಡೀ ಕೋಲ್ಕತಾ ಮತ್ತು ಗೋವಾ ಎಫ್​ಸಿ ಪ್ರಶಸ್ತಿಗಾಗಿ ಮುಖಾಮುಖಿಯಾಗಲಿವೆ. ಎರಡೂ ತಂಡಗಳು ಎರಡು ಬಾರಿ ಚಾಂಪಿಯನ್ಸ್ ಆಗಿದ್ದು, ಪ್ರಬಲ ಪೈಪೋಟಿಯ ನಿರೀಕ್ಷೆ ಇದೆ.


    ಇತ್ತ, ಬೆಂಗಳೂರು ಫುಟ್ಬಾಲ್ ಕ್ಲಬ್ ತಂಡ ಮುಂದಿನ ವರ್ಷದ ಎಎಫ್​ಸಿ ಕಪ್​ನಲ್ಲಿ ಸ್ಪರ್ಧಿಸುವ ಅವಕಾಶದಿಂದ ವಂಚಿತವಾದಂತಾಗಿದೆ. ಈ ವರ್ಷದ ಎಎಫ್​ಸಿ ಕಪ್​ನ ಅರ್ಹತಾ ಹಂತದಲ್ಲಿ ಮಾಲ್ಡೀವ್ಸ್​ನ ಮಝಿಯಾ ತಂಡದ ಎದುರು ಸೋತು ನಿರಾಸೆ ಅನುಭವಿಸಿತ್ತು. ಇಂಡಿಯನ್ ಸೂಪರ್ ಲೀಗ್ ಮತ್ತು ಐ-ಲೀಗ್​ನಲ್ಲಿ ಚಾಂಪಿಯನ್ ಆದ ತಂಡಗಳು ಎಎಫ್​ಸಿ ಕಪ್​ನಲ್ಲಿ ಆಡುವ ಅವಕಾಶ ಪಡೆಯುತ್ತವೆ. ಈಗ ಐಎಸ್​ಎಲ್​ನಿಂದ ನಿರ್ಗಮಿಸಿರುವುದರಿಂದ ಬೆಂಗಳೂರಿಗರಿಗೆ ಆ ಅವಕಾಶ ಇಲ್ಲದಂತಾಗಿದೆ.


    ಕ್ಷಣಕ್ಷಣದ ಬ್ರೇಕಿಂಗ್ ನ್ಯೂಸ್ ಅಲರ್ಟ್​ಗಾಗಿ ನಿಮ್ಮ ನ್ಯೂಸ್18 ಕನ್ನಡವನ್ನು ಫೇಸ್​ಬುಕ್ ಮೆಸೆಂಜರ್​ನಲ್ಲಿ ಸಬ್ಸ್​ಕ್ರೈಬ್ ಮಾಡಿ.


    Published by:Vijayasarthy SN
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು