ಕೊಹ್ಲಿಯನ್ನು ನನಗೆ ಹೋಲಿಕೆ ಮಾಡಬೇಡಿ ಎಂದ ಪಾಕ್​ನ ಸ್ಟಾರ್ ಬ್ಯಾಟ್ಸ್​ಮನ್​​​​

ಟೀಂ ಇಂಡಿಯಾ ನಾಯಕ, ರನ್​​ ಮೆಶಿನ್ ವಿರಾಟ್ ಕೊಹ್ಲಿ ವಿಶ್ವದ ಶ್ರೇಷ್ಠ ಕ್ರಿಕೆಟಿಗ. ಈಗಾಗಲೇ ಕ್ರಿಕೆಟ್ ದಿಗ್ಗಜರ ದಾಖಲೆಗಳನ್ನು ಪುಡಿಪುಡಿ ಮಾಡುತ್ತಿರುವ ಕೊಹ್ಲಿ ಅನೇಕ ಕ್ರಿಕೆಟಿಗರಿಗೆ ಸ್ಪೂರ್ತಿ ಕೂಡ ಔದು.

ಅದರಂತೆ 2016ರ ಹೊತ್ತಿಗೆ ಪಾಕಿಸ್ತಾನ ಕ್ರಿಕೆಟ್ ತಂಡಕ್ಕೆ ಕಾಲಿಟ್ಟ ಬ್ಯಾಟ್ಸ್​ಮನ್​​ ಬಾಬರ್ ಅಜಮ್​​​ ಭರ್ಜರಿ ಆಟ ಪ್ರದರ್ಶಿಸುವ ಮೂಲಕ ಕ್ರಿಕೆಟ್ ಜಗತ್ತಿಗೆ ಪರಿಚಿತರಾದರು. ತಾನಾಡಿದ ಕೆಲವೇ ಪಂದ್ಯಗಳಲ್ಲಿ ದಾಖಲೆ ಮೇಲೆ ದಾಖಲೆ ಬರೆಯಲಾರಂಭಿಸಿದ ಬಾಬರ್​ ಅನ್ನು ಅನೇಕರು ವಿರಾಟ್ ಕೊಹ್ಲಿಗೆ ಹೋಲಿಕೆ ಮಾಡುತ್ತಿದ್ದಾರೆ. ಇದನ್ನ ಮನಗಂಡು ಬಾಬರ್ ಅವರು ಕೊಹ್ಲಿಯನ್ನು ನನಗೆ ಹೋಲಿಕೆ ಮಾಡಬೇಡಿ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ತವರಿನಲ್ಲಿ ಆಸೀಸ್ ವಿರುದ್ಧ ಸರಣಿ: ಫೆ. 15ಕ್ಕೆ ಭಾರತ ತಂಡ ಪ್ರಕಟ; ಸ್ಟಾರ್ ಆಟಗಾರರಿಗೆ ವಿಶ್ರಾಂತಿ?

'ವಿರಾಟ್ ಕೊಹ್ಲಿ ಒಬ್ಬ ಶ್ರೇಷ್ಠ ಆಟಗಾರ. ಅವರು ಬ್ಯಾಟಿಂಗ್ ಮಾಡುವ ಶೈಲಿ ಅದ್ಭುತ. ನಾನು ಕ್ರಿಕೆಟ್​​ ಜಗತ್ತಿಗೆ ಕಾಲಿಡುತ್ತಿರುವಾಗಲೇ ಅವರು ಬಹಳಷ್ಟು ಸಾಧನೆ ಮಾಡಿದ್ದಾರೆ. ಅವರೆತ್ತರಕ್ಕೆ ನಾನಿನ್ನು ಬೆಳೆದಿಲ್ಲ. ನಾನು ಸಾಧಿಸುವುದು ಬೇಕಾದಷ್ಟಿದೆ. ಹೀಗಾಗಿ ದಯವಿಟ್ಟು ಅವರೊಂದಿದೆ ನನ್ನನ್ನು ಹೋಲಿಕೆ ಮಾಡಬೇಡಿ' ಎಂದು ಬಾಬರ್ ಹೇಳಿದ್ದಾರೆ.



ಇದನ್ನೂ ಓದಿ: ಐಪಿಎಲ್​​ ಇತಿಹಾಸದಲ್ಲೇ ಕನಿಷ್ಠ ಸ್ಕೋರ್​ಗೆ ಆಲೌಟ್: ಆರ್​​ಸಿಬಿಗೆ ಮೊದಲ ಸ್ಥಾನ

ಸದ್ಯ ಹೊಸ ಹೊಸ ದಾಖಲೆಗಳನ್ನು ಬರೆಯುತ್ತಿರುವ ಬಾಬರ್ ಇತ್ತೀಚೆಗಷ್ಟೆ ಟಿ-20 ಕ್ರಿಕೆಟ್​​ನಲ್ಲಿ ಕೊಹ್ಲಿ ದಾಖಲೆಯನ್ನು ಪುಡಿ ಮಾಡಿದ್ದರು. ಅಂತರಾಷ್ಟ್ರೀಯ ಟಿ-20 ಪಂದ್ಯಗಳಲ್ಲಿ ಕೊಹ್ಲಿ 27 ಇನ್ನಿಂಗ್ಸ್​​ನಲ್ಲಿ 1,000 ರನ್ ಸಾಧನೆ ಮಾಡಿದ್ದರೆ, ಬಾಬರ್ 26 ಇನ್ನಿಂಗ್ಸ್​​ಗಳಲ್ಲೇ 1,000 ರನ್ ಪೂರೈಸಿ ಹೊಸ ಮೈಲಿಗಲ್ಲು ಸ್ಥಾಪಿಸಿದ್ದರು.