Australian Open 2020: ಫೆಡರರ್​ಗೆ ಸೋಲುಣಿಸಿ ಫೈನಲ್ ಪ್ರವೇಶಿಸಿದ ಜೊಕೋವಿಕ್

ಆಸ್ಟ್ರೇಲಿಯನ್ ಓಪನ್‌ ಟೆನಿಸ್ ಟೂರ್ನಿಯಲ್ಲಿ ರೋಜರ್ ಫೆಡರರ್​ ಪೆಡರರ್​ರನ್ನು ಮಣಿಸುವ ಮೂಲಕ ನೊವಾಕ್ ಜೊಕೋವಿಕ್ ಫೈನಲ್ ಪ್ರವೇಶಿಸಿದ್ದಾರೆ. ಭಾರೀ ನಿರೀಕ್ಷೆ ಹುಟ್ಟುಹಾಕಿದ್ದ ದಿಗ್ಗಜರ ಸೆಣಸಾಟದಲ್ಲಿ ಸೋಲುವ ಮೂಲಕ ಫೆಡರರ್​ ಅವರ 7ನೇ ಬಾರಿ ಪ್ರಶಸ್ತಿ ಗೆಲ್ಲುವ ಕನಸು ಭಗ್ನಗೊಂಡಿದೆ.

ಹಾಲಿ ಚಾಂಪಿಯನ್ ಸರ್ಬಿಯಾದ ಜೊಕೋವಿಕ್ ಈ ಗೆಲುವಿನೊಂದಿಗೆ ಎಂಟನೇ ಬಾರಿಗೆ ಆಸ್ಟ್ರೇಲಿಯನ್ ಓಪನ್ ಫೈನಲ್‌ಗೆ ಪ್ರವೇಶಿಸಿದ್ದಾರೆ. ತೀವ್ರ ಕುತೂಹಲ ಕೆರಳಿಸಿದ್ದ ಸೆಮಿಫೈನಲ್​ನ ಆರಂಭದಲ್ಲಿ ಜೊಕೋವಿಕ್ ಎಡವಿದರೂ, ನಂತರ ಕಂಬ್ಯಾಕ್ ಮಾಡುವ ಮೂಲಕ ಇಡೀ ಸೆಟ್​ ಮೇಲೆ ನಿಯಂತ್ರಣ ಹೊಂದಿದರು.

ಈ ಮೂಲಕ ಸ್ವಿಸ್ ಅನುಭವಿ ಆಟಗಾರನನ್ನು 7-6 (7/1), 6-4, 6-3 ನೇರ್​ ಸೆಟ್​ಗಳಿಂದ ಸೋಲಿಸಿ ಅಂತಿಮ ಘಟ್ಟ ತಲುಪಿದರು. ಇದು ಜೊಕೋವಿಕ್ ಮತ್ತು ಫೆಡರರ್ ನಡುವಣ 50ನೇ ಪಂದ್ಯವಾಗಿದ್ದು, ಸೆಮಿಫೈನಲ್​ನಲ್ಲಿ ಫೆಡರರ್ ವಿರುದ್ಧದ  ನಾಲ್ಕನೇ ಜಯವಾಗಿದೆ.

ICYMI: The point that won @DjokerNole the second set 🤯

🎥 @Channel9 | @espn #AO2020 | #AusOpen pic.twitter.com/crGXrccYxh

— #AusOpen (@AustralianOpen) January 30, 2020

ಈ ಹಿಂದೆ ಜೊಕೋವಿಕ್ 2008, 2011 ಮತ್ತು 2016ರಲ್ಲಿ ಸೆಮಿ ಫೈನಲ್​ನಲ್ಲಿ ಫೆಡರರ್​ಗೆ ಸೋಲಿನ ರುಚಿ ತೋರಿಸಿದ್ದರು. 8ನೇ ಬಾರಿಗೆ ಫೈನಲ್ ಪ್ರವೇಶಿಸಿರುವ ಜೊಕೋವಿಕ್ 17ನೇ ಗ್ರ್ಯಾಂಡ್‌ ಸ್ಲ್ಯಾಮ್ ಗೆಲ್ಲುವ ನಿರೀಕ್ಷೆಯಲ್ಲಿದ್ದಾರೆ.

🇷🇸 U-N-S-T-O-P-P-A-B-L-E 🇷🇸@DjokerNole def. Roger Federer for the 27th time 7-6(1) 6-4 6-3 to earn the chance to play for his 8️⃣th #AusOpen title 🏆#AO2020 pic.twitter.com/Hy7lu8AIHo

— #AusOpen (@AustralianOpen) January 30, 2020

ಇದನ್ನೂ ಓದಿ: ಮನಸು ಕದ್ದ ಚೆಲುವೆಯ ಬಗ್ಗೆ ನಿಖಿಲ್ ಕುಮಾರಸ್ವಾಮಿ ಹೇಳಿದ್ದೇನು?