Australia Open 2023: ಮೈದಾನದಲ್ಲಿಯೇ ಮಗನನ್ನು ಮುದ್ದಾಡಿದ ಸಾನಿಯಾ, ವಿಡಿಯೋ ವೈರಲ್

ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ (Sania Mirza) ಅವರು ತಮ್ಮ ಸಹ ಆಟಗಾರ ರೋಹನ್ ಬೋಪಣ್ಣ ಅವರೊಂದಿಗೆ ಆಸ್ಟ್ರೇಲಿಯಾ ಓಪನ್‌ನ (Australia Open 2023) ಮಿಶ್ರ ಡಬಲ್ಸ್‌ನಲ್ಲಿ ಫೈನಲ್​ ತಲುಪಿದ್ದಾರೆ. ಪತಿ ಶೋಯೆಬ್ ಮಲಿಕ್ (Shoaib Malik) ಅವರೊಂದಿಗಿನ ಸಾನಿಯಾ ಅವರ ಸಂಬಂಧವು ಈ ಸಮಯದಲ್ಲಿ ವಿಶೇಷವಾಗಿ ಉತ್ತಮವಾಗಿಲ್ಲದಿರಬಹುದು, ಆದರೆ ಮಗ ಅಝಾನ್ ಅವರೊಂದಿಗಿನ ಅವರ ಕೆಮಿಸ್ಟ್ರಿ ಅದ್ಭುತವಾಗಿದೆ. ಈ ಸಾನಿಯಾ ಮತ್ತು ಅವರ ಮಗ ಅಝಾನ್ ವೇಳೆ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಸಾನಿಯಾ ಪಂದ್ಯ ಮುಗಿದ ತಕ್ಷಣ ಮಗನ ಮೇಲೆ ಪ್ರೀತಿಯ ಮಳೆಗರೆಯುತ್ತಿರುವುದನ್ನು ಕಾಣಬಹುದು.

ಮಗನಿಗೆ ಮುತ್ತಿಟ್ಟ ಸಾನಿಯಾ:

ಮಗನಿಗೆ ಸಾನಿಯಾ ಮಿರ್ಜಾ ಮುತ್ತಿಟ್ಟ ಸುಂದರ ವಿಡಿಯೋವನ್ನು ಆಸ್ಟ್ರೇಲಿಯಾ ಓಪನ್‌ನ ಅಧಿಕೃತ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ಹಂಚಿಕೊಳ್ಳಲಾಗಿದೆ, ನಂತರ ಅದನ್ನು ಸಾನಿಯಾ ಕೂಡ ಹಂಚಿಕೊಂಡಿದ್ದಾರೆ. ಪಂದ್ಯ ಮುಗಿದ ಕೂಡಲೇ ಮಗ ಅಝಾನ್ ತನ್ನ ತಾಯಿಯನ್ನು ಭೇಟಿಯಾಗಲು ಟೆನಿಸ್ ಕೋರ್ಟ್‌ಗೆ ಬಂದಿದ್ದರು. ಅಲ್ಲಿ ಸಾನಿಯಾ ತನ್ನ ಮಗನನ್ನು ಮುದ್ದಾಡಿದ್ದಾರೆ. ಸ್ವಲ್ಪ ಸಮಯದ ನಂತರ ರೋಹನ್ ಪೋಪಣ್ಣ ಅವರ ಮಕ್ಕಳೂ ಟೆನಿಸ್ ಕೋಟ್ ಮೇಲೆ ಕಾಣಿಸಿಕೊಂಡರು.

View this post on Instagram

A post shared by Australian Open (@australianopen)

ಸಾನಿಯಾ ಮತ್ತು ಆಕೆಯ ಮಗ ಅಝಾನ್ ಹೈದರಾಬಾದ್‌ನಲ್ಲಿ ಒಟ್ಟಿಗೆ ವಾಸಿಸುತ್ತಿದ್ದರೆ, ಆಕೆಯ ಪತಿ ಶೋಯೆಬ್ ಮಲಿಕ್ ತನ್ನ ಕುಟುಂಬದೊಂದಿಗೆ ಪಾಕಿಸ್ತಾನದಲ್ಲಿ ವಾಸಿಸುತ್ತಿದ್ದಾರೆ. ವರದಿಗಳ ಪ್ರಕಾರ ಪತಿ-ಪತ್ನಿಯರ ನಡುವೆ ಸಂಬಂಧ ಚೆನ್ನಾಗಿಲ್ಲ. ಆಗಾಗ್ಗೆ, ಸಾನಿಯಾ ಮತ್ತು ಶೋಯೆಬ್ ಅವರ ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳಿಂದಲೂ ಸುಳಿವುಗಳು ಸಿಗುತ್ತವೆ. ಅಧಿಕೃತವಾಗಿ ಇಬ್ಬರೂ ಸಂಬಂಧದ ಬಗ್ಗೆ ಸ್ಪಷ್ಟವಾಗಿ ಏನನ್ನೂ ಈವರೆಗೆ ಬಹಿರಂಗಪಡಿಸಿಲ್ಲ.

ಇದನ್ನೂ ಓದಿ: Australia Open 2023: ಆಸ್ಟ್ರೇಲಿಯನ್ ಓಪನ್, ಫೈನಲ್​​ ಪ್ರವೇಶಿಸಿದ ಸಾನಿಯಾ ಮಿರ್ಜಾ-ರೋಹನ್ ಬೋಪಣ್ಣ

ಆಸ್ಟ್ರೇಲಿಯಾ ಓಪನ್‌ನಲ್ಲಿ ಫೈನಲ್​ ತಲುಪಿದ ಭಾರತೀಯ ಜೋಡಿ:

ಪಂದ್ಯದ ಕುರಿತು ಮಾತನಾಡುತ್ತಾ, ರೋಹನ್ ಬೋಪಣ್ಣ ಮತ್ತು ಸಾನಿಯಾ ಮಿರ್ಜಾ ಜೋಡಿ ಆಸ್ಟ್ರೇಲಿಯನ್ ಓಪನ್‌ನ ಮಿಶ್ರ ಡಬಲ್ಸ್‌ನಲ್ಲಿ ಫೈನಲ್ ತಲುಪಿದೆ. ಇಬ್ಬರೂ ಲಾಟ್ವಿಯಾ ಮತ್ತು ಸ್ಪೇನ್‌ನ ಜೆಲೆನಾ ಒಸ್ಟಾಪೆಂಕೊ ಮತ್ತು ಡೇವಿಡ್ ವೇಗಾ ಹೆರ್ನಾಂಡೆಜ್ ಜೋಡಿಯ ಮೇಲೆ ವಾಕ್‌ಓವರ್ ಮೂಲಕ ಜಯ ದಾಖಲಿಸಿದರು. ಭಾರತದ ಜೋಡಿ ಇದುವರೆಗೆ ಮಿಶ್ರ ಡಬಲ್ಸ್‌ನಲ್ಲಿ ಒಂದೇ ಒಂದು ಸೆಟ್ ಅನ್ನು ಕಳೆದುಕೊಂಡಿಲ್ಲ. ಅವರು ಈಗ ಮೂರನೇ ಶ್ರೇಯಾಂಕದ ಡಿಸೈರ್ ಕೆ ಮತ್ತು ನೀಲ್ ಸ್ಕುಪ್ಸ್ಕಿ ಮತ್ತು ಟೇಲರ್ ಟೌನ್ಸೆಂಡ್ ಮತ್ತು ಜೇಮೀ ಮರ್ರೆ ನಡುವಿನ ಪಂದ್ಯದ ವಿಜೇತರನ್ನು ಎದುರಿಸಲಿದ್ದಾರೆ.

ಅದ್ಭುತ ಪ್ರದರ್ಶನ ನೀಡುತ್ತಿರುವ ಸಾನಿಯಾ-ಬೋಪಣ್ಣ:

ಭಾರತದ ಜೋಡಿ ಪ್ರೀ ಕ್ವಾರ್ಟರ್‌ಫೈನಲ್‌ನಲ್ಲಿ ಉರುಗ್ವೆಯ ಏರಿಯಲ್ ಬೆಹರ್ ಮತ್ತು ಮಕೊಟೊ ನಿನೋಮಿಯಾ ಜೋಡಿಯನ್ನು 6-4 7-6 ಸೆಟ್‌ಗಳಿಂದ ಸೋಲಿಸಿ ಕ್ವಾರ್ಟರ್‌ಫೈನಲ್‌ಗೆ ಲಗ್ಗೆ ಇಟ್ಟರು. ಒಂದು ಗಂಟೆ 17 ನಿಮಿಷಗಳ ಕಾಲ ನಡೆದ ಪಂದ್ಯದ ಮೊದಲ ಸೆಟ್ ನಲ್ಲಿ ಭಾರತದ ಜೋಡಿ ಮೇಲುಗೈ ಸಾಧಿಸಿತು. ಇದರ ನಂತರ, ಬೆಹ್ರ್-ಮಕೋಟೊ ಜೋಡಿಯು ಅದ್ಭುತ ಪುನರಾಗಮನವನ್ನು ಮಾಡಿತು. ಬೋಪಣ್ಣ-ಮಿರ್ಜಾ ಅವರು 2017 ರಲ್ಲಿ ಫ್ರೆಂಚ್ ಓಪನ್‌ನ ಮಿಶ್ರ ಡಬಲ್ಸ್ ಪ್ರಶಸ್ತಿಯನ್ನು ಗೆದ್ದಿದ್ದರು. ಅದೇ ಸಮಯದಲ್ಲಿ, ಆಸ್ಟ್ರೇಲಿಯನ್ ಓಪನ್‌ನಲ್ಲಿ, ಸಾನಿಯಾ ಮಿರ್ಜಾ 2009ರಲ್ಲಿ ಮಹೇಶ್ ಭೂಪತಿಯೊಂದಿಗೆ ಚಾಂಪಿಯನ್ ಆಗಿದ್ದರು.