• Home
  • »
  • News
  • »
  • sports
  • »
  • AFC Cup- ಎಎಫ್​ಸಿ ಕಪ್ ಕ್ವಾರ್ಟರ್​ಫೈನಲ್​ಗೆ ಮೋಹನ್ ಬಗಾನ್; ಕೊನೆಗೂ ಗೆದ್ದ ಬೆಂಗಳೂರು

AFC Cup- ಎಎಫ್​ಸಿ ಕಪ್ ಕ್ವಾರ್ಟರ್​ಫೈನಲ್​ಗೆ ಮೋಹನ್ ಬಗಾನ್; ಕೊನೆಗೂ ಗೆದ್ದ ಬೆಂಗಳೂರು

ಮೋಹನ್ ಬಗಾನ್

ಮೋಹನ್ ಬಗಾನ್

ಏಷ್ಯಾದ ಫುಟ್ಬಾಲ್ ಕ್ಲಬ್​ಗಳ ನಡುವಿನ ಹಣಾಹಣಿಯಾದ ಎಎಫ್​ಸಿ ಕಪ್ ಟೂರ್ನಿಯಲ್ಲಿ ಭಾರತದ ಮೋಹನ್ ಬಗಾನ್ ಕ್ಲಬ್ ಕ್ವಾರ್ಟರ್ ಫೈನಲ್ ತಲುಪಿದೆ. ಬೆಂಗಳೂರಿನ ಬಿಎಫ್​ಸಿ ತಂಡ ನಿನ್ನೆ ಮಾಝಿಯಾ ವಿರುದ್ಧ ಭರ್ಜರಿ ಗೆಲುವು ಕಂಡಿತು.

  • News18
  • 2-MIN READ
  • Last Updated :
  • Share this:

    ಬೆಂಗಳೂರು: ಎಎಫ್​ಸಿ ಕಪ್ ಫುಟ್ಬಾಲ್ ಟೂರ್ನಿಯಂದ ಹೊರಬೀಳುವ ಮುನ್ನ ಬೆಂಗಳೂರು ಫುಟ್ಬಾಲ್ ಕ್ಲಬ್ ಕೊನೆಗೂ ಒಂದು ಗೆಲುವು ಕಾಣುವಲ್ಲಿ ಸಫಲವಾಗಿದೆ. ನಿನ್ನೆ ನಡೆದ ಡಿ ಗ್ರೂಪ್ ಪಂದ್ಯದಲ್ಲಿ ಮಾಲ್ಡೀವ್ಸ್ ದೇಶದ ಮಾಝಿಯಾ ಕ್ಲಬ್ ವಿರುದ್ಧ ಬೆಂಗಳೂರು 6-2 ಗೋಲುಗಳಿಂದ ಅಮೋಘ ಗೆಲುವು ಪಡೆಯಿತು. ಆದರೆ, ಬೆಂಗಳೂರಿನ ಮುನ್ನಡೆಗೆ ಈ ಗೆಲುವು ಯಾವ ಸಹಾಯವನ್ನೂ ಮಾಡದೇ ಹೋದರೂ ಮಾನ ಉಳಿಸಿಕೊಳ್ಳಲು ಸಾಧ್ಯವಾಯಿತು. ಆದರೆ, ಇದೇ ಗುಂಪಿನಿಂದ ಭಾರತದ ಮತ್ತೊಂದು ಕ್ಲಬ್ ಎಟಿಕೆ ಮೋಹನ್ ಬಗಾನ್ ಅಗ್ರಸ್ಥಾನ ಗಳಿಸಿ ಕ್ವಾರ್ಟರ್ ಫೈನಲ್ ಪ್ರವೇಶ ಮಾಡಿತು. ನಿನ್ನೆ ನಡೆದ ಪಂದ್ಯದಲ್ಲಿ ಮೋಹನ್ ಬಗಾನ್ ತಂಡ ಬಾಂಗ್ಲಾದೇಶದ ಚಾಂಪಿಯನ್ ಬಶುಂಧರಾ ಕಿಂಗ್ಸ್ ವಿರುದ್ಧ ಡ್ರಾ ಮಾಡಿಕೊಂಡಿತು. ಬೆಂಗಳೂರು ಎಫ್​ಸಿ ಮತ್ತು ಮಾಜಿಯಾ ವಿರುದ್ಧ ಗೆಲುವು ಪಡೆದಿದ್ದ ಮೋಹನ್ ಬಗಾನ್ ಅಗ್ರಸ್ಥಾನದೊಂದಿಗೆ ಕ್ವಾರ್ಟರ್​ಫೈನಲ್ ಪ್ರವೇಶ ಮಾಡಿತು.


    ಡಿ ಗುಂಪಿನಲ್ಲಿ ಮೋಹನ್ ಬಗಾನ್ 7 ಪಾಯಿಂಟ್ ಕಲೆಹಾಕಿದರೆ ಬಶುಂಧರಾ ಕಿಂಗ್ಸ್ 5 ಅಂಕಗಳೊಂದಿಗೆ ಎರಡನೇ ಸ್ಥಾನ ಪಡೆಯಿತು. ಬೆಂಗಳೂರು 4 ಅಂಕಗಳಿಗೆ ತೃಪ್ತಿಪಡಬೇಕಾಯಿತು. ಮಾಝಿಯಾಗೆ ಒಂದೂ ಅಂಕ ಸಿಗದೆ ಕೊನೆಯ ಸ್ಥಾನ ಪಡೆಯಿತು. ಇದೀಗ ನಾಕೌಟ್ ಹಂತಕ್ಕೆ ಪ್ರವೇಶ ಪಡೆದಿರುವ ಮೋಹನ್ ಬಗಾನ್ ತಂಡಕ್ಕೆ ಉಜ್ಬೆಕಿಸ್ತಾನದ ನಸಾಫ್ ಕ್ಲಬ್ ಅಥವಾ ತುರ್ಕಮೆನಿಸ್ತಾನದ ಅಹಾಲ್ ಎಫ್​ಸಿ ತಂಡ ಕ್ವಾರ್ಟರ್ ಫೈನಲ್​ನಲ್ಲಿ ಎದುರುಗೊಳ್ಳುವ ನಿರೀಕ್ಷೆ ಇದೆ. ಒಂದು ವೇಳೆ ಆ ಪಂದ್ಯವನ್ನ ಮೋಹನ್ ಬಗಾನ್ ಗೆದ್ದು ಸೆಮಿಫೈನಲ್ ಪ್ರವೇಶಿಸಿದರೆ ಹಾಂಕಾಂಗ್​ನ ಲೀ ಮಾನ್ ಕ್ಲಬ್​ನ ಸವಾಲನ್ನು ಎದುರಿಸಲಿದೆ.


    ಇದನ್ನೂ ಓದಿ: Petrol Diesel Cheaper- ದೇಶಾದ್ಯಂತ ಪೆಟ್ರೋಲ್ ಡೀಸೆಲ್ ಬೆಲೆ ಇಳಿಕೆ; ಕರ್ನಾಟಕದ ವಿವಿಧೆಡೆ ಇವತ್ತಿನ ರೇಟ್ ವಿವರ


    ಭಾರತದ ಯಾವ ಫುಟ್ಬಾಲ್ ತಂಡವೂ ಎಎಫ್​ಸಿ ಕಪ್ ಅನ್ನು ಗೆದ್ದಿದ್ದಿಲ್ಲ. ಬೆಂಗಳೂರು ತಂಡ ಫೈನಲ್ ತಲುಪಿದ್ದೇ ಈವರೆಗಿನ ಗರಿಷ್ಠ ಸಾಧನೆಯಾಗಿದೆ. ಈ ಬಾರಿ ಮೋಹನ್ ಬಗಾನ್ ತಂಡ ಪ್ರಶಸ್ತಿ ಗೆಲ್ಲುತ್ತದಾ ಎಂದು ಕಾದುನೋಡಬೇಕು.


    (ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರೂ ಕೈ ಜೋಡಿಸಬೇಕು.)

    Published by:Vijayasarthy SN
    First published: