• Home
  • »
  • News
  • »
  • sports
  • »
  • ಕಂಠೀರವ ಸ್ಟೇಡಿಯಂನಲ್ಲಿ ಬೆಂಗಳೂರಿಗರಿಂದ ಗೋಲುಗಳ ಸುರಿಮಳೆ; ಎಎಫ್​ಸಿ ಕಪ್​ನಲ್ಲಿ ಮುನ್ನಡೆ

ಕಂಠೀರವ ಸ್ಟೇಡಿಯಂನಲ್ಲಿ ಬೆಂಗಳೂರಿಗರಿಂದ ಗೋಲುಗಳ ಸುರಿಮಳೆ; ಎಎಫ್​ಸಿ ಕಪ್​ನಲ್ಲಿ ಮುನ್ನಡೆ

ಬೆಂಗಳೂರು ಎಫ್​ಸಿ

ಬೆಂಗಳೂರು ಎಫ್​ಸಿ

ಈಗ ಎಎಫ್​​ಸಿ ಕಪ್​ನ ಅರ್ಹತಾ ಸುತ್ತಿನ ಕೊನೆಯ ಹಂತದಲ್ಲಿ ಬೆಂಗಳೂರು ಎಫ್​ಸಿ ತಂಡ ಮಾಲ್ಡೀವ್ಸ್ ದೇಶದ ಮಾಜಿಯಾ ತಂಡದ ಸವಾಲು ಎದುರಿಸಲಿದೆ. ಎರಡು ಲೆಗ್​ಗಳಲ್ಲಿ ಪಂದ್ಯ ನಡೆಯಲಿದೆ. ಫೆ. 19ರಂದು ಮಾಲ್ಡೀವ್ಸ್​​ನಲ್ಲಿ ಮೊದಲ ಲೆಗ್ ಪಂದ್ಯ ನಡೆಯುತ್ತದೆ. ಫೆ. 26ರಂದು ಬೆಂಗಳೂರಿನಲ್ಲಿ ಎರಡನೇ ಲೆಗ್ ಪಂದ್ಯ ನಡೆಯಲಿದೆ.

ಮುಂದೆ ಓದಿ ...
  • News18
  • Last Updated :
  • Share this:

ಬೆಂಗಳೂರು: ಬೆಂಗಳೂರು ಫುಟ್ಬಾಲ್ ಕ್ಲಬ್ ತಂಡ ಭೂತಾನ್ ದೇಶದ ಪಾರೋ ಎಫ್​ಸಿ ವಿರುದ್ಧದ ಹಣಾಹಣಿಯಲ್ಲಿ ಭರ್ಜರಿಯಾಗಿ ಗೆದ್ದಿದೆ. ಈ ಮೂಲಕ ಎಎಫ್​ಸಿ ಕಪ್​ನ ಅರ್ಹತಾ ಸುತ್ತಿನ ಹಂತಿಮ ಹಂತ ತಲುಪಿದೆ. ನಿನ್ನೆ ಸಂಜೆ ಪಾರೋ ಎಫ್​ಸಿ ವಿರುದ್ಧ ನಡೆದ ಎರಡನೇ ಲೆಗ್ ಪಂದ್ಯದಲ್ಲಿ ಬಿಎಫ್​​ಸಿ 9-1 ಗೋಲುಗಳಿಂದ ಸೋಲಿಸಿತು. ಭೂತಾನ್​ನ ಟಿಂಫುನಲ್ಲಿ ನಡೆದಿದ್ದ ಮೊದಲ ಲೆಗ್​ನಲ್ಲಿ 1-0 ಯಿಂದ ಗೆದ್ದಿದ್ದ ಬೆಂಗಳೂರಿಗರು ಒಟ್ಟಾರೆ 10-1 ಗೋಲುಗಳಿಂದ ಈ ಹಣಾಹಣಿ ಜಯಿಸಿದ್ದಾರೆ.


ಶ್ರೀ ಕಂಠೀರವ ಸ್ಟೇಡಿಯಂನಲ್ಲಿ ನಡೆದ ಎರಡನೇ ಲೆಗ್ ಪಂದ್ಯ ನಿರೀಕ್ಷೆಮೀರಿ ಏಕಪಕ್ಷೀಯವೆನಿಸಿತು. ಮಿಡ್​ಫೀಲ್ಡರ್ ಥೋಂಗ್ ಹಾವೋಕಿಪ್ ಬರೋಬ್ಬರಿ 4 ಗೋಲು ಗಳಿಸಿದರು. ಜಮೈಕಾದ ಡೇಶೋರ್ನ್ ಬ್ರೌನ್ 3 ಗೋಲು ಹೊಡೆದರೆ, ಇನ್ನಿತರ ಎರಡು ಗೋಲುಗಳು ಜುವನನ್ ಗೋಂಜಾಲೆಜ್ ಮತ್ತು ನಿಲಿ ಪೆರ್ಡೋಮೋ ಅವರಿಂದ ಬಂದವು. ವಿಶೇಷ ಅಂದರೆ, ಬೆಂಗಳೂರು ತಂಡದ ಮಾಜಿ ಆಟಗಾರ ಛೆಂಚೋ ಗ್ಯೆಲ್​ಶೆನ್ ಅವರೇ ಪಾರೋ ಎಫ್​ಸಿ ಪರ ಗೋಲು ಗಳಿಸಿದರು. ಸ್ಟಾರ್ ಆಟಗಾರ ಸುನೀಲ್ ಛೇಟ್ರಿ ಅವರ ಅನುಪಸ್ಥಿತಿಯಲ್ಲೂ ಬೆಂಗಳೂರು ಫುಟ್ಬಾಲ್ ಕ್ಲಬ್ ತಂಡ ಇಷ್ಟು ಅನಾಯಾಸ ಗೆಲುವು ಸಾಧಿಸಿರುವುದು ಗಮನಾರ್ಹ. ಗಾಯದ ಕಾರಣದಿಂದಾಗಿ ಛೇಟ್ರಿ ಅವರಿಗೆ ವಿಶ್ರಾಂತಿ ನೀಡಲಾಗಿದೆ.


ಇದನ್ನೂ ಓದಿ: ತಾರಕಕ್ಕೇರಿದ ರಾಹುಲ್-ನೀಶಮ್ ಜಗಳ; ಟ್ವಿಟ್ಟರ್​ನಲ್ಲಿ ಕಿವೀಸ್ ಆಟಗಾರನಿಗೆ ಕನ್ನಡಿಗನಿಂದ ಖಡಕ್ ವಾರ್ನಿಂಗ್


ಈಗ ಎಎಫ್​​ಸಿ ಕಪ್​ನ ಅರ್ಹತಾ ಸುತ್ತಿನ ಕೊನೆಯ ಹಂತದಲ್ಲಿ ಬೆಂಗಳೂರು ಎಫ್​ಸಿ ತಂಡ ಮಾಲ್ಡೀವ್ಸ್ ದೇಶದ ಮಾಜಿಯಾ ತಂಡದ ಸವಾಲು ಎದುರಿಸಲಿದೆ. ಎರಡು ಲೆಗ್​ಗಳಲ್ಲಿ ಪಂದ್ಯ ನಡೆಯಲಿದೆ. ಫೆ. 19ರಂದು ಮಾಲ್ಡೀವ್ಸ್​​ನಲ್ಲಿ ಮೊದಲ ಲೆಗ್ ಪಂದ್ಯ ನಡೆಯುತ್ತದೆ. ಫೆ. 26ರಂದು ಬೆಂಗಳೂರಿನಲ್ಲಿ ಎರಡನೇ ಲೆಗ್ ಪಂದ್ಯ ನಡೆಯಲಿದೆ.


ಮಾಜಿಯಾ ತಂಡದ ವಿರುದ್ಧ ಬೆಂಗಳೂರು ಎಫ್​ಸಿ ಗೆದ್ದರೆ ಎಎಫ್​ಸಿ ಕಪ್​ನ ಪ್ರಧಾನ ಹಂತಕ್ಕೆ ಅರ್ಹತೆ ಪಡೆಯಲಿದೆ. ಇ ಗುಂಪಿನಲ್ಲಿ ಸ್ಥಾನ ಪಡೆಯಲಿದೆ. ಹಾಲಿ ಐ-ಲೀಗ್ ಚಾಂಪಿಯನ್ ಚೆನ್ನೈ ಸಿಟಿ ಎಫ್​ಸಿ ಕೂಡ ಇದೇ ಗುಂಪಿನಲ್ಲಿದೆ. ಬಾಂಗ್ಲಾದೇಶದ ಬಶುಂಧರಾ ಕಿಂಗ್, ಮಾಲ್ಡೀವ್ಸ್​ನ ಟಿಸಿ ಸ್ಪೋರ್ಟ್ಸ್ ಕ್ಲಬ್, ಚೆನ್ನೈ ಸಿಟಿ ಮತ್ತು ಬೆಂಗಳೂರು ಎಫ್​ಸಿ/ಮಾಜಿಯಾ ತಂಡಗಳು ಈ ಇ ಗುಂಪಿನಲ್ಲಿವೆ. ಮಾರ್ಚ್ 11ರಿಂದ ಇದರ ಪಂದ್ಯಗಳು ನಡೆಯಲಿವೆ.


ಇದನ್ನೂ ಓದಿ: IPL 2020: ಆರ್​ಸಿಬಿ ಫ್ರಾಂಚೈಸಿ ಮಾಡಿದ ಕೆಲಸ ಕಂಡು ದಂಗಾದ ಅಭಿಮಾನಿಗಳು; ಚಹಾಲ್ ಕೂಡ ಶಾಕ್!


ಎಎಫ್​ಸಿ ಕಪ್​ನಲ್ಲಿ ಈಗಾಗಲೇ ಮೂರು ಬಾರಿ ಆಡಿರುವ ಬೆಂಗಳೂರು ಎಫ್​ಸಿ ತಂಡ ಒಮ್ಮೆ ಫೈನಲ್​ವರೆಗೂ ಹೋಗಿ ಭಾರತದ ಮಟ್ಟಿಗೆ ಇತಿಹಾಸ ನಿರ್ಮಿಸಿತ್ತು. ಏಷ್ಯಾದ ಘಟಾನುಘಟಿ ತಂಡಗಳು ಕಣದಲ್ಲಿರುವ ಎಎಫ್​ಸಿ ಕಪ್ ಟೂರ್ನಿಯನ್ನು ಬೆಂಗಳೂರಿಗರು ಈ ಬಾರಿ ಜಯಿಸಿ ಹೊಸ ಇತಿಹಾಸ ನಿರ್ಮಿಸುತ್ತಾ ಎಂಬ ಕುತೂಹಲವಿದೆ.


ಇದೇ ವೇಳೆ, ಇಂಡಿಯನ್ ಸೂಪರ್ ಲೀಗ್ ಟೂರ್ನಿಯಲ್ಲಿ ಬೆಂಗಳೂರು ಎಫ್​ಸಿ ತಂಡ ಚಾಂಪಿಯನ್ ಪಟ್ಟ ಉಳಿಸಿಕೊಳ್ಳಲು ಅಸಾಧ್ಯವಾಗಿದೆ. 16 ಸುತ್ತುಗಳ ನಂತರ ಬಿಎಫ್​ಸಿ 29 ಅಂಕಗಳೊಂದಿಗೆ 3ನೇ ಸ್ಥಾನದಲ್ಲಿದೆ. ಇನ್ನೆರಡು ಸುತ್ತುಗಳಷ್ಟೇ ಬಾಕಿ ಇದ್ದು ಅಗ್ರ ಸ್ಥಾನಕ್ಕೇರುವ ದಾರಿ ಬಂದ್ ಆಗಿದೆ. ಗೋವಾ ಎಫ್​ಸಿ ಅಥವಾ ಕೋಲ್ಕತಾ ತಂಡಕ್ಕೆ ಈ ಬಾರಿಯ ಐಎಸ್​ಎಲ್ ಚಾಂಪಿಯನ್ ಪಟ್ಟ ದಕ್ಕಬಹುದು.


ಕ್ಷಣಕ್ಷಣದ ಬ್ರೇಕಿಂಗ್ ನ್ಯೂಸ್ ಅಲರ್ಟ್​ಗಾಗಿ ನಿಮ್ಮ ನ್ಯೂಸ್18 ಕನ್ನಡವನ್ನು ಫೇಸ್​ಬುಕ್ ಮೆಸೆಂಜರ್​ನಲ್ಲಿ ಸಬ್ಸ್​ಕ್ರೈಬ್ ಮಾಡಿ.


ನಿಮ್ಮ ನ್ಯೂಸ್ 18 ಕನ್ನಡವನ್ನು ಶೇರ್​​ಚಾಟ್​ನಲ್ಲೂ ಹಿಂಬಾಲಿಸಿ


Published by:Vijayasarthy SN
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು