Ayodhya Ram Mandir: ಜೂ. 1ರಂದು ರಾಮಮಂದಿರದ ಗರ್ಭಗುಡಿಗೆ ಅಡಿಗಲ್ಲು, ಯೋಗಿ ಆದಿತ್ಯನಾಥ್ ನೇತೃತ್ವದಲ್ಲಿ ಕಾರ್ಯಕ್ರಮ

ಜೂನ್ 1ರಂದು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಸಮ್ಮುಖದಲ್ಲಿ ಅಯೋಧ್ಯೆಯ ಶ್ರೀರಾಮ ದೇವಾಲಯದ 'ಗರ್ಭ ಗೃಹ'ದಲ್ಲಿ ಮೊದಲ ಕೆತ್ತನೆಯ ಕಲ್ಲನ್ನು ಇರಿಸಲಾಗುವುದು ಎಂದು ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನ ಉನ್ನತ ಕಾರ್ಯ ನಿರ್ವಾಹಕರೊಬ್ಬರು ಹೇಳಿದ್ದಾರೆ.

ಅಯೋಧ್ಯೆಯಲ್ಲಿ ನಿರ್ಮಾಣಗೊಳ್ಳಲಿರುವ ಶ್ರೀರಾಮ ಮಂದಿರ

ಅಯೋಧ್ಯೆಯಲ್ಲಿ ನಿರ್ಮಾಣಗೊಳ್ಳಲಿರುವ ಶ್ರೀರಾಮ ಮಂದಿರ

  • Share this:
ಉತ್ತರ ಪ್ರದೇಶ: ಕೋಟ್ಯಾಂತರ ಹಿಂದೂಗಳ (Hindu) ಬಹು ವರ್ಷಗಳ ಕನಸು (Dreams) ನನಸಾಗುವ ಕಾಲ ಸನ್ನಿಹಿತವಾಗುತ್ತಿದೆ. ಅಯೋಧ್ಯೆಯ (Ayodhye) ಶ್ರೀರಾಮ ಮಂದಿರದ (Sri Ram Mandir) ಸ್ಥಾಪನೆ ಕಾರ್ಯ ಸಾಕಾರಗೊಳ್ಳಲಿದೆ. ಯಾಕೆಂದ್ರೆ ನಾಡಿದ್ದು ಅಂದರೆ ಜೂನ್ 1ರಂದು ಶ್ರೀರಾಮ ಮಂದಿರದ ಗರ್ಭಗುಡಿ ನಿರ್ಮಾಣ ಕಾರ್ಯಕ್ಕೆ ಅಧಿಕೃತ ಚಾಲನೆ ದೊರೆಯಲಿದೆ. ಉತ್ತರ ಪ್ರದೇಶ (Uttara Pradesh) ಸಿಎಂ ಯೋಗಿ ಆದಿತ್ಯನಾಥ್ (CM Yogi Adityanath) ಅವರು ಗರ್ಭಗುಡಿ ನಿರ್ಮಾಣಕ್ಕೆ ಅಡಿಗಲ್ಲು ಹಾಕಲಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ (PM Narendra Modi) ಅವರು ಅಯೋಧ್ಯೆಯಲ್ಲಿ ರಾಮಮಂದಿರದ ಶಂಕುಸ್ಥಾಪನೆ ಮಾಡಿದ ಸುಮಾರು ಎರಡು ವರ್ಷಗಳ ನಂತರ, ಗರ್ಭಗೃಹ ನಿರ್ಮಾಣ ಕಾರ್ಯ ಪ್ರಾರಂಭವಾಗುತ್ತಿದೆ. ಈ ಅಪರೂಪದ ಕಾರ್ಯಕ್ರಮಕ್ಕೆ ಉತ್ತರ ಪ್ರದೇಶ ಸರ್ಕಾರ (Government) ಸಕಲ ಸಿದ್ಧತೆ ಮಾಡಿಕೊಂಡಿದೆ.

ಯೋಗಿ ಆದಿತ್ಯನಾಥ್ ಅವರಿಂದ ವಿದ್ಯುಕ್ತ ಚಾಲನೆ

ಜೂನ್ 1ರಂದು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಸಮ್ಮುಖದಲ್ಲಿ ಅಯೋಧ್ಯೆಯ ಶ್ರೀರಾಮ ದೇವಾಲಯದ 'ಗರ್ಭ ಗೃಹ'ದಲ್ಲಿ ಮೊದಲ ಕೆತ್ತನೆಯ ಕಲ್ಲನ್ನು ಇರಿಸಲಾಗುವುದು ಎಂದು ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನ ಉನ್ನತ ಕಾರ್ಯ ನಿರ್ವಾಹಕರೊಬ್ಬರು ಹೇಳಿದ್ದಾರೆ. ರಾಮ ಲಲ್ಲಾ ಮತ್ತು ಅವರ ಮೂವರು ಸಹೋದರರ ವಿಗ್ರಹಗಳನ್ನು ಇರಿಸುವ ಮೂಲಕ 'ಗರ್ಭ ಗೃಹ' ನಿರ್ಮಾಣಕ್ಕೆ ಚಾಲನೆ ನೀಡಲಾಗುತ್ತದೆ.

ಅಡಿಪಾಯದ ಕೆಲಸ ಈಗಾಗಲೇ ಪೂರ್ಣ

ಶ್ರೀರಾಮ ಮಂದಿರದ ಅಡಿಪಾಯ ಮತ್ತು ಸ್ತಂಭ ರಚನೆಯ ಅತ್ಯಂತ ಕಡಿಮೆ ಕಾಲಮ್‌ನಲ್ಲಿ ಭಾರವಾದ ಬೇಸ್ ನಿರ್ಮಾಣದ ಕೆಲಸ ಪೂರ್ಣಗೊಂಡಿದೆ. ಈಗ ಗರ್ಭ ಗೃಹದ ಸರದಿ, ”ಕಾರ್ಯಕರ್ತರು, ‘ಸರ್ವಾರ್ಥ ಸಿದ್ಧಿ’ಅಥವಾ ಕಾರ್ಯದ ಸಂಪೂರ್ಣ ಸಾಧನೆಗಾಗಿ ಜೂನ್ 1 ಮಂಗಳಕರವಾಗಿದ್ದು ಅಂದೇ ಅಧಿಕೃತ ಚಾಲನೆ ನೀಡಲು ಟ್ರಸ್ಟ್ ನಿರ್ಧರಿಸಿದೆ.

ಇದನ್ನೂ ಓದಿ: Explained: ತಾಂಬೂಲ ಪ್ರಶ್ನೆ ಎಂದರೇನು? ಇದರ ಆಚರಣೆ, ಮಹತ್ವಗಳ ಬಗ್ಗೆ ಇಲ್ಲಿದೆ ಮಾಹಿತಿ

11 ಅರ್ಚಕರಿಂದ ವಿಶೇಷ ಧಾರ್ಮಿಕ ವಿಧಿ ವಿಧಾನ

ಒಟ್ಟು 11 ಮಂದಿ ಅರ್ಚಕರು ಬೆಳಗ್ಗೆ 9 ಗಂಟೆ ಸುಮಾರಿಗೆ ಪೂಜೆ ನೆರವೇರಿಸಲಿದ್ದು, 11 ಗಂಟೆಯವರೆಗೆ ನಡೆಯಲಿದೆ. ಅಂದು ವಿವಿಧ ಧಾರ್ಮಿಕ ಕಾರ್ಯಗಳೂ ಸಹ ನಡೆಯಲಿವೆ.

2023ರ ಒಳಗೆ ಮಂದಿರ ನಿರ್ಮಾಣ ಪೂರ್ಣ

ಮಾಜಿ ಅಧಿಕಾರಿ ನೃಪೇಂದ್ರ ಮಿಶ್ರಾ ನೇತೃತ್ವದ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನ ನಿರ್ಮಾಣ ಸಮಿತಿಯು ಡಿಸೆಂಬರ್ 2023 ರೊಳಗೆ ಗರ್ಭಗುಡಿಯ ನಿರ್ಮಾಣ ಕಾರ್ಯವನ್ನು ಪೂರ್ಣಗೊಳಿಸುವ ತಾತ್ಕಾಲಿಕ ಗಡುವನ್ನು ನಿಗದಿಪಡಿಸಿದೆ.

ಅತ್ಯುತ್ತಮ ಶಿಲೆಗಳಿಂದ ಮಂದಿರ ನಿರ್ಮಾಣ

2020ರ ಮಾರ್ಚ್‌ನಲ್ಲಿ ಮಂದಿರದ ಪರವಾಗಿ ಸುಪ್ರೀಂ ಕೋರ್ಟ್ ತೀರ್ಪು ನೀಡಿದ ಕೇವಲ ಐದು ತಿಂಗಳ ನಂತರ ನಿರ್ಮಾಣ ಕಾರ್ಯ ಆರಂಭವಾಗಿತ್ತು. ದೇವಾಲಯದ ಗರ್ಭಗುಡಿಯ ನಿರ್ಮಾಣಕ್ಕಾಗಿ, ರಾಜಸ್ಥಾನದ ಮಕ್ರಾನಾದ ಬಿಳಿ ಅಮೃತಶಿಲೆಯನ್ನು ಬಳಸಲಾಗುವುದು. ಮುಖ್ಯ ರಚನೆಯು ರಾಜಸ್ಥಾನದ ಭರತ್‌ಪುರ ಜಿಲ್ಲೆಯ ಬನ್ಸಿ ಪಹಾರ್‌ಪುರದಿಂದ ಗುಲಾಬಿ ಮರಳುಗಲ್ಲುಗಳನ್ನು ಒಳಗೊಂಡಿರುತ್ತದೆ. ರಾಮ ಮಂದಿರದ ಮುಖ್ಯ ರಚನೆಯಲ್ಲಿ ಸುಮಾರು 4.7 ಲಕ್ಷ ಕ್ಯೂಬಿಕ್ ಅಡಿ ಕೆತ್ತಿದ ಕಲ್ಲುಗಳನ್ನು ಬಳಸಲಾಗುವುದು.

ಇದನ್ನೂ ಓದಿ: Anubhava Mantapa Vs Peer Pasha Dargah: ಪೀರ್ ಪಾಶಾ ದರ್ಗಾದಲ್ಲಿದೆಯಾ ಅನುಭವ ಮಂಟಪ?

1990 ರ ದಶಕದ ಆರಂಭದಲ್ಲಿ ರಾಮ ಮಂದಿರ ಚಳವಳಿಯ ಉತ್ತುಂಗದಲ್ಲಿ ಭಾರತದ 3.5 ಲಕ್ಷ ಹಳ್ಳಿಗಳಲ್ಲಿ ಪೂಜಿಸಲ್ಪಟ್ಟ 'ಶಿಲೆ ಹಾಗೂ ಇಟ್ಟಿಗೆಗಳನ್ನು ದೇವಾಲಯದ ನಿರ್ಮಾಣದಲ್ಲಿಯೂ ಬಳಸಲಾಗುವುದು ಎಂದು ತಿಳಿದುಬಂದಿದೆ. ರಾಮ್ ಘಾಟ್ ಕಾರ್ಯಾಗಾರದಲ್ಲಿ ಇರಿಸಲಾಗಿದ್ದ ‘ಶಿಲೆಗಳು ವಾಸ್ತು ಶಾಸ್ತ್ರದ ಪ್ರಕಾರ ಉತ್ತರ ಮತ್ತು ಪೂರ್ವ ದಿಕ್ಕುಗಳ ಸಂಗಮವಾದ ‘ಇಶಾನ್ ಕೋನ್’ ನಲ್ಲಿ ನಿಯೋಜನೆಗಾಗಿ ನಿರ್ಮಾಣ ಸ್ಥಳವನ್ನು ತಲುಪಿವೆ ಎಂದು ಮೂಲಗಳು ತಿಳಿಸಿವೆ.
Published by:Annappa Achari
First published: