HOME » NEWS » National-international » XI JINPING SAYS CHINA MUST BUILD AN IMPREGNABLE FORTRESS TO FIGHT SPLITTISM IN TIBET SNVS

ಬೌದ್ಧ ಧರ್ಮ ಸಮಾಜವಾದಕ್ಕೆ ತೆರೆದುಕೊಳ್ಳಬೇಕು; ಟಿಬೆಟ್​ನಲ್ಲಿ ವಿಭಜಕ ಶಕ್ತಿ ತಡೆಯಲು ಅಭೇದ್ಯ ಕೋಟೆ ನಿರ್ಮಿಸಬೇಕು: ಚೀನಾ

ಟಿಬೆಟ್​ನಲ್ಲಿ ಸ್ಥಿರತೆ ಕಾಯ್ದುಕೊಳ್ಳಲು, ರಾಷ್ಟ್ರೀಯ ಏಕತೆ ರಕ್ಷಿಸಲು ಹಾಗೂ ವಿಭಜಕ ಶಕ್ತಿಯ ವಿರುದ್ಧದ ಹೋರಾಟದಲ್ಲಿ ಜನರಿಗೆ ಅರಿವು ಮೂಡಿಸಲು ಚೀನಾ ಅಭೇದ್ಯ ಕೋಟೆ ನಿರ್ಮಿಸಬೇಕು ಎಂದು ಚೀನಾ ಅಧ್ಯಕ್ಷರು ಹೇಳಿದ್ದಾರೆ.

news18
Updated:August 30, 2020, 4:32 PM IST
ಬೌದ್ಧ ಧರ್ಮ ಸಮಾಜವಾದಕ್ಕೆ ತೆರೆದುಕೊಳ್ಳಬೇಕು; ಟಿಬೆಟ್​ನಲ್ಲಿ ವಿಭಜಕ ಶಕ್ತಿ ತಡೆಯಲು ಅಭೇದ್ಯ ಕೋಟೆ ನಿರ್ಮಿಸಬೇಕು: ಚೀನಾ
ಕ್ಸಿ ಜಿನ್​ಪಿಂಗ್
  • News18
  • Last Updated: August 30, 2020, 4:32 PM IST
  • Share this:
ಶಾಂಘೈ(ಆ. 30): ಕಾಶ್ಮೀರದಲ್ಲಿ ವಿಭಜಕ ಶಕ್ತಿಗಳಿಗೆ ಪರೋಕ್ಷ ಬೆಂಬಲ ನೀಡುವ ಚೀನಾ ದೇಶ ತನ್ನ ದೇಶದೊಳಗಿನ ವಿಭಜಕ ಶಕ್ತಿ ನಿಗ್ರಹಿಸಲು ಸಕಲ ತಂತ್ರ-ಶಕ್ತಿ ಪ್ರಯೋಗಿಸುವುದು ಎಲ್ಲರಿಗೂ ತಿಳಿದ ವಿಚಾರ. ಇಲ್ಲಿ ಕಮ್ಯೂನಿಸ್ಟ್ ಪಕ್ಷದ ಹಿರಿಯ ನಾಯಕರು ಹಾಗೂ ಸರ್ಕಾರ ನಿಯಂತ್ರಿತ ಮಾಧ್ಯಮವನ್ನುದ್ದೇಶಿಸಿ ಮಾತನಾಡಿದ ಚೀನಾ ಅಧ್ಯಕ್ಷ ಕ್ಸಿ ಜಿನ್​ಪಿಂಗ್, ಟಿಬೆಟ್​ನಲ್ಲಿ ವಿಭಜಕ ಶಕ್ತಿಯ ವಿರುದ್ಧ ಹೋರಾಡಲು ಅಭೇದ್ಯ ಕೋಟೆ ನಿರ್ಮಿಸುವ ಬಗ್ಗೆ ಹಾಗೂ ಧಾರ್ಮಿಕತೆ ಸುಧಾರಣೆ ಆಗುವ ಬಗ್ಗೆ ಮಾಡಿದ್ದಾರೆ.

ಟಿಬೆಟ್​ನಲ್ಲಿ ಸ್ಥಿರತೆ ಕಾಯ್ದುಕೊಳ್ಳಲು, ರಾಷ್ಟ್ರೀಯ ಏಕತೆ ರಕ್ಷಿಸಲು ಹಾಗೂ ವಿಭಜಕ ಶಕ್ತಿಯ ವಿರುದ್ಧದ ಹೋರಾಟದಲ್ಲಿ ಜನರಿಗೆ ಅರಿವು ಮೂಡಿಸಲು ಚೀನಾ ಅಭೇದ್ಯ ಕೋಟೆ ನಿರ್ಮಿಸಬೇಕು ಎಂದು ಚೀನಾ ಅಧ್ಯಕ್ಷರು ಹೇಳಿದ್ದಾರೆ.

ಟಿಬೆಟ್​ನ ಬೌದ್ಧ ತತ್ವವು ಚೀನಾದ ಪರಿಸ್ಥಿತಿಗೆ ಮತ್ತು ಸಮಾಜವಾದಕ್ಕೆ ತೆರೆದುಕೊಳ್ಳುವ ಅಗತ್ಯತೆ ಇದೆ. ಟಿಬೆಟ್​ನ ಶಾಲೆಗಳಲ್ಲಿ ರಾಜಕೀಯ ಮತ್ತು ತಾತ್ವಿಕ ಶಿಕ್ಷಣವನ್ನು ಬಲಗೊಳಿಸಬೇಕು. ಚೀನಾವನ್ನು ಆಳವಾಗಿ ಪ್ರೀತಿಸುವ ಭಾವನೆಯನ್ನು ಪ್ರತಿಯೊಬ್ಬ ಯುವಜನರಲ್ಲೂ ಬಿತ್ತಬೇಕು. ಒಗ್ಗಟ್ಟಾಗಿರುವ, ಸಮೃದ್ಧವಾಗಿರುವ, ನಾಗರಿಕವಾಗಿರುವ, ಸೌಹಾರ್ದಯುತವಾಗಿರುವ ಹಾಗೂ ಸುಂದರ ಆಧುನಿಕ ಟಿಬೆಟ್ ತಯಾರಾಗಬೇಕು ಎಂದು ಈ ವೇಳೆ ಚೀನಾ ಅಧ್ಯಕ್ಷರು ಕರೆ ನೀಡಿದ್ದಾರೆ.

ಇದನ್ನೂ ಓದಿ: Mann Ki Baat - ಭಾರತೀಯ ಬೊಂಬೆ ಮತ್ತು ಕಂಪ್ಯೂಟರ್ ಗೇಮ್​ಗಳ ಉದ್ಯಮ ಬೆಳೆಸಿ: ಮನ್ ಕೀ ಬಾತ್​ನಲ್ಲಿ ಪ್ರಧಾನಿ ಕರೆ

ಚೀನಾ ದೇಶ 1950ರಲ್ಲಿ ಟಿಬೆಟ್ ಅನ್ನು ಆಕ್ರಮಿಸಿಕೊಂಡಿತು. ಅಲ್ಲಿ ಪ್ರತಿರೋಧ ತೋರಿದವರನ್ನು ಹತ್ತಿಕ್ಕಲಾಯಿತು. ದಲೈ ಲಾಮ ತಪ್ಪಿಸಿಕೊಂಡು ಭಾರತದ ಆಶ್ರಯ ಪಡೆದರು. ಚೀನಾದ ಬೇರೆ ಭಾಗದ ಜನರನ್ನು ಟಿಬೆಟ್​ಗೆ ಕಳುಹಿಸಿ ಆ ಪ್ರದೇಶವನ್ನು ತನ್ನ ನಿಯಂತ್ರಣದಲ್ಲಿರಿಸಿದೆ. ಈಗ ಭಾರತದ ಅರುಣಾಚಲಪ್ರದೇಶ, ಲಡಾಖ್, ಸಿಕ್ಕಿಂ ಮೊದಲಾದ ಕೆಲ ಪ್ರದೇಶಗಳು ಟಿಬೆಟ್​ನ ಭಾಗವೆಂದೇ ಚೀನಾ ಪರಿಗಣಿಸಿದೆ. ಅದಕ್ಕಾಗೇ ಭಾರತದ ಮೇಲೆ ಪದೇಪದೇ ಕಿತಾಪತಿ ನಡೆಸುತ್ತದೆ ಎಂಬುದು ಕೆಲ ಚೀನಾ ವ್ಯವಹಾರಗಳ ತಜ್ಞರ ಅನಿಸಿಕೆ.
Published by: Vijayasarthy SN
First published: August 30, 2020, 4:32 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories