ಒಂದು ಬಾಟಲ್ ವಿಸ್ಕಿಗೆ 1 ಕೋಟಿ ರೂ ಕೊಟ್ಟು ಕೊಂಡ ಭೂಪ, ಹಳೆಯದಾದಷ್ಟೂ ಮದ್ಯಕ್ಕೆ ಪವರ್ ಜಾಸ್ತಿ ಅನ್ನೋದು ನಿಜಾನಾ?

ನಮ್ಮ ಜಗತ್ತಲ್ಲಿ ಮದ್ಯಪಾನ ಪ್ರಿಯರಿಗೇನೂ ಕೊರತೆ ಇಲ್ಲ ಬಿಡಿ. ಎಷ್ಟು ಹಣ ಕೊಟ್ಟಾದರೂ ಬೇರೆ ಬೇರೆ ಬ್ರ್ಯಾಂಡ್‌ ಮದ್ಯ ಖರೀದಿಸಲು ಹಲವರು ಮುಂದಾಗುತ್ತಾರೆ. ಅದೇ ರೀತಿ ಹಳೆಯ ಮದ್ಯಕ್ಕೂ ಬೆಲೆ ಜಾಸ್ತಿ ಅಂತಾರೆ. ಈ ಸುದ್ದಿಯಲ್ಲೂ ಹೀಗೆ ಆಗಿದೆ ನೋಡಿ.. 1850 ರಲ್ಲಿ ವಿಸ್ಕಿಯನ್ನು ಬಾಟಲಿ ಮಾಡಲಾಗಿರುವ ಹಾಗೂ ಅದರೊಳಗಿನ ಮದ್ಯ ಬಾಟಲ್‌ಗೆ ಹಾಕುವುದಕ್ಕಿಂತ ಒಂದು ಶತಮಾನದಷ್ಟು ಹಳೆಯದಾಗಿರುವ ಅಂದರೆ ಸುಮಾರು 250 ವರ್ಷಗಳ ಹಳೆಯ ವಿಸ್ಕಿಯನ್ನು ಬಾಟಲ್‌ ಜತೆಗೆ ಹರಾಜು ಹಾಕಲಾಗಿದೆ. ಅಲ್ಲದೆ, ಈ ವಿಸ್ಕಿ ಬಾಟಲ್‌ ಒಮ್ಮೆ ಪ್ರಸಿದ್ಧ ಫೈನಾನ್ಶಿಯರ್ ಜೆ.ಪಿ. ಮೋರ್ಗನ್‌ ಅವರಿಗೆ ಸೇರಿತ್ತು ಎಂದು ತಿಳಿದುಬಂದಿದೆ. ಇಷ್ಟೆಲ್ಲ ವಿಶೇಷತೆ ಇರುವ ವಿಸ್ಕಿಯ ಮೂಲ ಬೆಲೆ ಬೆಲೆಯ 6 ಪಟ್ಟು ದರವನ್ನು ಹರಾಜಿನಲ್ಲಿ ಇರಿಸಲಾಗಿತ್ತು. ಅಂದ ಹಾಗೆ ಇದು ಎಷ್ಟು ಮೊತ್ತಕ್ಕೆ ಹರಾಜಾಯ್ತು ಅಂತೀರಾ..?

137,000 ಡಾಲರ್‌ ಅಂದರೆ ಭಾರತೀಯ ಕರೆನ್ಸಿ ಮೌಲ್ಯದಲ್ಲಿ ಬರೋಬ್ಬರಿ 1 ಕೋಟಿ ರೂ. ಗೂ ಅಧಿಕ. ಬಾಟಲಿಯ ಲೇಬಲ್‌ನಲ್ಲಿ ಈ ಬೌರ್ಬನ್ ಬಹುಶಃ 1865 ಕ್ಕಿಂತ ಮೊದಲು ತಯಾರಿಸಲ್ಪಟ್ಟಿದೆ ಮತ್ತು ಶ್ರೀ ಜಾನ್ ಪಿಯರ್‌ಪಾಯಿಂಟ್‌ ಮೋರ್ಗನ್ ಅವರ ನೆಲಮಾಳಿಗೆಗಳಲ್ಲಿತ್ತು, ಅವರ ಮರಣದ ನಂತರ ಅದನ್ನು ಅವರ ಎಸ್ಟೇಟ್‌ನಿಂದ ಸ್ವಾಧೀನಪಡಿಸಿಕೊಂಡಿತು" ಎಂದು ಉಲ್ಲೇಖಿಸಲಾಗಿದೆ.

ಇದನ್ನೂ ಓದಿ: Whatsapp: ಫೋನ್ ಇಲ್ಲದಿದ್ರೂ ವಾಟ್ಸಪ್ ಮೆಸೇಜ್ ಕಳಿಸಬಹುದು, ಹೇಗೆ? ಇಲ್ಲಿದೆ ಫುಲ್ ಡೀಟೆಲ್ಸ್

ಸ್ಕಿನ್ನರ್ ಇಂಕ್ ಎಂಬ ಹರಾಜಿನ ಮನೆಯಿಂದ ಬಾಟಲಿಯನ್ನು 20,000 ಡಾಲರ್‌ ಮತ್ತು 40,000 ಡಾಲರ್‌ ನಡುವೆ ಪಡೆಯಲಾಗಿತ್ತು. ಆದರೆ, ನಂತರ ಅದನ್ನು ಮಿಡ್‌ಟೌನ್‌ ಮ್ಯಾನ್‌ಹಾಟನ್‌ನಲ್ಲಿರುವ ಮ್ಯೂಸಿಯಂ ಮತ್ತು ಸಂಶೋಧನಾ ಸಂಸ್ಥೆಯಾದ ದಿ ಮೋರ್ಗನ್‌ ಲೈಬ್ರರಿಗೆ 137,500 ಡಾಲರ್‌ ಬೆಲೆಗೆ ಮಾರಾಟ ಮಾಡಲಾಯಿತು. ಈ ಹರಾಜು ಜೂನ್ 30 ರಂದು ಕೊನೆಗೊಂಡಿದೆ ಎಂದು ತಿಳಿದುಬಂದಿದೆ.

ಮೋರ್ಗನ್ ಅವರ ನೆಲಮಾಳಿಗೆಯಲ್ಲಿ ಇರಿಸಲಾಗಿರುವ ಮೂರು ಗುಂಪಿನಿಂದ ಉಳಿದಿರುವ ಏಕೈಕ ಬಾಟಲಿ ಇದಾಗಿದೆ ಎಂದು ಭಾವಿಸಲಾಗಿದೆ. ಆದರೆ, ಈ ಎರಡು ಶತಮಾನಗಳಷ್ಟು ಹಳೆಯದಾದ ಮದ್ಯವನ್ನು ಈಗ ಕುಡಿಯುವುದು ಅಸಂಭವವಾಗಿದೆ. ಏಕೆಂದರೆ ವಿಸ್ಕಿ ಬಾಟಲಿಯಲ್ಲಿ ಹಾಗೆ ಇದ್ದರೆ 10 ವರ್ಷಗಳವರೆಗೆ ಮಾತ್ರ ಇರುತ್ತದೆ ಎಂದು ಡೈಲಿ ಮೇಲ್‌ ವರದಿಗಳು ಹೇಳುತ್ತವೆ.

ಇದನ್ನೂ ಓದಿ: Darshan vs Umapathy: ದರ್ಶನ್ - ಉಮಾಪತಿ ಗಲಾಟೇಲಿ ಪ್ರೇಮ್ ಸಿಕ್ಕಿಕೊಂಡಿದ್ದು ಹೇಗೆ? ಅಷ್ಟಕ್ಕೂ ಪುಡಾಂಗ್ ಅಂದ್ರೆ ಏನು?

ಬಾಟಲಿಯೊಳಗಿನ ದ್ರವವನ್ನು ಪರಿಶೀಲಿಸಿದ ನಂತರ ವಿಸ್ಕಿಯನ್ನು ಶೇಕಡಾ 53 ರಷ್ಟು ಬೌರ್ಬನ್ ಹೊಂದಿದೆ ಎಂದು ನಿರ್ಧರಿಸಲಾಗಿದೆ. ಹಾಗೆ, ಇದನ್ನು ಬಹುಶಃ 1763 ಮತ್ತು 1803 ರ ನಡುವೆ ತಯಾರಿಸಲಾಗಿದೆ. ಈ ದಿನಾಂಕಗಳನ್ನು ಐತಿಹಾಸಿಕ ಸಂದರ್ಭದಲ್ಲಿ ನೋಡಿದರೆ 1770 ರ ಆಸುಪಾಸಿನಲ್ಲಿ ನಡೆದ ಕ್ರಾಂತಿಕಾರಿ ಯುದ್ಧ ಮತ್ತು 1790 ರ ಆಸುಪಾಸಿನಲ್ಲಿ ನಡೆದ ವಿಸ್ಕಿ ದಂಗೆಯ ಸಮಯದಲ್ಲಿ ಈ ವಿಸ್ಕಿಯನ್ನು ತಯಾರಿಸಲಾಗಿದೆ ಎನ್ನಲಾಗಿದೆ.

ಇನ್ನೊಂದೆಡೆ, ಬಾಲ್ಟಿಕ್‌ ಸಮುದ್ರದ ಆಳದಲ್ಲಿ ಹಳೆಯ ಖನಿಜಯುಕ್ತ ನೀರಿನ ಬಾಟಲಿ ಕಂಡುಬಂದಿತ್ತು. ಈ ಬಾಟಲಿಯು 12 ಇಂಚು ಉದ್ದವಿದ್ದು, ಅದರ ಮೇಲೆ ‘ಸೆಲ್ಟರ್ಸ್‌’ ಎಂದು ಕೆತ್ತಲಾಗಿದೆ. ಕುತೂಹಲಕಾರಿಯಾಗಿ, ಸೆಲ್ಟರ್ಸ್ ಜರ್ಮನಿಯ ಐಷಾರಾಮಿ ನೀರಿನ ಬ್ರ್ಯಾಂಡ್‌ ಆಗಿದ್ದು, ಇಂದಿಗೂ ಮಾರಾಟವಾಗುತ್ತಿದೆ ಮತ್ತು 19 ನೇ ಶತಮಾನದಲ್ಲಿ ಜನಪ್ರಿಯತೆ ಗಳಿಸಿತ್ತು. ಪೋಲಿಷ್ ಪುರಾತತ್ತ್ವಜ್ಞರ ಗುಂಪೊಂದು ಬಾಟಲಿಯನ್ನು ಗಡಾನ್ಸ್ಕ್ ಕೊಲ್ಲಿಯಲ್ಲಿ ನೀರಿನಿಂದ 40 ಅಡಿ ಕೆಳಗೆ ಬಾಟಲಿ ಕಂಡುಕೊಳ್ಳಲಾಗಿದೆ. ಈ ಅತ್ಯಂತ ಅಪರೂಪದ ಬಾಟಲ್ ಉತ್ತಮ ಸ್ಥಿತಿಯಲ್ಲಿತ್ತು. 1806-1830ರ ನಡುವೆ ಬಾಟಲಿಯನ್ನು ಉತ್ಪಾದಿಸಲಾಗಿದೆ ಎಂದು ನಂಬಲಾಗಿದೆ.

ಪುರಾತತ್ತ್ವಜ್ಞರು ಈ ಬಾಟಲಿಯನ್ನು ಇನ್ನೂ ಓಪನ್‌ ಮಾಡಿಲ್ಲ. ಮತ್ತು 200 ವರ್ಷಗಳ ನಂತರ ಈ ನೀರಿನ ರುಚಿ ಹೇಗಿರುತ್ತದೆ ಎಂದು ಖಚಿತವಾಗಿ ತಿಳಿದಿಲ್ಲ. ಈ ಬಾಟಲಿಯು ಧ್ವಂಸವಾಗಿರುವ ಹಡಗಿನಲ್ಲಿ ಪತ್ತೆಯಾಗಿದ್ದು, ಆ ಹಡಗು ಧ್ವಂಸವನ್ನು ಪತ್ತೆಹಚ್ಚಲು ಸಹ ಅವರಿಗೆ ಸಹಾಯ ಮಾಡಬಹುದು ಎನ್ನಲಾಗಿದೆ. ನೀರಿನ ಬಾಟಲಿಯ ಹೊರತಾಗಿ, ಪಿಂಗಾಣಿ, ಬಟ್ಟಲುಗಳು ಮತ್ತು ಡಿನ್ನರ್‌ ಸಾಮಾನುಗಳ ಭಾಗಗಳು ಸಹ ಸಮುದ್ರದಲ್ಲಿ ಕಂಡುಬಂದಿತ್ತು.