World Rose Day 2020: ಇಂದು ವಿಶ್ವ ಗುಲಾಬಿ ದಿನ; ಕ್ಯಾನ್ಸರ್​​ ರೋಗಿಗಳನ್ನು ನೋಡುವ ದೃಷ್ಟಿ ಬದಲಾಯಿಸಿಕೊಳ್ಳೋಣ..!

ಇಂದು ವಿಶ್ವ ಗುಲಾಬಿ ದಿನ. ಈ ದಿನವನ್ನು ವಿಶೇಷವಾಗಿ ಕ್ಯಾನ್ಸರ್​ ವಿರುದ್ಧವಾಗಿ ಹೋರಾಡುತ್ತಿರುವ ಜನರಲ್ಲಿ ಭರವಸೆ ಮತ್ತು ಉಲ್ಲಾಸವನ್ನು ಮೂಡಿಸಲು ಮೀಸಲಿಡಲಾಗಿದೆ. ಹೀಗಾಗಿ ಪ್ರತೀ ವರ್ಷ ಸೆಪ್ಟೆಂಬರ್ 22ರಂದು ವಿಶ್ವ ಗುಲಾಬಿ ದಿನವನ್ನಾಗಿ ಆಚರಿಸಲಾಗುತ್ತದೆ. ಕ್ಯಾನ್ಸರ್​​​ ರೋಗಿಗಳಿಗೆ ನೀಡಲಾಗುವ ಚಿಕಿತ್ಸೆ ತೀರಾ ಕಠಿಣವಾಗಿರುತ್ತದೆ. ಅವರ ಮೇಲೆ ಮಾನಸಿಕ ಪರಿಣಾಮ ಬೀರುತ್ತದೆ. ಹೀಗಾಗಿ ಕ್ಯಾನ್ಸರ್​ ಪೀಡಿತ ರೋಗಿಗಳನ್ನು ಉಲ್ಲಾಸದಿಂದ ಇಡಬೇಕಿರುವುದು ಬಹಳ ಮುಖ್ಯ ಎಂದು ತಜ್ಞರು ಹೇಳುತ್ತಾರೆ. ಆದ್ದರಿಂದ ಪ್ರತಿದಿನ ಅವರಿಗೆ ಗುಲಾಬಿ ದಿನವಾಗಿರಬೇಕು. ಹಾಗಾಗಿ ಕ್ಯಾನ್ಸರ್​ ರೋಗಿಗಳ ಜೀವನದಲ್ಲಿ ಸಂತೋಷವನ್ನು ತರಲು ಪ್ರತೀ ವರ್ಷ ಸೆಪ್ಟೆಂಬರ್ 22ನ್ನು ವರ್ಲ್ಡ್​ ರೋಸ್ ಡೇ ಅಥವಾ ವಿಶ್ವ ಗುಲಾಬಿ ದಿನ ಎಂದು ಆಚರಿಸಲಾಗುತ್ತದೆ. ಜೊತೆಗೆ ಕ್ಯಾನ್ಸರ್ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವ ದಿನವೂ ಸಹ ಆಗಿದೆ.

Coronavirus India: ದೇಶದಲ್ಲಿ ನಿಲ್ಲದ ಕೊರೋನಾ ಹಾವಳಿ; 55 ಲಕ್ಷ ದಾಟಿದ‌ ಸೋಂಕಿತರ ಸಂಖ್ಯೆ

ನಾವು ಕ್ಯಾನ್ಸರ್​ ರೋಗಿಗಳನ್ನು ನೋಡುವ ದೃಷ್ಟಿಯನ್ನು ಬದಲಾಯಿಸಿಕೊಳ್ಳಬೇಕು ಎಂದು ತಜ್ಞರು ಹೇಳುತ್ತಾರೆ. ಕ್ಯಾನ್ಸರ್​​ನ್ನು ಹೆಚ್ಚಾಗಿ ಸಿ ಎಂಬ ಪದದಿಂದ ಕರೆಯಲಾಗುತ್ತದೆ. ಇತ್ತೀಚೆಗೆ ಕ್ಯಾನ್ಸರ್​​​ ರೋಗಿಗಳಿಗೆ ಸುಧಾರಿತ ಚಿಕಿತ್ಸೆಗಳನ್ನು ನೀಡುತ್ತಿರುವುದರಿಂದ ಈ ಪದವನ್ನು ಹೆಚ್ಚಾಗಿ ಬಳಸುತ್ತಿಲ್ಲ.



ವಿಶ್ವ ಗುಲಾಬಿ ದಿನದಂದು ನಾವು ಮುಖ್ಯವಾಗಿ ಬಿಡುವು ಮಾಡಿಕೊಂಡು ಕ್ಯಾನ್ಸರ್​​ ರೋಗಗಳೊಂದಿಗೆ ಸಮಯ ಕಳೆಯುವುದು ಬಹಳ ಮುಖ್ಯವಾಗುತ್ತದೆ. ಗುಲಾಬಿ ಮೃದುತ್ವ, ಪ್ರೀತಿ ಮತ್ತು ಕಾಳಜಿಯ ಸಂಕೇತವಾಗಿದೆ. ವಿಶ್ವ ಗುಲಾಬಿ ದಿನದಂದು ಕ್ಯಾನ್ಸರ್​​​ ರೋಗಿಗಳ ಬಗ್ಗೆ ಎಷ್ಟು ಕಾಳಜಿ ವಹಿಸುತ್ತೇವೆ ಎಂದು ತಿಳಿಸುವ ಪ್ರಯತ್ನ ಮಾಡಲಾಗುತ್ತದೆ. ಹೀಗಾಗಿ ವಿಶ್ವ ಗುಲಾಬಿ ದಿನದಂದು ಕ್ಯಾನ್ಸರ್ ರೋಗಿಗಳಿಗೆ ಗುಲಾಬಿ ಹೂಗಳನ್ನು ನೀಡಲಾಗುತ್ತದೆ.