ಟೀ ಶರ್ಟ್ ಮೇಲೆ ಟ್ರಂಪ್ ವಿರೋಧಿ ಬರಹ: ಆಕ್ಷೇಪಿಸಿದ್ದಕ್ಕೆ ಬಟ್ಟೆ ಕಳಚಿ ಬೆತ್ತಲಾಗಿ ವೋಟು ಹಾಕಿದ ಹುಡುಗಿ

ಆಕೆ ಟೀ ಶರ್ಟ್​ ತೆಗೆಯಬೇಕೆಂಬುದು ನಮ್ಮ ಉದ್ದೇಶವಾಗಿರಲಿಲ್ಲ. ಹೊರಗೆ ಹೋಗಿ ಅದೇ ಟೀ ಶರ್ಟ್​ಅನ್ನು ಒಳಮುಖವಾಗಿ ಧರಿಸಿ ಬಂದಿದ್ದರೂ ಆಗುತ್ತಿತ್ತು. ಅದಕ್ಕೆ ಅವಕಾಶವನ್ನೇ ಕೊಡದೇ ಬಟ್ಟೆ ಕಳಚಿದ್ದಾಳೆ ಎಂದು ಅಧಿಕಾರಿ ಹೇಳಿದ್ದಾರೆ.

news18-kannada
Updated:September 10, 2020, 8:50 PM IST
ಟೀ ಶರ್ಟ್ ಮೇಲೆ ಟ್ರಂಪ್ ವಿರೋಧಿ ಬರಹ: ಆಕ್ಷೇಪಿಸಿದ್ದಕ್ಕೆ ಬಟ್ಟೆ ಕಳಚಿ ಬೆತ್ತಲಾಗಿ ವೋಟು ಹಾಕಿದ ಹುಡುಗಿ
ಸಾಂದರ್ಭಿಕ ಚಿತ್ರ
  • Share this:
ಮಹಿಳೆಯೋರ್ವಳು ಮೇಲುಡುಪು ಬಿಚ್ಚಿಯೇ ಮತದಾನ ಮಾಡಿ ಬಂದ ಘಟನೆ ಅಮೆರಿಕಾದ ನ್ಯೂ ಹ್ಯಾಂಪ್​ಶೈರ್​ನ ಎಕ್ಸ್​ಟರ್​ ನಲ್ಲಿ ನಡೆದಿದೆ. ಟೀ ಶರ್ಟ್ ಮೇಲೆ ಟ್ರಂಪ್ ವಿರೋಧಿ ಬರಹ ಇದ್ದದ್ದೇ ಇಷ್ಟೆಲ್ಲ ರಾದ್ಧಾಂತಕ್ಕೆ ಕಾರಣವಾಗಿದೆ. ಸಾಮಾನ್ಯವಾಗಿ ಮತದಾನದ ವೇಳೆ ಮತಗಟ್ಟೆಯಿಂದ ನೂರು ಮೀಟರ್​ ಅಂತರದಲ್ಲಿ ರಾಜಕೀಯ ಪಕ್ಷಗಳ ಪ್ರಚಾರಕ್ಕೆ ಅವಕಾಶ ಇರುವುದಿಲ್ಲ. ಪ್ರಚಾರ ಸಾಮಾಗ್ರಿಯನ್ನು ಹಿಡಿದು ತರುವುದಾಗಲಿ, ಪ್ರಚಾರವನ್ನಾಗಲಿ ಮಾಡುವಂತಿಲ್ಲ. ಆದರೆ, ನ್ಯೂ ಹ್ಯಾಂಪ್​ಶೈರ್​ನ ಎಕ್ಸ್​ಟರ್​ ಎಂಬಲ್ಲಿ ರಾಜಕೀಯ ಬರಹವಿದ್ದ ಟೀ ಶರ್ಟ್​ ಧರಿಸಿದ್ದಕ್ಕೆ ಮತದಾನಕ್ಕೆ ಅವಕಾಶವಿಲ್ಲವೆಂದು ಅಧಿಕಾರಿಗಳು ಮಹಿಳೆಗೆ ಮತದಾನ ಮಾಡಲು ಅವಕಾಶ ನೀಡಿಲ್ಲ. ಮಹಿಳೆ ಧರಿಸಿದ್ದ ಟಿ ಶರ್ಟ್​ ಮೇಲೆ ಮ್ಯಾಕ್​ ಕ್ಯಾನ್​ ಹಿರೋ ಟ್ರಂಪ್​ ಝಿರೋ ಎಂಬ ಬರಹವಿದ್ದುದರಿಂದ ಅಧಿಕಾರಿಗಳು ಆಕ್ಷೇಪ ಮಾಡಿದ್ದಾರೆ. ಟ್ರಂಪ್ ಝಿರೋ ಎಂದು ಬರೆದಿರುವುದು ನೀತಿ ಸಂಹಿತೆಯ ಉಲ್ಲಂಘನೆಯಾಗುತ್ತದೆ ಎಂದು ಅಧಿಕಾರಿ ಮಹಿಳೆಗೆ ತಿಳಿಸಿದ್ದಾರೆ.

ಇದರಿಂದ ಕೋಪಗೊಂಡ ಮಹಿಳೆ, ನಾನು  ಟಿ ಶರ್ಟ್​ ತೆಗೆಯಬೇಕೆಂದು ಬಯಸುತ್ತೀರಾ? ನಾನು ಒಳಗಡೆ ಏನನ್ನೂ ಧರಿಸಿಲ್ಲ ಎನ್ನುತ್ತಲೇ ಟಿ ಶರ್ಟ್​ ಕಳಚಿದ್ದಾಳೆ. ಅಲ್ಲಿದ್ದವರು ಬೆರಗುಗಣ್ಣಿನಿಂದಲೇ ನೋಡುತ್ತ ನಿಂತಿರುವಾಗಲೇ ಆ ಮಹಿಳೆ ಮತದಾನ ಕೇಂದ್ರಕ್ಕೆ ತೆರಳಿ ತನ್ನ ಹಕ್ಕನ್ನು ಚಲಾಯಿಸಿ ಅಲ್ಲಿಂದ ತೆರಳಿದ್ದಾಳೆ.

ಇದನ್ನೂ ಓದಿ : No Objection Certificate : ಸರ್ಕಾರಿ ನೌಕರರಿಗೆ ಸಿಹಿ ಸುದ್ದಿ : ಬೇರೊಂದು ಹುದ್ದೆಗೆ ಅರ್ಜಿ ಸಲ್ಲಿಸಲು ಎನ್​​ಒಸಿ ಬೇಕಿಲ್ಲ

ಆಕೆ ಶರ್ಟ್​ ತೆಗೆಯಬೇಕೆಂಬುದು ನಮ್ಮ ಉದ್ದೇಶವಾಗಿರಲಿಲ್ಲ. ಹೊರಗೆ ಹೋಗಿ ಅದೇ  ಟಿ ಶರ್ಟ್​ಅನ್ನು ಒಳಮುಖವಾಗಿ ಧರಿಸಿ ಬಂದಿದ್ದರೂ ಆಗುತ್ತಿತ್ತು. ಅದಕ್ಕೆ ಅವಕಾಶವನ್ನೇ ಕೊಡದೇ ಬಟ್ಟೆ ಕಳಚಿದ್ದಾಳೆ ಎಂದು ಅಧಿಕಾರಿ ಹೇಳಿದ್ದಾರೆ.

ಅಂಥ ಟೀ ಶರ್ಟ್​ ಧರಿಸಿದ್ದಕ್ಕೆ ಮತಗಟ್ಟೆಯಿಂದಲೇ ಹೊರಹಾಕಬಹುದಾಗಿತ್ತು. ಆದರೆ ಎರಡು ಸಾವಿರ ಜನ ಮತ ಚಲಾಯಿಸಬೇಕಿದೆ. ಎಲ್ಲ ಪ್ರಕ್ರಿಯೆಗಳನ್ನು ಸುರಕ್ಷಿತವಾಗಿ ಮುಗಿಸಬೇಕಿದೆ. ನಮಗೆ ಮಾಡುವುದಕ್ಕೆ ಬೇರೆ ಬಹಳಷ್ಟು ಕೆಲಸಗಳಿರುವುದರಿಂದ ಈ ವಿಷಯವನ್ನು ದೊಡ್ಡದು ಮಾಡಲು ಹೋಗಿಲ್ಲ ಎಂದು ಅಧಿಕಾರಿಗಳು ಹೇಳಿದ್ದಾರೆ.
Published by: G Hareeshkumar
First published: September 10, 2020, 8:28 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading