ಸುಳ್ಳಲ್ಲ, ದೇವರಾಣೆ ಸತ್ಯ: ಲೂಡೋ ಆಟದಲ್ಲಿ ಅಪ್ಪನಿಂದ ಮೋಸ; ಕೋರ್ಟ್ ಮೆಟ್ಟಿಲೇರಿದ ಮಗಳು!

ಕೊರೋನಾ ವೈರಸ್​ ಬಂದ ನಂತರದಲ್ಲಿ ಮನೆಯಲ್ಲೇ ಉಳಿದುಕೊಳ್ಳಬೇಕಾದ ಪರಿಸ್ಥಿತಿ ಬಂದೊದಗಿದೆ. ಐಟಿ ಕಂಪೆನಿಗಳಿಗೆ ಡಿಸೆಂಬರ್​ ವರೆಗೆ ವರ್ಕ್​ ಫ್ರಮ್​ ಹೋಂ ಮಾಡಲು ಸೂಚಿಸಲಾಗಿದೆ. ಈ ಅವಧಿಯಲ್ಲಿ ಆನ್​ಲೈನ್ ಗೇಮ್​ಗಳಿಗೆ ಭಾರೀ ಬೇಡಿಕೆ ಬರುತ್ತಿದೆ.

ದೂರು ದಾಖಲಿಸಿದ ಮಹಿಳೆ

ದೂರು ದಾಖಲಿಸಿದ ಮಹಿಳೆ

  • Share this:
ಭೂ ವಿವಾದ, ಹಣಕಾಸಿನ ವಿಚಾರ, ಇಲ್ಲವೇ ಕೌಂಟುಬಿಕ ಕಲಹದಲ್ಲಿ ಕೋರ್ಟ್​ ಮೆಟ್ಟಿಲೇರಿರುವ ಬಗ್ಗೆ ನೀವು ಕೇಳಿರುತ್ತೀರಾ. ಆದರೆ, ಲೂಡೋ ಆಡುವಾಗ ತಂದೆಯಿಂದ ಮೋಸ ಆಯಿತೆಂದು ನ್ಯಾಯಾಲಯದ ಮೊರೆ ಹೋಗಿರುವ ಬಗ್ಗೆ ಎಂದಾದರೂ ಕೇಳಿದ್ದೀರಾ? ಹೀಗೊಂದು ಘಟನೆ ಮಧ್ಯ ಪ್ರದೇಶದಲ್ಲಿ ನಡೆದಿದೆ. ಈ ವಿಚಾರ ಸದ್ಯ ಸಾಕಷ್ಟು ಚರ್ಚೆಗೆ ಎಡೆ ಮಾಡಿಕೊಟ್ಟಿದೆ.

ಕೊರೋನಾ ವೈರಸ್​ ಬಂದ ನಂತರದಲ್ಲಿ ಮನೆಯಲ್ಲೇ ಉಳಿದುಕೊಳ್ಳಬೇಕಾದ ಪರಿಸ್ಥಿತಿ ಬಂದೊದಗಿದೆ. ಐಟಿ ಕಂಪೆನಿಗಳಿಗೆ ಡಿಸೆಂಬರ್​ ವರೆಗೆ ವರ್ಕ್​ ಫ್ರಮ್​ ಹೋಂ ಮಾಡಲು ಸೂಚಿಸಲಾಗಿದೆ. ಈ ಅವಧಿಯಲ್ಲಿ ಆನ್​ಲೈನ್ ಗೇಮ್​ಗಳಿಗೆ ಭಾರೀ ಬೇಡಿಕೆ ಬರುತ್ತಿದೆ. ಈ ಅವಧಿಯಲ್ಲಿ ಭಾರತದಲ್ಲಿ ಲೂಡೋ ಆಟ ತುಂಬಾನೇ ಖ್ಯಾತಿ ಪಡೆದುಕೊಂಡಿದೆ. ಮಧ್ಯ ಪ್ರದೇಶದ ಕುಟುಂಬವೊಂದು ಇತ್ತೀಚೇಗೆ ಲೂಡೋ ಆಟದಲ್ಲಿ ತೊಡಗಿತ್ತು. ಈ ವೇಳೆ ಅಪ್ಪ, ಮಗಳನ್ನು ಸೋಲಿಸಿದ್ದ. ಇದಕ್ಕೆ ಸಿಟ್ಟಾದ ಮಗಳು ಕೋರ್ಟ್​ ಮೆಟ್ಟಿಲೇರಿದ್ದಾಳೆ.

“ನನ್ನ ತಂದೆ ನನಗೆ ಮೋಸ ಮಾಡುತ್ತಾನೆ ಎಂದು ನಾನು ಭಾವಿಸಿರಲಿಲ್ಲ. ಈ ಘಟನೆ ನಂತರದಲ್ಲಿ ನನಗೆ ತಂದೆ ಮೇಲಿದ್ದ ಗೌರವ ಸಂಪೂರ್ಣ ನಾಶವಾಗಿದೆ. ಈ ಮೋಸದ ವಿಚಾರವಾಗಿ ನಾನು ಭೋಪಾಲ್​ ಕುಟುಂಬ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲು ಮಾಡಿದ್ದೇನೆ ಎಂದಿದ್ದಾಳೆ," ಮಗಳು.

ಮಹಿಳೆ ತನ್ನ ಸಹೋದರು ಹಾಗೂ ತಂದೆ ಜೊತೆ ಲೂಡೋ ಆಡುತ್ತಿದ್ದಳು. ಈ ಆಟದಲ್ಲಿ ಆಕೆ ಸೋತಿದ್ದಳು. ಈ ವೇಳೆ ಸಿಟ್ಟಾದ ಮಗಳು, “ನೀನು ನನ್ನ ಖುಷಿಗಾಗಿ ನನ್ನನ್ನು ಗೆಲ್ಲಿಸಬಹುದಿತ್ತು. ಆದರೆ, ನೀನು ಆರೀತಿ ಮಾಡದೇ ನೀನೇ ಗೆದ್ದಿದ್ದೀಯಾ. ನೀನು ನನಗೆ ಮೋಸ ಮಾಡುತ್ತೀಯಾ ಎಂದು ಕನಸಲ್ಲೂ ಭಾವಿಸಿರಲಿಲ್ಲ,” ಎಂದಿದ್ದಾಳೆ. ಅಲ್ಲದೆ ತಂದೆ ಜೊತೆಗಿನ ಸಂಬಂಧವನ್ನೂ ಸಂಪೂರ್ಣವಾಗಿ ಕಡಿದುಕೊಳ್ಳಲು ಆಕೆ ನಿರ್ಧರಿಸಿದ್ದಾಳೆ.











ಸದ್ಯ ಈ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸುದ್ದಿ ಚರ್ಚೆ ಆಗುತ್ತಿದೆ.
Published by:Rajesh Duggumane
First published: