SIIನ ಕೋವೋವ್ಯಾಕ್ಸ್‌ ಲಸಿಕೆ ತುರ್ತುಬಳಕೆಗೆ ಒಪ್ಪಿಗೆ ನೀಡಿದ ವಿಶ್ವ ಆರೋಗ್ಯ ಸಂಸ್ಥೆ

ವಿಶ್ವ ಆರೋಗ್ಯ ಸಂಸ್ಥೆ (WHO)  (World Health Organization) ನೋವಾವ್ಯಾಕ್ಸ್‌ನ ಪರವಾನಗಿ ಅಡಿಯಲ್ಲಿ ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ (Serum Institute of India ) ಉತ್ಪಾದಿಸಿದ ಆ್ಯಂಟಿ ಕೋವಿಡ್ ಲಸಿಕೆ (vaccines )ಕೋವೋವ್ಯಾಕ್ಸ್‌ಗೆ (Covovax)ತುರ್ತು ಬಳಕೆಯ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಈ ಮೂಲಕ ಕೋವಿಡ್‌ ವೈರಾಣು ಸಾಂಕ್ರಾಮಿಕದ ( Pandemic) ವಿರುದ್ಧ ಜಾಗತಿಕ ಆರೋಗ್ಯ ಸಂಸ್ಥೆಯು ಮೌಲ್ಯೀಕರಿಸಿದ ಲಸಿಕೆಗಳ ಸಂಖ್ಯೆಯನ್ನು ಹೆಚ್ಚಿಸಿದೆ.

ಸಾಂಕ್ರಾಮಿಕದ ವಿರುದ್ಧ ಮತ್ತಷ್ಟು ಬಲ
ಈ ಮೂಲಕ ಸಾಂಕ್ರಾಮಿಕದ ವಿರುದ್ಧ ಹೋರಾಡಲು ಮತ್ತಷ್ಟು ಬಲ ಸಿಕ್ಕಂತಾಗಿದೆ. ಈ ಸಂಬಂಧದ ಮಾಹಿತಿಗೆ ಹರ್ಷ ವ್ಯಕ್ತಪಡಿಸಿದ ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾದ (SII) ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಒ) ಆದರ್ ಪೂನಾವಾಲಾ ಕೋವಿಡ್ -19 ವಿರುದ್ಧದ ಹೋರಾಟದಲ್ಲಿ WHO ನಿರ್ಧಾರವನ್ನು "ಮತ್ತೊಂದು ಮೈಲಿಗಲ್ಲು" ಎಂದು ಶ್ಲಾಘಿಸಿದ್ದಾರೆ.

ಇದನ್ನೂ ಓದಿ: ಓಮೈಕ್ರಾನ್ ಅಪಾಯ ಅಲ್ಲ ಅಂತ ಭಾವಿಸೀರಿ ಜೋಕೆ; ಮಕ್ಕಳು ಹುಷಾರ್ ಎಂದ WHO

ಮಕ್ಕಳಿಗೆ ರಕ್ಷಣೆ
ಮುಂದಿನ 6 ತಿಂಗಳಲ್ಲಿ Covovax ಅನ್ನು ಪ್ರಾರಂಭಿಸಲು SII ಯೋಜಿಸಿದೆ ಎಂದು ಈ ವಾರದ ಆರಂಭದಲ್ಲಿ ಪೂನಾವಾಲಾ ಹೇಳಿದ್ದರು. ಪ್ರಯೋಗದ ಹಂತದಲ್ಲಿರುವ ಕೋವೋವ್ಯಾಕ್ಸ್‌ 3 ವರ್ಷದೊಳಗಿನ ಮಕ್ಕಳಿಗೆ ರಕ್ಷಣೆ ನೀಡುತ್ತದೆ ಎಂದು ಅವರು ಹೇಳಿದ್ದರು. ಏಕೆಂದರೆ ಅದು ಪ್ರಯೋಗಗಳ ಸಮಯದಲ್ಲಿ ಅತ್ಯುತ್ತಮ ಡೇಟಾವನ್ನು ತೋರಿಸಿದೆ ಎಂದೂ ಆದರ್‌ ಪೂನಾವಾಲ್ಲಾ ಹೇಳಿಕೊಂಡಿದ್ದರು.

ಕೋವೋವ್ಯಾಕ್ಸ್‌ಗೆ ಅನುಮತಿ
ಇನ್ನು, ಕೋವೋವ್ಯಾಕ್ಸ್‌ಗೆ ಅನುಮತಿ ನೀಡಿರುವ ವಿಚಾರವನ್ನು ಶುಕ್ರವಾರ ಟ್ವೀಟ್‌ ಮಾಡಿರುವ ವಿಶ್ವ ಆರೋಗ್ಯ ಸಂಸ್ಥೆ, "WHO Covovax ಗಾಗಿ ತುರ್ತು ಬಳಕೆಯ ಪಟ್ಟಿ ಬಿಡುಗಡೆ ಮಾಡಿದೆ, ಕೋವಿಡ್ -19 ವಿರುದ್ಧ WHO- ಮೌಲ್ಯೀಕರಿಸಿದ ಲಸಿಕೆಗಳ ಬುಟ್ಟಿಯನ್ನು ವಿಸ್ತರಿಸಿದೆ" ಎಂದು ಮಾಹಿತಿ ನೀಡಿದೆ. ಅಲ್ಲದೆ, WHO ಪ್ರಕಾರ, Covovax ಅನ್ನು ಅದರ ತುರ್ತು ಬಳಕೆಯ ಪಟ್ಟಿ ವಿಧಾನದ ಅಡಿಯಲ್ಲಿ ಗುಣಮಟ್ಟ, ಸುರಕ್ಷತೆ ಮತ್ತು ಪರಿಣಾಮಕಾರಿತ್ವ, ಅಪಾಯ ನಿರ್ವಹಣಾ ಯೋಜನೆ, ಪ್ರೋಗ್ರಾಮ್ಯಾಟಿಕ್ ಸೂಕ್ತತೆ ಮತ್ತು ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (DCGI) ನಡೆಸಿದ ಉತ್ಪಾದನಾ ಸ್ಥಳ ಪರಿಶೀಲನೆಗಳ ಆಧಾರದ ಮೇಲೆ ಮೌಲ್ಯಮಾಪನ ಮಾಡಲಾಗಿದೆ.

ಲಸಿಕೆಯ ಪ್ರಯೋಜನ
WHOನಿಂದ ಕರೆಯಲ್ಪಟ್ಟ ಮತ್ತು ಪ್ರಪಂಚದಾದ್ಯಂತದ ತಜ್ಞರಿಂದ ಮಾಡಲ್ಪಟ್ಟ ತುರ್ತು ಬಳಕೆಯ ಪಟ್ಟಿಗಾಗಿ ತಾಂತ್ರಿಕ ಸಲಹಾ ಗುಂಪು, ಲಸಿಕೆಯು ಕೋವಿಡ್ -19 ವಿರುದ್ಧ ರಕ್ಷಣೆಗಾಗಿ WHO ಮಾನದಂಡಗಳನ್ನು ಪೂರೈಸುತ್ತದೆ ಎಂದು ನಿರ್ಧರಿಸಿದೆ, ಲಸಿಕೆಯ ಪ್ರಯೋಜನವು ಯಾವುದೇ ಅಪಾಯಗಳನ್ನು ಮೀರಿಸುತ್ತದೆ ಮತ್ತು ಲಸಿಕೆಯನ್ನು ಜಾಗತಿಕವಾಗಿ ಬಳಸಬಹುದು" ಎಂದು ಟ್ವೀಟ್ ಹೇಳಿದೆ.

ಮತ್ತೊಂದು ಮೈಲಿಗಲ್ಲು
ಈ ಬೆಳವಣಿಗೆಯ ಬಗ್ಗೆ ಪ್ರತಿಕ್ರಿಯಿಸಿದ SIIನ ಪೂನಾವಾಲಾ, "ಕೋವಿಡ್ -19 ವಿರುದ್ಧದ ನಮ್ಮ ಹೋರಾಟದಲ್ಲಿ ಇದು ಮತ್ತೊಂದು ಮೈಲಿಗಲ್ಲು, Covovaxನ ತುರ್ತು ಬಳಕೆಗಾಗಿ WHO ಈಗ ಒಪ್ಪಿಗೆ ನೀಡಿದೆ. ಅತ್ಯುತ್ತಮ ಸುರಕ್ಷತೆ ಮತ್ತು ಪರಿಣಾಮಕಾರಿತ್ವವನ್ನು ತೋರಿಸುತ್ತದೆ. ಉತ್ತಮ ಸಹಯೋಗಕ್ಕಾಗಿ ಎಲ್ಲರಿಗೂ ಧನ್ಯವಾದಗಳು..." ಎಂದು ಅವರು ಟ್ವೀಟ್ ಮಾಡಿ ಅನುಮೋದಿಸಿದ್ದಾರೆ.

ಇದನ್ನೂ ಓದಿ: Vaccines: ಬೆಳಗ್ಗೆ ಬದಲು ಮಧ್ಯಾಹ್ನ ಲಸಿಕೆ ತಗೊಳ್ಳಿ; ಹೆಚ್ಚು ಪರಿಣಾಮಕಾರಿ ಎನ್ನುತ್ತೆ ಅಧ್ಯಯನ

ಈಗಾಗಲೇ ಭಾರತದಲ್ಲಿ ಹೆಚ್ಚು ಲಸಿಕೆ ಡೋಸ್‌ಗಳು ಬಳಕೆಯಾಗುತ್ತಿರುವ ಕೋವಿಶೀಲ್ಡ್ ಲಸಿಕೆಯನ್ನು SII ಉತ್ಪಾದಿಸುತ್ತಿದೆ. ಆಸ್ಟ್ರಾಜೆನಿಕಾ ಕಂಪನಿಯ ಕೋವಿಶೀಲ್ಡ್‌ ಲಸಿಕೆಯನ್ನು ಭಾರತದಲ್ಲಿ SII ತಯಾರು ಮಾಡುತ್ತಿದೆ. ಈಗ ಅದರೊಂದಿಗೆ ಕೋವೋವ್ಯಾಕ್ಸ್‌ ಲಸಿಕೆಯ ಉತ್ಪಾದನೆಯನ್ನೂ ಮಾಡಲಿದೆ.