Today In History: ಫೆ 14 ಪ್ರೇಮಿಗಳ ದಿನವಷ್ಟೇ ಅಲ್ಲ, ಇನ್ನೂ ಇದೆ ಹತ್ತಾರು ಮಹತ್ವದ ಘಟನೆಗಳು! ಇಲ್ಲಿದೆ ಈ ದಿನದ ವಿಶೇಷ

ಫೆಬ್ರುವರಿ 14 ಎಂದರೆ ಸಾಕು ಬಹುತೇಕ ಎಲ್ಲರಿಗೂ ಪ್ರೇಮಿಗಳ ದಿನದ (Valentines Day) ಪರಿಕಲ್ಪನೆಯೇ ಕಣ್ಮುಂದೆ ಬರುತ್ತದೆ. ಆದ್ರೆ ಅದೊಂದೇ ಅಲ್ಲ, ಇದರ ಹೊರತಾಗಿಯೂ (Today In History) ಇತಿಹಾಸದಲ್ಲಿ ಫೆ. 14ನ್ನು (February 14) ಸಾಕಷ್ಟು ಕಾರಣಗಳಿಗಾಗಿ ನೆನಪಿಟ್ಟುಕೊಳ್ಳಲಾಗುತ್ತದೆ. ಭಾರತದಲ್ಲಿ ಹಾಗೆಯೇ ವಿಶ್ವದಲ್ಲಿ ಬಹಳಷ್ಟು ಐತಿಹಾಸಿಕ ಘಟನೆಗಳು ಈ ದಿನದಂದು ನಡೆದಿವೆ.

ಈ ದಿನ ಜಹಿರ್ ಉದ್-ದಿನ್ ಮುಹಮ್ಮದ್ ಬಾಬರ್, ಮೋಹನ್ ಧರಿಯಾ, ಮಧುಬಾಲಾ ಮತ್ತು ಸುಷ್ಮಾ ಸ್ವರಾಜ್ ಅವರ ಜನ್ಮದಿನವಾಗಿದೆ. ಅಲ್ಲದೇ ಫೆಬ್ರವರಿ 14 ರಂದು ವಿಟಿ ಕೃಷ್ಣಮಾಚಾರಿ ಮತ್ತು ವಿದ್ಯಾನಿವಾಸ್ ಮಿಶ್ರಾ ಅವರ ಪುಣ್ಯತಿಥಿಯೂ ಹೌದು. ಜೊತೆಗೆ ಇತಿಹಾಸದಲ್ಲಿ ಈ ದಿನ ಬಹಳಷ್ಟು ವಿಶೇಷ ಘಟನೆಗಳೂ ನಡೆದಿವೆ.

ಇದನ್ನೂ ಓದಿ: Online Transaction: ತಪ್ಪಾಗಿ ಬೇರೆ ಖಾತೆಗೆ ಹಣ ಕಳುಹಿಸಿದ್ದೀರಾ? ಹೀಗೆ ಮಾಡಿದರೆ 48 ಗಂಟೆಯೊಳಗೆ ನಿಮ್ಮ ಹಣ ವಾಪಸ್!

ಫೆ. 14 ಈ ಗಣ್ಯವ್ಯಕ್ತಿಗಳ ಜನ್ಮದಿನ

ಮೋಹನ್ ಧರಿಯಾ (14 -02- 1925 - 14 -10-2013): ಮಾಜಿ ಕೇಂದ್ರ ಸಚಿವ, ವಕೀಲ ಮತ್ತು ಭಾರತದ ಸಾಮಾಜಿಕ ಕಾರ್ಯಕರ್ತರಾಗಿದ್ದ ಮೋಹನ್‌ ಧರಿಯಾ ಜನಿಸಿದ್ದು ಫೆ. 14 ರಂದು. ಎರಡು ಬಾರಿ ಲೋಕಸಭೆ ಮತ್ತು ರಾಜ್ಯಸಭೆ ಸದಸ್ಯರಾಗಿರುವ ಮೋಹನ್ ಧರಿಯಾ ರಾಜ್ಯ ಮಟ್ಟದ ಮತ್ತು ರಾಷ್ಟ್ರ ಮಟ್ಟದ ರಾಜಕೀಯದಲ್ಲಿ ಚಿರಪರಿಚಿತ ಹೆಸರು.

ಅವರು 1971 ರಲ್ಲಿ ಆಗಿನ ಪ್ರಧಾನಿ ಇಂದಿರಾ ಗಾಂಧಿಯವರ ಅವಧಿಯಲ್ಲಿ ರಾಜ್ಯ ಸಚಿವರಾಗಿದ್ದರು. ಆದರೆ 1975 ರಲ್ಲಿ ತುರ್ತು ಪರಿಸ್ಥಿತಿ ಹೇರಿದ ನಂತರ ಅವರು ಕಾಂಗ್ರೆಸ್ ತೊರೆದರು. ನಂತರ ಅವರು ಭಾರತೀಯ ಲೋಕದಳಕ್ಕೆ ಸೇರಿದರು. ಮತ್ತು 1977 ರಲ್ಲಿ ಪ್ರಧಾನಿ ಮೊರಾರ್ಜಿ ದೇಸಾಯಿ ಅವರ ಅಧಿಕಾರಾವಧಿಯಲ್ಲಿ ವಾಣಿಜ್ಯ ಸಚಿವರಾದರು. ಅಲ್ಲದೇ ಮೋಹನ್ ಧರಿಯಾ ಅವರು ಯೋಜನಾ ಆಯೋಗದ ಉಪಾಧ್ಯಕ್ಷರೂ ಆಗಿದ್ದರು.

ಸುಷ್ಮಾ ಸ್ವರಾಜ್ (14-02-1952 - 6 -08-2019): ಭಾರತ ಸರ್ಕಾರದ ಕೇಂದ್ರ ಸಂಪುಟದಲ್ಲಿ ವಿದೇಶಾಂಗ ವ್ಯವಹಾರಗಳ ಸಚಿವರಾಗಿದ್ದ ಸುಷ್ಮಾ ಸ್ವರಾಜ್‌ ಅವರು ಜನಿಸಿದ್ದು, 14 ಫೆಬ್ರವರಿ 1952 ರಂದು ಹರಿಯಾಣದ ಅಂಬಾಲಾ ಕಂಟೋನ್ಮೆಂಟ್‌ನಲ್ಲಿ. ಇವರು ಬಿಜೆಪಿಯ ಉನ್ನತ ಮಹಿಳಾ ನಾಯಕರಲ್ಲಿ ಒಬ್ಬರು. ಸುಷ್ಮಾ ಸ್ವರಾಜ್ ಹನ್ನೊಂದು, ಹನ್ನೆರಡನೇ ಮತ್ತು ಹದಿನೈದನೇ ಲೋಕಸಭೆಯ ಸದಸ್ಯರೂ ಆಗಿದ್ದರು.

2009 ರಲ್ಲಿ, ಅವರನ್ನು ಲೋಕಸಭೆ ಚುನಾವಣೆಗಾಗಿ ಬಿಜೆಪಿಯ 19 ಸದಸ್ಯರ "ಚುನಾವಣಾ ಪ್ರಚಾರ ಸಮಿತಿ" ಅಧ್ಯಕ್ಷರನ್ನಾಗಿ ಮಾಡಲಾಯಿತು. ಕೇಂದ್ರ ಸಚಿವೆಯಾಗಿದ್ದ ಸುಷ್ಮಾ ಸ್ವರಾಜ್‌, ದೆಹಲಿಯ ಮೊದಲ ಮಹಿಳಾ ಮುಖ್ಯಮಂತ್ರಿಯಾಗಿದ್ದರು. ಅವರು 26 ಮೇ 2014 ರಿಂದ 24 ಮೇ 2019 ರವರೆಗೆ ಭಾರತದ ವಿದೇಶಾಂಗ ಸಚಿವರಾಗಿ ಸೇವೆ ಸಲ್ಲಿಸಿದ್ದರು.

ಮಧುಬಾಲಾ (14-02-1933 – 23-02-1969): ಪ್ರಸಿದ್ಧ ಭಾರತೀಯ ಚಲನಚಿತ್ರ ನಟಿ ಮಧುಬಾಲಾ ಜನಿಸಿದ್ದೂ ಫೆ. 14 ರಂದು, ದೆಹಲಿಯಲ್ಲಿ. ಅವರು ಭಾರತೀಯ ಚಲನಚಿತ್ರ ಇತಿಹಾಸದಲ್ಲಿ ಅತ್ಯುತ್ತಮ ನಟಿಯರಲ್ಲಿ ಒಬ್ಬರು ಎನಿಸಿಕೊಳ್ಳುತ್ತಾರೆ. ‘ಮುಘಲ್-ಎ-ಆಜಂ’, ‘ಹೌರಾ ಬ್ರಿಡ್ಜ್’, ‘ಕಾಲಾ ಪಾನಿ’ ಮತ್ತು ‘ಚಲ್ತಿ ಕಾ ನಾಮ್ ಗಾಡಿ’ ಸಿನಿಮಾಗಳು ಇಂದಿಗೂ ಸಿನಿಪ್ರಿಯರ ನೆನಪಿನಲ್ಲಿದೆ.

ಜಹೀರ್ ಉದ್-ದಿನ್ ಮುಹಮ್ಮದ್ ಬಾಬರ್ (14-02-1483 – 26-12-1530): ಭಾರತೀಯ ಇತಿಹಾಸದಲ್ಲಿ ಬಾಬರ್ ಎಂದೇ ಪ್ರಸಿದ್ಧರಾಗಿದ್ದ ಜಹೀರ್ ಉದ್-ದಿನ್ ಮುಹಮ್ಮದ್ ಬಾಬರ್ ಮೊಘಲ್ ಆಡಳಿತಗಾರನಾಗಿದ್ದ.

ಬಾಬರ್‌ ಭಾರತದಲ್ಲಿ ಮೊಘಲ್ ರಾಜವಂಶದ ಸ್ಥಾಪಕ ಕೂಡ ಹೌದು. ಅಂದಹಾಗೆ ಕ್ರಿ.ಶ 1526 ರಲ್ಲಿ ಮೊದಲ ಪಾಣಿಪತ್ ಕದನದಲ್ಲಿ ದೆಹಲಿ ಸುಲ್ತಾನರ (ಲೋಡಿ ರಾಜವಂಶ) ಕೊನೆಯ ರಾಜವಂಶದ ಸುಲ್ತಾನ್ ಇಬ್ರಾಹಿಂ ಲೋದಿಯ ಸೋಲಿನೊಂದಿಗೆ, ಭಾರತದಲ್ಲಿ ಮೊಘಲ್ ರಾಜವಂಶವನ್ನು ಸ್ಥಾಪಿಸಲಾಯಿತು.

ಇದನ್ನೂ ಓದಿ: Today in History: ಒಂದೆರಡಲ್ಲ, ಹತ್ತಾರು ಕಾರಣಗಳಿಗೆ ಫೆಬ್ರವರಿ 12 ವಿಶೇಷ! ಈ ದಿನದ ಮಹತ್ವ ಏನು ಗೊತ್ತಾ?

ಫೆ. 14 ರಂದು ಪ್ರಸಿದ್ಧ ವ್ಯಕ್ತಿಗಳ ಪುಣ್ಯತಿಥಿ

ವಿ.ಟಿ. ಕೃಷ್ಣಮಾಚಾರಿ (8.02.1881 – 14.02.1964): ವಿ.ಟಿ ಕೃಷ್ಣಮಾಚಾರಿ ಒಬ್ಬ ಭಾರತೀಯ ನಾಗರಿಕ ಸೇವಕ ಮತ್ತು ಆಡಳಿತಗಾರರಾಗಿದ್ದರು.

ಅವರು 1927 ರಿಂದ 1944 ರವರೆಗೆ ಬರೋಡಾದ ದಿವಾನರಾಗಿ ಮತ್ತು 1946 ರಿಂದ 1949 ರವರೆಗೆ ಆಗಿನ ಜೈಪುರ ರಾಜ್ಯದ ಪ್ರಧಾನ ಮಂತ್ರಿಯಾಗಿ ಸೇವೆ ಸಲ್ಲಿಸಿದರು. ಅವರು 1961 ರಿಂದ 1964 ರವರೆಗೆ ರಾಜ್ಯಸಭೆಯ ಸದಸ್ಯರೂ ಆಗಿದ್ದರು.

ವಿದ್ಯಾನಿವಾಸ್ ಮಿಶ್ರಾ (28.02.1926 – 14.02.2005): ಪ್ರಸಿದ್ಧ ಹಿಂದಿ ಸಾಹಿತಿ, ಯಶಸ್ವಿ ಸಂಪಾದಕ, ಸಂಸ್ಕೃತ ವಿದ್ವಾಂಸ ಮತ್ತು ಪ್ರಸಿದ್ಧ ಭಾಷಾಶಾಸ್ತ್ರಜ್ಞರಾಗಿದ್ದ ವಿದ್ಯಾನಿವಾಸ್ ಮಿಶ್ರಾ ತೀರಿಕೊಂಡ ದಿನವೂ ಫೆ. 14.

ಸಾಹಿತ್ಯ ವಿಮರ್ಶಕರ ಪ್ರಕಾರ, ಸಂಸ್ಕೃತದ ಜೊತೆಗೆ ಯಾವಾಗಲೂ ಹಿಂದಿಯಲ್ಲಿ ಪ್ರಾದೇಶಿಕ ಉಪಭಾಷೆಗಳ ಪದಗಳಿಗೆ ಪ್ರಾಮುಖ್ಯತೆಯನ್ನು ನೀಡುತ್ತಿದ್ದರು. ವಿದ್ಯಾನಿವಾಸ್ ಮಿಶ್ರಾ ಅವರ ಪ್ರಕಾರ- "ಪ್ರಾದೇಶಿಕ ಉಪಭಾಷೆಗಳ ಪದಗಳನ್ನು ಹಿಂದಿಯಲ್ಲಿ ಪ್ರೋತ್ಸಾಹಿಸಿದರೆ, ಕಷ್ಟಕರವಾದ ಅಧಿಕೃತ ಭಾಷೆಯನ್ನು ತಪ್ಪಿಸಬಹುದು ಎನ್ನುವುದಾಗಿತ್ತು.

ಮಿಶ್ರಾ ಅವರ ಅಭೂತಪೂರ್ವ ಕೊಡುಗೆಗಾಗಿ ಭಾರತ ಸರ್ಕಾರವು ಅವರಿಗೆ 'ಪದ್ಮಶ್ರೀ' ಮತ್ತು 'ಪದ್ಮಭೂಷಣ' ಪ್ರಶಸ್ತಿಗಳನ್ನು ನೀಡಿ ಗೌರವಿಸಿದೆ.

ಭಾರತ ಹಾಗು ವಿಶ್ವ ಇತಿಹಾಸದಲ್ಲಿ ಫೆಬ್ರವರಿ 14 ರಂದು ನಡೆದ ಪ್ರಮುಖ ಘಟನೆಗಳು

• 14 ಫೆಬ್ರವರಿ 1537 - ಗುಜರಾತಿನ ಸುಲ್ತಾನ್ ಬಹದ್ದೂರ್ ಷಾ ಪೋರ್ಚುಗೀಸರಿಂದ ತಪ್ಪಿಸಿಕೊಳ್ಳುವಾಗ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದ.


• ಪ್ರತೀ ವರ್ಷ ಫೆಬ್ರವರಿ 14ರಂದು ಪ್ರೇಮಿಗಳ ದಿನವನ್ನೂ ಆಚರಿಸಲಾಗುತ್ತದೆ. ಈ ದಿನ ಭಾರತ ಸೇರಿದಂತೆ ವಿಶ್ವದಾದ್ಯಂತ ಪ್ರೇಮಿಗಳು, ಪ್ರೇಮಕ್ಕೆ ಕಾತರಿಸುವವರು ತಮ್ಮ ಮನದ ಭಾವನೆಗಳನ್ನು ಹಂಚಿಕೊಂಡು ಸಂತಸ ಪಡುತ್ತಾರೆ.


• 14 ಫೆಬ್ರವರಿ 1556 - ಅಕ್ಬರ್ 13 ನೇ ವಯಸ್ಸಿನಲ್ಲಿ ಪಂಜಾಬ್‌ನ ಗುರುದಾಸ್‌ಪುರ ಜಿಲ್ಲೆಯ ಕಲಾನೌರ್‌ನಲ್ಲಿ ಕಿರೀಟವನ್ನು ಪಡೆದ ದಿನ.


• 14 ಫೆಬ್ರವರಿ 1628 - ಷಹಜಹಾನ್ ಆಗ್ರಾದ ಸಿಂಹಾಸನವನ್ನು ಏರಿದ ದಿನ.


• 14 ಫೆಬ್ರವರಿ 1663 - ಕೆನಡಾ ಫ್ರಾನ್ಸ್‌ನ ಪ್ರಾಂತ್ಯಕ್ಕೆ ಸೇರಿತು.


• 14 ಫೆಬ್ರವರಿ 1743 - ಹೆನ್ರಿ ಪೆಲ್ಹಾಮ್ ಬ್ರಿಟನ್‌ನ ಹಣಕಾಸು ವಿಭಾಗದ ಮೊದಲ ಮುಖ್ಯಸ್ಥರಾದರು.


• 14 ಫೆಬ್ರವರಿ 1869 – ಈ ದಿನದಂದು ಸ್ಕಾಟಿಷ್ ಭೌತಶಾಸ್ತ್ರಜ್ಞ, ಹವಾಮಾನಶಾಸ್ತ್ರಜ್ಞ ಮತ್ತು ನೊಬೆಲ್ ಪ್ರಶಸ್ತಿ ವಿಜೇತ ಸಿ ಟಿ ಆರ್ ವಿಲ್ಸನ್ ಜನಿಸಿದರು.


• 14 ಫೆಬ್ರವರಿ 1881 - ಭಾರತದ ಮೊದಲ ಹೋಮಿಯೋಪತಿ ವೈದ್ಯಕೀಯ ಕಾಲೇಜನ್ನು ಕೋಲ್ಕತ್ತಾದಲ್ಲಿ ಸ್ಥಾಪಿಸಲಾಯಿತು.


• 14 ಫೆಬ್ರವರಿ 1899 - US ಕಾಂಗ್ರೆಸ್ ಫೆಡರಲ್ ಚುನಾವಣೆಗಳಲ್ಲಿ ಮತದಾನ ಯಂತ್ರಗಳ ಬಳಕೆಯನ್ನು ಅನುಮೋದಿಸಲಾಯ್ತು.


• 14 ಫೆಬ್ರವರಿ 1912 - ಮೊದಲ ಡೀಸೆಲ್ ಜಲಾಂತರ್ಗಾಮಿ ನೌಕೆಯನ್ನು ಲಂಡನ್ ಬಳಿಯ ಗ್ರೋಟನ್‌ನಲ್ಲಿ ನಿರ್ಮಿಸಲಾಯಿತು.


• 14 ಫೆಬ್ರವರಿ 1917 - ಅಮೇರಿಕನ್ ಗಣಿತಶಾಸ್ತ್ರಜ್ಞ ಮತ್ತು ನೊಬೆಲ್ ಪ್ರಶಸ್ತಿ ವಿಜೇತ ಹರ್ಬರ್ಟ್ ಎ. ಹಾಪ್ಟ್‌ಮನ್ ಜನ್ಮದಿನ.


• 14 ಫೆಬ್ರವರಿ 1920 - ಮಹಿಳಾ ಮತದಾರರ ಲೀಗ್ಅನ್ನು ಚಿಕಾಗೋದಲ್ಲಿ ಸ್ಥಾಪಿಸಲಾಯಿತು.


• 14 ಫೆಬ್ರವರಿ 1924 - ಈ ದಿನ ಐಬಿಎಂ ಅನ್ನು ನ್ಯೂಯಾರ್ಕ್‌ನಲ್ಲಿ ಸ್ಥಾಪಿಸಲಾಯಿತು.


• 14 ಫೆಬ್ರವರಿ 1945 – ಈ ದಿನ ಪೆರು, ಚಿಲಿ, ಪರಾಗ್ವೆ ಮತ್ತು ಈಕ್ವೆಡಾರ್ ವಿಶ್ವಸಂಸ್ಥೆಯ ಸದಸ್ಯರಾದರು.


• 14 ಫೆಬ್ರವರಿ 1972 - ಚೀನಾದೊಂದಿಗೆ ವ್ಯಾಪಾರ ನಿರ್ಬಂಧಗಳನ್ನು ಸಡಿಲಿಸುವುದಾಗಿ ಅಮೆರಿಕ ಘೋಷಿಸಿತು.


• 14 ಫೆಬ್ರವರಿ 1978 - ಸೌದಿ ಅರೇಬಿಯಾ, ಈಜಿಪ್ಟ್ ಮತ್ತು ಇಸ್ರೇಲ್‌ಗೆ ಶತಕೋಟಿ ಡಾಲರ್‌ಗಳ ಶಸ್ತ್ರಾಸ್ತ್ರಗಳನ್ನು ಮಾರಾಟ ಮಾಡುವುದಾಗಿ ಅಮೆರಿಕ ಘೋಷಿಸಿತು.


• 14 ಫೆಬ್ರವರಿ 1989 - ಭೋಪಾಲ್ ಅನಿಲ ದುರಂತಕ್ಕೆ ಕಾರಣವಾದ ಸರ್ಕಾರಕ್ಕೆ ಪರಿಹಾರವನ್ನು ನೀಡಲು ಯೂನಿಯನ್ ಕಾರ್ಬೈಡ್ ಒಪ್ಪಿಕೊಂಡಿತು.


• 14 ಫೆಬ್ರವರಿ 1990 – ಬೆಂಗಳೂರಿನಲ್ಲಿ ನಡೆದಿದ್ದ ಇಂಡಿಯನ್ ಏರ್‌ಲೈನ್ಸ್‌ 605 ವಿಮಾನ ಅಪಘಾತದಲ್ಲಿ 92 ಜನರು ಸಾವನ್ನಪ್ಪಿದ್ದರು.


• 14 ಫೆಬ್ರವರಿ 1999 - ಇಂಫಾಲ್‌ನಲ್ಲಿ ಐದನೇ ರಾಷ್ಟ್ರೀಯ ಕ್ರೀಡಾಕೂಟ ಈ ದಿನ ನಡೆಯಿತು.


• 14 ಫೆಬ್ರವರಿ 2001 - ಎಲ್ ಸಾಲ್ವಡಾರ್‌ನಲ್ಲಿ ಸಂಭವಿಸಿದ ಭಾರೀ ಭೂಕಂಪ 225 ಜನರನ್ನು ಬಲಿಪಡೆಯಿತು.


• 14 ಫೆಬ್ರವರಿ 2004 - ಜರ್ಮನ್ ನಿರ್ದೇಶಕರ ಚಿತ್ರ 'ಹೆಡ್ ಆನ್' ಗೋಲ್ಡನ್ ಬೇರ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.


• 14 ಫೆಬ್ರವರಿ 2005 - ಪ್ರಸಿದ್ಧ ಸಾಹಿತಿ ಡಾ. ವಿದ್ಯಾನಿವಾಸ್ ಮಿಶ್ರಾ ರಸ್ತೆ ಅಪಘಾತದಲ್ಲಿ ನಿಧನರಾದರು.


• 14 ಫೆಬ್ರವರಿ 2005 – ವಿಶ್ವದಾದ್ಯಂತ ಯುಟ್ಯೂಬ್‌ ವೆಬ್‌ಸೈಟ್‌ಅನ್ನು ಆಕ್ಟಿವೇಟ್‌ ಮಾಡಲಾಯಿತು.


• 14 ಫೆಬ್ರವರಿ 2006 - ನ್ಯಾಯಾಧೀಶರ ವಿರುದ್ಧ ಪ್ರತಿಭಟಿಸಲು ಸದ್ದಾಂ ಹುಸೇನ್ ಉಪವಾಸ ಸತ್ಯಾಗ್ರಹ ನಡೆಸಿದ್ದರು.


• 14 ಫೆಬ್ರವರಿ 2008 - ಸಿದ್ಧಾರ್ಥ್ ಸಿಂಘಾ ಅವರ ಕಿರು ಭೋಜ್‌ಪುರಿ ಚಲನಚಿತ್ರ ಉಧೆದ್‌ಬನ್‌ಗೆ ಸ್ವತಃ ಪ್ರಶಸ್ತಿ ನೀಡಲಾಯಿತು.


• 14 ಫೆಬ್ರವರಿ 2009 – ಟೆನಿಸ್‌ ಆಟಗಾರ್ತಿ ಸಾನಿಯಾ ಮಿರ್ಜಾ ಪಟ್ಟಾಯ ಓಪನ್ ಟೆನಿಸ್ ಫೈನಲ್‌ಗೆ ಪ್ರವೇಶ ಪಡೆದರು.


• 14 ಫೆಬ್ರವರಿ 2019- ಇಡೀ ಭಾರತವೇ ಕಣ್ಣೀರಿನಲ್ಲಿ ಕೈ ತೊಳೆದ ದಿನ. ಕಾಶ್ಮೀರದ ಪುಲ್ವಾಮ ಬಳಿ ಆತ್ಮಹತ್ಯಾ ಬಾಂಬರ್‌ ಸ್ಫೋಟಕಗಳನ್ನು ತುಂಬಿದ ಉಗ್ರರ ವಾಹನವೊಂದು ಭಾರತೀಯ ರಕ್ಷಣಾ ಪಡೆಯ ಬೆಂಗಾವಲು ವಾಹನಕ್ಕೆ ಡಿಕ್ಕಿ ಹೊಡೆದ ಪರಿಣಾಮ 40 ಭಾರತೀಯ ಯೋಧರು ಸ್ಥಳದಲ್ಲೇ ಹುತಾತ್ಮರಾದರು.

ಪ್ರತಿದಿನವೂ ಒಂದಲ್ಲ ಒಂದು ಕಾರಣಗಳಿಗೆ ವಿಶೇಷವೇ ಆಗಿರುತ್ತದೆ. ಆದರೆ ಆಯಾ ದಿನ ನಡೆದ ಘಟನೆಗಳನ್ನು ದಾಖಲಿಸಿದರೆ ಅದು ಮುಂದಿನ ಪೀಳಿಗೆಯ ಜನರಿಗೆ ತಿಳಿಯಲು ಸಹಕಾರಿಯಾಗುತ್ತದೆ.