• Home
  • »
  • News
  • »
  • national-international
  • »
  • 35 ವರ್ಷದ ರೈತನಿಗೆ ಜಮೀನಿನಲ್ಲಿ ಸಿಕ್ಕಿತು 50 ಲಕ್ಷ ರೂ. ಬೆಲೆಬಾಳುವ ವಜ್ರ; ಮುಂದೇನಾಯ್ತು..?

35 ವರ್ಷದ ರೈತನಿಗೆ ಜಮೀನಿನಲ್ಲಿ ಸಿಕ್ಕಿತು 50 ಲಕ್ಷ ರೂ. ಬೆಲೆಬಾಳುವ ವಜ್ರ; ಮುಂದೇನಾಯ್ತು..?

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

ಈ ವಜ್ರವನ್ನು ಮೌಲ್ಯಮಾಪನ ಮಾಡಿಲ್ಲ. ಆದರೆ, ಸ್ಥಳೀಯ ತಜ್ಞರು ಹೇಳುವಂತೆ, ಈ ವಜ್ರದ ಗುಣಮಟ್ಟ ಆಧರಿಸಿ 50 ಲಕ್ಷ ರುಪಾಯಿ ತನಕ ಹಣ ಬರಬಹುದು.

  • Share this:

    ಈ ಹಿಂದೆ ಆಂಧ್ರಪ್ರದೇಶದ ಕರ್ನೂಲ್ ಜಿಲ್ಲೆಯಲ್ಲಿ ರೈತನೊಬ್ಬನಿಗೆ ಜಮೀನಿನಲ್ಲಿ ವಜ್ರದ ಹರಳು ಸಿಕ್ಕಿ ರಾತ್ರೋರಾತ್ರಿ ಲಕ್ಷಾಧಿಪತಿಯಾದ ವಿಚಾರ ಭಾರೀ ಸುದ್ದಿಯಾಗಿತ್ತು. ಸದ್ಯ ಇದೇ ರೀತಿ ಮಧ್ಯಪ್ರದೇಶದ ಪನ್ನಾ ಜಿಲ್ಲೆಯ ಗಣಿಯೊಂದರಲ್ಲಿ ನಡೆದಿದೆ. ಅಂದಾಜು 50 ಲಕ್ಷ ಮೌಲ್ಯದ 10.69 ಕ್ಯಾರೆಟ್​ನ ವಜ್ರವು ಪತ್ತೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ರಾಣಿಪುರ ಪ್ರದೇಶದಲ್ಲಿ 35 ವರ್ಷದ ಆನಂದಿಲಾಲ್ ಖುಷ್ವಾ ಎಂಬುವವರು ಗಣಿಯನ್ನು ಭೋಗ್ಯಕ್ಕೆ ಪಡೆದಿದ್ದು, ಅವರು 10.69 ಕ್ಯಾರೆಟ್ ನ ವಜ್ರವನ್ನು ಸ್ಥಳೀಯ ವಜ್ರದ ಕಚೇರಿಯಲ್ಲಿ (ಹೀರಾ ಕಾರ್ಯಾಲಯ) ನೀಡಿದ್ದಾರೆ ಎಂದು ಸ್ಥಳೀಯ ಅಧಿಕಾರಿ ಆರ್.ಕೆ. ಪಾಂಡೆ ಮಾಹಿತಿ ನೀಡಿದ್ದಾರೆ.


    ಇತ್ತ ಖುಷ್ವಾ 70 ಸೆಂಟ್ ವಜ್ರವನ್ನು ಡೆಪಾಸಿಟ್ ಮಾಡಿದ್ದರು ಎಂದು ತಿಳಿಸಲಾಗಿದ್ದು, ಜಿಲ್ಲೆಯಲ್ಲಿ ಕೊರೋನಾ ಲಾಕ್​ಡೌನ್ ವಿನಾಯಿತಿ ನೀಡಿದ ಮೇಲೆ ಸಿಕ್ಕಂಥ ಮೊದಲ ದೊಡ್ಡ ವಜ್ರ ಇದು ಎಂದು ಅಧಿಕಾರಿಗಳು ಹೇಳಿದ್ದಾರೆ.


    ಫೋಟೋ ಕ್ಲಿಕ್ಕಿಸಿ ಇನ್​ಸ್ಟಾದಲ್ಲಿ ಅಪ್ಲೋಡ್ ಮಾಡಿದ್ರೆ ರೆಸ್ಟೋರೆಂಟ್​​ನಲ್ಲಿ ಸಿಗತ್ತೆ ಉಚಿತ ಊಟ


    ಇನ್ನೂ ಈ ವಜ್ರವನ್ನು ಮೌಲ್ಯಮಾಪನ ಮಾಡಿಲ್ಲ. ಆದರೆ, ಸ್ಥಳೀಯ ತಜ್ಞರು ಹೇಳುವಂತೆ, ಈ ವಜ್ರದ ಗುಣಮಟ್ಟ ಆಧರಿಸಿ 50 ಲಕ್ಷ ರುಪಾಯಿ ತನಕ ಹಣ ಬರಬಹುದು. ಖುಷ್ವಾ ಅವರು ಮಾಧ್ಯಮಗಳ ಜತೆ ಮಾತನಾಡಿ, ನಾನು ಹಾಗೂ ನನ್ನ ಪಾರ್ಟನರ್ ಗಳು ಕಳೆದ ಆರು ತಿಂಗಳಿಂದ ಗಣಿಯಲ್ಲಿ ಬಹಳ ಕಷ್ಟಪಟ್ಟು ಕೆಲಸ ಮಾಡಿದ್ದೀವೆ. ಈಗ ಸಿಕ್ಕಿರುವ ವಜ್ರದಿಂದ ಬಹಳ ಖುಷಿ ಆಗಿದ್ದೇವೆ ಎಂದು ತಿಳಿಸಿದ್ದಾರೆ.


    ಮಧ್ಯಪ್ರದೇಶದ ಬಹುತೇಕ ಜಮೀನುಗಳಲ್ಲಿ ಮಳೆಗಾಲದಲ್ಲಿ ವಜ್ರಗಳು ದೊರಕುತ್ತವೆ ಎಂಬ ಮಾತುಗಳು ದಟ್ಟವಾಗಿ ಹರಡಿವೆ. ಇದರ ಹುಡುಕಾಟಕ್ಕಾಗಿ ತಮಿಳುನಾಡು, ಕರ್ನಾಟಕ, ತೆಲಂಗಾಣ, ಮಹಾರಾಷ್ಟ್ರ ಗಳಿಂದಲೂ ವಜ್ರಗಳ ಹುಡುಕಾಟಕ್ಕೆ ಬರುತ್ತಿದ್ದಾರೆ. ಸದ್ಯ ಪನ್ನಾ ಜಿಲ್ಲೆ ಇರುವುದು ಮಧ್ಯಪ್ರದೇಶದ ಬುಂದೇಲ್ ಖಂಡ್ ಭಾಗದಲ್ಲಿ. ಇದು ವಜ್ರದ ನಿಕ್ಷೇಪಗಳಿಗೆ ಹೆಸರುವಾಸಿಯಾಗಿದೆ.

    Published by:Vinay Bhat
    First published: