Indian Railways: ಪ್ರಯಾಣಿಕರೇ ಗಮನಿಸಿ, ಈ ಪ್ರಮುಖ ರೈಲುಗಳ ಸಮಯ ಬದಲಾವಣೆ

ಪ್ರತಿದಿನ ರೈಲುಗಳಲ್ಲಿ ಪ್ರಯಾಣಿಸುವ ಲಕ್ಷಾಂತರ ಪ್ರಯಾಣಿಕರ ಅನುಕೂಲಕ್ಕಾಗಿ ಸದಾ ಒಂದಲ್ಲ ಒಂದು ಹೊಸ ಸೇವೆಗಳನ್ನು ಭಾರತೀಯ ರೈಲ್ವೆ (Indian Railways)  ಪರಿಚಯಿಸುತ್ತಲೇ ಇರುತ್ತದೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ. ಹೌದು, ಕೆಲವೊಮ್ಮೆ ರೈಲ್ವೆ ನಿಲ್ದಾಣಗಳಲ್ಲಿ ಪ್ರಯಾಣಿಕರ ಅನುಕೂಲಕ್ಕಾಗಿ ಸೇವೆಗಳನ್ನು ಮತ್ತು ಸೌಲಭ್ಯಗಳನ್ನು ಹೆಚ್ಚಿಸಿದರೆ, ಇನ್ನೂ ಕೆಲವೊಮ್ಮೆ ರೈಲುಗಳ (Train Timings) ಸಮಯಗಳನ್ನು ಬದಲಾಯಿಸಿ ಪ್ರಯಾಣಿಕರಿಗೆ ಅನುಕೂಲ ಮಾಡಿ ಕೊಡುವಂತಹ ಕೆಲಸಗಳಿಗೆ ಮುಂದಾಗುತ್ತಿರುತ್ತದೆ ಅಂತ ಹೇಳಬಹುದು.

ಈಗ ಮತ್ತೊಮ್ಮೆ ಪ್ರಯಾಣಿಕರ ಅನುಕೂಲಕ್ಕಾಗಿ ಪಶ್ಚಿಮ ರೈಲ್ವೆ ಕೆಲವು ರೈಲುಗಳ ಸಮಯಗಳನ್ನು ಬದಲಾಯಿಸಲು ನಿರ್ಧರಿಸಿದೆ ನೋಡಿ.

ರೈಲುಗಳ ಸಮಯವನ್ನು ಬದಲಾಯಿಸಿದೆ ಪಶ್ಚಿಮ ರೈಲ್ವೆ
ಈ ಅಪ್ಡೇಟ್ ಅನ್ನು ಹಂಚಿಕೊಂಡಿರುವ ಪಶ್ಚಿಮ ರೈಲ್ವೆ, "ರೈಲುಗಳ ಸಮಯಪ್ರಜ್ಞೆಯನ್ನು ಹೆಚ್ಚಿಸುವ ಉದ್ದೇಶದಿಂದ ಕೆಲವು ರೈಲುಗಳ ಸಮಯವನ್ನು ಪರಿಷ್ಕರಿಸಲು ಡಬ್ಲ್ಯುಆರ್ ಮುಂದಾಗಿದೆ. ಕೆಲವು ರೈಲುಗಳ ನಿರ್ಗಮನ ಸಮಯವನ್ನು ಬದಲಾಯಿಸಲಾಗಿದ್ದು, ಇತರ ಕೆಲವು ರೈಲುಗಳ ಮಾರ್ಗದ ನಿಲ್ದಾಣಗಳಲ್ಲಿ ಸಮಯವನ್ನು ಬದಲಾಯಿಸಲಾಗಿದೆ” ಎಂದು ಬರೆದುಕೊಂಡಿದೆ.

ಪಶ್ಚಿಮ ರೈಲ್ವೆ ರೈಲು ಸಂಖ್ಯೆಯೊಂದಿಗೆ ಪಟ್ಟಿಯ ಫೋಟೋವನ್ನು ಸಹ ಹಂಚಿಕೊಂಡಿದೆ. ಯಾವೆಲ್ಲಾ ರೈಲುಗಳ ಸಮಯವನ್ನು ಬದಲಾಯಿಸಲಾಗಿದೆ ಅಂತ ಕೆಳಗಿನ ಪಟ್ಟಿಯಲ್ಲಿ ನೀವು ನೋಡಬಹುದು.

ಯಾವೆಲ್ಲಾ ರೈಲುಗಳ ಸಮಯದಲ್ಲಿ ಬದಲಾವಣೆಯಾಗಿದೆ ನೋಡಿ..
* . 22474 ಬಾಂದ್ರಾ ಟರ್ಮಿನಸ್ - ಬಿಕಾನೇರ್ ಎಕ್ಸ್‌ಪ್ರೆಸ್ ರೈಲು ಬಾಂದ್ರಾ ಟರ್ಮಿನಸ್ ನಿಂದ ಮಧ್ಯಾಹ್ನ 14.50 ಗಂಟೆಗೆ ಈ ಹಿಂದೆ ಹೊರಡುತ್ತಿದ್ದು, ಮಾರ್ಚ್ 28, 2023 ರಿಂದ ಈ ರೈಲು ಮಧ್ಯಾಹ್ನ 14.40 ಗಂಟೆಗೆ ಹೊರಡುತ್ತದೆ.

• 22951 ಬಾಂದ್ರಾ ಟರ್ಮಿನಸ್ - ಗಾಂಧಿಧಾಮ್ ಎಕ್ಸ್‌ಪ್ರೆಸ್ ಬಾಂದ್ರಾ ಟರ್ಮಿನಸ್ ನಿಂದ ಮಧ್ಯಾಹ್ನ 14.50 ಗಂಟೆಗೆ ಹೊರಡುತ್ತಿದ್ದು, ಮಾರ್ಚ್ 31, 2023 ರಿಂದ ಈ ರೈಲು ಮಧ್ಯಾಹ್ನ 14.40 ಗಂಟೆಗೆ ಹೊರಡಲಿದೆ.
  

  
  

  
  
  ಇದನ್ನೂ ಓದಿ: Tirupati Budget: ಬರೋಬ್ಬರಿ 4411 ಕೋಟಿ ಬಜೆಟ್ ಮಂಡಿಸಿದ ಟಿಟಿಡಿ



• 09171 ಸೂರತ್-ಭರೂಚ್ ಮೈನ್‌ಲೈನ್ ಎಲೆಕ್ಟ್ರಿಕ್ ಮಲ್ಟಿಪಲ್ ಯೂನಿಟ್ ಸೂರತ್ ನಿಂದ ಸಂಜೆ 18:18 ಗಂಟೆಗೆ ಹೊರಡುತ್ತಿದ್ದು, ಮಾರ್ಚ್ 28, 2023 ರಿಂದ ಈ ರೈಲು ಸಂಜೆ 18:37 ಗಂಟೆಗೆ ಹೊರಡುತ್ತದೆ.


• 19407 ಅಹಮದಾಬಾದ್-ವಾರಣಾಸಿ ಎಕ್ಸ್‌ಪ್ರೆಸ್ ಅಹಮದಾಬಾದ್ ನಿಂದ ರಾತ್ರಿ 21: 55 ಗಂಟೆಗೆ ಹೊರಡುತ್ತಿದ್ದು, ಮಾರ್ಚ್ 30, 2023 ರಿಂದ, ಈ ರೈಲು ಅಹಮದಾಬಾದ್ ನಿಂದ ರಾತ್ರಿ 21: 45 ಗಂಟೆಗೆ ಹೊರಡಲಿದೆ.

• 19217 ಬಾಂದ್ರಾ ಟರ್ಮಿನಸ್-ವೆರಾವಲ್ ಸೌರಾಷ್ಟ್ರ ಜನತಾ ಎಕ್ಸ್‌ಪ್ರೆಸ್ ರೈಲಿನ ಸಮಯ ಮಾರ್ಚ್ 28, 2023 ರಿಂದ ಬದಲಾಗುತ್ತದೆ.


• 14708 ಬಾಂದ್ರಾ ಟರ್ಮಿನಸ್-ಬಿಕಾನೇರ್ ರಣಕ್ಪುರ್ ಎಕ್ಸ್‌ಪ್ರೆಸ್ ನ ಬದಲಾದ ಸಮಯ ಮಾರ್ಚ್ 28, 2023 ರಿಂದ ಜಾರಿಗೆ ಬರಲಿದೆ.


• 22929 ದಹನು ರಸ್ತೆ-ವಡೋದರಾ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ನ ಸಮಯ ಬದಲಾವಣೆ ಮಾರ್ಚ್ 28, 2023 ರಿಂದ ಜಾರಿಗೆ ಬರಲಿದೆ.


• 09155 ಸೂರತ್-ವಡೋದರಾ ಮೆಮು ಸ್ಪೆಷಲ್ ರೈಲಿನ ಸಮಯ ಮಾರ್ಚ್ 28, 2023 ರಿಂದ ಬದಲಾಗುತ್ತದೆ.


• 22476 ಕೊಯಂಬತ್ತೂರು-ಹಿಸಾರ್ ಎಸಿ ಎಕ್ಸ್‌ಪ್ರೆಸ್ ರೈಲಿನ ಬದಲಾದ ಸಮಯ ಏಪ್ರಿಲ್ 1, 2023 ರಿಂದ ಜಾರಿಗೆ ಬರಲಿದೆ.ಇದನ್ನೂ ಓದಿ: Viral News: ಈ ಊರಲ್ಲಿ ಮಕ್ಕಳು ಬೆಳ್ಳಗೆ ಹುಟ್ಟಿದ್ರೆ ಕೊಲ್ತಾರೆ, ಕಪ್ಪಾಗಿದ್ರೆ ಬದುಕ್ತಾರೆ! ಈ ವಿಚಿತ್ರ ಆಚರಣೆ ಭಾರತದಲ್ಲೇ ಇದೆ!
  

*  20923 ತಿರುನೆಲ್ವೇಲಿ-ಗಾಂಧಿಧಾಮ್ ಹಮ್‌ಸಫರ್ ಎಕ್ಸ್‌ಪ್ರೆಸ್ ರೈಲಿನ ಸಮಯ ಬದಲಾವಣೆ ಮಾರ್ಚ್ 30 ರಿಂದ ಜಾರಿಗೆ ಬರಲಿದೆ.

20931 ಕೊಚುವೇಲಿ-ಇಂದೋರ್ ಎಕ್ಸ್‌ಪ್ರೆಸ್ ನ ಸಮಯ ಬದಲಾವಣೆ ಮಾರ್ಚ್ 31 ರಿಂದ ಜಾರಿಗೆ ಬರಲಿದೆ. ಪ್ರಯಾಣಿಕರು ಈ ವೆಬ್​ಸೈಟ್​ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್ ಮಾಡುವ ಮೂಲಕ ಈ ರೈಲುಗಳ ವೇಳಾಪಟ್ಟಿಯ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಪಡೆಯಬಹುದು.