• Home
  • »
  • News
  • »
  • national-international
  • »
  • Water Police: ಇಲ್ಲಿ ನೀರಿನ ಬಳಕೆಗೂ ಇದೆ ಮಿತಿ, ಸ್ವಲ್ಪ ಯಾಮಾರಿದ್ರೂ ದಂಡ ಗ್ಯಾರೆಂಟಿ

Water Police: ಇಲ್ಲಿ ನೀರಿನ ಬಳಕೆಗೂ ಇದೆ ಮಿತಿ, ಸ್ವಲ್ಪ ಯಾಮಾರಿದ್ರೂ ದಂಡ ಗ್ಯಾರೆಂಟಿ

ಡ್ಯಾಮನ್ ಅಯಾಲಾ

ಡ್ಯಾಮನ್ ಅಯಾಲಾ

ಡ್ಯಾಮನ್ ಅಯಾಲಾ ಎಂಬ ವ್ಯಕ್ತಿಯು ಪ್ರತಿದಿನ ಬರಪೀಡಿತ ಲಾಸ್ ಏಂಜಲೀಸ್ ನ ಬೀದಿಗಳಲ್ಲಿ ಗಸ್ತು ತಿರುಗುತ್ತಾ ಎಲ್ಲಾ ಕಾಲುದಾರಿಗಳನ್ನು ಪರಿಶೀಲಿಸುತ್ತಾನೆ. ಅದರ ಜೊತೆ ಪ್ರತಿ ಬಾರಿ ಅವನು ಕೊಚ್ಚೆಯನ್ನು ನೋಡಿದಾಗಲೆಲ್ಲಾ, ಅಲ್ಲಿ ಒಂದು ಕ್ಷಣ ನಿಂತುಕೊಂಡು ಪರಿಶೀಲಿಸುತ್ತಾನೆ. ಅವರು ನಗರದ ನೀರು ಮತ್ತು ವಿದ್ಯುತ್ ಇಲಾಖೆಯ ತಂಡದ ಭಾಗವಾಗಿದ್ದಾರೆ. ಇವರು ಗಸ್ತು ತಿರುಗುವುದು ನೀರಿನ ತ್ಯಾಜ್ಯದ ಬಗ್ಗೆ ಪ್ರತಿ ವಾರ ನೆರೆಹೊರೆಯವರು ದಾಖಲಿಸುವ ನೂರಾರು ಸಮುದಾಯ ದೂರುಗಳನ್ನು ಪರಿಶೀಲಿಸುವುದಕ್ಕೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ.

ಮುಂದೆ ಓದಿ ...
  • Share this:

ಸಾಮಾನ್ಯವಾಗಿ ದೊಡ್ಡ ದೊಡ್ಡ ನಗರಗಳಲ್ಲಿ ಯಾವುದಾದರೂ ಒಂದು ರಸ್ತೆಯಲ್ಲಿ (Road) ಕಳ್ಳತನ, ದರೋಡೆಗಳು ಆಗುತ್ತಿದ್ದರೆ, ಪೊಲೀಸರು (Police) ಕಣ್ಣಿಗೆ ಎಣ್ಣೆ ಬಿಟ್ಟುಕೊಂಡು ಹಗಲು ರಾತ್ರಿ ನೋಡದೆ ಗಸ್ತು ತಿರುಗುವುದನ್ನು ನಾವೆಲ್ಲಾ ನೋಡಿರುತ್ತೇವೆ. ಆದರೆ ಇಲ್ಲಿ ಪೊಲೀಸರು ಗಸ್ತು ಏಕೆ ತಿರುಗುತ್ತಿದ್ದಾರೆ ಅಂತ ನೀವು ಕೇಳಿದರೆ ಒಂದು ಕ್ಷಣ ಆಶ್ಚರ್ಯ ಪಡುತ್ತೀರಿ. ಆದರೆ ನಂತರ ಅದಕ್ಕೆ ಕಾರಣವನ್ನು ವಿವರವಾಗಿ ತಿಳಿದು ಕೊಂಡಾಗ ನಿಮಗೆ ಇದು ನಿಜಕ್ಕೂ ಒಳ್ಳೆಯ ಒಂದು ಪ್ಲ್ಯಾನ್ (Plan) ಅಂತ ಹೇಳುತ್ತೀರಿ. ಡ್ಯಾಮನ್ ಅಯಾಲಾ (Damon Ayala) ಎಂಬ ವ್ಯಕ್ತಿಯು ಪ್ರತಿದಿನ ಬರಪೀಡಿತ ಲಾಸ್ ಏಂಜಲೀಸ್ ನ ಬೀದಿಗಳಲ್ಲಿ ಗಸ್ತು ತಿರುಗುತ್ತಾ ಎಲ್ಲಾ ಕಾಲುದಾರಿಗಳನ್ನು ಪರಿಶೀಲಿಸುತ್ತಾನೆ. 


ಅಯಾಲಾ ಅವರು ಗಸ್ತು ತಿರುಗುವ ಕೆಲಸ ಮಾಡುತ್ತಿರುವುದು ಏಕೆ
ಅದರ ಜೊತೆ ಪ್ರತಿ ಬಾರಿ ಅವನು ಕೊಚ್ಚೆಯನ್ನು ನೋಡಿದಾಗಲೆಲ್ಲಾ, ಅಲ್ಲಿ ಒಂದು ಕ್ಷಣ ನಿಂತುಕೊಂಡು ಪರಿಶೀಲಿಸುತ್ತಾನೆ. ಅವರು ನಗರದ ನೀರು ಮತ್ತು ವಿದ್ಯುತ್ ಇಲಾಖೆಯ ತಂಡದ ಭಾಗವಾಗಿದ್ದಾರೆ. ಇವರು ಗಸ್ತು ತಿರುಗುವುದು ನೀರಿನ ತ್ಯಾಜ್ಯದ ಬಗ್ಗೆ ಪ್ರತಿ ವಾರ ನೆರೆಹೊರೆಯವರು ದಾಖಲಿಸುವ ನೂರಾರು ಸಮುದಾಯ ದೂರುಗಳನ್ನು ಪರಿಶೀಲಿಸುವುದಕ್ಕೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ.


ಕ್ಯಾಲಿಫೋರ್ನಿಯಾ ಮತ್ತು ಪಶ್ಚಿಮ ಯುನೈಟೆಡ್ ಸ್ಟೇಟ್ಸ್ ತೀವ್ರ, ವರ್ಷಗಳ ಸುದೀರ್ಘ ಬರಗಾಲದ ಹಿಡಿತದಲ್ಲಿರುವುದರಿಂದ ಅಯಾಲಾ ಅವರ ಗಸ್ತು ತಿರುಗುವ ಕೆಲಸ ಶುರುವಾಗಿದೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ.


ಇಲ್ಲಿ ನೀರಿನ ನಿರ್ಬಂಧಗಳು ಹೇಗಿವೆ
ಈ ಪ್ರದೇಶದ ಜಲಾಶಯಗಳು ಮತ್ತು ನದಿಗಳು ಹಿಂದೆ ಇರಲಾರದಂತಹ ಕನಿಷ್ಠ ಮಟ್ಟದಲ್ಲಿರುವುದರಿಂದ, ಲಾಸ್ ಏಂಜಲೀಸ್ ಅಧಿಕಾರಿಗಳು ವಾರಕ್ಕೆ ಎರಡು ಬಾರಿ ಮಾತ್ರ ನಿವಾಸಿಗಳು ತಮ್ಮ ಮನೆಯ ಮುಂದಿನ ಗಾರ್ಡನ್ ಅಥವಾ ಹುಲ್ಲು ಹಾಸಿನ ಮೇಲೆ ನೀರು ಹಾಕುವುದನ್ನು ಎಂಟು ನಿಮಿಷಗಳಿಗೆ ಸೀಮಿತಗೊಳಿಸುವಂತಹ ನೀರಿನ ನಿರ್ಬಂಧಗಳನ್ನು ಹಾಕಿದ್ದಾರೆ.


ಅಯಾಲಾ ಅವರು ಮನೆ ಮನೆಗಳಿಗೆ ಹೋಗಿ ಅವರ ವಿಳಾಸಗಳನ್ನು ದಾಖಲಿಸುತ್ತಾರೆ, ಅಲ್ಲಿ ಅವನು ಯಾವುದಾದರೂ ನೀರಿನ ಬಳಕೆಯ ನಿರ್ಬಂಧನೆಯ ಉಲ್ಲಂಘನೆ ಕಂಡುಕೊಂಡರೆ ಮೊದಲನೆಯ ಬಾರಿಗೆ ಮನೆಯವರಿಗೆ ಎಚ್ಚರಿಕೆ ನೀಡಿ ಬರುತ್ತಾರೆ.


ನಿರ್ಬಂಧನೆಗಳನ್ನು ಉಲ್ಲಂಘಿಸಿದರೆ ದಂಡ 
ಎಚ್ಚರಿಕೆ ನೀಡಿದ ಮೇಲೂ ಯಾವುದಾದರೂ ನಿರ್ಬಂಧನೆಗಳನ್ನು ಉಲ್ಲಂಘಿಸಿದರೆ ಪುನರಾವರ್ತಿತ ಉಲ್ಲಂಘನೆಗಾಗಿ 200 ರಿಂದ 600 ಡಾಲರ್ ವರೆಗೆ ದಂಡ ವಿಧಿಸಲಾಗುತ್ತದೆ. "ನಾವು ನಿಜವಾಗಿಯೂ ಅವರಿಂದ ಹಣವನ್ನು ಪಡೆಯಬೇಕು ಅಂತ ನಮಗೆ ಇಚ್ಛೆ ಇಲ್ಲ, ನಮಗೆ ಹೆಚ್ಚು ನೀರು ಸಿಗುತ್ತಿಲ್ಲ. ನಾವು ಜನರ ನೀರಿನ ಪ್ರತಿ ಅವರ ನಡವಳಿಕೆಯಲ್ಲಿ ಬದಲಾವಣೆಯನ್ನು ತರಲು ಪ್ರಯತ್ನಿಸುತ್ತಿದ್ದೇವೆ" ಎಂದು ಅವರು ಹೇಳಿದರು.


"ನಾವು ಆ ಬದಲಾವಣೆಗಳನ್ನು ಮಾಡುವುದರಿಂದ ನೀರಿನ ಉಳಿತಾಯವನ್ನು ಸರಿಯಾಗಿ ಮಾಡಿಕೊಳ್ಳಬಹುದು ಮತ್ತು ನಾವು ಅನೇಕ ಎಚ್ಚರಿಕೆಗಳನ್ನು ನೀಡಿದ ನಂತರ ಒಂದು ಸಾಧನವನ್ನು ಅವರ ಮನೆಯಲ್ಲಿ ಸ್ಥಾಪಿಸಲಾಗುತ್ತದೆ, ಅದು ಮನೆಯ ನೀರಿನ ಪೂರೈಕೆಯನ್ನು ಭೌತಿಕವಾಗಿ ನಿರ್ಬಂಧಿಸುತ್ತದೆ, ಆದಾಗ್ಯೂ ಅಯಾಲಾ ಆ ಹೆಜ್ಜೆಯು ವಿರಳವಾಗಿ ಅಗತ್ಯವಾಗಿದೆ” ಎಂದು ಹೇಳಿದ್ದಾರೆ.


ಇದನ್ನೂ ಓದಿ: Flight Charges: ವಿಮಾನ ಪ್ರಯಾಣಿಕರಿಗೆ ಶುಭಸುದ್ದಿ! ಇನ್ಮೇಲೆ ಹೆಚ್ಚು ಹಣ ಉಳಿಸಿ


ಇದು ನೀರಿನ ಬಳಕೆಯಲ್ಲಿ ಜನರ ನಡುವಳಿಕೆ ಬದಲಾಗುತ್ತದೆಯೇ ಅಂತ ನೋಡಲು ಪ್ರಾರಂಭಿಸಿದೆ ಎಂದು ಅಲ್ಲಿನ ಜಲ ಇಲಾಖೆ ಹೇಳುತ್ತದೆ. ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿದರೆ ಜೂನ್ ನಲ್ಲಿ ವಸತಿ ನೀರಿನ ಬೇಡಿಕೆಯಲ್ಲಿ ಇಳಿಕೆಯಾಗಿದೆ ಎಂದು ಅಧಿಕಾರಿಗಳು ಗಮನಿಸಿದ್ದಾರೆ. ಆದರೆ ಬರಗಾಲವು ಉಲ್ಬಣಗೊಳ್ಳುತ್ತಿದ್ದಂತೆ, ನಗರದ ಭೂದೃಶ್ಯದಲ್ಲಿ ಹೆಚ್ಚು ಶಾಶ್ವತ ಬದಲಾವಣೆಗಳು ಅಗತ್ಯವಾಗಬಹುದು. ತಾಳೆ ಮರಗಳ ಸಾಲುಗಳಿಗೆ ಹೆಸರುವಾಸಿಯಾಗಿರುವ ಲಾಸ್ ಏಂಜಲೀಸ್ ಸಾಂಪ್ರದಾಯಿಕವಾಗಿ ತನ್ನ ಸೊಂಪಾದ, ಹಸಿರು ಹುಲ್ಲುಹಾಸುಗಳಿಗೆ ಹೆಸರುವಾಸಿಯಾಗಿದೆ, ಇದನ್ನು ಸ್ವಯಂಚಾಲಿತ ಸ್ಪ್ರಿಂಕ್ಲರ್ ಗಳಿಂದ ನಿರ್ವಹಿಸಲಾಗುತ್ತದೆ.


ಮರ ಗಿಡಗಳಿಗೂ ನೀರಿನ ಮಿತಿ!
"ವಸತಿಗಳಲ್ಲಿ ಎಷ್ಟು ನೀರನ್ನು ಬಳಸಲಾಗುತ್ತದೆ ಎಂದು ನಾವು ಯೋಚಿಸಿದಾಗ, ಶೇಕಡಾ 50ಕ್ಕಿಂತ ಹೆಚ್ಚು ನೀರನ್ನು ಹೊರಾಂಗಣದಲ್ಲಿ ಬಳಸಲಾಗುತ್ತದೆ" ಎಂದು ನಗರ ಲ್ಯಾಂಡ್ ಸ್ಕೇಪಿಂಗ್ ಸಂಸ್ಥೆಯಾದ ಜಿ3 ಗಾರ್ಡನ್ ಗ್ರೂಪ್ ನ ಕಾರ್ಯನಿರ್ವಾಹಕ ನಿರ್ದೇಶಕಿ ಪಮೇಲಾ ಬರ್ಸ್ಟ್ಲರ್ ಹೇಳಿದರು.


ದಕ್ಷಿಣ ಲಾಸ್ ಏಂಜಲೀಸ್ ನಿವಾಸಿಗಳಾದ ಗೇಬ್ರಿಯಲ್ ಗೋಲ್ಡನ್ ಮತ್ತು ಡೇನಿಯಲ್ ಕೊಪ್ಲಿಂಕೇಸ್ ಕೆಲವು ವರ್ಷಗಳ ಹಿಂದೆ ಈ ಕಾರ್ಯಕ್ರಮಕ್ಕೆ ಸೇರಿಕೊಂಡರು. "ಹುಲ್ಲು ಹಾಸಿಗೆ ನೀರುಣಿಸುವುದರಿಂದ ಉಂಟಾಗುವ ಪರಿಸರದ ಪ್ರಭಾವವು ಬರಡುಗಳ ನಡುವೆ ಮಾತ್ರವಲ್ಲದೆ, ಅತ್ಯಂತ ಶುಷ್ಕ ವಾತಾವರಣದಲ್ಲಿ ವಾಸಿಸುತ್ತದೆ, ಇದು ಸ್ಪಷ್ಟ ಆಯ್ಕೆಯಾಗಿದೆ" ಎಂದು ಅವರು ಹೇಳಿದರು.


ಕ್ಯಾಲಿಫೋರ್ನಿಯಾದ ಓಕ್ ನಂತಹ ಸ್ಥಳೀಯ ಸಸ್ಯಗಳು ಮತ್ತು ಬೆಳೆಯಲು ಪ್ರತಿ ವಾರ ಕೆಲವು ಹನಿ ನೀರು ಅಗತ್ಯವಿರುವ ಹೂವುಗಳು, ಈಗ ದಂಪತಿಗಳ ತೋಟವನ್ನು ಅಲಂಕರಿಸಿವೆ. "ದಕ್ಷಿಣ ಕ್ಯಾಲಿಫೋರ್ನಿಯಾದ ಕೆಲವು ಭಾಗಗಳಲ್ಲಿ ಕೆಲವರು ನೀರನ್ನು ವಾರಕ್ಕೆ ಒಂದು ದಿನ ನೀರುಣಿಸುವ ಮಟ್ಟಕ್ಕೆ ಇಳಿಸಿದ್ದಾರೆ" ಎಂದು ಸೈಮನ್ ಹೇಳಿದರು. ಇತರ ಜನಪ್ರಿಯ ಪರ್ಯಾಯಗಳಲ್ಲಿ ಕೃತಕ ಹುಲ್ಲು ಹಾಸುಗಳು ಅಥವಾ ಜಲ್ಲಿಕಲ್ಲುಗಳು ಸೇರಿವೆ, ಆದಾಗ್ಯೂ ಸೈಮನ್ ಕೆಲವು ರೀತಿಯ ಸಸ್ಯವರ್ಗವನ್ನು ಕಾಪಾಡಿಕೊಳ್ಳುವ ಪರಿಸರ ಪ್ರಯೋಜನಗಳನ್ನು ಇಲ್ಲಿ ಒತ್ತಿ ಹೇಳುತ್ತಾರೆ.


ನೀರಿನ ಅಭಾವ ಉಂಟಾಗಿರುವುದಕ್ಕೆ ಸಾಕ್ಷಿ
"ಸಮಸ್ಯೆ ಏನೆಂದರೆ, ನಾವು ಅನೇಕ ವಿಚಾರಗಳಲ್ಲಿ ತುಂಬಾನೇ ದೂರದೃಷ್ಟಿಯುಳ್ಳವರು ಆಗಿರುತ್ತೇವೆ. ಆದರೆ ಕೆಲವು ವಿಷಯಗಳಲ್ಲಿ ತುಂಬಾ ಸಂಕುಚಿತರಾಗಿದ್ದೇವೆ. ಅದರಲ್ಲಿ ಈ ನೀರನ್ನು ಉಳಿಸುವುದು ಒಂದು ಎಂದು ಹೇಳಬಹುದು" ಎಂದು ಅವರು ಹೇಳಿದರು. ನೆಟ್ಟ ಪ್ರದೇಶವು ಜಲ್ಲಿಕಲ್ಲು ಬದಲಿಗಿಂತ "ಸುಲಭವಾಗಿ 20 ಡಿಗ್ರಿ" ಫ್ಯಾರನ್ ಹೀಟ್ ಎಂದರೆ 10 ಡಿಗ್ರಿ ಸೆಲ್ಸಿಯಸ್ ನಿಂದ ತಂಪಾಗಿರಬಹುದು ಮತ್ತು "ನಾವು ಅದನ್ನು ಪಡೆದಾಗ ಮಳೆಯನ್ನು ಹಿಡಿದಿಟ್ಟುಕೊಳ್ಳುವ ಸಾಮರ್ಥ್ಯವಿದೆ, ಇದರಿಂದ ನಾವು ಜಲಚರಗಳನ್ನು ಮರುಪೂರಣ ಮಾಡಬಹುದು" ಎಂದು ಹೇಳುತ್ತಾರೆ.


ಇದನ್ನೂ ಓದಿ:  Netra Suraksha: ದೇಶವನ್ನು ರಕ್ಷಿಸುವವರ ಕಣ್ಣುಗಳನ್ನು ರಕ್ಷಿಸುತ್ತಿದೆ


ಬಾಡಿದ, ಅಸಮ ಹುಲ್ಲಿನ ಮೇಲೆ ಬೀಳುವ ನೀರು ಕೆಲವೇ ನಿಮಿಷಗಳಲ್ಲಿ ಆವಿಯಾಗುತ್ತದೆ. "ಇದು ನೋಡಲು ಹೃದಯ ವಿದ್ರಾವಕವಾಗಿದೆ, ಆದರೆ ಇದು ಒಂದು ಪಾಠವೂ ಹೌದು" ಎಂದು ಒಣಗಿದ ತೋಟವನ್ನು ತೋರಿಸುತ್ತಾ ಅವರು ಹೇಳುತ್ತಾರೆ.

Published by:Ashwini Prabhu
First published: