Mission Paani | ನೀರು ನನ್ನನ್ನ ಉಳಿಸಿದೆ – ಸ್ಲಿಪ್ ಡಿಸ್ಕ್​ನಿಂದ ಚೇತರಿಸಿಕೊಂಡ ಬಗೆ ವಿವರಿಸಿದ ಅಕ್ಷಯ್ ಕುಮಾರ್

ನ್ಯೂಸ್18 ಮತ್ತು ಹಾರ್ಪಿಕ್ ಇಂಡಿಯಾ ಸಂಸ್ಥೆಗಳು ನಡೆಸುತ್ತಿರುವ ಮಿಷನ್ ಪಾನಿ ವಾಟರ್​ಥಾನ್ (Mission Paani Waterthon) ಅಭಿಯಾನಕ್ಕೆ ಹಲವು ದೊಡ್ಡ ಸೆಲಬ್ರಿಟಿಗಳು, ಸಾಧಕರು ಕೈಜೋಡಿಸಿ ನೀರಿನ ಮಹತ್ವ ಹಾಗೂ ಜಲ ಸಂರಕ್ಷಣೆ ಬಗ್ಗೆ ಜಾಗೃತಿ ಮೂಡಿಸುವ ಕೆಲಸ ಮಾಡುತ್ತಿದ್ದಾರೆ. ಈ ಅಭಿಯಾನದಲ್ಲಿ “ಪಾನಿ ಕೀ ಕಹಾನಿ, ಭಾರತ್ ಕೀ ಜುಬಾನಿ” ಥೀಮ್ ಮೂಲಕ ಭಾರತದಲ್ಲಿ ಜಲ ಬಿಕ್ಕಟ್ಟಿನ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸಲಾಗುತ್ತಿದೆ. ಅಭಿಯಾನದ ರಾಯಭಾರಿಯಾಗಿರುವ ನಟ ಅಕ್ಷಯ್ ಕುಮಾರ್ ತಮ್ಮ ಫಿಟ್ನೆಸ್​ಗೆ ನೀರು ಹೇಗೆ ಪ್ರಮುಖ ಪಾತ್ರ ವಹಿಸಿದೆ ಎಂಬುದನ್ನು ಅನುಭವ ಸಮೇತ ಹಂಚಿಕೊಂಡಿದ್ದಾರೆ. ಹೈಡ್ರೋಥೆರಪಿ (ಜಲಚಿಕಿತ್ಸೆ) ಯಿಂದ ಆಗುವ ವಿವಿಧ ಅನುಕೂಲಗಳನ್ನ ಅವರು ತಿಳಿಸಿಕೊಟ್ಟಿದ್ದಾರೆ.

ಗಂಭೀರ ಗಾಯದ ಸಮಸ್ಯೆಯಿಂದ ಚೇತರಿಸಿಕೊಳ್ಳಲು ಹಾಗೂ ಕಠಿಣ ತರಬೇತಿ ನಂತರ ಚೇತರಿಸಿಕೊಳ್ಳಲು ಹೈಡ್ರೋಥೆರಪಿ ಮಾಡಲಾಗುತ್ತದೆ. ಅಥ್ಲೀಟ್​ಗಳಲ್ಲಿ ಇದು ಬಹಳ ಜನಪ್ರಿಯಾ ಚಿಕಿತ್ಸಾ ವಿಧಾನವಾಗಿದೆ. ಅಕ್ಷಯ್ ಕುಮಾರ್ ತೊಂಬತ್ತರ ದಶಕದಲ್ಲಿ ಸ್ಲಿಪ್ ಡಿಸ್ಕ್​ಗೆ ಒಳಗಾಗಿದ್ದರು. ಆಗ ಅವರು ಚೇತರಿಸಿಕೊಳ್ಳಲು ಬಹಳ ಪ್ರಯತ್ನಪಟ್ಟರೂ ಸಾಧ್ಯವಾಗಿರಲಿಲ್ಲ. ಕೊನೆಗೆ ಸ್ಲಿಪ್ ಡಿಸ್ಕ್ ಸಮಸ್ಯೆಯಿಂದ ಹೊರಬರಲು ಜಲಚಿಕಿತ್ಸೆ ಕಾರಣವಾಯಿತಂತೆ.

ಇದನ್ನೂ ಓದಿ: Mission Paani: ಸಿಎನ್​ಎನ್​-ನ್ಯೂಸ್​18ನಿಂದ ಇಂದು ಮಿಷನ್ ಪಾನಿ ವಾಟರಥಾನ್​; ಜಲ ಪ್ರತಿಜ್ಞೆ ಮೂಲಕ ನೀವೂ ಕೈ ಜೋಡಿಸಿ

ಜಲಥೆರಪಿ ಹೇಗೆ?

ಸ್ಲಿಪ್ ಡಿಸ್ಕ್ ಸಮಸ್ಯೆಯಿಂದ ಹೊರಬರಲು ಜಲಥೆರಪಿ ಹೇಗೆ ಸಾಧ್ಯವಾಗಿಸಿತು ಎಂಬುದನ್ನು ಅಕ್ಷಯ್ ಕುಮಾರ್ ವಿವರ ನೀಡಿದ್ದಾರೆ. ವಾಕಿಂಗ್, ಜಾಗಿಂಗ್, ರನ್ನಿಂಗ್ ಇತ್ಯಾದಿ ದೈಹಿಕ ಕಸರತ್ತುಗಳನ್ನ ನೀರಿನೊಳಗೆ ಮಾಡುವುದೇ ಜಲಥೆರಪಿಯ ಪ್ರಮುಖ ಅಂಶ. ನೀರಿನ ಒಳಗೆ ದೇಹ ಹಗುರವಾಗಿರುತ್ತದೆ. ಹೀಗಾಗಿ ಹೆಚ್ಚು ಒತ್ತಡ ಇಲ್ಲದೆ ವ್ಯಾಯಾಮ ಮಾಡಬಹುದಾಗಿದೆ ಎಂದು ಅಕ್ಷಯ್ ಕುಮಾರ್ ಹೇಳುತ್ತಾರೆ. ಸ್ಮಿಮಿಂಗ್ ಪೂಲ್​ನಲ್ಲಿ ಇಂಥ ವ್ಯಾಯಾಮ ಮಾಡಲು ಸಾಧ್ಯ ಎಂದು ಅವರು ಸಲಹೆ ನೀಡುತ್ತಾರೆ.

ಇದನ್ನೂ ಓದಿ: Mission Paani: ಗ್ರಾಮೀಣ ಮಹಿಳೆಯರ ನೀರಿನ ಬವಣೆ ಅರಿಯಲು ವಿನೂತನ ಪ್ರಯೋಗಕ್ಕೆ ಮುಂದಾದ ಬಾಲಿವುಡ್​ ಕಿಲಾಡಿ ಅಕ್ಷಯ್​ ಕುಮಾರ್

ಅಕ್ಷಯ್ ಕುಮಾರ್ ನಿತ್ಯವೂ ವಾಟರ್ ಟ್ರೆಡ್​ಮಿಲ್ ಕೂಡ ಬಳಸುತ್ತಾರೆ. ಈ ಟ್ರೆಡ್​ಮಿಲ್​ಗೆ ಬಳಸುವ ನೀರನ್ನು ಮೂರ್ನಾಲ್ಕು ತಿಂಗಳವರೆಗೂ ಮರಬಳಕೆ ಮಾಡುತ್ತಾರೆ. ಕೆಲ ಗ್ರಾಮೀಣ ಭಾಗದಲ್ಲಿ ಮಹಿಳೆಯರು ನೀರು ತರಲು ಹತ್ತು ಕಿಮೀ ದೂರದವರೆಗೆ ನಡೆದುಹೋಗುತ್ತಾರೆ. ಈ ಹಿನ್ನೆಲೆಯಲ್ಲಿ ಮಹಿಳೆಯರ ಕಷ್ಟಕ್ಕೆ ಜೊತೆಯಾಗಿ ನಿಲ್ಲಲು ಸಾಂಕೇತಿಕವಾಗಿಯೂ ಅಕ್ಷಯ್ ಕುಮಾರ್ ಅವರು ವಾಟರ್ ಟ್ರೆಡ್​ಮಿಲ್ ಉಪಯೋಗಿಸುತ್ತಿದ್ದಾರೆ.