Viral Video: ಮಕ್ಕಳಾಗದ ಮಹಿಳೆಯರ ಬೆನ್ನಿನ ಮೇಲೆ ನಡೆಯುವ ಅರ್ಚಕರು; ವಿಚಿತ್ರ ಪದ್ಧತಿಯ ವಿಡಿಯೋ ವೈರಲ್

ನವದೆಹಲಿ (ನ. 24): ದೇಶದಲ್ಲಿ ವೈದ್ಯಕೀಯ ಕ್ಷೇತ್ರ ಎಷ್ಟೇ ಮುಂದುವರೆದಿದ್ದರೂ ಮೂಢನಂಬಿಕೆಗಳು ಮಾತ್ರ ಕಡಿಮೆಯಾಗಿಲ್ಲ. ಮಕ್ಕಳಾಗದವರು ತಮಗೆ ಮಕ್ಕಳಾಗಲಿ ಎಂದು ಇನ್ನಿಲ್ಲದ ವ್ರತ, ಪೂಜೆಗಳನ್ನು ಮಾಡಿ, ಹರಕೆ ಕಟ್ಟಿಕೊಳ್ಳುವುದು ಇಂದಿಗೂ ನಿಂತಿಲ್ಲ. ಛತ್ತೀಸ್​ಗಢದಲ್ಲಿ ಅದೇ ರೀತಿ ಮಕ್ಕಳಾಗದವರು ಬಂದು ವಿಚಿತ್ರವಾದ ಹರಕೆಯೊಂದನ್ನು ಕಟ್ಟಿಕೊಳ್ಳುತ್ತಾರೆ. ಅಷ್ಟಕ್ಕೂ ಏನದು ಹರಕೆ ಅಂತೀರಾ? ಇಲ್ಲಿದೆ ಮಾಹಿತಿ...

ಛತ್ತೀಸ್​ಗಢದ ಧಮಂತರಿ ಜಿಲ್ಲೆಯ ದೇವಸ್ಥಾನದಲ್ಲಿ ಒಂದು ವಿಚಿತ್ರವಾದ ನಂಬಿಕೆಯಿದೆ. ಇಲ್ಲಿನ ಅರ್ಚಕ ಮಹಿಳೆಯರ ಮೈಮೇಲೆ ನಡೆದರೆ ಅವರಿಗೆ ಮಕ್ಕಳಾಗುತ್ತದೆ ಎಂಬ ನಂಬಿಕೆಯಿದೆ. ಹೀಗಾಗಿ, ಇಲ್ಲಿಗೆ ಮಕ್ಕಳಾಗದ ಸಾವಿರಾರು ಮಹಿಳೆಯರು ಬಂದು ಅಂಗಳದಲ್ಲಿ ಮಲಗುತ್ತಾರೆ. ಅವರ ಬೆನ್ನಿನ ಮೇಲೆ ಅರ್ಚಕ ನಡೆಯುತ್ತಾರೆ. ಮಹಿಳೆಯರ ಮೇಲೆ ಅರ್ಚಕ ನಡೆಯುತ್ತಿರುವ ಆ ವಿಡಿಯೋ ವೈರಲ್ ಆಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ.

ಇಲ್ಲಿ ನಡೆಯುವ ಮಧಾಯ್ ಮೇಳ ಎಂಬ ಉತ್ಸವದಲ್ಲಿ ಪ್ರತಿವರ್ಷ ಮಕ್ಕಳಾಗದ ಮಹಿಳೆಯರು ಬಂದು ಈ ಹರಕೆ ತೀರಿಸುತ್ತಾರೆ. ದೀಪಾವಳಿ ಮುಗಿದ ಬಳಿಕ ಮೊದಲ ಶುಕ್ರವಾರ ನಡೆಯುವ ಈ ಉತ್ಸವದಲ್ಲಿ ಅಂಗಾರಮೂರ್ತಿ ದೇವಿಯ ದರ್ಶನಕ್ಕೆ ಬರುವ ಮಹಿಳೆಯರು ಮಕ್ಕಳಾಗಲು ಅರ್ಚಕರ ಕಾಲ್ತುಳಿತಕ್ಕೆ ಒಳಗಾಗುತ್ತಾರೆ ಎಂದು ಇಂಡಿಯನ್ ಎಕ್ಸ್​ಪ್ರೆಸ್ ವರದಿ ಮಾಡಿದೆ.

Chhattisgarh: In a bizarre ritual, hundreds of married women longing for conception lay down on the ground on Friday to allow priests and witchdoctors to walk on their backs to enter a temple in Dhamtari, believing this will bless them with a child#unknownwriter #Netflix pic.twitter.com/8Yeu5ZimBd

— Unknown_writer.Gupt (@GUnknown_writer) November 22, 2020

ಸುಮಾರು 500 ವರ್ಷಗಳಿಂದ ಈ ಪದ್ಧತಿ ನಡೆದುಕೊಂಡು ಬರುತ್ತಿದೆ. ಆಗಿನಿಂದಲೂ ಮಕ್ಕಳಾಗದವರು ಇಲ್ಲಿಗೆ ಬಂದು ಹರಕೆ ಕಟ್ಟಿಕೊಳ್ಳುತ್ತಿದ್ದಾರೆ. ಈ ಪದ್ಧತಿಯಿಂದ ತಮಗೆ ಮಕ್ಕಳಾಗುತ್ತದೆ ಎಂದು ಸ್ಥಳೀಯರು ಬಲವಾಗಿ ನಂಬಿದ್ದಾರೆ. ಈ ಉತ್ಸವದ ಬಳಿಕ ಅನೇಕ ಮಹಿಳೆಯರು ಗರ್ಭ ಧರಿಸಿದ ಉದಾಹರಣೆಗಳೂ ಇವೆ ಎನ್ನುತ್ತಾರೆ ಸ್ಥಳೀಯರು.

Not bizarre but make women look like pigs, worse, pack of cow dung!
"Chhattisgarh: In bizarre ritual, 100s of married women longing for conception lay down & allow priests to walk on their backs to enter temple, believing this will bless them with child."pic.twitter.com/VvsYG1iwtI https://t.co/N4SeDztEPU

— K K (@kk0000000000) November 22, 2020

ವೈರಲ್ ಆಗಿರುವ ವಿಡಿಯೋದಲ್ಲಿ ಸುಮಾರು 200ಕ್ಕೂ ಅಧಿಕ ಮಹಿಳೆಯರು ಮೈದಾನದಲ್ಲಿ ಮಲಗಿಕೊಂಡಿದ್ದಾರೆ. ಸಾಲಾಗಿ ಮಲಗಿರುವ ಅವರ ಬೆನ್ನಿನ ಮೇಲೆ ಅರ್ಚಕರು ಮಂತ್ರ ಪಠಿಸುತ್ತಾ, ನಡೆಯುತ್ತಿದ್ದಾರೆ. ಸುತ್ತಲೂ ನಿಂತ ಅವರ ಕುಟುಂಬಸ್ಥರು ದೇವರನ್ನು ಬೇಡಿಕೊಳ್ಳುತ್ತಿದ್ದಾರೆ. ಈ ವಿಡಿಯೋಗೆ ಪರ-ವಿರೋಧ ಅಭಿಪ್ರಾಯಗಳು ವ್ಯಕ್ತವಾಗಿವೆ.