Air Marshal VR Chaudhari: ಭಾರತೀಯ ವಾಯುಪಡೆಯ ಮುಂದಿನ ಮುಖ್ಯಸ್ಥರಾಗಿ ವಿಆರ್ ಚೌಧರಿ ಆಯ್ಕೆ

ಆರ್​ಕೆಎಸ್  ಭದೌರಿಯಾ ಅವರು, ಬಿಎಸ್ ಧನೋವಾ ಅವರಿಂದ ಸೆಪ್ಟೆಂಬರ್ 2019 ರಲ್ಲಿ ಏರ್ ಚೀಪ್ ಮಾರ್ಷಲ್ ಆಗಿ ಅಧಿಕಾರ ವಹಿಸಿಕೊಂಡರು. ಪ್ರಾಸಂಗಿಕವಾಗಿ, ಭದೌರಿಯಾ ಅದೇ ದಿನ ನಿವೃತ್ತರಾಗಲಿದ್ದಾರೆ.

ವಿಆರ್ ಚೌಧರಿ

ವಿಆರ್ ಚೌಧರಿ

  • Share this:
    ಮಂಗಳವಾರ ರಕ್ಷಣಾ ಸಚಿವಾಲಯವು ಪ್ರಸ್ತುತ ವಾಯುಪಡೆಯ ವೈಸ್ ಚೀಫ್ ಏರ್ ಮಾರ್ಷಲ್ ವಿಆರ್ ಚೌಧರಿ ಅವರನ್ನು (Vice Chief of Air Staff,  Air Marshal VR Chaudhari) ಭಾರತೀಯ ವಾಯುಪಡೆಯ ಮುಂದಿನ ಮುಖ್ಯಸ್ಥರನ್ನಾಗಿ (Chief of the Indian Air Force) ನೇಮಿಸಿದೆ. ಪ್ರಸ್ತುತ ವಾಯುಪಡೆಯ ಮುಖ್ಯಸ್ಥ, ಏರ್ ಚೀಫ್ ಮಾರ್ಷಲ್ ಆರ್ ಕೆ ಎಸ್ ಭದೌರಿಯಾ (Air Chief Marshal RKS Bhadauria) ಅವರು ಸೆಪ್ಟೆಂಬರ್ 30 ರಂದು ಸೇವೆಯಿಂದ ನಿವೃತ್ತರಾಗಲಿದ್ದಾರೆ.

    ಏರ್ ಮಾರ್ಷಲ್ ವಿಆರ್ ಚೌಧರಿ ಅವರನ್ನು ಡಿಸೆಂಬರ್ 28, 1982 ರಂದು ಭಾರತೀಯ ವಾಯುಪಡೆಯ ಫೈಟರ್ ಸ್ಟ್ರೀಮ್‌ಗೆ ನಿಯೋಜಿಸಲಾಯಿತು ಮತ್ತು ಪ್ರಸ್ತುತ ವಾಯುಪಡೆಯ ವೈಸ್ ಚೀಫ್ ಸೇರಿದಂತೆ ವಿವಿಧ ಹಂತಗಳಲ್ಲಿ ವಿವಿಧ ಕಮಾಂಡ್, ಸಿಬ್ಬಂದಿ ಮತ್ತು ಸೂಚನಾ ನೇಮಕಾತಿ ವಿಭಾಗಗಳಲ್ಲಿ ಇವರು ಸೇವೆ ಸಲ್ಲಿಸಿದ್ದಾರೆ ಎಂದು ಸಚಿವಾಲಯದ ಪ್ರಕಟಣೆ ತಿಳಿಸಿದೆ. ವಿಆರ್ ಚೌಧರಿ ಅವರು PVSM (ಪರಂ ವಿಶಿಷ್ಟ ಸೇವಾ ಪದಕ), AVSM (ಪರಂ ವಿಶಿಷ್ಟ ಸೇವಾ ಪದಕ) ಮತ್ತು (ವಾಯು ಪದಕ) VM ಗಳ ಗೌರವಕ್ಕೆ ಭಾಜನರಾಗಿದ್ದಾರೆ.

    ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿ ಮತ್ತು ಡಿಫೆನ್ಸ್ ಸರ್ವಿಸಸ್ ಸ್ಟಾಫ್ ಕಾಲೇಜಿನ ಹಳೆಯ ವಿದ್ಯಾರ್ಥಿ, ಚೌಧರಿ ಅವರು ತನ್ನ ವೃತ್ತಿಜೀವನದಲ್ಲಿ ಮುಂಚೂಣಿಯ ಫೈಟರ್ ಸ್ಕ್ವಾಡ್ರನ್ ಮತ್ತು ಫೈಟರ್ ಬೇಸ್ ಅನ್ನು ಮುನ್ನಡೆಸಿದ್ದಾರೆ. ಅವರು ಡೆಪ್ಯೂಟಿ ಕಮಾಂಡೆಂಟ್, ಏರ್ ಫೋರ್ಸ್ ಅಕಾಡೆಮಿ, ವಾಯು ಸಿಬ್ಬಂದಿ ಕಾರ್ಯಾಚರಣೆಗಳ ಸಹಾಯಕ ಮುಖ್ಯಸ್ಥರು (ವಾಯು ರಕ್ಷಣಾ) ಮತ್ತು ಸಹಾಯಕ ವಾಯು ಸಿಬ್ಬಂದಿ (ಸಿಬ್ಬಂದಿ ಅಧಿಕಾರಿಗಳು)  ಸೇರಿದಂತೆ ಇತರ ಹಲವಾರು ಹುದ್ದೆಗಳನ್ನು ನಿರ್ವಹಿಸಿದ್ದಾರೆ.

    ಈ ಹಿಂದೆ, ಅವರು ಏರ್ ಹೆಚ್ಕ್ಯುನಲ್ಲಿ ಏರ್ ಸ್ಟಾಫ್​ನ ಉಪ ಮುಖ್ಯಸ್ಥರಾಗಿ ಮತ್ತು ಪೂರ್ವ ಏರ್ ಕಮಾಂಡ್​ನಲ್ಲಿ ಹಿರಿಯ ಏರ್ ಸ್ಟಾಫ್ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದರು. ಜುಲೈನಲ್ಲಿ ಅವರು ಉಪ ಮುಖ್ಯಸ್ಥರಾಗಿ ಅಧಿಕಾರ ವಹಿಸಿಕೊಳ್ಳುವ ಮೊದಲು, ಚೌಧರಿ ಪಶ್ಚಿಮ ಏರ್ ಕಮಾಂಡ್‌ನ ಕಮಾಂಡರ್-ಇನ್-ಚೀಫ್ ಆಗಿ ಸೇವೆ ಸಲ್ಲಿಸಿದರು. ಪಾಕಿಸ್ತಾನ ಮತ್ತು ಚೀನಾದ ಎರಡೂ ಗಡಿಗಳ ಭಾಗಗಳಿಗೆ IAF ನ ಅತಿದೊಡ್ಡ ಏರ್ ಕಮಾಂಡ್. ಪಶ್ಚಿಮ ಏರ್ ಕಮಾಂಡ್ ಲಡಾಖ್ ಅನ್ನು ರಕ್ಷಿಸುವ ಹೊಣೆಗಾರಿಕೆಯನ್ನು ಹೊಂದಿದೆ, ಅಲ್ಲಿ ಮೇ 2020 ರಿಂದ ಭಾರತ ಮತ್ತು ಚೀನಾ 16 ತಿಂಗಳಿಗಿಂತ ಹೆಚ್ಚು ಕಾಲ ಘರ್ಷಣೆಯಲ್ಲಿ ತೊಡಗಿಕೊಂಡಿವೆ.

    ಇದನ್ನು ಓದಿ: Mahant Narendra Giri Suicide: ಬೆದರಿಕೆಯಿಂದ ಸಾವಿಗೆ ಶರಣಾಗುತ್ತಿದ್ದೇನೆ; ಹೆಸರು ಬರೆದಿಟ್ಟು ಆತ್ಮಹತ್ಯೆ ಮಾಡಿಕೊಂಡ ಮಹಂತ್ ನರೇಂದ್ರ ಗಿರಿ

    ಆರ್​ಕೆಎಸ್  ಭದೌರಿಯಾ ಅವರು, ಬಿಎಸ್ ಧನೋವಾ ಅವರಿಂದ ಸೆಪ್ಟೆಂಬರ್ 2019 ರಲ್ಲಿ ಏರ್ ಚೀಪ್ ಮಾರ್ಷಲ್ ಆಗಿ ಅಧಿಕಾರ ವಹಿಸಿಕೊಂಡರು. ಪ್ರಾಸಂಗಿಕವಾಗಿ, ಭದೌರಿಯಾ ಅದೇ ದಿನ ನಿವೃತ್ತರಾಗಲಿದ್ದಾರೆ. ಅವರು ವಾಯುಪಡೆಯ ಮುಖ್ಯಸ್ಥರಾಗಿ ಎರಡು ವರ್ಷ ಸೇವೆ ಸಲ್ಲಿಸಿದ್ದರು. ಜೂನ್ 1980 ರಲ್ಲಿ ವಾಯುಪಡೆಯ ಫೈಟರ್ ಸ್ಟ್ರೀಮ್​ನಲ್ಲಿ ನಿಯೋಜನೆಗೊಂಡ ಭದೌರಿಯಾ ಅವರು ಅರ್ಹತೆಯ ಒಟ್ಟಾರೆ ಕ್ರಮದಲ್ಲಿ ಅಗ್ರಸ್ಥಾನದಲ್ಲಿದ್ದ ಕಾರಣ ಗೌರವದ ಖಡ್ಗ (word of Honour) ಗೆದ್ದರು.

    26 ವಿಧದ ಫೈಟರ್‌ ವಿಮಾನ ಮತ್ತು ಸಾರಿಗೆ ವಿಮಾನಗಳಲ್ಲಿ 4,250 ಗಂಟೆಗಳಿಗಿಂತ ಹೆಚ್ಚು ಹಾರಾಟದ ಅನುಭವ ಹೊಂದಿರುವ ಏರ್ ಮಾರ್ಷಲ್ ಭದೌರಿಯಾ ದೇಶೀಯವಾಗಿ ವಿನ್ಯಾಸಗೊಳಿಸಿದ ಲಘು ಯುದ್ಧ ವಿಮಾನ ತೇಜಸ್‌ನ ಮುಖ್ಯ ಪರೀಕ್ಷಾ ಪೈಲಟ್ ಆಗಿದ್ದಾರೆ. ಅವರು ರಫೇಲ್ ಜೆಟ್ ಒಪ್ಪಂದದ ಸಮಾಲೋಚನಾ ಸಮಿತಿಯ ನೇತೃತ್ವ ವಹಿಸಿದ್ದರು ಮತ್ತು ನಂತರ ರಫೇಲ್ ವಿಮಾನಗಳನ್ನು ಹಾರಿಸಿದ ಭಾರತೀಯ ವಾಯುಪಡೆಯ ಮೊದಲ ಪೈಲಟ್‌ಗಳಲ್ಲಿ ಒಬ್ಬರಾಗಿದ್ದರು.
    Published by:HR Ramesh
    First published: