Russia-Ukraine War: ಉಕ್ರೇನ್‌ ಮೇಲೆ ಪುಟಿನ್ ಅಣ್ವಸ್ತ್ರ ಬಳಸಿದರೆ, ನಾವೂ ಕೂಡ ಗೇಮ್‌ ಪ್ಲ್ಯಾನ್‌ ಮಾಡಿಕೊಂಡಿದ್ದೇವೆ! ಅಮೆರಿಕಾ ಖಡಕ್ ಎಚ್ಚರಿಕೆ

ವಾಷಿಂಗ್ಟನ್: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ (Russian President Vladimir Putin) ಉಕ್ರೇನ್‌ನಲ್ಲಿ ಪರಮಾಣು ಅಸ್ತ್ರವನ್ನು ಬಳಸಿದರೆ ಅಮೆರಿಕವು ತಕ್ಕ ಪ್ರತಿಕ್ರಿಯೆ ನೀಡುತ್ತದೆ. ಇದಕ್ಕಾಗಿಯೇ ಯುಸ್‌ ಗೇಮ್‌ ಪ್ಲ್ಯಾನ್‌ ಅನ್ನು ಸಿದ್ಧವಾಗಿಸಿಕೊಂಡಿದೆ ಎಂದು ರಷ್ಯಾಗೆ ಅಧ್ಯಕ್ಷ ಜೋ ಬೈಡನ್ (Joe Biden) ಎಚ್ಚರಿಕೆ ರವಾನಿಸಿದ್ದಾರೆ. ಮಾಧ್ಯಮಗಳಿಗೆ ನೀಡಿದ ಸಂದರ್ಶನದಲ್ಲಿ, ಅನಿಶ್ಚಯತೆಗಳೊಂದಿಗೆ ಬರಲು ರಕ್ಷಣಾ ಇಲಾಖೆಗೆ ನಿರ್ದೇಶನ ನೀಡಿದ್ದಾರೆಯೇ ಎಂಬ ಪ್ರಶ್ನೆಗೆ ಪ್ರತಿಕ್ರಿಯೆಯಾಗಿ ಬೈಡನ್ ಚರ್ಚೆಗಳ ಬಗ್ಗೆ ವಿವರಿಸಲು ನಿರಾಕರಿಸಿದರೂ ಸಹ, ಪುಟಿನ್ ಉಕ್ರೇನ್‌ನಲ್ಲಿ ಪರಮಾಣು ಸ್ಥಾವರಕ್ಕೆ ಬಾಂಬ್ ಹಾಕಿದರೆ ಅಥವಾ ಯುದ್ಧತಂತ್ರದ ಪರಮಾಣು ಶಸ್ತ್ರಾಸ್ತ್ರವನ್ನು (Nuclear weapons) ಸ್ಥಾಪಿಸಿದರೆ ವಾಷಿಂಗ್ಟನ್ ಏನು ಮಾಡಬೇಕು ಎಂಬುದರ ಬಗ್ಗೆ ನಿರ್ಧರಿಸಿದೆ ಎಂದು ಜೋ ಬೈಡನ್ ಸುಳಿವು ನೀಡಿದರು.

"ಉಕ್ರೇನ್ ವಿರುದ್ಧ ಅಣ್ವಸ್ತ್ರ ಬಳಕೆ ಬಗ್ಗೆ ಪುಟಿನ್ ತಮಾಷೆ ಮಾಡುತ್ತಿಲ್ಲ"
ನ್ಯೂಯಾರ್ಕ್ ನಗರದಲ್ಲಿ ವಾರದ ಹಿಂದೆ ನಡೆದ ಡೆಮಾಕ್ರಟಿಕ್‌ ಪಕ್ಷದ ನಿಧಿ ಸಂಗ್ರಹ ಕಾರ್ಯಕ್ರಮದಲ್ಲಿ ಮಾತನಾಡಿದ್ದ ಬಿಡೆನ್, ‘1962ರಲ್ಲಿ ಉಂಟಾದ ಕ್ಯೂಬಾ ಕ್ಷಿಪಣಿ ಬಿಕ್ಕಟ್ಟಿನ ಬಳಿಕ ಇಂತಹ ವಿನಾಶದ ಅಪಾಯಗಳು ಎದುರಾಗಿರಲಿಲ್ಲ. ಉಕ್ರೇನ್‌ ಮೇಲೆ ಆಕ್ರಮಣ ಮುಂದುವರಿಸಲು ಪರಮಾಣು ಶಸ್ತ್ರಾಸ್ತ್ರ ಬಳಸುವ ವಿಚಾರವಾಗಿ ಬೆದರಿಕೆ ಹಾಕುತ್ತಿರುವ ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ತಮಾಷೆ ಮಾಡುತ್ತಿಲ್ಲ’ ಅಂತಾ ಎಚ್ಚರಿಕೆ ನೀಡಿದ್ದರು. ಒಂದು ವೇಳೆ ಪುಟಿನ್ ಪರಮಾಣು ಶಸ್ತ್ರಾಸ್ತ್ರಗಳನ್ನು ಸೀಮಿತ ಪ್ರದೇಶದಲ್ಲಿ ಬಳಸಿದರೂ ಅದರ ಪರಿಣಾಮವನ್ನು ಇಡೀ ಪ್ರಪಂಚವೇ ಎದುರಿಸಬೇಕಾಗುತ್ತದೆ ಎಂದು ಅವರು ತಿಳಿಸಿದ್ದರು. ಈ ಎಲ್ಲಾ ಸಂಘರ್ಷವನ್ನು ಅಂತ್ಯಗೊಳಿಸಲು ಪುಟಿನ್‌ ಮನವೊಲಿಸುವ ಪ್ರಯತ್ನವನ್ನು ಯುಎಸ್ ಮಾಡುತ್ತಿದೆ' ಎಂದು ಬೈಡನ್ ಕಳೆದ ವಾರ ಹೇಳಿದ್ದರು.

ಬೈಡನ್ ಅವರ ಈ ಹೇಳಿಕೆಯ ನಂತರ, ರಷ್ಯಾ ಪರಮಾಣು ದಾಳಿಗೆ ತಯಾರಿ ನಡೆಸುತ್ತಿದೆ ಎಂದು ಸೂಚಿಸುವ ಯಾವುದೇ ಗುಪ್ತಚರ ಇಲ್ಲ ಎಂದು ಯುಎಸ್ ಅಧಿಕಾರಿಗಳು ಹೇಳಿದ್ದರು. ಈ ವರದಿ ಬಂದಮೇಲೆ ಮಂಗಳವಾರ ಬಿಡೆನ್ ತಮ್ಮ ಹೇಳಿಕೆಗಳನ್ನು ಪುಟಿನ್ ಅವರ ಕಡೆಗೆ ನಿರ್ದೇಶಿಸಿದ್ದಾರೆ ಮತ್ತು ರಷ್ಯಾದ ನಾಯಕ ಪರಮಾಣು ಶಸ್ತ್ರಾಸ್ತ್ರಗಳನ್ನು ನಿಯೋಜಿಸುವುದರೊಂದಿಗೆ ಮುಂದುವರಿಯುತ್ತಾರೆ ಎಂದು ನಾನು ಭಾವಿಸುವುದಿಲ್ಲ. ಪುಟಿನ್‌ ಮನಸ್ಸಿನಲ್ಲಿ ಏನಿದೆ ಎಂಬುವುದು ಗೊತ್ತಿಲ್ಲ, ಆದರೆ ನನಗೆ ಅವರು ಈ ನಿರ್ಧಾರವನ್ನು ಕೈಬಿಡಬಹುದು ಎಂದು ಬಲವಾಗಿ ಎನಿಸುತ್ತಿದೆ ಎಂದರು.

ಇದನ್ನೂ ಓದಿ: Tulsi Gabbard: ಅಮೆರಿಕದ ಡೆಮಾಕ್ರಟಿಕ್‌ ಪಕ್ಷ ತೊರೆದ ತುಳಸಿ ಗಬ್ಬಾರ್ಡ್

ಈ ಹೇಳಿಕೆ ಬಳಿಕ ಸಂದರ್ಶನದಲ್ಲಿ ಪುಟಿನ್ ಉಕ್ರೇನ್‌ನಲ್ಲಿ ಪರಮಾಣು ಅಸ್ತ್ರವನ್ನು ಬಳಸಿದರೆ ಅಮೆರಿಕ ಸಹ ಗೇಮ್‌ ಪ್ಲ್ಯಾನ್‌ ರೆಡಿ ಮಾಡಿಕೊಂಡಿದೆ ಎಂದು ತಿಳಿಸಿದರು. "ನಾವು ಏನು ಮಾಡುತ್ತೇವೆ ಅಥವಾ ಮಾಡಬಾರದು ಎಂಬುದರ ಕುರಿತು ಮಾತನಾಡುವುದು ನನಗೆ ಬೇಜವಾಬ್ದಾರಿ ಎನಿಸುತ್ತದೆ" ಎಂದು ಬೈಡನ್ ಹೇಳಿದರು.

ಉಕ್ರೇನ್‌ಗೆ ಸುಧಾರಿತ ಉಪಕರಣಗಳನ್ನು ಒದಗಿಸಲು ಯುಎಸ್‌ ಸಜ್ಜು
ʼಉಕ್ರೇನ್-ರಷ್ಯಾ ಯುದ್ಧದ ಬಗ್ಗೆ ಮಾತನಾಡಿದ ಅವರು ಬೈಡನ್ ಮತ್ತು ಅವರ ಮಿತ್ರರಾಷ್ಟ್ರಗಳು ಉಕ್ರೇನ್‌ಗೆ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನು ಪೂರೈಸಲು ಹೊಸ ಒತ್ತಡವನ್ನು ಎದುರಿಸುತ್ತಿದ್ದಾರೆ, ಈವರೆಗೆ ಯುದ್ಧವನ್ನು ಹೆಚ್ಚಿಸಬಾರದೆಂಬ ಉದ್ದೇಶದಿಂದ ಶಸ್ತ್ರಾಸ್ತ್ರಗಳನ್ನು ಪೂರೈಸಲು ನಿರ್ಧರಿಸಿರಲಿಲ್ಲ.

ಪ್ರಸ್ತುತ ಉಕ್ರೇನಿಯನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಸೋಮವಾರ ಬೈಡನ್ ಅವರೊಂದಿಗೆ ಕರೆ ಮಾಡಿದ ನಂತರ ಅಮೆರಿಕಾ ಸುಧಾರಿತ ಉಪಕರಣಗಳನ್ನು ಒದಗಿಸಲು ಸಿದ್ಧರಿದ್ದಾರೆ ಎಂಬುದಾಗಿ ತಿಳಿಸಿದರು.

ಪುಟಿನ್‌ ಅವರು ರಷ್ಯಾದ ಎಲ್ಲಾ ಭಾಷಿಕರನ್ನು ಒಂದುಗೂಡಿಸುವ ರಷ್ಯಾದ ನಾಯಕರಾಗಬೇಕಾಗಿತ್ತು. ಅಂದರೆ, ಅವರು ಎಡವುತ್ತಿದ್ದಾರೆ ಎಂದು ನಾನು ಭಾವಿಸುತ್ತೇನೆ, ಎಂದು ಬೈಡನ್ ಸಂದರ್ಶನದಲ್ಲಿ ಹೇಳಿದರು.

G20 ಶೃಂಗಸಭೆಯಲ್ಲಿ ಫುಟಿನ್‌ ಭೇಟಿ ಮಾಡುತ್ತಾರಾ ಬೈಡನ್?
ಸಂದರ್ಶನದಲ್ಲಿ ಮುಂದಿನ ತಿಂಗಳು ಇಂಡೋನೇಷ್ಯಾದಲ್ಲಿ ನಡೆಯಲಿರುವ G20 ಶೃಂಗಸಭೆಯ ಸಂದರ್ಭದಲ್ಲಿ ಬೈಡನ್ ರಷ್ಯಾದ ಅಧ್ಯಕ್ಷ ಪುಟಿನ್ ಅವರನ್ನು ಭೇಟಿಯಾಗುತ್ತಾರೆಯೇ ಎಂಬ ಪ್ರಶ್ನೆಯನ್ನು ಸಹ ಇಡಲಾಗಿತ್ತು. ಈ ಬಗ್ಗೆ ಪ್ರತಿಕ್ರಿಯಿಸಿದ ಬಿಡೆನ್, ಸಭೆಯನ್ನು ತಳ್ಳಿಹಾಕದಿದ್ದರೂ ಷರತ್ತುಗಳನ್ನು ಲಗತ್ತಿಸಲಾಗಿದೆ ಎಂದು ಹೇಳಿದರು.

ಇದನ್ನೂ ಓದಿ:  Joe Biden: ಪಾಕಿಸ್ತಾನ ವಿಶ್ವದ ಅತ್ಯಂತ ಅಪಾಯಕಾರಿ ರಾಷ್ಟ್ರ ಎಂದ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್!

ಪುಟಿನ್‌ ಕ್ರೂರವಾಗಿ ವರ್ತಿಸುತ್ತಿದ್ದಾರೆ. ಅವರು ಯುದ್ಧ ಅಪರಾಧಗಳನ್ನು ಎಸಗಿದ್ದಾರೆ ಎಂದು ನಾನು ಭಾವಿಸುತ್ತೇನೆ, ಆದ್ದರಿಂದ ನಾನು ಅವರನ್ನು ಭೇಟಿಯಾಗಲು ಯಾವುದೇ ತಾರ್ಕಿಕತೆಯನ್ನು ನೋಡುವುದಿಲ್ಲ" ಎಂದು ಉತ್ತರಿಸಿದರು.