HOME » NEWS » National-international » UNION HOME MINISTER AMIT SHAH RECEIVED THE FIRST SHOT OF THE COVID 19 SESR

Amit Shah: ಕೋವಿಡ್​​ ಲಸಿಕೆ ಪಡೆದ ಕೇಂದ್ರ ಗೃಹ ಸಚಿವ ಅಮಿತ್​ ಶಾ

ಈ ಹಿಂದೆ ಅವರು ಚಿಕಿತ್ಸೆ ಪಡೆದ ಮೆದಾಂತ್​ ಆಸ್ಪತ್ರೆಯಲ್ಲಿ ಡಾ. ನರೇಶ್​ ವೈದ್ಯರ ತಂಡದ ಮೇಲ್ವಿಚಾರಣೆಯಲ್ಲಿ ಅವರು ಲಸಿಕೆ ಪಡೆದಿದ್ದಾರೆ

news18-kannada
Updated:March 1, 2021, 9:46 PM IST
Amit Shah: ಕೋವಿಡ್​​ ಲಸಿಕೆ ಪಡೆದ ಕೇಂದ್ರ ಗೃಹ ಸಚಿವ ಅಮಿತ್​ ಶಾ
ಅಮಿತ್​ ಶಾ
  • Share this:
ದೇಶದ ಅತಿ ದೊಡ್ಡ ಮೂರನೇ ಹಂತದ ಕೋವಿಡ್​ ಲಸಿಕಾ ಅಭಿಯಾನ ಇಂದು ಚಾಲನೆಗೊಂಡಿದೆ. ಪ್ರಧಾನಿ ನರೇಂದ್ರ ಮೋದಿ ಅವರೇ ಖುದ್ದಾಗಿ ಇಂದು ಲಸಿಕೆಯ ಮೊದಲ ಡೋಸ್ ಪಡೆದಿದ್ದಾರೆ. ಇವರ ಬಳಿಕ ಕೇಂದ್ರ ಗೃಹ ಸಚಿವ ಅಮಿತ್​ ಶಾ ಕೂಡ ಮೊದ ಡೋಸ್​ ಲಸಿಕೆ ಪಡೆದಿದ್ದಾರೆ. ಈ ಹಿಂದೆ ಅವರು ಚಿಕಿತ್ಸೆ ಪಡೆದ ಮೆದಾಂತ್​ ಆಸ್ಪತ್ರೆಯಲ್ಲಿ ಡಾ. ನರೇಶ್​ ವೈದ್ಯರ ತಂಡದ ಮೇಲ್ವಿಚಾರಣೆಯಲ್ಲಿ ಅವರು ಲಸಿಕೆ ಪಡೆದಿದ್ದಾರೆ. ಕಳೆದ ಆಗಸ್ಟ್​ನಲ್ಲಿ ಗೃಹ ಸಚಿವ ಅಮಿತ್​ ಶಾ ಅವರು ಕೊರೋನಾ ವೈರಸ್​ ಸೋಂಕಿಗೆ ತುತ್ತಾಗಿದ್ದರು. ಅವರು ಮೆದಾಂತ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಬಳಿಕ ಕೋವಿಡ್​ನಂತರದ ಚಿಕಿತ್ಸೆಗೆ ಏಮ್ಸ್​ಗೆ ದಾಖಲಾಗಿ ಸುದ್ದಿಯಾಗಿದ್ದರು. ಸದ್ಯ ಪಶ್ಚಿಮ ಬಂಗಾಳದ ವಿಧಾನಸಭಾ ಚುನಾವಣೆ ಹಿನ್ನಲೆ ಅವರು ಸಕ್ರಿಯರಾಗಿದ್ದು, ಸಾರ್ವಜನಿಕ ಸಮಾವೇಶಗಳಲ್ಲಿ ಭಾಗಿಯಾಗುತ್ತಿದ್ದಾರೆ.



ಭಾರತ್ ಬಯೋಟೆಕ್ ಸಂಸ್ಥೆಯ ಕೋವ್ಯಾಕ್ಸಿನ್ ಲಸಿಕೆ ಅಭಿಯಾನದಲ್ಲಿ ಇಂದು ಬೆಳಗ್ಗೆ ಪ್ರಧಾನಿ ನರೇಂದ್ರ ಮೋದಿ ಏಮ್ಸ್​​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದರು.  ಈ ಮೂಲಕ ಕೋವ್ಯಾಕ್ಸಿನ್ ಬಗ್ಗೆ ಜನಸಾಮಾನ್ಯರಿಗಿರುವ ತುಸು ಅನುಮಾನ ಮತ್ತು ಭಯವನ್ನ ಹೋಗಲಾಡಿಸುವ ಪ್ರಯತ್ನವನ್ನ ಪ್ರಧಾನಿ ಮಾಡಿದ್ಧಾರೆ. ಕೇಂದ್ರ ಸಚಿವ ಡಾ. ಎಸ್​ ಜೈ ಶಂಕರ್​ , ಸಚಿವ ಡಾ ಜಿತೇಂದ್ರ ಸಿಂಗ್​ ಕೂಡ ಲಸಿಕೆ ಪಡೆದಿದ್ದಾರೆ. ಈ ಅಭಿಯಾನದ ಅರ್ಹ ಫಲಾನುಭವಿಗಳು ಕೋವಿನ್ (CO-WIN 2.0) ಪೋರ್ಟಲ್, ಆ್ಯಪ್ ಮತ್ತು ಆರೋಗ್ಯ ಸೇತುವಿನಂತಹ ಆ್ಯಪ್ ಮೂಲಕವೂ ಲಸಿಕೆಗೆ ನೊಂದಣಿ ಮಾಡಿಸಬಹುದು


60 ವರ್ಷಕ್ಕಿಂತ ಹಿರಿಯ ನಾಗರೀಕರಿಗೆ ಮತ್ತು 45 ವರ್ಷ ಮೇಲ್ಪಟ್ಟ ಆರೋಗ್ಯ ಸಮಸ್ಯೆ ಎದುರಿಸುತ್ತಿರುವ ಸಾರ್ವಜನಿಕರಿಗೆ ಈ ಲಸಿಕೆ ಅಭಿಯಾನ ನಡೆಸಲಾಗುತ್ತಿದೆ. ಸರ್ಕಾರಿ ಆಸ್ಪತ್ರೆಗಳಲ್ಲಿ ಈ ಲಸಿಕೆ ಉಚಿತವಾಗಿದೆ. ಖಾಸಗಿ ಆಸ್ಪತ್ರೆಗಳಲ್ಲಿ ಲಸಿಕೆಗೆ ಪ್ರತಿ ಡೋಸ್​ಗೆ ಗರಿಷ್ಠ 250 ರೂ ನಿಗದಿ ಮಾಡಬಹುದೆಂದು ಸರ್ಕಾರ ತಿಳಿಸಿದೆ.



ಕರ್ನಾಟಕದಲ್ಲಿಯೂ ಲಸಿಕೆ ಅಭಿಯಾನಕ್ಕೆ ಚಾಲನೆ ನೀಡಲಾಗಿದೆ. ಮೊದಲ ದಿನದಂದು ಜಗದೀಶ್​ ಶೆಟ್ಟರ್​, ಅಫಜಲಪುರ ಶಾಸಕ ಎಂ.ವೈ.ಪಾಟೀಲ ಲಸಿಕೆ ಪಡೆದು ಗಮನ ಸೆಳೆದರು
Published by: Seema R
First published: March 1, 2021, 9:46 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories