Boris Johnson: ರಹಸ್ಯವಾಗಿ ಮದುವೆಯಾದ ಇಂಗ್ಲೆಂಡ್ ಪ್ರಧಾನಿ ಬೋರಿಸ್ ಜಾನ್ಸನ್..!; ಹುಡುಗಿ ಯಾರು ಗೊತ್ತಾ?

ಇಂಗ್ಲೆಂಡ್​ ಪ್ರಧಾನ ಮಂತ್ರಿ ಬೋರಿಸ್ ಜಾನ್ಸನ್ ಶನಿವಾರ ವೆಸ್ಟ್​ಮಿನ್​ಸ್ಟರ್​ ಕ್ಯಾಥೆಡ್ರಲ್​​ನಲ್ಲಿ ನಡೆದ ರಹಸ್ಯ ಸಮಾರಂಭದಲ್ಲಿ ತನ್ನ ಪ್ರೇಯಸಿ ಕ್ಯಾರಿ ಸೈಮಂಡ್ಸ್​ ಅವರನ್ನು ಮದುವೆಯಾಗಿದ್ದಾರೆ ಎಂದು ಸನ್​ ಮತ್ತು ಮೇಲ್ ಆನ್​ ಸಂಡೇ ಪತ್ರಿಕೆಗಳು ವರದಿ ಮಾಡಿವೆ. ಜಾನ್ಸನ್ ಡೌನಿಂಗ್​ ಸ್ಟ್ರೀಟ್​ ಕಚೇರಿಯ​ ವಕ್ತಾರರು ಈ ವಿಷಯದ ಬಗ್ಗೆ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದರು ಎಂದು ತಿಳಿದು ಬಂದಿದೆ.

ಈ ಸೆಂಟ್ರಲ್​ ಲಂಡನ್​​ ಸಮಾರಂಭಕ್ಕೆ ಕೊನೆ ಗಳಿಗೆಯಲ್ಲಿ ಅತಿಥಿಗಳನ್ನು ಆಹ್ವಾನಿಸಲಾಗಿದೆ. ಜೊತೆಗೆ ಜಾನ್ಸನ್​ ಅವರ ಕಚೇರಿಯ ಹಿರಿಯ ಸದಸ್ಯರಿಗೂ ಇವರ ಮದುವೆ ಪ್ಲ್ಯಾನ್ ಬಗ್ಗೆ ತಿಳಿದಿಲ್ಲ ಎಂದು ಎರಡೂ ಸುದ್ದಿಪತ್ರಿಕೆಗಳು ವರದಿ ಮಾಡಿವೆ.

ಸದ್ಯ ಇಂಗ್ಲೆಂಡ್​ನಲ್ಲಿ ಕೋವಿಡ್​-19 ನಿರ್ಬಂಧಗಳು ಜಾರಿಯಲ್ಲಿರುವುದರಿಂದ ಮದುವೆ ಸಮಾರಂಭಗಳಿಗೆ ಕೇವಲ 30 ಜನರು ಮಾತ್ರ ಸೇರಬೇಕು ಎಂಬ ನಿಯಮವಿದೆ.

ಇದನ್ನೂ ಓದಿ:Bellary Couple: ಬಳ್ಳಾರಿಯಲ್ಲಿ ಮಾದರಿ ಜೋಡಿ; ಬದುಕು ಗೆದ್ದವರಿಗೆ ಕೊರೋನಾ ಯಾವ ಲೆಕ್ಕ?

ಕ್ಯಾಥೋಲಿಕ್​ ಕ್ಯಾಥೆಡ್ರಲ್​ನ್ನು ಮಧ್ಯಾಹ್ನ 1.30ರ ಸಮಯದಲ್ಲಿ ತಕ್ಷಣ ಮುಚ್ಚಲಾಯಿತು. ಅರ್ಧ ಗಂಟೆಯ ಬಳಿಕ 33 ವರ್ಷದ ಸೈಮಂಡ್ಸ್ ಶ್ವೇತ ವರ್ಣದ ಉಡುಪು ಧರಿಸಿ​ ಐಷಾರಾಮಿ ಲಿಮೊಸಿನ್ ಕಾರಿನಲ್ಲಿ ಆಗಮಿಸಿದರು ಎಂದು ವರದಿಗಳು ಹೇಳಿವೆ.

56 ವರ್ಷದ ಬೋರಿಸ್ ಜಾನ್ಸನ್​ ಮತ್ತು 33 ವರ್ಷದ ಸೈಮಂಡ್ಸ್​ ಇಬ್ಬರೂ ಸಹ 2019ರಿಂದಲೂ, ಅಂದರೆ ಜಾನ್ಸನ್​ ಅವರು ಇಂಗ್ಲೆಂಡ್​​ನ ಪ್ರಧಾನಿಯಾದ ಬಳಿಕ ಡೌನಿಂಗ್ ಸ್ಟ್ರೀಟ್​​​ನಲ್ಲಿ ಒಟ್ಟಿಗೆ(ಲಿವಿಂಗ್ ಟುಗೆದರ್) ಇದ್ದರು.

ಇದನ್ನೂ ಓದಿ:Bengaluru Gangrape: ತನ್ನ ಬಾಯ್​ಫ್ರೆಂಡ್​ ಕರೆದಿದ್ದಕ್ಕೆ ಕೇರಳಕ್ಕೆ ಹೋಗಿದ್ದ ಯುವತಿ; ಪ್ರಾಥಮಿಕ ತನಿಖೆಯಲ್ಲಿ ಬಯಲು

ಕಳೆದ ವರ್ಷ ಎಂಗೇಜ್​ ಆಗಿರುವುದಾಗಿ ತಿಳಿಸಿದ್ದ ಇವರು, ಮಗುವಿನ ನಿರೀಕ್ಷೆಯಲ್ಲಿದ್ದೇವೆ ಎಂದೂ ಸಹ ಹೇಳಿದ್ದರು.​ ಅವರ ಮಗ ವಿಲ್ಫ್ರೆಡ್​ ಲಾವ್ರಿ ನಿಕೋಲಸ್ ಜಾನ್ಸನ್​​ ಕಳೆದ ವರ್ಷ(2020) ಏಪ್ರಿಲ್​ನಲ್ಲಿ ಜನಿಸಿದರು.

ಜುಲೈ 2022ಕ್ಕೆ ಸ್ನೇಹಿತರು ಮತ್ತು ಬಂಧುಗಳಿಗೆ ಮದುವೆಯ ಆಮಂತ್ರಣವನ್ನು ಕಳುಹಿಸಲಾಗಿದೆ ಎಂದು ಈ ತಿಂಗಳ ಆರಂಭದಲ್ಲಿ ಸನ್​ ಪತ್ರಿಕೆ ವರದಿ ಮಾಡಿತ್ತು.

ವಿವಾಹೇತರ ಸಂಬಂಧ ಹೊಂದಿದ್ದರ ಬಗ್ಗೆ ಸುಳ್ಳು ಹೇಳಿದ್ದಕ್ಕಾಗಿ ಒಮ್ಮೆ ಕನ್ಸರ್ವೇಟಿವ್​ ಪಕ್ಷದ ನೀತಿ ತಂಡದಿಂದ ಜಾನ್ಸನ್​ ಅವರನ್ನು ವಜಾ ಮಾಡಲಾಗಿತ್ತು. ಜಾನ್ಸನ್​ ಅವರು ಎರಡು ಬಾರಿ ವಿಚ್ಛೇದನ ಪಡೆದಿದ್ದಾರೆ. ಬೋರಿಸ್ ತಮಗೆ ಎಷ್ಟು ಮಕ್ಕಳು ಎಂದು ಹೇಳಲು ಯಾವಾಗಲೂ ನಿರಾಕರಿಸುತ್ತಾರೆ.

ಜಾನ್ಸನ್​ ಅವರು ಈ ಮೊದಲು ಮರೀನಾ ವೀಲರ್ ಎಂಬುವವರನ್ನು ಮದುವೆಯಾಗಿದ್ದರು. ಇವರಿಗೆ 4 ಜನ ಮಕ್ಕಳಿದ್ದರು. ಸೆಪ್ಟೆಂಬರ್ 2018ರಲ್ಲಿ ಪರಸ್ಪರ ಬೇರೆಯಾಗುತ್ತಿರುವುದಾಗಿ ಜಾನ್ಸನ್​ ಘೋಷಿಸಿದರು. ಮರೀನಾ ವೃತ್ತಿಯಲ್ಲಿ ವಕೀಲೆಯಾಗಿದ್ದಾರೆ.