ಹೀಗೂ ಇರ್ತಾರೆ: ಹೆಂಡತಿ ಮೇಲೆ ಅನುಮಾನಗೊಂಡ ಪತಿರಾಯ ಆ್ಯಂಬುಲೆನ್ಸ್​ಗೆ ಫೋನ್​ ಮಾಡಿದ!

ಅದು ಹೊಸ ವರ್ಷದ ರಾತ್ರಿ. ಇಂಗ್ಲೆಂಡ್​ನ ವ್ಯಕ್ತಿ ಆ್ಯಂಬುಲೆನ್ಸ್​ ನಂಬರ್​ 999 ಡಯಲ್​ ಮಾಡಿದ. ಆ ದಿನ ಅನೇಕರು ಕುಡಿದುಕೊಂಡು ಏನಾದರೂ ಅನಾಹುತ ಮಾಡಿಕೊಂಡಿರುವುದರಿಂದ ಇದೂ ಅಂಥದ್ದೇ ಪ್ರಕರಣವಿರಬಹುದು ಎಂದುಕೊಂಡು ಫೋನ್​ ಎತ್ತಿದ ತುರ್ತು ಸಹಾಯವಾಣಿಯ ಸಿಬ್ಬಂದಿಗೆ ಸಿಟ್ಟು ನೆತ್ತಿಗೇರಿತ್ತು. ಯಾಕೆ ಅಂತೀರಾ?

ಹೊಸ ವರ್ಷದಂದು ಕುಡಿದು ಗಂಡ-ಹೆಂಡತಿ ಇಬ್ಬರೂ ಗಲಾಟೆ ಮಾಡಿಕೊಂಡಿದ್ದರು. ಇದ್ದಕ್ಕಿದ್ದಂತೆ ತನ್ನ ಹೆಂಡತಿ ತನಗೆ ಮೋಸ ಮಾಡುತ್ತಿದ್ದಾಳೆ ಎಂದು ಗಂಡನಿಗೆ ಅನಿಸಿತು. ಅದಕ್ಕಾಗಿ ಆಕೆಯ ಡಿಎನ್​ಎ ಪರೀಕ್ಷೆ ಮಾಡಿಸಬೇಕೆಂದು ನಿರ್ಧರಿಸಿದ ಗಂಡ 999 ಆ್ಯಂಬುಲೆನ್ಸ್​ ನಂಬರ್​ಗೆ ಕರೆ ಮಾಡಿದ.

ಇದನ್ನೂ ಓದಿ: ದಶಕಗಳಿಂದ ಕೋಮಾದಲ್ಲಿದ್ದ ಮಹಿಳೆಗೆ ಮಗು ಹುಟ್ಟಿದ್ದು ಹೇಗೆ?!

ಆ ಆಡಿಯೋ ಲೀಕ್​ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಫೋನ್​ ಎತ್ತಿದ ಮಹಿಳೆ ಆ ಗಂಡನ ಬಳಿ ರೋಗಿ ಉಸಿರಾಡುತ್ತಿದ್ದಾರಾ? ಎಂದು ಕಾಳಜಿಯಿಂದ ಕೇಳುತ್ತಾಳೆ. ಅದಕ್ಕೆ ಈ ಮಹಾಶಯ, ನನ್ನ ಹೆಂಡತಿಯ ಡಿಎನ್​ಎ ಪರೀಕ್ಷೆ ಮಾಡಿಸಬೇಕು. ಆಕೆ ನನಗೆ ಮೋಸ ಮಾಡಿದ್ದಾಳೆ. ನೀವು ಕೂಡಲೆ ಆ್ಯಂಬುಲೆನ್ಸ್​ ಕಳುಹಿಸಿ ಎಂದು ಹೇಳುತ್ತಾನೆ. ಅದನ್ನು ಕೇಳಿದ ಆಕೆ ದಿಗಿಲುಗೊಂಡು, ಇದು ತುರ್ತು ವೈದ್ಯಕೀಯ ಚಿಕಿತ್ಸೆ ನೀಡುವ ನಂಬರ್​. ನಾವು ಡಿಎನ್​ಎ ಟೆಸ್ಟ್​ ಮಾಡುವುದಿಲ್ಲ ಎಂದು ಹೇಳುತ್ತಾರೆ. ಹಾಗಿದ್ದರೆ ಡಿಎನ್​ಎ ಪರೀಕ್ಷೆ ಮಾಡುವವರ ನಂಬರ್​ ಕೊಡಿ ಎಂದು ಕೇಳಿದ ಆ ವ್ಯಕ್ತಿಗೆ ಉತ್ತರಿಸಲು ತಾಳ್ಮೆಯಿಲ್ಲದೆ ಆಕೆ ಫೋನ್​ ಕಟ್​ ಮಾಡುತ್ತಾರೆ.

 

FFS - Friday fact share ‼️

So we got this 999 call on New Year’s Day...

🔊 Sound up!

A man called us for a DNA test after accusing his partner of cheating.

Really though?! 🤦‍♂️

#MakeTheRightCall 📞 pic.twitter.com/XC5HAJo4R3

— North West Ambulance Service (@NWAmbulance) January 4, 2019

ಹೊಸ ವರ್ಷದ ದಿನ ಆ್ಯಂಬುಲೆನ್ಸ್​ ಸರ್ವಿಸ್​ ಒದಗಿಸಿ ಎಂದು ಆ ಸಹಾಯವಾಣಿಗೆ 6,000 ಕರೆಗಳು ಬಂದಿದ್ದವು. ಆ ಕರೆಗಳನ್ನು ಸ್ವೀಕರಿಸಿ ಅಗತ್ಯವಿದ್ದವರಿಗೆ ತುರ್ತು ಸೇವೆ ಒದಗಿಸುವುದರಲ್ಲೇ ಹೈರಾಣಾಗಿದ್ದ ಸಿಬ್ಬಂದಿಗೆ ಈ ವ್ಯಕ್ತಿ ಡಿಎನ್​ಎ ಪರೀಕ್ಷೆ ನಡೆಸಿ ಎಂದು ಕೇಳಿದ್ದರಿಂದ ಪಿತ್ತ ನೆತ್ತಿಗೇರಿದೆ. ಅಲ್ಲದೆ, ಆತನೊಂದಿಗೆ ಮಾತನಾಡುತ್ತಿದ್ದರುದರಿಂದ ನಿಜವಾಗಿಯೂ ಅಗತ್ಯವಿದ್ದ ಬೇರೆಯವರಿಗೆ ನಮ್ಮ ಸೇವೆ ಸಿಗದಂತಾಯಿತು ಎಂದು ಇಂಗ್ಲೆಂಡ್​ನ ನಾರ್ಥ್​ ವೆಸ್ಟ್​ ಆ್ಯಂಬುಲೆನ್ಸ್​ ಸರ್ವಿಸ್​ ಫೇಸ್​ಬುಕ್​ ಪೋಸ್ಟ್​ನಲ್ಲಿ ಬೇಸರ ಹೊರಹಾಕಿದೆ. ಹಾಗೇ, 999 ತುರ್ತು ಸಂಖ್ಯೆಗೆ ಕರೆ ಮಾಡುವ ಮೊದಲು ದಯವಿಟ್ಟು ಯೋಚಿಸಿ ಎಂದು ಮನವಿ ಮಾಡಿದೆ.