ಜಮ್ಮು ಕಾಶ್ಮೀರದ ಕುಲ್ಗಾಂನಲ್ಲಿ ಇಬ್ಬರು ಉಗ್ರರ ಎನ್​ಕೌಂಟರ್

ಶ್ರೀನಗರ (ಮೇ 25): ಭಾರತೀಯ ಭದ್ರತಾ ಪಡೆ ಜಮ್ಮು ಕಾಶ್ಮೀರದ ಕುಲ್ಗಾಂನಲ್ಲಿ ಇಂದು ನಡೆಸಿದ ಎನ್​ಕೌಂಟರ್​ನಲ್ಲಿ ಐಎಸ್​ಜೆಕೆಯಿಂದ ಪ್ರಭಾವಿತಗೊಂಡಿದ್ದ ಇಬ್ಬರು ಉಗ್ರರನ್ನು ಹತ್ಯೆಗೈದಿದ್ದಾರೆ. ಸಾವನ್ನಪ್ಪಿದ ಉಗ್ರರನ್ನು ಆದಿಲ್ ಅಹಮದ್ ವಾನಿ ಅಲಿಯಾಸ್ ಅಬು ಇಬ್ರಾಹಿಂ ಮತ್ತು ಶಹೀನ್ ಬಾಶಿರ್ ತೋಕರ್ ಎಂದು ಗುರುತಿಸಲಾಗಿದೆ.

ಕಾಶ್ಮೀರದ ಕುಲ್ಗಾಮ್ ಜಿಲ್ಲೆಯ ಖುರ್ ಗ್ರಾಮದ ದಾಮ್ ಹಾಲ್ ಹಾಂಜಿಪೋರಾ ಪ್ರದೇಶದಲ್ಲಿ ಎನ್​ಕೌಂಟರ್ ನಡೆಸಲಾಗಿದೆ. ಈ ಇಬ್ಬರು ಉಗ್ರರು ಕೂಡ ಐಎಸ್​ಜೆಕೆಗೆ ಸೇರಿದವರು ಎನ್ನಲಾಗಿದೆ. ಕುಲ್ಗಾಂನಲ್ಲಿ ಉಗ್ರರು ಅಡಗಿದ್ದಾರೆಂಬ ಖಚಿತ ಮಾಹಿತಿ ಮೇರೆಗೆ ಕುಲ್ಗಾಮ್ ಪೊಲೀಸ್, ಸಿಆರ್​ಪಿಎಫ್ ಪಡೆ ಕಾರ್ಯಾಚರಣೆ ನಡೆಸಿತ್ತು.

#UPDATE Two terrorists killed in Kulgam encounter: Inspector General of Police Kashmir Vijay Kumar https://t.co/FrkVa8tyBO

— ANI (@ANI) May 25, 2020

ಇದನ್ನೂ ಓದಿ: Ramzan: ರಂಜಾನ್​ ವೇಳೆ 1 ತಿಂಗಳ ಕಠಿಣ ಉಪವಾಸ ಮಾಡಿದ 6 ವರ್ಷದ ಬಾಲಕಿ!

ಮೃತಪಟ್ಟ ಇಬ್ಬರು ಉಗ್ರರು ಕೂಡ ಕಾಶ್ಮೀರದ ಶೋಫಿಯಾನ್​ನವರಾಗಿದ್ದಾರೆ. ತೋಕರ್ ಲಷ್ಕರ್-ಇ-ತಯ್ಬಾ ಸಂಘಟನೆಯಲ್ಲಿ ಗುರುತಿಸಿಕೊಂಡಿದ್ದ ಎಂಬ ಮಾಹಿತಿ ಲಭ್ಯವಾಗಿದೆ. ಎನ್​ಕೌಂಟರ್ ಕಾರ್ಯಾಚರಣೆ ನಡೆದಿದ್ದರಿಂದ ಮಿರ್ವಾಣಿ ಗ್ರಾಮದ ಕೆಲವು ಮನೆಗಳನ್ನು ಭದ್ರತಾ ಪಡೆಯ ಸಿಬ್ಬಂದಿ ತೆರವುಗೊಳಿಸಿದ್ದರು. ಉಗ್ರರು ಮನೆಗಳಿಗೆ ನುಗ್ಗಿ ಜನರಿಗೆ ಅಪಾಯ ಉಂಟುಮಾಡುವ ಸಾಧ್ಯತೆ ಇದ್ದುದರಿಂದ ಅಗತ್ಯ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಂಡಿದ್ದರು.