ಡೊನಾಲ್ಡ್​ ಟ್ರಂಪ್​​ ಮಗನಿಗೆ ಕೊರೋನಾ ಸೋಂಕು; ಕ್ವಾರಂಟೈನ್ ಆದ ಟ್ರಂಪ್ ಜೂನಿಯರ್

ಅಮೆರಿಕ(ನ.21): ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಅವರ ಹಿರಿಯ ಮಗನಿಗೆ ಕೊರೋನಾ ಸೋಂಕು ದೃಢವಾಗಿದ್ದು, ಸದ್ಯ ಕ್ವಾರಂಟೈನ್​ನಲ್ಲಿದ್ದಾರೆ. ಯಾವುದೇ ರೋಗ ಲಕ್ಷಣಗಳು ಇಲ್ಲದಿದ್ದರೂ ಸಹ ಕೊರೋನಾ ಪಾಸಿಟಿವ್ ಬಂದಿದೆ ಎಂದು ವಕ್ತಾರರು ಶುಕ್ರವಾರ ತಿಳಿಸಿದ್ದಾರೆ. ಡೊನಾಲ್ಡ್​ ಟ್ರಂಪ್ ಮಗ ಡೊನಾಲ್ಡ್ ಜಾನ್​​​ ​ ಟ್ರಂಪ್ ಜೂನಿಯರ್​​​ಗೆ ಕೊರೋನಾ ಸೋಂಕು ದೃಢಪಟ್ಟ ಬಳಿಕ ಕ್ವಾರಂಟೈನ್​ನಲ್ಲಿರುವಂತೆ ವೈದ್ಯರು ಸೂಚಿಸಿದ್ದಾರೆ. ಈ ವಾರದ ಆರಂಭದಲ್ಲೇ ಜೂನಿಯರ್​ ಟ್ರಂಪ್​ ಅವರಿಗೆ ಕೋವಿಡ್-19 ಖಚಿತವಾಗಿದ್ದು, ಆಗಿನಿಂದ ತಮ್ಮ ಕ್ಯಾಬಿನ್​ನಲ್ಲಿ ಕ್ವಾರಂಟೈನ್​ಗೆ ಒಳಗಾಗಿದ್ದಾರೆ ಎಂದು ವಕ್ತಾರರು ಹೇಳಿದ್ದಾರೆ.

ಯಾವುದೇ ರೋಗ ಲಕ್ಷಣಗಳು ಕಾಣಿಸಿಕೊಳ್ಳದ ಜೂನಿಯರ್ ಟ್ರಂಪ್​​ ಕೊರೋನಾ ಮಾರ್ಗಸೂಚಿಗಳನ್ನು ಅನುಸರಿಸುತ್ತಿದ್ದಾರೆ. ಜೊತೆಗೆ ವೈದ್ಯರ ಸೂಚನೆ ಅನ್ವಯ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಟ್ರಂಪ್ ಜೂನಿಯರ್​ಗೆ ಕೊರೋನಾ ಪಾಸಿಟಿವ್ ಕಾಣಿಸಿಕೊಂಡ ಬಳಿಕ ಅವರ ಜೊತೆ ಸಂಪರ್ಕ ಹೊಂದಿದ್ದವರನ್ನು ಪತ್ತೆ ಹಚ್ಚಲಾಗುತ್ತಿದೆ.

ಸಂಪುಟ ಸರ್ಕಸ್​ನಲ್ಲಿ ದಿಕೆಟ್ಟ ಆಡಳಿತ; ಸರ್ಕಾರದ ಕಾರ್ಯವೈಖರಿ ಬಗ್ಗೆ ಸಿದ್ದರಾಮಯ್ಯ ಟೀಕೆ

ಶ್ವೇತ ಭವನದಲ್ಲಿ ಯಾರೊಂದಿಗಾದರೂ ಸಂಪರ್ಕ ಹೊಂದಿದ್ದರೆ ಅವರನ್ನು ಪರೀಕ್ಷೆಗೆ ಒಳಪಡಿಸುವ ಕಾರ್ಯವೂ ನಡೆದಿದೆ. ಜೊತೆಗೆ ಅವರ ತಂದೆ ಡೊನಾಲ್ಡ್​ ಟ್ರಂಪ್, ಟ್ರಂಪ್ ಪತ್ನಿ ಮೆಲೇನಿಯಾ ಮತ್ತು ಟ್ರಂಪ್ ಕಿರಿಯ ಮಗ ಬ್ಯಾರನ್ ಅವರನ್ನು ಪರೀಕ್ಷೆಗೆ ಒಳಪಡಿಸಲಾಗುತ್ತದೆ ಎಂದು ತಿಳಿದು ಬಂದಿದೆ.

ಕೆಲವು ದಿನಗಳ ಹಿಂದೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಅವರಿಗೂ ಕೊರೋನಾ ಸೋಂಕು ದೃಢಪಟ್ಟಿತ್ತು. ಮೈಲ್ಡ್​(ಸೌಮ್ಯ) ರೋಗ ಲಕ್ಷಣಗಳು ಕಾಣಿಸಿಕೊಂಡಿದ್ದ ಟ್ರಂಪ್ ಅವರನ್ನು ಶ್ವೇತ ಭವನದಿಂದ ಮಿಲಿಟರಿ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ನೀಡಲಾಗಿತ್ತು.

ಜುಲೈ ತಿಂಗಳಿನಲ್ಲಿ ಟ್ರಂಪ್ ಜೂನಿಯರ್ ಪ್ರೇಯಸಿ ಕಿಂಬೆರ್ಲಿ ಗಿಲ್ ಪೋಯ್ಲೆಗೂ ಕೊರೋನಾ ಸೋಂಕು ತಗುಲಿತ್ತು. ಆ ವೇಳೆ ತನ್ನ ಗರ್ಲ್​ ಫ್ರೆಂಡ್(ಕಿಂಬೆರ್ಲಿ) ಜೊತೆ ಡೇಟಿಂಗ್​ನಲ್ಲಿದ್ದ ಟ್ರಂಪ್ ಜೂನಿಯರ್​​ಗೆ ಕೊರೋನಾ ನೆಗೆಟಿವ್ ಬಂದಿತ್ತು.