ಸಂಸತ್ತಿನಲ್ಲಿ ಚಾಕೊಲೇಟ್ ತಿಂದು ಕ್ಷಮೆಯಾಚಿಸಿದ ಪ್ರಧಾನಿ..!

ತತ್​ಕ್ಷಣವೇ ಸಂಸದರ ಆಕ್ಷೇಪಕ್ಕೆ ಪ್ರತಿಕ್ರಿಯೆ ನೀಡಿದ ಜಸ್ಟಿನ್​ ಟ್ರುಡೋ ಅವರು ನಾನು ತಿಂದಿದ್ದು ಚಾಕಲೋಟ್​, ಅದಕ್ಕಾಗಿ ನಾನು ಸಂಸತ್​ನ ಕ್ಷಮೆ ಯಾಚಿಸುತ್ತೇನೆ ಎಂದು ತಿಳಿಸಿದರು.

zahir | news18
Updated:March 25, 2019, 3:34 PM IST
ಸಂಸತ್ತಿನಲ್ಲಿ ಚಾಕೊಲೇಟ್ ತಿಂದು ಕ್ಷಮೆಯಾಚಿಸಿದ ಪ್ರಧಾನಿ..!
ಪ್ರಧಾನಿಯೊಂದಿಗೆ ಕೆನಡಾ ಪಿಎಂ ಜಸ್ಟಿನ್ ಟ್ರುಡೊ
zahir | news18
Updated: March 25, 2019, 3:34 PM IST
ಕೆನಡಾ ಸಂಸತ್​ ಭವನದಲ್ಲಿ ಚಾಕೊಲೇಟ್​ ತಿಂದಿದ್ದಕ್ಕಾಗಿ ಅಲ್ಲಿನ ಪ್ರಧಾನಿ  ಜಸ್ಟಿನ್​ ಟ್ರುಡೋ  ಕ್ಷಮೆ ಯಾಚಿಸಿರುವ ಘಟನೆ ನಡೆದಿದೆ. ಇತ್ತೀಚೆಗೆ ಪ್ರಧಾನಿ ಜಸ್ಟಿನ್ ವಿರುದ್ಧ ಭ್ರಷ್ಟಾಚಾರ ಆರೋಪ ಕೇಳಿ ಬಂದಿತ್ತು. ಈ ಸಂಬಂಧ ಸಂಸತ್​ನಲ್ಲಿ ತಡರಾತ್ರಿಯವರೆಗೆ ಚರ್ಚೆ ನಡೆಯಿತು. ಅಲ್ಲದೆ ಈ ವೇಳೆ ಸಂಸತ್ತಿನಲ್ಲಿ ಮತದಾನ ಪ್ರಕ್ರಿಯೆಗೆ ಚಾಲನೆ ನೀಡಲಾಗಿತ್ತು. ಆದರೆ ಮತ್ತೊಂದೆಡೆ ಜಸ್ಟಿನ್​ ಟ್ರುಡೋ ಅವರು ಚಾಕೊಲೇಟ್ ತಿನ್ನುತ್ತಾ ಕೂತಿದ್ದರು.

ಪ್ರಧಾನಿ ಚಾಕೊಲೇಟ್​ ತಿನ್ನುವುದನ್ನು ವಿರೋಧ ಪಕ್ಷದ ಸಂಸದ ಸ್ಕಾಟ್​ ರೀಡ್​ ಗಮನಿಸಿದ್ದಾರೆ. ಅಷ್ಟೇ ಅಲ್ಲದೆ ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಬೇಕೆಂದು ಸಂಸತ್​ ಅಧ್ಯಕ್ಷರ ಗಮನಕ್ಕೆ ತಂದಿದ್ದಾರೆ. ಇದಕ್ಕೆ ಆಕ್ಷೇಪ​ ವ್ಯಕ್ತಪಡಿಸಿದ ಸಂಸದ ಸ್ಕಾಟ್​ 'ಪ್ರಧಾನಿಗಳು ತಮ್ಮ ಭ್ರಷ್ಟಾಚಾರ ಪ್ರಕರಣದಿಂದ ಸಂಸತ್​ ಭವನವನ್ನು ಕೊಳಕಾಗಿಸಿದ್ದಾರೆ. ಈಗ ಅವರು ಆಹಾರವನ್ನು ಸೇವಿಸುವ ಮೂಲಕ ಸಂಸತ್​ ಅನ್ನು ಕೊಳಕಾಗಿಸುವುದು ಬೇಡ ಎಂದು ತಿಳಿಸಿದ್ದರು.


ತತ್​ಕ್ಷಣವೇ ಸಂಸದರ ಆಕ್ಷೇಪಕ್ಕೆ ಪ್ರತಿಕ್ರಿಯೆ ನೀಡಿದ ಜಸ್ಟಿನ್​ ಟ್ರುಡೋ ಅವರು ನಾನು ತಿಂದಿದ್ದು ಚಾಕಲೋಟ್​, ಅದಕ್ಕಾಗಿ ನಾನು ಸಂಸತ್​ನ ಕ್ಷಮೆ ಯಾಚಿಸುತ್ತೇನೆ ಎಂದು ತಿಳಿಸಿದರು. ಕೆನಡಾ ಸಂಸತ್ತಿನಲ್ಲಿ ಆಹಾರಗಳನ್ನು ಸೇವಿಸಲು ಅವಕಾಶವಿಲ್ಲ. ಸಂಸತ್ ಇರುವುದು ಗಂಭೀರ ಚರ್ಚೆ ಹಾಗೂ ದೇಶದ ಘನತೆಯನ್ನು ಎತ್ತಿ ಹಿಡಿಯಲು ಎಂಬುದು ಅಲ್ಲಿನ ನಿಯಮ. ಇದರ ಹೊರತಾಗಿಯು ಸಂಸತ್ ಸದಸ್ಯರು ನೀರನ್ನು ಮಾತ್ರ ಸೇವಿಸಲು ಅವಕಾಶ ನೀಡಲಾಗಿದೆ.
Loading...



ಈ ಸುದ್ದಿ ಈಗ ಎಲ್ಲೆಡೆ ಹರಿದಾಡುತ್ತಿದ್ದು, ಭಾರತದ ಟ್ವಿಟ್ಟಿಗರು ಕೂಡ ನಮ್ಮ ದೇಶದ ಸಂಸತ್ ಅಧಿವೇಶನ ಮತ್ತು ನಾಯಕರನ್ನು ಚಟುವಟಿಕೆಗಳನ್ನು ಹೆಸರಿಸಿ ಸಖತ್ ಟ್ರೋಲ್ ಮಾಡುತ್ತಿದ್ದಾರೆ.

 
First published:March 25, 2019
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...