ಟ್ರಾಫಿಕ್​ ಕಾನ್ಸ್​ಟೇಬಲ್​ ಮೇಲೆ ಚಪ್ಪಲಿಯಿಂದ ಹಲ್ಲೆ ಮಾಡಿದ ಟಿಆರ್​ಎಸ್​ ನಾಯಕಿ ಬಂಧನ

ಹೈದರಾಬಾದ್: ಸಂಚಾರ ನಿಯಮ ಉಲ್ಲಂಘಿಸಿದ್ದನ್ನು ದಾಖಲು ಮಾಡಿಕೊಂಡ ಸಂಚಾರಿ ಕಾನ್ಸ್​ಟೇಬಲ್​ ಮೇಲೆ ಚಪ್ಪಲಿಯಿಂದ ಹಲ್ಲೆ ಮಾಡಿದ ಟಿಆರ್​ಎಸ್​ನ ಸ್ಥಳೀಯ ಮಹಿಳಾ ನಾಯಕಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ತೆಲಂಗಾಣ ರಾಷ್ಟ್ರ ಸಮಿತಿ (ಟಿಆರ್​ಎಸ್​) ಮೌಲಾ ಅಲಿ ಮಹಿಳಾ ಜಂಟಿ ಕ್ರಿಯಾ ಸಮಿತಿ ಅಧ್ಯಕ್ಷೆ ಹಾಗೂ ವಾರ್ಡ್​ ಸದಸ್ಯೆ ಸೈಯದ್​ ಮೊಹಮೊದ್​ ಬೇಗಂ ಅವರೇ ಟ್ರಾಫಿಕ್ ಕಾನ್ಸ್​ಟೇಬಲ್ ಮೊದ್​ ಮುಜಾಫರ್​ ಅವರ​ ಮೇಲೆ ಹಲ್ಲೆ ಮಾಡಿದವರು. ಇವರೊಂದಿಗೆ ಪತಿ ಮತ್ತು ಮೂವರು ಕುಟುಂಬ ಸದಸ್ಯರು ಈ ವೇಳೆ ಜೊತೆಗಿದ್ದರು.

ಮೋಟಾರ್​ಸೈಕಲ್​ನಲ್ಲಿ ಮೂರು ಜನರು ಸಂಚಾರಿ ನಿಯಮ ಉಲ್ಲಂಘಿಸಿ ಬರುತ್ತಿರುವುದನ್ನು ಕ್ಯಾಮರಾದಲ್ಲಿ ದಾಖಲಿಸುತ್ತಿದ್ದೆ. ಇದನ್ನು ಕಂಡು ಆ ಬೈಕ್​ ಸವಾರರು ಕ್ಯಾಮರಾ ರೆಕಾರ್ಡ್​ ಮಾಡುತ್ತಿದ್ದ ನನ್ನ​ ಬಳಿ ಬಂದು ಅವರನ್ನು ನಿಂದಿಸಿ, ಹೋದರು. ಆದಾದ 15 ನಿಮಿಷಗಳ ಬಳಿಕ ಅವರು ತಮ್ಮ ಕುಟುಂಬ ಸದಸ್ಯದಾದ ಬೇಗಂ ಮತ್ತು ಅವರ ಗಂಡನನ್ನು ಕರೆತಂದಿದ್ದಾರೆ ಎಂದು ಮುಜಾಫ್ಪರ್​ ಹೇಳಿದ್ದಾರೆ.

ಇದನ್ನು ಓದಿ: ರಾಜ್ಯದಲ್ಲಿ ರಾಷ್ಟ್ರಪತಿ ಆಳ್ವಿಕೆ ಹೇರಿಕೆ ಸಾಧ್ಯವೇ ಇಲ್ಲ; ನ್ಯೂಸ್​ 18ಗೆ ಉನ್ನತ ಮೂಲಗಳಿಂದ ಮಾಹಿತಿ


ಕಾನ್ಸ್​ಟೇಬಲ್​ ನೀಡಿದ ದೂರಿನ ಮೇಲೆ ಸರ್ಕಾರಿ ಅಧಿಕಾರಿ ಕೆಲಸಕ್ಕೆ ಅಡ್ಡಿಪಡಿಸಿದ ಆಧಾರದ ಮೇಲೆ ಬೇಗಂ ವಿರುದ್ಧ ದೂರು ದಾಖಲಾಗಿದೆ. ಆನಂತರ ಆರೋಪಿತರನ್ನು ಬಂಧಿಸಲಾಗಿದೆ.