ಮೋದಿ ಆಧಾರ್​ ಸಂಖ್ಯೆಯನ್ನು ಬಹಿರಂಗ ಪಡಿಸಲು ಚಾಲೆಂಜ್​!

ಭಾರತೀಯ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಅಧ್ಯಕ್ಷ ಆರ್.ಎಸ್.ಶರ್ಮಾ ಅವರ ಆಧಾರ್​ ಹ್ಯಾಕ್​ ಮಾಡಿದ್ದ ಫ್ರೆಂಚ್​ ಹ್ಯಾಕರ್​ ಇದೀಗ ಪ್ರಧಾನಿ ಮೋದಿಗೂ ಚಾಲೆಂಜ್​ ಮಾಡಿದ್ದು, ದೈರ್ಯವಿದ್ದರೆ ನಿಮ್ಮ ಆಧಾರ್​ ಸಂಖ್ಯೆನ್ನು ಬಹಿರಂಗ ಪಡಿಸುವಂತೆ ಸವಾಲೆಸೆದಿದ್ದಾನೆ.

ಟ್ರಾಯ್ ಅಧ್ಯಕ್ಷ ಆರ್.ಎಸ್.ಶರ್ಮಾ ತಮ್ಮ ಆಧಾರ್​ ಹ್ಯಾಕ್​ ಮಾಡುವಂತೆ ಹೇಳಿ ಪೂರ್ಣ ಆಧಾರ್ ನಂಬರ್ ಅನ್ನು ಟ್ವಿಟರ್​ನಲ್ಲು ಪೋಸ್ಟ್​ ಮಾಡಿಕೊಂಡಿದ್ದರು. ಕೆಲವೇ ಕ್ಷಣಗಳಲ್ಲಿ ಫ್ರೆಂಚ್​ ಭದ್ರತಾ ತಜ್ಞ ಎಲೈಟ್​ ಆ್ಯಂಡ್ರಸನ್​, ಶರ್ಮಾ ಖಾತೆಯನ್ನು ಹ್ಯಾಕ್​ ಮಾಡಿ ಅವರ ಪಾನ್​ ನಂಬರ್​, ಫೋನ್​ ನಂಬರ್​, ಇಮೇಲ್​ ಐಡಿ, ಖಾಸಗಿ ಮೊಬೈಲ್​ ನಂಬರ್​, ವಾಟ್ಸಪ್​ ಪ್ರೊಫೈಲ್​ ಚಿತ್ರ ಎಲ್ಲವನ್ನೂ ಬಹಿರಂಗ ಮಾಡಿದ್ದರು.

Hi @narendramodi,

Can you publish your #Aadhaar number (if you have one)?

Regards,

— Elliot Alderson (@fs0c131y) July 28, 2018

ಇದರಿಂದ ಪೇಚಿಗೆ ಸಿಲುಕಿದ ಶರ್ಮಾರಿಗೆ ಮತ್ತಷ್ಟು ಸಂಕಷ್ಟ ತಂದಿಟ್ಟ ಎಥಿಕಲ್​ ಹ್ಯಾಕರ್​ಗಳು ಶರ್ಮಾರ, ಮೊಬೈಲ್​ ನಂಬರ್​ಗೂ ಆಧಾರ್ ಸಂಖ್ಯೆಗೂ ಲಿಂಕ್​ ಆಗದೇ ಇರುವ ವಿಚಾರ, ಬ್ಯಾಂಕ್​ ಖಾತೆಗೂ ಆಧಾರ್ ಸಂಖ್ಯೆಗೂ ಲಿಂಕ್​ ಆದ ವಿಚಾರ ಎಲ್ಲವನ್ನೂ ಬಹಿರಂಗ ಪಡಿಸಿದ್ದಾರೆ.

ಇದಾದ ಬಳಿಕ ಮತ್ತೊಂದು ಟ್ವೀಟ್​ ಮಾಡಿದ ಎಲಿಯಟ್​, ಪ್ರಧಾನಿ ಮೋದಿಯವರೇ ನಿಮ್ಮ ಬಳಿ ಆಧಾರ್​ ಸಂಖ್ಯೆ ಇದ್ದರೆ, ಇಲ್ಲಿ ಬಹಿರಂಗ ಪಡಿಸಲು ಇಚ್ಚಿಸುವಿರಾ? ಎಂದು ಕೇಳಿದ್ದಾರೆ. ಸದ್ಯ ಮೋದಿಯಾಗಲೀ ಯಾವುದೇ ಅಧಿಕಾರಿಗಳಾಗಲೀ ಈ ಟ್ವೀಟ್​ಗೆ ಪ್ರತಿಕ್ರಿಯೆ ನೀಡಿಲ್ಲ.