Nusrat Jahan: ಗಂಡು ಮಗುವಿನ ತಾಯಿಯಾದ ಸ್ಟಾರ್​ ಸಂಸದೆ ನುಸ್ರತ್​ ಜಹಾನ್​

ಕೊಲ್ಕತ್ತಾ (ಆ. 26): ತೃಣಮೂಲ ಕಾಂಗ್ರೆಸ್​ ಪಕ್ಷದ ಸಂಸದೆ, ಬಂಗಾಳಿ ನಟಿ ನುಸ್ರತ್​ ಜಹಾನ್ (Nusrat Jahan)​ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಇಂದು ಮಧ್ಯಾಹ್ನ ಕೊಲ್ಕತ್ತಾದ ಖಾಸಗಿ ಆಸ್ಪತ್ರೆಯಲ್ಲಿ ಅವರು ಮಗುವಿಗೆ ಜನ್ಮ ನೀಡಿದ್ದಾರೆ. ತಾಯಿ ಮತ್ತು ಮಗು ಆರೋಗ್ಯವಾಗಿದ್ದಾರೆ ಎಂದು ಮೂಲಗಳು ತಿಳಿಸಿವೆ.  ಬುಧವಾರ ಆಸ್ಪತ್ರೆಗೆ ದಾಖಲಾಗುವ ಮುನ್ನ ಅವರು ಟ್ವಿಟರ್​ನಲ್ಲಿ ಫೋಟೋವೊಂದನ್ನು ಶೇರ್​ ಮಾಡಿದ್ದರು. ಸಾಮಾನ್ಯ ಚೆಕ್​ಅಪ್​ಗಾಗಿ ನಿನ್ನೆ ಅವರು ಆಸ್ಪತ್ರೆಗೆ ದಾಖಲಾಗಿದ್ದರು. ಇಂದು ಅವರಿಗೆ ಹೆರಿಗೆಯಾಗಿದೆ. ನುಸ್ರತ್​ ಜಹಾನ್​ ತಾಯಿಯಾದ ಬಳಿಕ ಅವರ ಮದುವೆ ಹಾಗೂ ಖಾಸಗಿ ವಿಚಾರಗಳು ಸಾಕಷ್ಟು ಟೀಕೆಗೆ ಗುರಿಯಾಗಿದ್ದವು.

ಸಂಸದೆಯ ಹೆಸರು ಈಗ ಖ್ಯಾತ ಬಂಗಾಳಿ ನಟ ಯಶ್​ ದಾಸ್​ ಗುಪ್ತಾ (bengali Actor Yash das Gupta) ಅವರ ಹೆಸರಿನ ಜತೆ ತಳುಕು ಹಾಕಿಕೊಂಡಿದೆ. ಅಷ್ಟೇ ಅಲ್ಲದೇ, ಗರ್ಭಿಣಿಯಾಗಿರುವ ಸಂಸದೆಯಾಗಿರುವ ಅವರ ಮಗು ನಿಖಿಲ್​ ಜೈನ್ (nikhil Jain)​ ಅವರದು ಅಲ್ಲ ಎಂಬ ಆಪಾದನೆಗಳು ಕೇಳಿ ಬಂದಿತು. ನುಸ್ರತ್​ ಮಾತ್ರ ನಟ ಯಶ್​ ದಾಸ್​ ಗುಪ್ತಾ ವಿಚಾರವಾಗಿ ಯಾವುದೇ ಹೇಳಿಕೆಗಳನ್ನು ನೀಡಿರಲಿಲ್ಲ.

ಇನ್ನು ಇವರ ಇಬ್ಬರ ಸಂಬಂಧದ ಬಗ್ಗೆ ಖ್ಯಾತ ಲೇಖಕಿ ತಸ್ಲೀಮಾ ನಸ್ರೀನ್​​ (Taslima nasreen) ಮಾಡಿದ್ದ ಟ್ವೀಟ್​ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸುದ್ದಿಯಾಗಿತ್ತು. ಗರ್ಭಿಣಿಯಾಗಿದ್ದಾರೆ ಎನ್ನಲಾಗುತ್ತಿರುವ ನುಸ್ರತ್​ ಜಹಾನ್​ ಅವರು ತಮ್ಮ ಮಗುವನ್ನು ತಮ್ಮ ಐಡೆಂಟಿಟಿಯಿಂದಲೇ ಬೆಳೆಸಬಹುದು. ಅದಕ್ಕೆ ಅಪ್ಪನ ಆಸರೆ ಬೇಕೆಂದಿಲ್ಲ. ಸ್ಥಿರತೆ ಇಲ್ಲದ ಸಂಬಂಧದಲ್ಲಿ ಉಳಿಯುವುದರಲ್ಲಿ ಯಾವುದೇ ಅರ್ಥ ಇಲ್ಲ. ನುಸ್ರತ್  ಜಹಾನ್​ ಯಶ್​ ಅವರನ್ನು ಪ್ರೀತಿಸುತ್ತಿದ್ದರೆ ನಿಖಿಲ್​ ಅವರಿಂದ ವಿಚ್ಚೇದನ ಪಡೆಯುವುದು ಸೂಕ್ತ. ನಿಖಿಲ್​ ಹಾಗೂ ನುಸ್ರತ್ ಈ ದಾಂಪತ್ಯದಲ್ಲಿ ಇರಲು ಬಯಸದಿದ್ದರೆ, ದೂರವಾಗುವುದೇ ಒಳ್ಳೆಯದು ಎಂದಿದ್ದರು ತಸ್ಲೀಮಾ ನಸ್ರೀನ್​.

ಇದನ್ನು ಓದಿ: ಕಬ್ಬಾಳು ಅರಣ್ಯದಲ್ಲಿ ಕಬೀರನ ಸಾವು, ಕಣ್ಣೀರಿಟ್ಟ ಅಧಿಕಾರಿಗಳು, ಜನಸಾಮಾನ್ಯರು

ಸ್ಟಾರ್​ ಸಂಸದೆಯಾಗಿರುವ ನುಸ್ರತ್​ ಜಹಾನ್​​ 2019ರಲ್ಲಿ ಉದ್ಯಮಿ ನಿಖಿಲ್​ ಜೈನ್​ ಅವರನ್ನು ಟರ್ಕಿಯಲ್ಲಿ ಅದ್ಧೂರಿಯಾಗಿ ಮದುವೆಯಾಗಿದ್ದರು. ಆದರೆ, ಕಳೆದ ಒಂದು ವರ್ಷದಿಂದ ಅವರ ವಿವಾಹದಲ್ಲಿ ಬಿರುಕು ಮೂಡಿದ್ದು, ಕಳೆದ ನವಂಬರ್​ನಲ್ಲಿ ಈ ದಂಪತಿ ದೂರಾಗಿದ್ದಾರೆ. ಈ ಬಗ್ಗೆ ಕಳೆದ ನಾಲ್ಕು ದಿನಗಳ ಹಿಂದೆ ಬಹಿರಂಗಗೊಂಡಿತ್ತು. ಈ ಬಗ್ಗೆ ಅಧಿಕೃತವಾಗಿ ಮಾತನಾಡಿದ್ದ ನುಸ್ರತ್​, ನಮ್ಮ ಮದುವೆ ವಿಶೇಷ ವಿವಾಹ ಕಾಯ್ದೆ ಅಡಿ ಬರಲಿದ್ದು, ಭಾರತದಲ್ಲಿ ಇದಕ್ಕೆ ಮಾನ್ಯತೆ ಇಲ್ಲ. ಕಾನೂನಿನ ಪ್ರಕಾರ ಅದು ಮದುವೆಯೇ ಅಲ್ಲ, ಆದರೆ, ನಮ್ಮದು ಲೀವಿಂಗ್​ ರಿಲೇಷನ್​ಶಿಪ್​ ಎಂದಿದ್ದಾರೆ

ನಿಖಿಲ್​ ಜೈನ್​ ವಿರುದ್ಧ ಆರೋಪಿಸಿದ್ದ ನುಸ್ರತ್​ ಆಕೆಯ ಒಡವೆ, ವಸ್ತ್ರಗಳನ್ನು ಅಕ್ರವಾಗಿ ಅವರ ಕುಟುಂಬ ಪಡೆದಿತ್ತು, ನಿಖಿಲ್​ ತಮ್ಮ ಬ್ಯಾಂಕ್​ ಖಾತೆಯನ್ನು ಅಕ್ರಮವಾಗಿ ಬಳಸಿದ್ದಾರೆ. ತಮ್ಮ ಖಾತೆಯಲ್ಲಿನ ಹಣವನ್ನು ಅಕ್ರಮ ಬಳಕೆ ಮಾಡಿದ ಕಾರಣ ಬ್ಯಾಂಕ್​ ಗಳ ನೋಟಿಸ್​ನ್ನು ನಾನು ಎದುರಿಸಿದ್ದೇನೆ. ಇದಕ್ಕೆ ಪುರಾವೆಗಳು ತನ್ನ ಬಳಿ ಇವೆ ಎಂದು ತಮ್ಮ ಗಂಡನ ಬಗ್ಗೆ ದೂರಿದ್ದರು.

View this post on Instagram

A post shared by Nusrat (@nusratchirps)

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು.