ಪಂಜಾಬ್ ಗಡಿ ಬಳಿ ಡ್ರೋನ್ ಮೂಲಕ ಟಿಫಿನ್ ಬಾಕ್ಸ್​ ಬಾಂಬ್ ರವಾನೆ; ಭಯೋತ್ಪಾದಕ ಸಂಚು ವಿಫಲ

ಪಾಕಿಸ್ತಾನ ಮೂಲದ ಭಯೋತ್ಪಾದಕ ಗುಂಪುಗಳು ಭಾರತದ ಒಳಗೆ ಪ್ರಮುಖ ವಿಧ್ವಂಸಕ ಚಟುವಟಿಕೆಗಳನ್ನು ನಡೆಸಲು ಯೋಜನೆ ರೂಪಿಸುತ್ತಿವೆ ಎನ್ನುವ ಗುಪ್ತಚರ ಸಂಸ್ಥೆಗಳು ಮಾಹಿತಿ ನೀಡಿರುವ ಬೆನ್ನಲ್ಲೆ,  ಸಂಶಯಕ್ಕೆ ಎಡೆ ಮಾಡಿಕೊಂಡುವಂತಹ ಘಟನೆ ,  ಅಮೃತಸರದ ದಲೆಕಾ ಹಳ್ಳಿಯಲ್ಲಿ ಡ್ರೋನ್ ಮೂಲಕ ಸಾಗಿಸಲ್ಪಡುತ್ತಿದ್ದ IED ಸ್ಫೋಟಕವನ್ನು ಪಂಜಾಬ್ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಈ ಪ್ರದೇಶ ಅಂತರರಾಷ್ಟ್ರೀಯ ಗಡಿಗೆ ತೀರ ಹತ್ತಿರದಲ್ಲಿದೆ ಎಂದು ಹೇಳಲಾಗಿದೆ.

ಪಂಜಾಬ್ ಡಿಜಿಪಿ ದಿನಕರ್ ಗುಪ್ತಾ ಮಾಧ್ಯಮಗಳಿಗೆ ಈ ಮಾಹಿತಿಯನ್ನು ನೀಡಿದ್ದು, ಈ ಸ್ಫೋಟಕಗಳು ಮತ್ತು ಇತರ ಮದ್ದುಗುಂಡುಗಳನ್ನು ಭಾನುವಾರ ಸಂಜೆ ಸಾಗಿಸಲ್ಪಟ್ಟಿವೆ. ಹೈಟೆಕ್ ಡ್ರೋನ್ ಸಹಾಯದಿಂದ, ಭಾರತೀಯ ಭೂಪ್ರದೇಶದೊಳಗೆ ಹಾಕಲ್ಪಟ್ಟಿದ್ದ ಬ್ಯಾಗಿನಿಂದ ಐದು ಹ್ಯಾಂಡ್ ಗ್ರೆನೇಡ್‌ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ಆಗಸ್ಟ್ 7 ಮತ್ತು 8 ರ ಮಧ್ಯರಾತ್ರಿ ಗ್ರಾಮಸ್ಥರು ಈ ಪ್ರದೇಶದಲ್ಲಿ ಡ್ರೋನ್ ಚಲಿಸುವ ಶಬ್ದಗಳನ್ನು ಕೇಳಿಸಿಕೊಂಡಿದ್ದಾರೆ ಎಂದು ಡಿಜಿಪಿ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ. ತರುವಾಯ, ಅನುಮಾನಾಸ್ಪದವಾಗಿ ಗಡಿ ಭಾಗಕ್ಕಿಂತ ಕೊಂಚ ದೂರದಲ್ಲಿ ಬ್ಯಾಗ್​ಗಳನ್ನು ಎಸೆದಿರುವ ಬಗ್ಗೆ ಪೊಲೀಸರಿಗೆ ಸುಳಿವು ಸಿಕ್ಕಿದೆ. ಅನುಮಾನ ಬಂದು ಆ ಚೀಲವನ್ನು ತೆರೆದಾಗ, ಡಬಲ್ ಡೆಕ್ಕರ್ ಪ್ಲಾಸ್ಟಿಕ್ ಟಿಫಿನ್, ಐದು ಹ್ಯಾಂಡ್ ಗ್ರೆನೇಡ್‌ಗಳು ಮತ್ತು 100 ಕಾರ್ಟ್ರಿಜ್‌ಗಳನ್ನು ಹೊಂದಿರುವ ಏಳು ಪೌಚ್‌ಗಳನ್ನು ಕಂಡು ಬಂದಿವೆ. 2 ಕೆಜಿ ತೂಕದ ಸ್ಫೋಟಕ ವಸ್ತುಗಳು, ಒಂದು ಸ್ವಿಚ್ ಮತ್ತು ರಿಮೋಟ್ ಕಂಟ್ರೋಲ್ ಸಾಧನ ಕೂಡ ಈ ಬ್ಯಾಗಿನಲ್ಲಿ ಪತ್ತೆಯಾಗಿದೆ.

ಡ್ರೋನ್ ಓಡಾಟದ ಬಗ್ಗೆ ಗ್ರಾಮದ ಸರಪಂಚರು ಪೊಲೀಸರಿಗೆ ಮಾಹಿತಿ ನೀಡಿದ ಬಳಿಕ ನಮಗೆ ಈ ಸಂಗತಿ ಗೊತ್ತಾಗಿದೆ ಎಂದು ಡಿಜಿಪಿ ಹೇಳಿದ್ದಾರೆ. "ನಾವು NSG ಗೆ ಕರೆ ಮಾಡಿದ್ದೇವೆ. ಅವರು ಈ ಸಂಗತಿಯನ್ನು ಪರಿಶೀಲಿಸುತ್ತಿದ್ದಾರೆ. ನಿನ್ನೆ ತಡರಾತ್ರಿ ತಂಡವು ಬಂದು ಅತ್ಯಂತ ಅತ್ಯಾಧುನಿಕ ಬಾಂಬ್ ಎಂದು ಪ್ರಾಥಮಿಕ ವರದಿಯನ್ನು ನೀಡಿದೆ. ಇದು ಸುಮಾರು 2-3 ಕೆಜಿ ಆರ್‌ಡಿಎಕ್ಸ್ ಮತ್ತು ಸ್ವಿಚ್ ಮೆಕ್ಯಾನಿಸಂ ಹೊಂದಿದೆ. ಟೈಮ್​ ಬಾಂಬ್​ ಆಗಿಯೂ ಇದನ್ನು ಪರಿವರ್ತಿಸಬಹುದು. ಸ್ಪ್ರಿಂಗ್ ಮೆಕ್ಯಾನಿಸಂ ಮತ್ತು ಎರಡು
ಯು-ಆಕಾರದ ಆಯಸ್ಕಾಂತಗಳನ್ನು ಹೊಂದಿರುವ ಮ್ಯಾಗ್ನೆಟಿಕ್ ಮೆಕ್ಯಾನಿಸಂ ಕೂಡ ಇದೆ ಎಂದು ಡಿಜಿಪಿ ಹೇಳಿದರು.

ಮುದ್ರಿತ ಸರ್ಕ್ಯೂಟ್ ಬೋರ್ಡ್ ಕೂಡ ಇದೆ ಎಂದು ಅವರು ಹೇಳಿದರು, ಇದು ರಿಮೋಟ್ ಸಿಗ್ನಲ್‌ನಿಂದ ಆಫ್ ಆಗುತ್ತದೆ ಎಂದು ಸೂಚಿಸುತ್ತದೆ. ಮೂರು ಡಿಟೋನೇಟರ್‌ಗಳು ಮತ್ತು ಒಂಬತ್ತು ವೋಲ್ಟ್‌ಗಳ ಪವರ್ ಎನರ್ಜೈಸರ್ ಕೂಡ ಪತ್ತೆಯಾಗಿದೆ. ಸ್ಫೋಟಕಗಳನ್ನು ಸೂಕ್ಷ್ಮವಾಗಿ ಜೋಡಿಸಲಾಗಿದೆ ಎಂದು ತೋರುತ್ತದೆ ಎಂದು ಡಿಜಿಪಿ ಹೇಳಿದರು.

ಟಿಫಿನ್ ಬಾಂಬ್‌ ಬಳಸಿಕೊಂಡು ಸಂಭಾವ್ಯ ಗುರಿ ಇಟ್ಟುಕೊಂಡು ಈ ಕೆಲಸಕ್ಕೆ ಕೈ ಹಾಕಲಾಗಿದೆ,  ಇದು ದೇಶದ ಯಾವ ಭಾಗದಲ್ಲಿ ದಾಳಿ ನಡೆಸಲು ಗುರಿ ಇಟ್ಟುಕೊಂಡಿರಬಹುದು ಎಂಬುದನ್ನು ಕಂಡು ಹಿಡಿಯಲು ತನಿಖೆ ನಡೆಯುತ್ತಿದೆ ಮತ್ತು ಯಾರಿಗೆ ರವಾನೆ ಮಾಡಲು ಹೀಗೆ ಮಾಡಲಾಯಿತು ಎನ್ನುವ ಕುರಿತು ಶೀಘ್ರ ತನಿಖೆ ನಡೆಸುವುದಾಗಿ ಎಂದು ಹೇಳಿದರು.

"ಕಳೆದ ಎರಡು ಮೂರು ತಿಂಗಳಲ್ಲಿ ಗಡಿಯುದ್ದಕ್ಕೂ ಈ ರೀತಿಯ ಚಟುವಟಿಕೆ ಹೆಚ್ಚಾಗಿದೆ. ಇದು ಅತ್ಯಂತ ಕೆಟ್ಟ ಮತ್ತು ಆತಂಕಕಾರಿ ಬೆಳವಣಿಗೆ ”ಎಂದು ಡಿಜಿಪಿ ಹೇಳಿದರು.

ಇದನ್ನೂ ಓದಿ: OBC Bill- ಓಬಿಸಿ ತಿದ್ದುಪಡಿ ಮಸೂದೆಗೆ ಬೆಂಬಲ ನೀಡಲು ವಿಪಕ್ಷಗಳ ನಿರ್ಧಾರ

ಜನರಿಂದ ಸಹಕಾರ ಕೋರಿ ಹಾಗೂ ಇಂತಹ ಸ್ಫೋಟಕಗಳ ಬಗ್ಗೆ ಜಾಗೃತಿ ಮೂಡಿಸಲಾಗುವುದು ಎಂದು ಡಿಜಿಪಿ ಹೇಳಿದರು. "ನಾವು ಈ ಬೆಳವಣಿಗೆಯ ಬಗ್ಗೆ ಸಾರ್ವಜನಿಕರಿಗೆ ಅರಿವು ಮೂಡಿಸಲು ಬಯಸುತ್ತೇವೆ. ಆಕರ್ಷಕ ಸ್ಟಿಕ್ಕರ್ ಹೊಂದಿರುವ ಮಕ್ಕಳ ಟಿಫಿನ್ ಬಾಕ್ಸ್‌ನಲ್ಲಿ ಐಇಡಿ ಸ್ಪೋಟಕ ಅಳವಡಿಸಲಾಗಿದೆ ಎಂದರೆ ಅದು ಮಕ್ಕಳನ್ನೇ ಗುರಿಯಾಗಿಸಿಕೊಂಡು ಈ ರೀತಿ ಕೃತ್ಯ ಎಸಗಲಾಗಿದೆ ಎಂದರು.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು.