Taliban Promise : ತಾಲಿಬಾನಿಗಳಿಂದ ಸೂಸೈಡ್​ ಬಾಂಬರ್​ಗಳ ಕುಟುಂಬಕ್ಕೆ ಹಣ, ಭೂಮಿ ನೀಡುವ ಭರವಸೆ

Taliban Promise Cash, Land : ಅಫ್ಘಾನಿಸ್ತಾನ (Afghanistan) ಅಕ್ಷರಶಃ ಭೂಮಿ(Earth) ಮೇಲೆ ಇರುವ ನರಕ(Hell)ದಂತಾಗಿದೆ. ದಿನದಿಂದ ದಿನಕ್ಕೆ ಪರಿಸ್ಥಿತಿ ಬಿಗಡಾಯಿಸುತ್ತಿದೆ. ತಾಲಿಬಾನ್​(Taliban) ಗಳ ಅಟ್ಟಹಾಸಕ್ಕೆ ಅಫ್ಘಾನಿಸ್ತಾನದ ಪ್ರಜೆಗಳು ನಲುಗಿಹೋಗಿದ್ದಾರೆ. ಚಿತ್ರ, ವಿಚಿತ್ರ ನಿಯಮ(Rules)ಗಳಿಗೆ ಅಲ್ಲಿನ ಜನ ಕಂಗಾಲಾಗಿದ್ದಾರೆ. ದೇಶ ಬಿಟ್ಟು ಹೊರ ಹೋಗಲಾಗದೆ, ರಕ್ಕಸರ ಮಧ್ಯೆ ಬದುಕಲು ಆಗದೇ ಪರದಾಡುತ್ತಿದ್ದಾರೆ. ಪ್ರಶ್ನೆ ಮಾಡಿದವರ ಗುಂಡಿಗೆಗೆ ಗುಂಡಿಟ್ಟು ಕೊಲ್ಲುತ್ತಿದ್ದಾರೆ. `ನಮ್ಮ ಜೊತೆ ಸೇರಿಕೊಳ್ಳಿ, ಇಲ್ಲ ಸಾಯಲು ಸಿದ್ಧರಾಗಿ’ ಎಂದು ಹೇಳಿರುವ ತಾಲಿಬಾನಿಗಳು ಕ್ರೌರ್ಯ ಮೆರೆಯುತ್ತಿದ್ದಾರೆ. ಮನೆಯಿಂದ ಹೊರಬಾರದ ಪರಿಸ್ಥಿತಿಯಲ್ಲಿ ಜನರು ಇದ್ದಾರೆ. ಇತ್ತ ಸರ್ಕಾರ(Government) ರಚಿಸಿ ತಮ್ಮದೇ ಆಡಳಿತ ನಡೆಸುತ್ತಿರುವ ತಾಲಿಬಾನಿಗಳು ಅಟ್ಟಹಾಸ ಮೆರೆಯುತ್ತಿದ್ದಾರೆ. ಸೂಸೈಡ್​ ಬಾಂಬರ್(Suicide Bombers) ​ಗಳನ್ನ ಹೀರೋ(Hero)ಗಳು ಎಂದು ಕರೆದಿದೆ. ಅಷ್ಟೇ ಅಲ್ಲದೇ ಬಾಂಬರ್​ಗಳ ಕುಟುಂಬಕ್ಕೆ ನಗದು(Cash), ಭೂಮಿ(Land)ಯನ್ನು ನೀಡುವುದಾಗಿ ಭರವಸೆ ನೀಡಿದೆ. ಯುಎಸ್​ ಸೇನೆ(US Army) ಹಾಗೂ ಆಫ್ಘನ್​ ಸೈನಿಕರನ್ನು ಹತ್ಯೆಮಾಡಲು ಸಹಾಯ ಮಾಡಿದ ಸೂಸೈಡ್​ ಬಾಂಬರ್​ಗಳ ಕುಟುಂಬಸ್ಥರಿಗೆ ಈ ಭರವಸೆಯನ್ನು ತಾಲಿಬಾನಿಗಳು ನೀಡಿದ್ದಾರೆ.

`ಸೂಸೈಡ್ ಬಾಂಬರ್​ಗಳು ನಿಜವಾದ ಹೀರೋಗಳು’
ತಾಲಿಬಾನ್​ನ ಹಂಗಾಮಿ ಆಂತರಿಕ ಸಚಿವ ಹಕ್ಕಾನಿ ಬಾಂಬರ್​ಗಳ ಕುಟುಂಬಸ್ಥರನ್ನು ಕರೆಸಿ ಸಭೆ ನಡೆಸಿದ್ದಾರೆ. ಕಾಬೂಲ್​ನ ಹೋಟೆಲ್​​ವೊಂದರಲ್ಲಿ ಈ ಸಭೆ ನಡೆದಿದೆ. 12 ಕ್ಕೂ ಹೆಚ್ಚು ಸೂಸೈಡ್​ ಬಾಂಬರ್​​ಗಳ ಕುಟುಂಬಸ್ಥರು ಸಭೆಯಲ್ಲಿ ಹಾಜರಿದ್ದರು. ಈ ವೇಳೆ ಮಾತನಾಡಿದ ತಾಲಿಬಾನ್​ನ ಹಂಗಾಮಿ ಆಂತರಿಕ ಸಚಿವ ಸಿರಾಜುದ್ದೀನ್​ ಹಕ್ಕಾನಿ, ಸೂಸೈಡ್​ ಬಾಂಬರ್ಸ್​ಗಳ ಬಗ್ಗೆ ಹಾಡಿ ಹೊಗಳಿದ್ದಾರೆ. ಅವರು ನಮ್ಮ ದೇಶದ ರಿಯಲ್​ ಹೀರೋಗಳು. ಈ ದೇಶಕ್ಕೆ ಅವರ ಕೊಡಗೆ ಅಪಾರ, ಅವರನ್ನು ನಾವು ಎಂದಿಗೂ ಮರೆಯಲ್ಲ. ಅವರ ಕುಟುಂಬಸ್ಥರಿಗೆ ನಾವು ಭೂಮಿ ಹಾಗೂ ಹಣವನ್ನು ನೀಡುತ್ತೇವೆ ಎಂದು ಹೇಳಿದ್ದಾರೆ.

ಇದನ್ನು ಓದಿ : ಅಫ್ಘಾನಿಸ್ತಾನದಲ್ಲಿ ಮತ್ತೆ ಬಾಂಬ್ ಸ್ಪೋಟ; ಮಸೀದಿ ಮೇಲೆ ಉಗ್ರರ ಕರಿನೆರಳು

10 ಸಾವಿರ ಮಂದಿಗೆ ತಲಾ 112 ಡಾಲರ್​
ಆತ್ಮಾಹುತಿ ಬಾಂಬರ್​​ಗಳ ಕುಟುಂಬಸ್ಥರನ್ನ ಹೋಟೆಲ್​ಗೆ ಕರೆಸಿ ಸಭೆ ನಡೆಸಿ ಹಕ್ಕಾನಿ ಈ ರೀತಿಯ ಭರವಸೆ ನೀಡಿದ್ದಾರೆ. ಇದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕ ವಿರೋಧ ವ್ಯಕ್ತವಾಗಿದೆ. ಸಭೆಯಲ್ಲಿ ಹಕ್ಕಾನಿ ಇರುವ ಫೋಟೊಗಳು ಇದೀಗ ಎಲ್ಲೆಡೆ ವೈರಲ್​ ಆಗುತ್ತಿದೆ. ಇನ್ನೂ ಸಭೆಯ ಬಳಿಕ 10 ಸಾವಿರ ಮಂದಿಗೆ ತಲಾ 112 ಡಾಲರ್​, ಭಾರತದ ಕರೆನ್ಸಿ ಪ್ರಕಾರ ತಲಾ 8000ಕ್ಕೂ ಹೆಚ್ಚು ಹಣವನ್ನು ಹಕ್ಕಾನಿ ನೀಡಿದ್ದಾರೆ. ಇನ್ನೂ ಇದರ ಜತೆ ನಿವೇಶನ ನೀಡಿ, ಬಾಂಬರ್​ಗಳ ಕುಟುಂಬದ ಬೆನ್ನಿಗೆ ನಿಲ್ಲುತ್ತೇವೆ ಅಂತ ಹೇಳಿದ್ದಾರೆ.

ಇದನ್ನು ಓದಿ : ಅಪಘಾನಿಸ್ತಾನದಲ್ಲಿ ಶತ್ರುಗಳ ಜೊತೆ ಯುದ್ಧವಿಲ್ಲದೇ ತಾಲಿಬಾನಿಗಳು ಏನು ಮಾಡುತ್ತಿದ್ದಾರೆ..?

ಹೊಟ್ಟೆಗೆ ಹಿಟ್ಟಿಲ್ಲ, ಜುಟ್ಟಿಗೆ ಮಲ್ಲಿಗೆ ಹೂ!
ತಾಲಿಬಾನಿಗಳ ಕೈವಶವಾಗಿರುವ ಅಫ್ಘಾನಿಸ್ತಾನದಲ್ಲಿ ಆಹಾರ ಬಿಕ್ಕಟ್ಟು ಎದುರಾಗಿದೆ. ಪ್ರತಿನಿತ್ಯ ಸರಿಯಾದ ಊಟ ಸಿಗದೇ ಲಕ್ಚಾಂತರ ಜನರು ಹಸಿವಿನಿಂದ ನರಳುತ್ತಿದ್ದಾರೆ. `ಅವರಿಗೆ ಮೊದಲು ಆಹಾರವನ್ನು ಒದಗಿಸಿ, ನಂತರ ಈ ನಿಮ್ಮ ಸೂಸೈಡ್ ಬಾಂಬರ್​​ಗಳ ಕುಟುಂಬಸ್ಥರಿಗೆ ಹಣ ನೀಡಿ’ ಎಂದು ನೆಟ್ಟಿಗರು ಆಕ್ರೋಶ ಹೊರಹಾಕುತ್ತಿದ್ದಾರೆ. `ಹೊಟ್ಟೆಗೆ ಹಿಟ್ಟಿಲ್ಲ, ಜುಟ್ಟಿಗೆ ಮಲ್ಲಿಗೆ ಹೂ ಬೇಕೆ?’ ಎಂದು ಪ್ರಶ್ನೆ ಮಾಡುತ್ತಿದ್ದಾರೆ. ಭಾರತದಿಂದ 50, 000 ಮೆಟ್ರಿಕ್​ ಟನ್​ ಗೋಧಿ ಹಾಗೂ ವೈದ್ಯಕೀಯ ನೆರವನ್ನು ನೀಡಲು ಮುಂದಾಗಿದೆ. ಮಾನವೀಯ ನೆಲೆಗಟ್ಟಿನಲ್ಲಿ ಅಫ್ಘಾನಿಸ್ತಾನಕ್ಕೆ ಆಹಾರ ಹಾಗೂ ವೈದ್ಯಕೀಯ ನೆರವು ನೀಡಲು ಭಾರತ ಮುಂದಾಗಿದೆ. ಮೊದಲು ನಿಮ್ಮ ಪ್ರಜೆಗಳ ಹಸಿವನ್ನು ನಿಗಿಸಿ, ಬಳಿಕ ನಿಮ್ಮ ಉಗ್ರ ಕೃತ್ಯಗಳನ್ನು ಮುಂದುವರೆಸಿ ಎಂದು ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದಾರೆ.