ಪಾಕಿಸ್ತನಾದಿಂದ ಮುಂಬೈ ತಾಜ್​​ ಹೋಟಲ್​​ಗೆ ಬಾಂಬ್​​​ ಬೆದರಿಕೆ ಕರೆ: ಬಿಗಿ ಪೊಲೀಸ್​​ ಬಂದೋಬಸ್ತ್​​

ಮುಂಬೈ(ಜೂ.30): ಪ್ರತಿಷ್ಠಿತ ಮುಂಬೈ ತಾಜ್ ಹೋಟೆಲ್​​ಗೆ ಪಾಕಿಸ್ತಾನದಿಂದ ಬಾಂಬ್​​ ಬೆದರಿಕೆ ಬಂದಿದೆ. ಸೋಮವಾರ ಮಧ್ಯರಾತ್ರಿ 12.30ಕ್ಕೆ ಪಾಕಿಸ್ತಾನದ ಕರಾಚಿಯಿಂದ ಬಾಂಬ್​​ ಬೆದರಿಕೆ ಕರೆ ಬಂದಿರುವ ಬಗ್ಗೆ ಮಾಹಿತಿ ಲಭ್ಯವಾಗಿದೆ. ಹೀಗಾಗಿ ತಾಜ್​​​ ಹೋಟೆಲ್​​ ಸುತ್ತ ಬಿಗಿ ಪೊಲೀಸ್​​ ಬಂದೋಬಸ್ತ್​​​ ಮಾಡಲಾಗಿದೆ. 

ಇನ್ನು, ಮುಂಬೈನ ತಾಜ್ ಹೋಟೆಲ್ ಮತ್ತು ಬಾಂದ್ರಾದ ತಾಜ್ ಲ್ಯಾಂಡ್ಸ್ ಎಂಡ್ ಹೋಟೆಲ್ಸ್​​ ಬಾಂಬ್​​ ಬೆದರಿಕೆ ಕರೆಗಳನ್ನು ಸ್ವೀಕರಿಸಿದ ಮಾಹಿತಿ ತಿಳಿಯುತ್ತಿದ್ದಂತೆಯೇ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ಧಾರೆ. ಎರಡು ಹೋಟೆಲ್​​ಗಳ ಸುತ್ತ ಪೊಲೀಸರು ಬಿಗಿ ಬಂದೋಬಸ್ತ್​​​ ಮಾಡಿದ್ದಾರೆ. ಹೀಗಾಗಿ ಯಾರೇ ಒಳಗೆ ಬರಬೇಕಾದರೂ, ಹೊರಗೆ ಹೋಗಬೇಕಾದರೂ ಪೊಲೀಸರ ಅನುಮತಿ ಪಡೆಯಬೇಕಿದೆ.

ಹೋಟೆಲ್​​ ಸುತ್ತ ಸಂಚಾರ ಮಾಡುತ್ತಿರುವ ವಾಹನಗಳ ತಪಾಸಣೆ ನಡೆಯುತ್ತಿದೆ. ಹಾಗೆಯೇ ಬಾಂಬ್​​ಗಾಗಿ ಪೊಲೀಸರ ಶೋಧಕಾರ್ಯ ಮುಂದುವರಿದಿದೆ. ಎಲ್ಲ ರೀತಿಯ ಮುಂಜಾಗೃತ ಕ್ರಮಗಳನ್ನು ಪೊಲೀಸ್​ ಇಲಾಖೆ ಮಾಡಿದೆ.


ಇದನ್ನೂ ಓದಿ: ‘ವಿದೇಶಿ ಹೂಡಿಕೆದಾರರ ಹಕ್ಕು ರಕ್ಷಣೆ ಭಾರತದ ಹೊಣೆ – 59 ಆ್ಯಪ್ ನಿಷೇಧಿಸುವ ಕ್ರಮಕ್ಕೆ ಚೀನಾ ಕೆಂಗಣ್ಣು

ಮುಂಬೈನಲ್ಲಿ ತಾಜ್​​ ವೆಸ್ಟ್​​ ಹೋಟೆಲ್​​ ಮೇಲೆ ಉಗ್ರರು ನಡೆಸಿದ ದಾಳಿಗೆ 12 ವರ್ಷ ಕಳೆದಿದೆ. ಈ ದಾಳಿಯಲ್ಲಿ ಅನೇಕರು ಪ್ರಾಣ ಕಳೆದುಕೊಂಡಿದ್ದಾರೆ. ನೂರಾರು ಜನ ತೀವ್ರವಾಗಿ ಗಾಯಗೊಂಡು, ಶಾಶ್ವತವಾಗಿ ಅಂಗವಿಕಲರಾಗಿದ್ದಾರೆ. ಈ ದಾಳಿಯಲ್ಲಿ ಮೃತಪಟ್ಟವರ ಸಂಖ್ಯೆ ಇನ್ನೂ ಹೆಚ್ಚುತ್ತಿತ್ತೇನೋ. ಆದರೆ ಅದನ್ನು ತಡೆದಿದ್ದು ನಮ್ಮ ದೇಶದ ಸೈನಿಕರು ಎಂಬುದು ಮಾತ್ರ ಕರಾಳ ಇತಿಹಾಸ.