Tokyo Olympics: ರಾಷ್ಟ್ರೀಯ ಕೋಚ್​ ಸಲಹೆ ನಿರಾಕರಿಸಿದ ಟೇಬಲ್​ ಟೆನ್ನಿಸ್​ ಆಟಗಾರ್ತಿ ಮನಿಕಾ

ಈ ಎಲ್ಲಾ ಬೆಳವಣಿಗೆಗಳ ನಡುವೆಯೂ ಶರತ್ ಕಮಲ್ ಮತ್ತು ಮಾನಿಕಾ ಅವರ ಮಿಶ್ರ ಡಬಲ್ಸ್‌ ಪಂದ್ಯದ ವೇಳೆ ರಾಯ್ ಕೋರ್ಟ್​ನಲ್ಲಿ ಕಾಣಿಸಿಕೊಂಡರು. ರಾಯ್ 2006 ರ ಕಾಮನ್​ವೆಲ್ತ್​ ಕ್ರೀಡಾಕೂಟದಲ್ಲಿ ಚಿನ್ನ ಗೆದ್ದ ಪುರುಷರ ತಂಡದ ಸದಸ್ಯ

ಮನಿಕಾ ಬಾತ್ರ

ಮನಿಕಾ ಬಾತ್ರ

  • Share this:
    ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ನಡೆದ  ಟೇಬಲ್​ ಟೆನ್ನಿಸ್​  ಮೊದಲ ಸುತ್ತಿನ ಪಂದ್ಯದ ವೇಳೆ ಭಾರತದ ಟೇಬಲ್ ಟೆನಿಸ್ ಆಟಗಾರ್ತಿ ಮನಿಕಾ ಬಾತ್ರಾ ಅವರು ರಾಷ್ಟ್ರೀಯ ತರಬೇತುದಾರ ಸೌಮ್ಯದೀಪ್ ರಾಯ್ ಅವರ ಸಲಹೆಗಳನ್ನು ತೆಗೆದುಕೊಳ್ಳಲು ನಿರಾಕರಿಸಿದರು. ವಿಶ್ವದ 62 ನೇ ಕ್ರಮಾಂಕದ ಮನಿಕಾ 94 ನೇ ಶ್ರೇಯಾಂಕಿತ ಬ್ರಿಟನ್‌ನ ಟಿನ್-ಟಿನ್ ಹೋ ವಿರುದ್ಧದ ಪಂದ್ಯವನ್ನು 4-0 ಅಂತರದಲ್ಲಿ ಗೆದ್ದರು.

    ಆದರೆ ಕೋಚ್‌ ಕುಳಿತುಕೊಳ್ಳುವ ಸ್ಥಾನದಲ್ಲಿ ಯಾರೂ ಕುಳಿತುಕೊಳ್ಳದೆ ಇರುವುದು   ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಗಮನ ಸೆಳೆಯಿತು. ಮನಿಕಾ ಅವರ ವೈಯಕ್ತಿಕ ತರಬೇತುದಾರ ಸನ್ಮಯ್ ಪರಂಜಪೆ ಅವರೊಂದಿಗೆ ಟೋಕಿಯೊಗೆ ಪ್ರಯಾಣಿಸಬೇಕು ಎಂದಿದ್ದರು ಈ ವಿಚಾರ ವಿವಾದದ ಸ್ವರೂಪ ಪಡೆದಿತ್ತು. ಆದರೆ ರಾಷ್ಟ್ರೀಯ ತಂಡದೊಂದಿಗೆ ಗೇಮ್ಸ್ ವಿಲೇಜ್‌ನಲ್ಲಿ ಉಳಿಯಲು ವೈಯಕ್ತಿಕ ಕೋಚ್​ ಅವರಿಗೆ ಅವಕಾಶವಿರಲಿಲ್ಲ. ಆದ ಕಾರಣ  ಅವರು ಖಾಸಗಿ ಹೋಟೆಲ್​ನಲ್ಲಿ ಉಳಿದುಕೊಂಡಿದ್ದು ಮತ್ತು ತರಬೇತಿ ಅವಧಿಗಳಲ್ಲಿ ಮಾತ್ರ ಮನಿಕಾ ಜೊತೆ ಇರಲಿದ್ದಾರೆ ಎಂದು ವರದಿ ಹೇಳಿದೆ.

    26 ರ ಹರೆಯದ ಮನಿಕಾ ಅವರು ತಮ್ಮ ಆಟದ ಗುಣಮಟ್ಟವನ್ನು ಹೆಚ್ಚಿಕೊಳ್ಳಲು ಆಟದ ವೇಳೆ ಕೋಚ್​ ಪರಂಜಪೆ ಇರಬೇಕೆಂದು ಮನವಿ ಮಾಡಿದರು, ತಂಡದ ನಾಯಕ ಹಾಗೂ ಟಿಟಿಎಫ್‌ಐ ಸಲಹೆಗಾರ ಎಂ.ಪಿ. ಸಿಂಗ್  ಅವರು ಅಲ್ಲಿನ ಸಂಘಟಕರಿಗೆ ಮನಿಕಾ ಅವರ ಬೇಡಿಕೆಯನ್ನು ತಲುಪಿಸಿದರು ಆದರೆ ಈ ವೇಳೆಯಲ್ಲಿ ವೈಯಕ್ತಿಕ ಕೋಚ್​ ಪ್ರವೇಶಕ್ಕೆ ಟೋಕಿಯೋ ಒಲಂಪಿಕ್​ ಸಂಘಟಕರು ನಿರಾಕರಿಸಿದರು.

    ವೈಯಕ್ತಿಕ ಕೋಚ್​ ಪ್ರವೇಶಕ್ಕಾಗಿ ಮನಿಕಾ ಮಾಡಿದ ಮನವಿಯನ್ನು ನಿರಾಕರಿಸಿದ ನಂತರ,  ನಾನು ಈ ವಿಷಯದಲ್ಲಿ ಮಧ್ಯಪ್ರವೇಶಿಸಬೇಕಾಯಿತು ಈ ವೇಳೆ ನಾನು ರಾಷ್ಟ್ರೀಯ ತರಬೇತುದಾರ ರಾಯ್​ ಅವರ ಸಲಹೆ ಪಡೆಯುವಂತೆ ಹೇಳಿದೆ ಆದರೆ  ಅವರ ಸಲಹೆಯನ್ನು ತೆಗೆದುಕೊಳ್ಳಲು ಅವಳು ನಿರಾಕರಿಸಿದಳು "ಎಂದು ಸಿಂಗ್ ಪಿಟಿಐಗೆ ತಿಳಿಸಿದ್ದಾರೆ.

    ಈ ಎಲ್ಲಾ ಬೆಳವಣಿಗೆಗಳ ನಡುವೆಯೂ ಶರತ್ ಕಮಲ್ ಮತ್ತು ಮಾನಿಕಾ ಅವರ ಮಿಶ್ರ ಡಬಲ್ಸ್‌ ಪಂದ್ಯದ ವೇಳೆ ರಾಯ್ ಕೋರ್ಟ್​ನಲ್ಲಿ ಕಾಣಿಸಿಕೊಂಡರು. ರಾಯ್ 2006 ರ ಕಾಮನ್​ವೆಲ್ತ್​ ಕ್ರೀಡಾಕೂಟದಲ್ಲಿ ಚಿನ್ನ ಗೆದ್ದ ಪುರುಷರ ತಂಡದ ಸದಸ್ಯ ಮತ್ತು ಭಾರತದ ಟೇಬಲ್ ಟೆನಿಸ್ ಶ್ರೇಷ್ಠ ಆಟಗಾರ ಶರತ್‌ಗೆ ದೀರ್ಘಕಾಲದವರೆಗೆ ಜೊತೆಗಾರರಾಗಿದ್ದವರು. ಈ ವಿಚಾರವಾಗಿ ಪ್ರತಿಕ್ರಿಯೆ ಪಡೆಯಲು ಮನಿಕಾ ಲಭ್ಯವಾಗಲಿಲ್ಲ.

    ಇದನ್ನೂ ಓದಿ: ರಂಟೆ ಹೊಡಿಯೋಕೆ, ಹಾಲು ಕರೆಯೋಕೆ, ಚಕ್ಕಡಿ ಗಾಡಿ ಹೂಡುವುದಕ್ಕೂ ಸೈ ಈ ವಿಶೇಷ ಚೇತನ ಯುವತಿ

    ಕೊರೋನಾ ಕಾರಣದಿಂದ ತಂಡದೊಂದಿಗೆ ಸಾಮಾನ್ಯಕ್ಕಿಂತ ಹೆಚ್ಚಿನ ಸಂಖ್ಯೆಯ ಸಹಾಯಕ ಸಿಬ್ಬಂದಿಗಳು ಹೋಗುವುದಕ್ಕೆ ಅನುಮತಿ ಇಲ್ಲ. ಆದರೆ  ಪುಣೆ ಮೂಲದ ಪರಂಜಪೆ ಅವರನ್ನು ಟೋಕಿಯೊಗೆ ಪ್ರಯಾಣಿಸಲು ಅನುಮತಿ ನೀಡಲಾಗಿತ್ತು.

    ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು.
    Published by:HR Ramesh
    First published: