Sydney Stabbing: ಸಿಡ್ನಿಯಲ್ಲಿ ಜನರಿಗೆ ಚಾಕುವಿನಿಂದ ಇರಿದ ವ್ಯಕ್ತಿ ಬಂಧನ; ಓರ್ವ ಮಹಿಳೆಗೆ ಗಾಯ

ಸಿಡ್ನಿ: ಇಲ್ಲಿನ ಸೆಂಟ್ರಲ್​ ಸಿಡ್ನಿಯಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ಚಾಕು ಹಿಡಿದು ರಸ್ತೆಯಲ್ಲಿ ಅಡ್ಡಾದಿಡ್ಡಿ ಓಡಾಡಿ, ಸಾರ್ವಜನಿಕರ ಮೇಲೆ ಸರಣಿ ದಾಳಿ ನಡೆಸಿದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಸಿಡ್ನಿಯ ಯಾರ್ಕ್​ ರಸ್ತೆಯಲ್ಲಿ ಮಧ್ಯಾಹ್ನ ಹೋಟೆಲ್​ ಒಳಗೆ ಇದ್ದ ಮಹಿಳೆ ಮೇಲೆ ಈತ ಏಕಾಏಕಿ ದಾಳಿ ನಡೆಸಿದ್ದಾನೆ. ದಾಳಿಯಿಂದ ಗಾಯಗೊಂಡ ಮಹಿಳೆಯನ್ನು ಸೆಂಟ್​ ವಿನ್ಸೆಂಟ್​ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಕೈಯಲ್ಲಿ ಚಾಕು ಹಿಡಿದ ವ್ಯಕ್ತಿ ಮಧ್ಯಾಹ್ನ 2 ಗಂಟೆಯಲ್ಲಿ ಸಿಡ್ನಿಯ ಯಾರ್ಕ್​ ರಸ್ತೆಯಲ್ಲಿ ಓಡಾಡಿದ್ದಾನೆ. ಅಲ್ಲದೇ, ಹಲವು ಸ್ಥಳಗಳಲ್ಲಿ ಇದೇ ವ್ಯಕ್ತಿ ಚಾಕುವಿನಿಂದ ಹಲವು ಜನರಿಗೆ  ಇರಿದಿರುವ ಬಗ್ಗೆ ವರದಿಗಳಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನು ಓದಿ: ಅಮೆರಿಕದ ಟೆಕ್ಸಾಸ್​ನ ಶಾಪಿಂಗ್ ಕಾಂಪ್ಲೆಕ್ಸ್​ನಲ್ಲಿ ಗುಂಡಿನ ದಾಳಿ; 20 ಸಾವು, 26 ಜನರ ಸ್ಥಿತಿ ಗಂಭೀರ

Just witnessed incredible bravery from members of the public and ⁦@FRNSW⁩ officers chasing down a man on a stabbing rampage in Sydney’s CBD. He is now under arrest. ⁦@7NewsSydney⁩ pic.twitter.com/wNKatejHVp

— Andrew Denney (@Andrew_Denney) August 13, 2019

ಚಾಕು ಹಿಡಿದ ವ್ಯಕ್ತಿ ರಸ್ತೆಯಲ್ಲಿ ಅಡ್ಡಾದಿಡ್ಡಿ ಓಡಾಡುತ್ತಿದ್ದಾಗ ಸಾರ್ವಜನಿಕರೇ ಹಿಡಿದಿದ್ದಾರೆ. ಆನಂತರ ಪೊಲೀಸರು ಆತನನ್ನು ವಶಕ್ಕೆ ಪಡೆದಿದ್ದಾರೆ.