ಭದ್ರತೆಯ ದೃಷ್ಟಿಯಿಂದ WhatsApp ಬಳಕೆಯನ್ನು ನಿಷೇಧಿಸಿದ ಸೇನೆ.. ಯಾರೆಲ್ಲಾ ಬಳಸುವಂತಿಲ್ಲ?

ವಾಟ್ಸ್‌ ಆ್ಯಪ್ ಜೊತೆಗೆ ಸ್ವಿಸ್ ಸೇನೆಯು ಸಿಗ್ನಲ್ ಮತ್ತು ಟೆಲಿಗ್ರಾಮ್ ಬಳಕೆಯನ್ನು ಸಹ ನಿಷೇಧಿಸಿದೆ ಎಂಬುದಾಗಿ ಸುದ್ದಿಮೂಲಗಳು ವರದಿ ಮಾಡಿವೆ.

WhatsApp

WhatsApp

  • Share this:
    ಗೌಪ್ಯತೆ ಕಾಳಜಿಯನ್ನು ಗಮನದಲ್ಲಿರಿಸಿಕೊಂಡು, ಸ್ವಿಸ್ ಸೇನೆಯು (Swiss army) ಇತರ ಜನಪ್ರಿಯ ಸಂದೇಶ ಸೇವೆಗಳೊಂದಿಗೆ ಮೆಟಾ-ಮಾಲೀಕತ್ವದ ವಾಟ್ಸ್‌ ಆ್ಯಪ್ (WhatsApp) ಬಳಕೆಯನ್ನು ಸಿಬ್ಬಂದಿಯು ಬಳಸದಂತೆ ನಿಷೇಧಿಸಿದೆ. ಇದರ ಬದಲಿಗೆ ಎನ್‌ಕ್ರಿಪ್ಟೆಡ್ ಸ್ವಿಸ್ ಮೆಸೇಜಿಂಗ್ ಅಪ್ಲಿಕೇಶನ್ 'ಥ್ರೀಮಾ' (Threema ) ಅನ್ನು ಬಳಸಲು ಸೇನಾ ಸಿಬ್ಬಂದಿಯನ್ನು ಕೇಳಲಾಗಿದೆ ಎಂದು www.swissinfo ವರದಿ ಮಾಡಿದೆ. ವಾಟ್ಸ್‌ ಆ್ಯಪ್ ಜೊತೆಗೆ ಸ್ವಿಸ್ ಸೇನೆಯು ಸಿಗ್ನಲ್ ಮತ್ತು ಟೆಲಿಗ್ರಾಮ್ ಬಳಕೆಯನ್ನು ಸಹ ನಿಷೇಧಿಸಿದೆ ಎಂಬುದಾಗಿ ಸುದ್ದಿಮೂಲಗಳು ವರದಿ ಮಾಡಿವೆ.

    ಸುರಕ್ಷತೆಯ ದೃಷ್ಟಿಯಿಂದ ಆ್ಯಪ್‌ಗಳನ್ನು ಬಳಸದಂತೆ ಸೇನೆಗೆ ನಿಷೇಧ:

    ವರದಿಗಳ ಪ್ರಕಾರ, ಯುಎಸ್ ಕ್ಲೌಡ್ (US CLOUD) ಕಾಯಿದೆಯಲ್ಲಿ ವಿವರಿಸಿದಂತೆ US ಅಧಿಕಾರ ವ್ಯಾಪ್ತಿಗೆ ಒಳಪಡುವ ಕಂಪನಿಗಳು ಸಂಗ್ರಹಿಸಿರುವ ಡೇಟಾವನ್ನು ಅನುಸಂಧಾನಗೊಳಿಸುವ ವಾಷಿಂಗ್ಟನ್‌ನಲ್ಲಿರುವ ಅಧಿಕಾರಿಗಳ ಸಾಮರ್ಥ್ಯ ಎಂಬುದಾಗಿ ಪ್ರಾಥಮಿಕ ಕಾಳಜಿಯು ಬಹಿರಂಗಪಡಿಸಿದೆ. ಕ್ಲೌಡ್ ಕಾಯ್ದೆಯು ಅಮೆರಿಕಾ ಅಧಿಕಾರ ವ್ಯಾಪ್ತಿಯಲ್ಲಿರುವ ಸೇವಾ ಪೂರೈಕೆದಾರರನ್ನು ಸರ್ವರ್‌ಗಳು ಎಲ್ಲೆಲ್ಲಿ ನೆಲೆಗೊಂಡಿದ್ದರೂ, ಹುಡುಕಾಟ ವಾರಂಟ್‌ಗಳನ್ನು ಅನುಸರಿಸಲು ನಿರ್ಬಂಧಿಸುತ್ತದೆ ಎಂಬುದಾಗಿ ವರದಿ ತಿಳಿಸಿದೆ. ಡೇಟಾ ಆಕ್ಟ್ ಅಥವಾ ಕ್ಲೌಡ್ ಆಕ್ಟ್ ಅನ್ನು ಸ್ಪಷ್ಟಪಡಿಸುವ ಕಾನೂನುಬದ್ಧ ಸಾಗರೋತ್ತರ ಬಳಕೆ ಯುನೈಟೆಡ್ ಸ್ಟೇಟ್ಸ್ ಫೆಡರಲ್ ಕಾನೂನಾಗಿದ್ದು, 2018 ರಲ್ಲಿ ಕನ್ಸಾಲಿಡೇಟೆಡ್ ಅಪ್ರೋಪ್ರಿಯೆಷನ್ಸ್ ಆಕ್ಟ್, 2018, PL 115-141, ವಿಭಾಗ V ರ ಅಂಗೀಕಾರದ ಮೂಲಕ ಜಾರಿಗೊಳಿಸಲಾಗಿದೆ.

    ಇದನ್ನೂ ಓದಿ: WhatsApp: ವಾಟ್ಸ್‌ಆ್ಯಪ್‌ ಅನ್ನು ಈಗ ನಿಮ್ಮ ಭಾಷೆಯಲ್ಲಿ ಸಹ ಬಳಸಬಹುದು..! ಹೇಗೆ ಅಂತೀರಾ?

    ಥ್ರೀಮಾ ಹೇಗೆ ಕಾರ್ಯನಿರ್ವಹಿಸುತ್ತದೆ?

    ಥ್ರೀಮಾ (ಸುರಕ್ಷಿತ ಮತ್ತು ಗೌಪ್ಯತೆ-ಕಂಪ್ಲೈಂಟ್ ಮೆಸೇಜಿಂಗ್ ಪರಿಹಾರ) ಸ್ವಿಟ್ಜರ್ಲೆಂಡ್‌ನಲ್ಲಿ ನೆಲೆಗೊಂಡಿರುವುದರಿಂದ, ಅಂತಹ ಹುಡುಕಾಟ ವಾರಂಟ್‌ಗಳಿಗೆ ಪ್ರತಿಕ್ರಿಯಿಸಲು ಅದು ನಿರ್ಬಂಧವನ್ನು ಹೊಂದಿರುವುದಿಲ್ಲ. ಥ್ರೀಮಾ ಯುರೋಪಿಯನ್ ಒಕ್ಕೂಟದ GDPR (ಸಾಮಾನ್ಯ ಡೇಟಾ ಸಂರಕ್ಷಣಾ ನಿಯಂತ್ರಣ) ಗೆ ಅನುಗುಣವಾಗಿ ಕಾರ್ಯನಿರ್ವಹಿಸುತ್ತದೆ.

    ಸ್ವಿಟ್ಜರ್ಲೆಂಡ್‌ನಲ್ಲಿ ವಾಟ್ಸ್‌ ಆ್ಯಪ್ ಅತ್ಯಂತ ಜನಪ್ರಿಯ ಆ್ಯಪ್ ಆಗಿದೆ:

    ಟಾಮಿಡಿಯಾ ಪತ್ರಿಕೆಯ ವರದಿಯಲ್ಲಿ ಉಲ್ಲೇಖಿಸಿರುವ ಸೇನಾ ವಕ್ತಾರರ ಪ್ರಕಾರ, ನೀತಿ ಬದಲಾವಣೆಗೆ ಡೇಟಾ ಸುರಕ್ಷತೆಯು ಒಂದು ಕಾರಣವಾಗಿದೆ. ಸ್ಥಳೀಯ ಸಮೀಕ್ಷೆಗಳ ಪ್ರಕಾರ, ಸ್ವಿಟ್ಜರ್ಲೆಂಡ್‌ನ 16 ರಿಂದ 64 ವರ್ಷ ವಯಸ್ಸಿನವರಲ್ಲಿ ವಾಟ್ಸ್‌ ಆ್ಯಪ್ ಅತ್ಯಂತ ಜನಪ್ರಿಯ ಮೆಸೆಂಜರ್ ಅಪ್ಲಿಕೇಶನ್ ಆಗಿದೆ.

    ಇದನ್ನೂಓದಿ: WhatsApp ಗ್ರೂಪ್‌ ಚಾಟ್‌ಗೆ ಸೇರಿಸುವ & ತೆಗೆದುಹಾಕುವ ವಿಧಾನ ಹೇಗೆ ಗೊತ್ತಾ..?

    ಭಾರತೀಯ ಸೇನೆಯಲ್ಲೂ ಸಿಬ್ಬಂದಿಗಳಿಗೆ ಆ್ಯಪ್ ನಿಷೇಧ:

    ವಿದೇಶಿ ಮೊಬೈಲ್ ಆ್ಯಪ್‌ಗಳು ಭಾರತದಲ್ಲಿ ಕೂಡ ಭದ್ರತಾ ವಿಷಯದಲ್ಲಿ ದೋಷಗಳನ್ನುಂಟು ಮಾಡಬಹುದು ಎಂಬ ಕಾರಣಕ್ಕಾಗಿ ಸೇನಾ ಅಧಿಕಾರಿಗಳು ಈ ಆ್ಯಪ್‌ಗಳನ್ನು ಬಳಸುವ ಕುರಿತು ಕಳವಳ ವ್ಯಕ್ತವಾಗಿದೆ. 2020 ರಲ್ಲಿ ಭದ್ರತಾ ಕಾಳಜಿಯನ್ನು ಪರಿಗಣಿಸಿ ಕೇಂದ್ರ ಸರಕಾರವು ಹಲವಾರು ಚೀನೀ ಮೊಬೈಲ್ ಆ್ಯಪ್ಗಳನ್ನು ನಿಷೇಧಿಸಿದ ನಂತರ, ಭಾರತೀಯ ಸೇನೆಯು ಹಲವಾರು ಡೇಟಿಂಗ್ ಆ್ಯಪ್‌ಗಳ ಜೊತೆಗೆ ಫೇಸ್‌ಬುಕ್, ಪಬ್‌ಜಿ, ಜೂಮ್, ಇನ್‌ಸ್ಟಾಗ್ರಾಮ್, ಸ್ನ್ಯಾಪ್‌ಚಾಟ್ ಮತ್ತು ಟಿಕ್‌ ಟಾಕ್ ಸೇರಿದಂತೆ 89 ಅಪ್ಲಿಕೇಶನ್‌ಗಳನ್ನು ಅಳಿಸಲು ತನ್ನ ಸಿಬ್ಬಂದಿಗೆ ವಿನಂತಿಸಿಕೊಂಡಿದೆ.

    ಭಾರತೀಯ ಸೇನೆಯಲ್ಲಿ ಆರ್ಮಿ ಸೆಕ್ಯೂರ್ ಇಂಡಿಜಿನಿಯಸ್ ಮೆಸೇಜಿಂಗ್ ವ್ಯವಸ್ಥೆ:

    ಭಾರತೀಯ ಸೇನೆಯು ಈಗ 'ASIGMA' (ಆರ್ಮಿ ಸೆಕ್ಯೂರ್ ಇಂಡಿಜಿನಿಯಸ್ ಮೆಸೇಜಿಂಗ್ ಆ್ಯಪ್‌) ಎಂಬ ಸಮಕಾಲೀನ ಸಂದೇಶ ಕಳುಹಿಸುವಿಕೆ ಆ್ಯಪ್‌ ಅನ್ನು ಪ್ರಾರಂಭಿಸಿದೆ. ಆಂತರಿಕ ಸೇನಾ ಜಾಲವನ್ನು ಬಳಸಿಕೊಂಡು ಮೊಬೈಲ್ ಫೋನ್‌ಗಳಲ್ಲಿ ಈ ಆ್ಯಪ್‌ ಅನ್ನು ಬಳಸಬಹುದು. ಕಳೆದ 15 ವರ್ಷಗಳಿಂದ ಸೇವೆಯಲ್ಲಿರುವ ಆರ್ಮಿ ವೈಡ್ ಏರಿಯಾ ನೆಟ್‌ವರ್ಕ್ (AWAN) ಮೆಸೇಜಿಂಗ್ ಆ್ಯಪ್‌ಗೆ ಬದಲಿಯಾಗಿ ಈ ಆ್ಯಪ್‌ ಅನ್ನು ಸೇನೆಯ ಆಂತರಿಕ ನೆಟ್‌ವರ್ಕ್‌ನಲ್ಲಿ ನಿಯೋಜಿಸಲಾಗುತ್ತಿದೆ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.
    Published by:Kavya V
    First published: