Srikanth Tyagi: ಪೊಲೀಸರಿಂದ ತಪ್ಪಿಸಿಕೊಳ್ಳಲು ಬರೋಬ್ಬರಿ 15 ಬಾರಿ ಕಾರುಗಳನ್ನು ಬದಲಾಯಿಸಿದ್ರಂತೆ ಈ ತ್ಯಾಗಿ!

ನೋಯ್ಡಾದಲ್ಲಿ (Noida) ಮಹಿಳೆಯ ಮೇಲೆ ಹಲ್ಲೆ (Assault ) ನಡೆಸಿದ ಆರೋಪದ ಮೇಲೆ ಪ್ರಕರಣ ದಾಖಲಾದ ನಂತರ ಪೊಲೀಸರಿಂದ ತಲೆಮರೆಸಿಕೊಂಡಿದ್ದ ಗೂಂಡಾ ನಾಯಕ ಶ್ರೀಕಾಂತ್ ತ್ಯಾಗಿಯನ್ನು (Goon leader Srikanth Tyagi) ಮೀರತ್ ನಲ್ಲಿ ಮಂಗಳವಾರ ಬಂಧಿಸಲಾಗಿದೆ. ಪರಾರಿಯಾಗುವಾಗ ಪೊಲೀಸರಿಂದ ತಪ್ಪಿಸಿಕೊಳ್ಳಲು ತ್ಯಾಗಿ ಒಂದಲ್ಲ, ಎರಡಲ್ಲ ಬರೋಬ್ಬರಿ 15 ಬಾರಿ ಕಾರುಗಳನ್ನು ಬದಲಾಯಿಸಿದ್ದಾನೆ ಎಂದು ವರದಿಯಾಗಿದೆ. ನಾಲ್ಕು ದಿನಗಳ ಅವಧಿಯಲ್ಲಿ, ತ್ಯಾಗಿಯನ್ನು ಮೂರು ರಾಜ್ಯಗಳಲ್ಲಿ ಪೊಲೀಸರು ನೋಯ್ಡಾದಿಂದ ದೆಹಲಿಗೆ, ನಂತರ ಉತ್ತರ ಪ್ರದೇಶದ (Uttar Pradesh) ಮೂಲಕ ಉತ್ತರಾಖಂಡಕ್ಕೆ ಬೆನ್ನಟ್ಟಿದ್ದಾರೆ. ಮಧ್ಯೆ ಹೃಷಿಕೇಶ ಮತ್ತು ಹರಿದ್ವಾರದಲ್ಲಿ ಸ್ವಲ್ಪ ಸಮಯದವರೆಗೆ ಮಲಗಿದ್ದಾರಂತೆ.

ಪೊಲೀಸರು ಅವನನ್ನು ಗುಡ್ಡಗಾಡು ರಾಜ್ಯದಲ್ಲಿ ಬಂಧಿಸುವ ಮೊದಲು, ಅವನು ಉತ್ತರ ಪ್ರದೇಶದ ಸಹರಾನ್ಪುರಕ್ಕೆ ಹೋಗಿ ನಂತರ ಅಲ್ಲಿಂದ ಬಾಗ್ಪತ್ ಮತ್ತು ಮೀರಟ್ ಗೆ ಹೋದನು, ಅಲ್ಲಿ ಅವನು ತನ್ನ ಆಪ್ತ ಸ್ನೇಹಿತನ ಮನೆಯಲ್ಲಿ ಅಡಗಿಕೊಂಡಿದ್ದನು.

ತ್ಯಾಗಿ ಅವರ ಹುಡುಕಾಟದಲ್ಲಿದ್ದ ಎಂಟು ಪೋಲೀಸರ ತಂಡ 
ನೋಯ್ಡಾದಿಂದ ಪಲಾಯನ ಮಾಡಿದ ನಂತರ, ತ್ಯಾಗಿ ನೇರವಾಗಿ ದೆಹಲಿ ವಿಮಾನ ನಿಲ್ದಾಣಕ್ಕೆ ತೆರಳಿದ್ದರು. ಆದರೆ ಆ ರಾತ್ರಿ ಅವರು ಇಂದಿರಾ ಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ತಲುಪುವ ಹೊತ್ತಿಗೆ, ನೋಯ್ಡಾ ಹೌಸಿಂಗ್ ಸೊಸೈಟಿಯಲ್ಲಿ ನಿವಾಸಿಯೊಬ್ಬರನ್ನು ನಿಂದಿಸಿದ ಮತ್ತು ಪುರುಷರ ಮೇಲೆ ಹಲ್ಲೆ ನಡೆಸಿದ ಅವರ ವಿಡಿಯೋ ವೈರಲ್ ಆಗಿತ್ತು. ಬಂಧನದ ಭಯದಿಂದ, ಅವನು ವಿಮಾನ ನಿಲ್ದಾಣಕ್ಕೆ ಹೋಗದೆ ಬೇರೆ ಕಡೆಗೆ ಕಾರನ್ನು ತಿರುಗಿಸಿದರು.

ಇದನ್ನೂ ಓದಿ: PHOTOS: ಚೆನ್ನೈ ಏರ್​ಪೋರ್ಟ್​ನಲ್ಲಿ ಸಿಕ್ಕಿಬಿದ್ದ ಬ್ಯಾಂಕಾಕ್​ ವ್ಯಕ್ತಿ, ಬ್ಯಾಗ್ ಓಪನ್​ ಮಾಡಿದ ಅಧಿಕಾರಿಗಳಿಗೆ ಶಾಕ್!

ಪೊಲೀಸರ ಪ್ರಕಾರ, ನೋಯ್ಡಾ ಪೊಲೀಸರ ಎಂಟು ತಂಡಗಳು ತ್ಯಾಗಿ ಅವರ ಹುಡುಕಾಟದಲ್ಲಿದ್ದವು. ನಂತರ, ಉತ್ತರ ಪ್ರದೇಶದಲ್ಲಿ ಎಸ್‌ಟಿಎಫ್ ನ ನಾಲ್ಕು ತಂಡಗಳನ್ನು ಇನ್ನಷ್ಟು ಬಲಪಡಿಸಲು ಸೇರಿಸಲಾಯಿತು. ಸ್ವಯಂ ಘೋಷಿತ ಬಿಜೆಪಿ ಕಾರ್ಯಕರ್ತನ ಹುಡುಕಾಟದಲ್ಲಿ ಯುಪಿ ಎಸ್‌ಟಿಎಫ್ ನ ದೊಡ್ಡ ಕಣ್ಗಾವಲು ತಂಡವೂ ಭಾಗಿಯಾಗಿತ್ತು.

ಕಾರು ಮಾತ್ರ ಅಲ್ಲ ಎಲೆಕ್ಟ್ರಾನಿಕ್ ಗ್ಯಾಜೆಟ್ ಗಳನ್ನು ಕೂಡ ಬದಲಾಯಿಸಿದ್ರಂತೆ
ಪೊಲೀಸರಿಂದ ಪತ್ತೆಯಾಗದಿರಲು ತ್ಯಾಗಿ ಕೇವಲ ಕಾರುಗಳು ಮಾತ್ರವಲ್ಲದೆ, ಮೊಬೈಲ್ ಫೋನ್ ಗಳು ಸೇರಿದಂತೆ ಎಲೆಕ್ಟ್ರಾನಿಕ್ ಗ್ಯಾಜೆಟ್ ಗಳನ್ನು ಸಹ ತುಂಬಾ ಸಲ ಬದಲಾಯಿಸಿದರಂತೆ. ಶ್ರೀಕಾಂತ್ ತ್ಯಾಗಿ ಅವರು ಬಿಜೆಪಿಯೊಂದಿಗೆ ಹೊಂದಿರುವ ಸಂಪರ್ಕದ ಬಗ್ಗೆ ತನಿಖೆ ಮುಂದುವರಿದಂತೆ, ಬುಧವಾರ ಹೊಸ ಮಾಹಿತಿ ಬೆಳಕಿಗೆ ಬಂದಿತ್ತು. ಬಿಜೆಪಿಯ ಕಿಸಾನ್ ಮೋರ್ಚಾದ ರಾಷ್ಟ್ರೀಯ ಕಾರ್ಯಕಾರಿಣಿ ಸದಸ್ಯ ಎಂದು ಹೇಳಿಕೊಳ್ಳುವ ತ್ಯಾಗಿ ಅವರಿಗೆ ಅಕ್ಟೋಬರ್ 8, 2018 ರಂದು ಯೋಗಿ ಆದಿತ್ಯನಾಥ್ ಸರ್ಕಾರದ ಮೊದಲ ಅವಧಿಯಲ್ಲಿ ಮೂವರು ಸಶಸ್ತ್ರ ಅಂಗರಕ್ಷಕರನ್ನು ನೀಡಲಾಗಿತ್ತು.

ಅವರಿಗೆ ಭದ್ರತೆ ಒದಗಿಸಿದಾಗ, ಅರವಿಂದ್ ಕುಮಾರ್ ಉತ್ತರ ಪ್ರದೇಶದ ಗೃಹ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಯಾಗಿದ್ದರು ಮತ್ತು ಗಾಜಿಯಾಬಾದ್ ನ ಎಸ್ಎಸ್‌ಪಿ ವೈಭವ್ ಕೃಷ್ಣ ಆಗಿದ್ದರು. ಗಾಜಿಯಾಬಾದ್ ಎಸ್ಎಸ್‌ಪಿ ಮುನಿರಾಜ್ ಅವರು ಶ್ರೀಕಾಂತ್ ತ್ಯಾಗಿ ಅವರಿಗೆ ಭದ್ರತಾ ವಿವರಗಳನ್ನು ನೀಡುವ ಬಗ್ಗೆ ಯುಪಿ ಸರ್ಕಾರಕ್ಕೆ ವಿವರವಾದ ವರದಿಯನ್ನು ಕಳುಹಿಸಿದ್ದಾರೆ. ಮೂಲಗಳ ಪ್ರಕಾರ, ಅವರಿಗೆ ಭದ್ರತೆ ನೀಡುವಲ್ಲಿ ಭಾಗಿಯಾಗಿರುವವರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಬಹುದು.

ಶ್ರೀಕಾಂತ್ ತ್ಯಾಗಿ ವಿರುದ್ಧ ಆರೋಪ ಏನಿತ್ತು?
ಶ್ರೀಕಾಂತ್ ತ್ಯಾಗಿ ವಾಸಿಸುವ ನೋಯ್ಡಾದ ಸೆಕ್ಟರ್-93 ಬಿಯಲ್ಲಿರುವ ಗ್ರ್ಯಾಂಡ್ ಒಮ್ಯಾಕ್ಸ್ ಸೊಸೈಟಿಯೊಳಗೆ ನಡೆದ ಜಗಳದ ನಂತರ ಮಹಿಳೆಯ ಮೇಲೆ ಹಲ್ಲೆ ನಡೆಸಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ ಎಂದು ಆರೋಪಿಸಲಾಗಿತ್ತು.

ಇದನ್ನೂ ಓದಿ: Carbon Footprint: ರೆಸ್ಟೊರೆಂಟ್​ ಮೆನುಲಿ ಫುಡ್​ ಮಾತ್ರ ಅಲ್ಲ ಅದರ ಕಾರ್ಬನ್​ ಮಟ್ಟ ಕೂಡ ಇರುತ್ತಂತೆ

ತ್ಯಾಗಿ ಅವರು ಕೆಲವು ಸಸಿಗಳನ್ನು ನೆಡುವುದನ್ನು ಮಹಿಳೆ ಆಕ್ಷೇಪಿಸಿದಾಗ ಈ ಘಟನೆ ನಡೆದಿದೆ. ತ್ಯಾಗಿ ತನ್ನ ತಾಳ್ಮೆಯನ್ನು ಕಳೆದುಕೊಂಡು ಮಹಿಳೆಯನ್ನು ಮೊದಲು ತಳ್ಳಿದ್ದಾರೆ. ನಂತರ ಅವಳ ವಿರುದ್ಧ ಅವಹೇಳನಕಾರಿ ಪದಗಳನ್ನು ಸಹ ಬಳಸಿದ್ದಾನೆ. ಘಟನೆಯ ವೀಡಿಯೋ ಈಗ ವೈರಲ್ ಆಗಿದೆ. ನೋಯ್ಡಾ ಪೊಲೀಸರು ತ್ಯಾಗಿ ವಿರುದ್ಧ ಭಾರತೀಯ ದಂಡ ಸಂಹಿತೆ ಸೆಕ್ಷನ್ 354 ರ ಅಡಿಯಲ್ಲಿ ತ್ಯಾಗಿ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ನಂತರ, ಐಪಿಸಿ ಸೆಕ್ಷನ್ 323, 504, 506, 447 ಅಡಿಯಲ್ಲಿ ಆರೋಪಗಳನ್ನು ಸಹ ಈ ಪ್ರಕರಣದಲ್ಲಿ ಸೇರಿಸಲಾಯಿತು.