ನಿಗದಿತ ಅವಧಿಗಿಂತ ಮುಂಚೆಯೇ ಲ್ಯಾಂಡ್ ಆದ ಸ್ಪೈಸ್​ ಜೆಟ್ ವಿಮಾನ; ಇಬ್ಬರು ಪೈಲಟ್​ಗಳ ತನಿಖೆ

ಗುವಾಹಟಿ ವಿಮಾನ ನಿಲ್ದಾಣದಲ್ಲಿ ಸ್ಪೈಸ್ ಜೆಟ್ ವಿಮಾನವು ನಿಗದಿತ ಅವಧಿಗಿಂತ ಮುಂಚೆಯೇ ರನ್​ವೇನಲ್ಲಿ ಲ್ಯಾಂಡ್ ಆದ ಘಟನೆ ಶುಕ್ರವಾರ ಸಂಜೆ ನಡೆದಿದೆ. ಅದೃಷ್ಟವಶಾತ್ ಘಟನೆಯಿಂದ ಯಾರೊಬ್ಬರಿಗೆ ತೊಂದರೆಯಾಗಿಲ್ಲ ಎಂದು ಡಿಜಿಸಿಎ ಅಧಿಕಾರಿಗಳು ತಿಳಿಸಿದ್ದಾರೆ. ಬೆಂಗಳೂರು-ಗುವಾಹಟಿ ವಿಮಾನ ಎಸ್​ಜಿ960 ಲ್ಯಾಂಡಿಂಗ್ ಆಗುವಾಗ ರನ್​ವೇನಲ್ಲಿ ಗುರಿತಪ್ಪಿಸಿದ ಸ್ಪೈಸ್​ಜೆಟ್​ನ ಇಬ್ಬರು ಪೈಲಟ್​ಗಳನ್ನು ನಾಗರಿಕ ವಿಮಾನಯಾನದ ಏವಿಯೇಷನ್ ರೆಗ್ಯುಲೇಟರ್ ಡೈರೆಕ್ಟರೆಟ್ ಜನರಲ್ ತನಿಖೆಗೆ ಒಳಪಡಿಸಿದ್ದಾರೆ ಎಂದು ತಿಳಿಸಿದ್ದಾರೆ. 

ಪೈಲಟ್‌ಗಳನ್ನು ತನಿಖೆಗೆ ಒಳಪಡಿಸಲಾಗಿದೆ ಎಂದು ಅಧಿಕಾರಿಯೊಬ್ಬರು ಪಿಟಿಐಗೆ ತಿಳಿಸಿದ್ದಾರೆ. ರನ್‌ವೇಯಲ್ಲಿ ಗೊತ್ತುಪಡಿಸಿದ ಸ್ಥಳಕ್ಕೆ ಮುಂಚಿತವಾಗಿ ವಿಮಾನ ಇಳಿದಿದೆ. ಘಟನೆಯಿಂದ ಪ್ರಯಾಣಿಕರಲ್ಲಿ ಯಾರಿಗೂ ತೊಂದರೆಯಾಗಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನು ಓದಿ: ತೆರದಾಳ ಪ್ರಕರಣದ ಬಗ್ಗೆ ಸರ್ಕಾರ, ಬಿಜೆಪಿ ಮಹಿಳಾ ಸಂಘಟನೆಗಳ ಮೌನ ಯಾಕೆ; ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ಪ್ರಶ್ನೆ

ಆದಾಗ್ಯೂ, ಎಸ್‌ಜಿ 960 ಬೆಂಗಳೂರು-ಗುವಾಹಟಿ ವಿಮಾನವನ್ನು ಇಳಿಯುವಾಗ ರನ್‌ವೇಯ ಕೆಲವು ದೀಪಗಳು ಹಾನಿಗೊಂಡಿವೆ" ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ವಿಷಯದ ಬಗ್ಗೆ ಪಿಟಿಐ ಕೇಳಿದ ಪ್ರಶ್ನೆಗಳಿಗೆ ಸ್ಪೈಸ್ ಜೆಟ್ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.