Siddharth: ಸಿದ್ಧಾರ್ಥ್​ಗೆ ಅತ್ಯಾಚಾರ ಮತ್ತು ಕೊಲೆ ಬೆದರಿಕೆ; ಬಿಜೆಪಿ ಐಟಿ ಸೆಲ್​ ​ವಿರುದ್ಧ ನಟ ಆಕ್ರೋಶ

ತಮಿಳುನಾಡು ಬಿಜೆಪಿ ಐಟಿ ಘಟಕ ನನ್ನ ಫೋನ್​ ನಂಬರ್​ ಲೀಕ್​ ಮಾಡಿದೆ. ಇದರಿಂದಾಗಿ 500ಕ್ಕೂ ಹೆಚ್ಚು ಬೆದರಿಕೆ, ಅತ್ಯಾಚಾರದ ಕರೆಗಳು ಬರುತ್ತಿವೆ.

ಸಿದ್ಧಾರ್ಥ್

ಸಿದ್ಧಾರ್ಥ್

  • Share this:
    ತಮಿಳಿನ ಖ್ಯಾತ ನಟ ಸಿದ್ಧಾರ್ಥ್​ ಮತ್ತು ಅವರ ಕುಟುಂಬಕ್ಕೆ ಅತ್ಯಾಚಾರ ಕೊಲೆ ಬೆದರಿಕೆಗಳು ಎದುರಾಗಿದೆ. ಈ ಕುರಿತು ಟ್ವೀಟ್​ ಮೂಲಕ ತಿಳಿಸಿರುವ ನಟ ಸಿದ್ಧಾರ್ಥ್​ ಅವರ ಫೋನ್​ ನಂಬರ್​ ಸೋರಿಕೆಯಾಗಿದ್ದು, ಈ ರೀತಿ ಕರೆಗಳು ಬರಲಾರಂಭಿಸಿದೆ ಎಂದಿದ್ದಾರೆ. ಅಷ್ಟೇ ಅಲ್ಲದೇ, ತಮ್ಮ ಫೋನ್​ ನಂಬರ್​ ಅನ್ನು ಬಿಜೆಪಿ ಐಟಿ ಸೆಲ್​ (ಮಾಹಿತಿ ತಂತ್ರಜ್ಞಾನ ಘಟಕ) ಲೀಕ್​ ಮಾಡಿದೆ ಎಂದು ಆರೋಪಿಸಿದ್ದಾರೆ. ಈ ಕುರಿತು ಟ್ವೀಟ್​ ಮಾಡಿರುವ ನಟ, ತಮಿಳುನಾಡು ಬಿಜೆಪಿ ಐಟಿ ಘಟಕ ನನ್ನ ಫೋನ್​ ನಂಬರ್​ ಲೀಕ್​ ಮಾಡಿದೆ, ಇದರಿಂದಾಗಿ 500ಕ್ಕೂ ಹೆಚ್ಚು ಬೆದರಿಕೆ, ಅತ್ಯಾಚಾರದ ಕರೆಗಳು ಬರುತ್ತಿವೆ. ನನ್ನ ಕುಟುಂಬಕ್ಕೂ ಕಳೆದ 24 ಗಂಟೆಯಲ್ಲಿ ಅನೇಕ ಬೆದರಿಕೆ ಕರೆ ಬಂದಿದೆ. ಬಿಜೆಪಿಯ ಲಿಂಕ್​ ಮತ್ತು ಡಿಪಿಯೊಂದಿಗೆ ಎಲ್ಲಾ ನಂಬರ್​ಗಳನ್ನು ನಾನು ರೆಕಾರ್ಡ್​ ಮಾಡಿದ್ದು, ಪೊಲೀಸರಿಗೆ ಒಪ್ಪಿಸುತ್ತೇನೆ. ಇದನ್ನು ಇಷ್ಟಕ್ಕೆ ಬಿಡುವುದಿಲ್ಲ ಎಂದಿದ್ದಾರೆ ಅಲ್ಲದೇ ಈ ಸಂಬಂಧ ಪ್ರಧಾನಿ ನರೇಂದ್ರ ಮೋದಿ ಮತ್ತು ಗೃಹ ಸಚಿವ ಅಮಿತ್​ ಶಾ ಅವರಿಗೂ ತಮ್ಮ ಟ್ವೀಟ್​ ಸಂದೇಶ ರವಾನಿಸಿದ್ದಾರೆ.



    ತಮಗೆ ಬರುತ್ತಿರುವ ಬೆದರಿಕೆ ಕರೆಗಳ ಮತ್ತು ಸಂದೇಶಗಳ ಸ್ಕ್ರೀನ್​ ಶಾಟ್​ಗಳನ್ನು ನಟ ಸಿದ್ಧಾರ್ಥ್​ ಸಾಮಾಜಿಕ ಜಾಲತಾಣಧಲ್ಲಿ ಹಂಚಿಕೊಂಡಿದ್ದಾರೆ. ಬಿಜೆಪಿ ನನ್ನ ನಂಬರ್​ ಹಂಚಿಕೆ ಮಾಡಿದ್ದು, ನನ್ನ ಮೇಲೆ ಆಕ್ರಮಣ ಮಾಡಿ ದೌರ್ಜನ್ಯ ನಡೆಸುವಂತೆ ಜನರಿಗೆ ತಿಳಿಸಿದ್ದಾರೆ ಎಂದು ಆರೋಪಿಸಿದ್ದಾರೆ. ಕೋವಿಡ್​ನಂತಹ ಸೋಂಕಿನಿಂದ ಬೇಕಾದರೂ ನಾವು ಹೋರಾಡಬಹುದು ಇಂತಹ ಜನರ ವಿರುದ್ಧ ಉಳಿಯಲು ಸಾಧ್ಯವೇ ಎಂದು ಪ್ರಶ್ನಿಸಿದ್ದಾರೆ.

    ಬಾಲಿವುಡ್​, ತಮಿಳು ಮತ್ತು ತೆಲುಗು ಚಿತ್ರಗಳಲ್ಲಿ ಜನಪ್ರಿಯತೆ ಪಡೆದಿರುವ ನಟ ಸಿದ್ಧಾರ್ಥ್​, ಆಡಳಿತಾ ರೂಢ ಬಿಜೆಪಿ ಸರ್ಕಾರದ ವಿರುದ್ಧ ಧ್ವನಿ ಎತ್ತಿದ್ದರು. ಅಲ್ಲದೇ, ದೇಶದಲ್ಲಿ ಕೋವಿಡ್​ ಪರಿಸ್ಥಿತಿ ನಿಭಾಯಿಸುವಲ್ಲಿ ಸರ್ಕಾರ ವಿಫಲವಾಗಿದೆ ಎಂದು ಇತ್ತೀಚೆಗೆ ಟೀಕಿಸಿದ್ದರು.
    Published by:Seema R
    First published: