ಮೃಗೀಯವಾಗಿ ರೇಪ್ ಮಾಡುತ್ತಿದ್ದ ಕಾಮುಕನಿಗೆ ಬರೋಬ್ಬರಿ 1 ಸಾವಿರ ವರ್ಷ ಜೈಲು ವಿಧಿಸಿದ ಕೋರ್ಟ್!

ಬಾಂಗ್ಲಾದೇಶದ ಯುವತಿ ಮೇಲೆ ನಮ್ಮ ಕರ್ನಾಟಕದಲ್ಲೇ ಅಮಾನವೀಯವಾಗಿ ಹಿಂಸಿಸಿ, ಗ್ಯಾಂಗ್​​ ರೇಪ್​​​ ಮಾಡಿ ಇಡೀ ಕೃತ್ಯವನ್ನು ಚಿತ್ರೀಕರಿಸಿದ ಭಯಾನಕ ಘಟನೆ ಕಣ್ಣ ಮುಂದಿರುವಾಗಲೇ ಮತ್ತೊಂದು ರೇಪ್​​ ಕೇಸ್​ ಸುದ್ದಿಯಾಗಿದೆ. ಅತ್ಯಾಚಾರದಂತ ಪೈಶಾಚಿಕ ಕೃತ್ಯಗಳಿಗೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ಕೋರ್ಟ್​​​ ಐಸಿಹಾತಿಕ ತೀರ್ಪನ್ನು ನೀಡಿದೆ. ಮನೆಗಳಿಗೆ ನುಗ್ಗಿ ಅಮಾಯಕ ಮಹಿಳೆಯರ ಮೇಲೆ ಅತ್ಯಾಚಾರವೆಸಗುತ್ತಿದ್ದ ಕಾಮುಕ ಕ್ರಿಮಿಗೆ ಬರೋಬ್ಬರಿ ಒಂದು ಸಾವಿರ ವರ್ಷ ಜೈಲು ಶಿಕ್ಷೆ ವಿಧಿಸಲಾಗಿದೆ. ದೊಡ್ಡ ಪ್ರಮಾಣದ ಶಿಕ್ಷೆ ನೀಡುವ ಮೂಲಕ ಅತ್ಯಾಚಾರದ ವಿರುದ್ಧ ಕಠಿಣ ನಿಲುವನ್ನು ಕೋರ್ಟ್​​ ತಳೆದಿದೆ.

ದಕ್ಷಿಣ ಆಫ್ರಿಕಾದ ಕೋರ್ಟ್​​​ ಇಂಥಹದೊಂದು ಕಠಿಣ ಶಿಕ್ಷೆಯ ಮೂಲಕ ವಿಶ್ವದ ಗಮನ ಸೆಳೆದಿದೆ. ಸರಣಿ ಅತ್ಯಾಚಾರಿ 33 ವರ್ಷದ ಸೆಲ್ಲೋ ಅಬ್ರಾಂ ಮಪುನ್ಯಾಗೆ ಬರೋಬ್ಬರಿ 1,088 ವರ್ಷಗಳ ಕಾಲ ಜೈಲು ಶಿಕ್ಷೆ ವಿಧಿಸಲಾಗಿದೆ. ಸೆಲ್ಲೋ ಹಲವು ವರ್ಷಗಳಿಂದ ಮನೆಗಳಿಗೆ ನುಗ್ಗಿ ಮಹಿಳೆಯರ ಮೇಲೆ ಅತ್ಯಾಚಾರವೆಸಗುತ್ತಿದ್ದ. ಸರಣಿ ರೇಪಿಸ್ಟ್​​​ನಿಂದ ಮಹಿಳೆಯರು ಒಂಟಿಯಾಗಿ ಮನೆಗಳಲ್ಲಿ ಇರಲು ಹೆದರುತ್ತಿದ್ದರು. ಬರೋಬ್ಬರಿ 35 ಯುವತಿಯರು, ಮಹಿಳೆಯರ ಮೇಲೆ ಸೆಲ್ಲೋ ಅತ್ಯಾಚಾರವೆಸಗಿರುವುದು ಸಾಬೀತಾಗಿದೆ. ಮನೆಗೆ ನುಗ್ಗಿ ರೇಪ್​ ಮಾಡುತ್ತಿದ್ದ ಕಾಮುಕ ನಂತರ ಮನೆಗಳಲ್ಲಿದ್ದ ಹಣ-ಆಭರಣ, ವಸ್ತುಗಳನ್ನು ಕದ್ದೊಯ್ಯುತ್ತಿದ್ದ. ಹೀಗಾಗಿ 36 ರಾಬರಿ ಪ್ರಕರಣಗಳಲ್ಲೂ ಸೆಲ್ಲೋ ಅಪರಾಧಿ ಎಂಬುವುದು ಸಾಬೀತಾಗಿದೆ.

ಒಟ್ಟಾರೆ 71 ಪ್ರಕರಣಗಳಲ್ಲಿ ಅಪರಾಧ ಸಾಬೀತಾದ ಹಿನ್ನೆಲೆ ಒಟ್ಟಾರೆ 1,088 ವರ್ಷ ಜೈಲು ಶಿಕ್ಷೆ ವಿಧಿಸಲಾಗಿದೆ. ಸೆಲ್ಲೋ ಸಾಯುವವರೆಗೂ ಜೈಲು ಕಂಬಿಗಳ ಹಿಂದೆಯೇ ಬಂಧಿಯಾಗಿ ಬದುಕಬೇಕು. ಜೈಲಿನಲ್ಲೇ ಸಾಯಬೇಕು. ಸೆಲ್ಲೋಗೆ ಭಾರೀ ಪ್ರಮಾಣದ ಶಿಕ್ಷೆ ಪ್ರಕಟವಾಗುತ್ತಿದಂತೆ ನೊಂದ ಮಹಿಳೆಯರು ಸಂತಸ ವ್ಯಕ್ತಪಡಿಸಿದ್ದಾರೆ. ಇನ್ನು ನಮ್ಮಲ್ಲಿಯೂ ದೆಹಲಿಯ ನಿರ್ಭಯಾ ಮೇಲೆ ಅತ್ಯಾಚಾರವೆಸಗಿದ ಕಾಮುಕರನ್ನು ನೇಣಿಗೆ ಏರಿಸಲಾಗಿತ್ತು. ಹೈದ್ರಾಬಾದ್​ನಲ್ಲಿ ಪಶು ವೈದ್ಯೆ ಮೇಲೆ ಪೈಶಾಚಿಕ ಕೃತ್ಯವೆಸಗಿದ್ದ ನಾಲ್ವರಿಗೆ ಗುಂಡಿಕ್ಕಲಾಯಿತು. ಸ್ಥಳ ಮಹಜರು ವೇಳೆ ತಪ್ಪಿಸಿಕೊಳ್ಳಲು ಆರೋಪಿಗಳು ಯತ್ನಿಸಿದಾಗ ಪೊಲೀಸರು ಫೈರ್​ ಮಾಡಿದ್ದರು.

ಇದನ್ನೂ ಓದಿ: ವಿಡಿಯೋ ಕಾನ್ಫರೆನ್ಸ್ ವೇಳೆ ಕಾಫಿ ಕಪ್​​ನಲ್ಲಿ ಮೂತ್ರ ವಿಸರ್ಜಿಸಿದ ಸಂಸದ.. ಮೀಟಿಂಗ್​ನಲ್ಲಿದ್ದವರಿಗೆ ಶಾಕ್!

ದೇಶಾದ್ಯಂತ ಕಳೆದ 24 ಗಂಟೆಗಳಲ್ಲಿ 1,73,790 ಪಾಸಿಟಿವ್​ ಪ್ರಕರಣಗಳು ಪತ್ತೆಯಾಗಿವೆ. ಇದರಿಂದ ದೇಶದಲ್ಲಿ ಕೊರೋನಾ ಸೋಂಕು ಪೀಡಿತರ ಸಂಖ್ಯೆ 2,77,29,247ಕ್ಕೆ ಏರಿಕೆ ಆಗಿದೆ.‌ ಶುಕ್ರವಾರ ಒಂದೇ ದಿನ ಕೊರೋನಾ 3,617 ಜನರು ಬಲಿ ಆಗಿದ್ದು ಈವರೆಗೆ ಕೊರೋನಾದಿಂದ ಸತ್ತವರ ಸಂಖ್ಯೆ 3,22,512ಕ್ಕೆ ಏರಿಕೆ ಆಗಿದೆ. ಈವರೆಗೆ 2,51,78,011 ಮಂದಿ ಕೊರೋನಾದಿಂದ ಗುಣಮುಖರಾಗಿದ್ದಾರೆ. ದೇಶದಲ್ಲಿ ಇನ್ನೂ 22,28,724 ಆಕ್ಟಿವ್ ಕೇಸುಗಳಿವೆ. ದೇಶದಲ್ಲಿ ಕೊರೋನಾ ಲಸಿಕೆ ಪಡೆದುಕೊಂಡವರ ಸಂಖ್ಯೆ 20 ಕೋಟಿ ದಾಟಿದೆ.‌ ಈವರೆಗೆ 20,89,02,445 ಜನರಿಗೆ ಕೊರೋನಾ ಲಸಿಕೆ ಹಾಕಲಾಗಿದೆ. ದೇಶದಲ್ಲಿ ಸದ್ಯ ಗುಣಮುಖ ಆದದವರ ಪ್ರಮಾಣ ಶೇಕಡಾ 90.80ಕ್ಕೆ ಏರಿಕೆ ಆಗಿದೆ. ವಾರದ ಪಾಸಿಟಿವಿಟಿ ದರ ಶೇಕಡಾ 9.84ಕ್ಕೆ ಇಳಿಕೆ ಆಗಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ‌.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಲಾಕ್​​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾನು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು.  ಸುರಕ್ಷಿತವಾಗಿ ಇರುವತ್ತ ಗಮನ ಹರಿಸಿ.