Padma Award: ಆರ್‌ಎಸ್‌ಎಸ್ ಯಾವುದೇ ಧರ್ಮದ ವಿರುದ್ಧ ಇಲ್ಲ ಎನ್ನುವುದಕ್ಕೆ ನಾನೇ ಸಾಕ್ಷಿ-ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಪ್ರೊ.ಸಿ.ಐ. ಐಸಾಕ್

ಕೊಚ್ಚಿ: 74 ನೇ ಗಣರಾಜ್ಯೋತ್ಸವದ ಮುನ್ನ ಜನವರಿ 25ರಂದು ಭಾರತ ಸರ್ಕಾರ (Government of India)  106 ಗಣ್ಯರಿಗೆ ಪದ್ಮ ಪ್ರಶಸ್ತಿಗಳನ್ನು (Padma Award) ಪ್ರಕಟಿಸಿದೆ. ಪದ್ಮ ವಿಭೂಷಣಕ್ಕೆ ಆರು ಹೆಸರುಗಳನ್ನು, ಪದ್ಮಭೂಷಣಕ್ಕೆ ಒಂಬತ್ತು ಹೆಸರುಗಳನ್ನು ಮತ್ತು ಪದ್ಮಶ್ರೀ ಪ್ರಶಸ್ತಿಗಳಿಗೆ 91 ಹೆಸರನ್ನು ಪ್ರಕಟಿಸಿದೆ. ಇತಿಹಾಸಕಾರ ಪ್ರೊ.ಸಿ.ಐ.ಇಸಾಕ್ (Historian Prof C I Issac) ಇವರಿಗೆ ಪದ್ಮಶ್ರೀ ಪುರಸ್ಕಾರ ಲಭಿಸಿದೆ. ಇತಿಹಾಸಕಾರ ಪ್ರೊ.ಸಿ.ಐ. ಐಸಾಕ್, ಹಲವಾರು ಮಹತ್ಕಾರ್ಯಗಳ ರೂವಾರಿಗಳು. ಇಸಾಕ್ ಅವರು ರಾಷ್ಟ್ರೀಯ ಶಿಕ್ಷಣ ನೀತಿ 2020 ಕ್ಕೆ ಅನುಗುಣವಾಗಿ ರಾಷ್ಟ್ರೀಯ ಪಠ್ಯಕ್ರಮದ ಚೌಕಟ್ಟನ್ನು ಅಭಿವೃದ್ಧಿಪಡಿಸಲು ಸಾಮಾಜಿಕ ವಿಜ್ಞಾನಗಳ ಕೇಂದ್ರೀಕೃತ ಗುಂಪಿನ ಅಧ್ಯಕ್ಷರಾಗಿದ್ದಾರೆ. ಈ ಬಗ್ಗೆ ಮಾತಿಗೆ ಸಿಕ್ಕ ಇಸಾಕ್‌ ಅವರು ಹಲವು ವಿಚಾರಗಳನ್ನು ಸುದ್ದಿ ಮಾಧ್ಯಮಗಳೊಂದಿಗೆ ಹಂಚಿಕೊಂಡರು.

'ಶಾಸ್ತ್ರೀಯ ಭಾರತ' ಪದ ಬಳಕೆಗೆ ಶಿಫಾರಸ್ಸು

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಪಠ್ಯಪುಸ್ತಕಗಳಲ್ಲಿ 'ಪ್ರಾಚೀನ ಭಾರತ' ಎಂಬ ಪದದ ಬದಲಿಗೆ 'ಶಾಸ್ತ್ರೀಯ ಭಾರತ' ಎಂಬ ಪದವನ್ನು ಬಳಸುವಂತೆ ಎನ್‌ಸಿಇಆರ್‌ಟಿಗೆ ಶಿಫಾರಸ್ಸು ಮಾಡಿರುವುದಾಗಿ ತಿಳಿಸಿದರು.

ಬ್ರಿಟಿಷರು ಭಾರತೀಯ ಇತಿಹಾಸವನ್ನು ಪ್ರಾಚೀನ ಹಿಂದೂ ಭಾರತ, ಮಧ್ಯಕಾಲೀನ ಎಂದು ವರ್ಗೀಕರಿಸಿದ್ದಾರೆ. ಬ್ರಿಟಿಷರು ಇಲ್ಲಿಗೆ ಬಂದ ನಂತರವೇ ಭಾರತವು ಆಧುನಿಕವಾಯಿತು ಎಂಬ ಭಾವನೆಯನ್ನು ಇದು ಮೂಡಿಸುತ್ತದೆ.

ಇದನ್ನೂ ಓದಿ: Budget Session 2023: ಜಗತ್ತು ಭಾರತವನ್ನು ನೋಡುವ ದೃಷ್ಟಿಕೋನ ಬದಲಾಗಿದೆ: ರಾಷ್ಟ್ರಪತಿ ದ್ರೌಪದಿ ಮುರ್ಮು

ಭಾರತವು ಪ್ರಾಚೀನ ಕಾಲದಲ್ಲಿ ಬ್ರಿಟಿಷರು ಇರುವಿಕೆಗಿಂತಲೂ ಹೆಚ್ಚು ಆಧುನಿಕವಾಗಿತ್ತು. ಪ್ರಪಂಚವು ಸಮತಟ್ಟಾಗಿದೆ ಎಂದು ಎಲ್ಲರೂ ಅಂದುಕೊಂಡಿದ್ದಾಗ, ಭಾರತೀಯರು ನಾವು ಭೂಮಿ ದುಂಡಾಗಿದೆ ಎಂದು ತಿಳಿದುಕೊಂಡಿದ್ದೆವು. ಶೂನ್ಯವನ್ನು ಸಹ ನಾವೇ ಕಂಡುಕೊಂಡಿದ್ದು. ಪ್ರಾಚೀನ ಕಾಲ ಎಂದು ಕರೆಯಲ್ಪಡುವ ಸಮಯದಲ್ಲಿ ನಾವು ಪ್ರಪಂಚದ ಇತರ ಭಾಗಗಳಿಗಿಂತ ಹೆಚ್ಚು ಮುಂದುವರಿದಿದ್ದೆವು.

ಹೀಗೆ ಹೇಳುತ್ತಾ ಹೋದರೆ ಬ್ರಿಟಿಷರು ಬರುವ ಮುಂಚೆಯೇ ನಾವು ಅಭಿವೃದ್ಧಿ ಹೊಂದಿದ್ದೆವು. ಹೀಗಾಗಿ ನಾನು ಸಲ್ಲಿಸಿದ ವರದಿಯಲ್ಲಿ, ಈ ಅವಧಿಯನ್ನು ಪ್ರಾಚೀನ ಕಾಲದ ಬದಲಿಗೆ ಶಾಸ್ತ್ರೀಯ ಅವಧಿ ಎಂದು ಕರೆಯಲು ನಾನು ಶಿಫಾರಸ್ಸು ಮಾಡಿದ್ದೇನೆ ಎಂದು ಐಸಾಕ್‌ ತಿಳಿಸಿದರು.

ಶಾಲೆಯಲ್ಲಿ ಸಂವಿಧಾನದ ಪೀಠಿಕೆ ಇರಲಿ

ಜೊತೆಗೆ ಸ್ವತಂತ್ರ ಪೂರ್ವದ ಅವಧಿಯಲ್ಲಿ ದೇಶವನ್ನು ಉಲ್ಲೇಖಿಸುವಾಗ ಐಸಾಕ್ ಭಾರತದ ಬದಲಿಗೆ 'ಭಾರತ್' ಅನ್ನು ಬಳಸಲು ಶಿಫಾರಸ್ಸು ಮಾಡಿದ್ದಾರೆ. ಹಾಗೆಯೇ ತರಗತಿ ಕೊಠಡಿಗಳಲ್ಲಿ ಮತ್ತು ಶಾಲೆಗಳ ಕಾಂಪೌಂಡ್ ಗೋಡೆಗಳ ಮೇಲೆ ಆಯಾ ರಾಜ್ಯಗಳ ಸ್ಥಳೀಯ ಭಾಷೆಗಳಲ್ಲಿ ಸಂವಿಧಾನದ ಪೀಠಿಕೆಯನ್ನು ಪ್ರದರ್ಶಿಸಲು ಅವರು ಶಿಫಾರಸ್ಸು ಮಾಡಿರುವುದಾಗಿ ಹೇಳಿದರು.

ಐಸಾಕ್ ನೇತೃತ್ವದ ಮೂವರು ಸದಸ್ಯರ ICHR ಸಮಿತಿಯು 1921 ರ ಮೋಪ್ಲಾಹ್ ದಂಗೆಯ 387 ಮೋಪ್ಲಾಹ್ ಬಂಡುಕೋರರ ಹೆಸರುಗಳನ್ನು ವರಿಯಂಕುನ್ನತ್ ಕುಂಜಹಮ್ಮದ್ ಹಾಜಿ ಮತ್ತು ಅಲಿ ಮುಸ್ಲಿಯಾರ್ ಸೇರಿದಂತೆ 600-ಬೆಸ ಸ್ವಾತಂತ್ರ್ಯ ಹೋರಾಟಗಾರರ ಪಟ್ಟಿಯಿಂದ ತೆಗೆದುಹಾಕಲು ಶಿಫಾರಸು ಮಾಡಿತು. " ಕೆಲವರು ಉದ್ದೇಶಪೂರ್ವಕವಾಗಿ ವರಿಯಂಕುಂನಾಥ್ ಅವರನ್ನು ಸ್ವಾತಂತ್ರ್ಯ ಹೋರಾಟಗಾರರನ್ನಾಗಿ ಮಾಡಲು ಪ್ರಯತ್ನಿಸುತ್ತಿದ್ದಾರೆ" ಎಂದು ಐಸಾಕ್ ಆರೋಪಿಸಿದರು.

 ಸಮಸ್ಯೆ ಸೃಷ್ಟಿಸಲು ಸಾಕ್ಷ್ಯಚಿತ್ರಗಳು

ಪ್ರಧಾನಿ ನರೇಂದ್ರ ಮೋದಿ ಮತ್ತು 2002ರ ಗುಜರಾತ್ ಗಲಭೆ ಕುರಿತ ವಿವಾದಾತ್ಮಕ ಬಿಬಿಸಿ ಸಾಕ್ಷ್ಯಚಿತ್ರದ ಬಗ್ಗೆ ಮಾನತಾನಡಿದ ಐಸಾಕ್, ದೇಶದೊಳಗೆ ಸಮಸ್ಯೆಗಳನ್ನು ಸೃಷ್ಟಿಸಲು ಉದ್ದೇಶಪೂರ್ವಕವಾಗಿ ಸಾಕ್ಷ್ಯಚಿತ್ರವನ್ನು ಮಾಡಲಾಗುತ್ತಿದೆ  ಎಂದು ಹೇಳಿದರು.

ರಾಷ್ಟ್ರೀಯ ಸ್ವಯಂ ಸೇವಾ ಸಂಘ (ಸಾಂದರ್ಭಿಕ ಚಿತ್ರ)

ಆರ್‌ಎಸ್‌ಎಸ್ ಯಾವುದೇ ಧರ್ಮದ ವಿರುದ್ಧ ಅಲ್ಲ

ಪ್ರಾಧ್ಯಾಪಕರಾಗಿದ್ದ ಅವಧಿಯಲ್ಲಿ ತಮ್ಮ ರಾಜಕೀಯ ನಿಲುವಿನಿಂದ ತಾರತಮ್ಯ ಎದುರಿಸಬೇಕಾಯಿತು. ಆದರೆ ಆರ್‌ಎಸ್‌ಎಸ್ ನನ್ನಂತಹ ಕ್ರಿಶ್ಚಿಯನ್ನರ ಪ್ರತಿಭೆಯನ್ನು ಗುರುತಿಸಿದೆ. ಈ ಮೂಲಕ ಆರ್‌ಎಸ್‌ಎಸ್ ಯಾವುದೇ ಧರ್ಮದ ವಿರುದ್ಧ ಅಲ್ಲ ಎಂಬುದಕ್ಕೆ ನಾನೇ ಸಾಕ್ಷಿ ಎಂದು ಹೇಳಿದರು.

ಸಿಎಂಎಸ್ ಕಾಲೇಜಿನ ಇತಿಹಾಸ ವಿಭಾಗದ ಮುಖ್ಯಸ್ಥರಾಗಿ ನಿವೃತ್ತರಾದ ಇವರು, 2015ರಿಂದ ಇಂಡಿಯನ್ ಕೌನ್ಸಿಲ್ ಆಫ್ ಹಿಸ್ಟಾರಿಕಲ್ ರಿಸರ್ಚ್ (ಐಸಿಎಚ್‌ಆರ್) ಸದಸ್ಯರಾಗಿದ್ದಾರೆ.