HOME » NEWS » National-international » RIL SHARE RISES 4 PERCENT AFTER COMPETITION COMMISSION CLEARS FUTURE GROUP RELIANCE RETAIL DEAL RMD

RIL shares: ಫ್ಯೂಚರ್​ ಗ್ರೂಪ್-ರಿಲಯನ್ಸ್​​ ಒಪ್ಪಂದಕ್ಕೆ ಸಿಸಿಐ ಒಪ್ಪಿಗೆ; ಏರಿಕೆ ಕಂಡ ಆರ್​​ಐಎಲ್​ ಷೇರು

 ಕಿಶೋರ್ ಬಿಯಾನಿ ಅವರ ಫ್ಯೂಚರ್ ಗ್ರೂಪ್​ನ ರೀಟೇಲ್, ಹೋಲ್​ಸೇಲ್, ಲಾಜಿಸ್ಟಿಕ್ಸ್, ವೇರ್​ಹೌಸಿಂಗ್ ವ್ಯವಹಾರಗಳನ್ನ ಒಟ್ಟು 24,713 ಕೋಟಿ ರೂಪಾಯಿಗೆ ಕೊಳ್ಳುತ್ತಿರುವುದಾಗಿ ರಿಲಾಯನ್ಸ್ ರೀಟೇಲ್ ವೆಂಚರ್ಸ್​ ಈ ಮೊದಲು ಘೋಷಣೆ ಮಾಡಿತ್ತು.

news18-kannada
Updated:November 23, 2020, 12:11 PM IST
RIL shares: ಫ್ಯೂಚರ್​ ಗ್ರೂಪ್-ರಿಲಯನ್ಸ್​​ ಒಪ್ಪಂದಕ್ಕೆ ಸಿಸಿಐ ಒಪ್ಪಿಗೆ; ಏರಿಕೆ ಕಂಡ ಆರ್​​ಐಎಲ್​ ಷೇರು
ರಿಲಾಯನ್ಸ್ ಇಂಡಸ್ಟ್ರೀಸ್
  • Share this:
ಮುಂಬೈ (ನವೆಂಬರ್ 23): ರಿಲಯನ್ಸ್ ಇಂಡಸ್ಟ್ರೀಸ್ ಸಂಸ್ಥೆಗೆ ಸೇರಿದ ರಿಲಾಯನ್ಸ್ ರೀಟೇಲ್ ವೆಂಚರ್ಸ್ (RRVL) ಕಂಪನಿಯು ಫ್ಯೂಚರ್ ಗ್ರೂಪ್​ನ ಹಲವು ವ್ಯವಹಾರಗಳನ್ನ ಖರೀದಿ ಮಾಡುವ ನಿರ್ಧಾರಕ್ಕೆ ಬಂದಿತ್ತು. ಈಗ ಈ ಒಪ್ಪಂದಕ್ಕೆ ಭಾರತೀಯ ಸ್ಪರ್ಧಾ ಆಯೋಗ (ಆರ್​ಐಎಲ್​) ಒಪ್ಪಿಗೆ ನೀಡಿದೆ. ಹೀಗಾಗಿ, ರಿಲಾಯನ್ಸ್​​ನ ಷೇರು ಶೇ.4 ಹಾಗೂ ಫ್ಯೂಚರ್​ ಗ್ರೂಪ್​ ಷೇರು ಬೆಲೆ ಶೇ.10 ಏರಿಕೆ ಆಗಿದೆ.

ಕಿಶೋರ್ ಬಿಯಾನಿ ಅವರ ಫ್ಯೂಚರ್ ಗ್ರೂಪ್​ನ ರೀಟೇಲ್, ಹೋಲ್​ಸೇಲ್, ಲಾಜಿಸ್ಟಿಕ್ಸ್, ವೇರ್​ಹೌಸಿಂಗ್ ವ್ಯವಹಾರಗಳನ್ನ ಒಟ್ಟು 24,713 ಕೋಟಿ ರೂಪಾಯಿಗೆ ಕೊಳ್ಳುತ್ತಿರುವುದಾಗಿ ರಿಲಾಯನ್ಸ್ ರೀಟೇಲ್ ವೆಂಚರ್ಸ್​ ಈ ಮೊದಲು ಘೋಷಣೆ ಮಾಡಿತ್ತು. ಫ್ಯೂಚರ್ ಗ್ರೂಪ್​ನ ಪ್ರತಿಯೊಂದು ವ್ಯವಹಾರಕ್ಕೂ ಪ್ರತ್ಯೇಕ ಬೆಲೆ ನಿಗದಿ ಮಾಡದೇ ಒಟ್ಟಿಗೆ ಲಂಪ್​ಸಮ್ ಆಗಿ ಎಲ್ಲಾ ವ್ಯವಹಾರಗಳನ್ನ ರಿಲಾಯನ್ಸ್ ಖರೀದಿಸಿ ವಹಿಸಿಕೊಂಡಿತ್ತು.

ಆದರೆ, ಅಮೆಜಾನ್​ ಸಂಸ್ಥೆ ಈ ಬಗ್ಗೆ ಅಪಸ್ವರ ಎತ್ತಿತ್ತು. ಫ್ಯೂಚರ್ ರೀಟೇಲ್​ ನಮ್ಮ ಜೊತೆಗಿನ ಒ​ಪ್ಪಂದವನ್ನು ಉಲ್ಲಂಘನೆ ಮಾಡುತ್ತಿದೆ ಎಂದು ಹೇಳಿತ್ತು. ಆದರೆ ಈಗ, ಸ್ಪರ್ಧಾ ಆಯೋಗ ಈ ಒಪ್ಪಂದಕ್ಕೆ ಅನುಮತಿ ನೀಡಿದೆ. ಹೀಗಾಗಿ, ಮುಂದಿನ ದಿನಗಳಲ್ಲಿ ಬಿಗ್​ ಬಜಾರ್​ ಸೇರಿ ಎಲ್ಲ ಫ್ಯೂಚರ್​ ರೀಟೇಲ್​ ಅಂಗಗಳು ರಿಲಯನ್ಸ್​ ಅಡಿಯಲ್ಲಿ ಬರಲಿವೆ.

1958.85 ಇದ್ದ ಆರ್​ಐಎಲ್​ ಷೇರು ಮೌಲ್ಯ, 63 ರೂಪಾಯಿ ಏರಿಕೆ ಕಾಣುವ ಮೂಲಕ 1,962 ರೂಪಾಯಿ ಆಗಿದೆ. ಈ ಮೂಲಕ ಶೇ.3.32 ಏರಿಕೆ ಕಂಡಂತಾಗಿದೆ. ಇನ್ನು, ಫ್ಯೂಚರ್​ ರೀಟೇಲ್​ ಷೇರು ಮೌಲ್ಯ 7.20 ರೂಪಾಯಿ ಏರಿಕೆ ಕಂಡು 79.25 ರೂಪಾಯಿ ಆಗಿದೆ.
Published by: Rajesh Duggumane
First published: November 23, 2020, 12:11 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories