HOME » NEWS » National-international » RELIANCE RETAIL SILVER LAKE DEAL RELIANCE RETAIL RAISES RS 7500 CRORE BY INVESTOR SILVER LAKE RMD

Reliance Retail - Silver Lake Deal: ರಿಲಯನ್ಸ್​ ರೀಟೇಲ್ ಮೇಲೆ 7,500 ಕೋಟಿ ರೂ. ಹೂಡಿಕೆ ಮಾಡಿದ ಸಿಲ್ವರ್ ಲೇಕ್

ಈ ಮೊದಲು ಜಿಯೋದ ಶೇ. 2 ಪಾಲನ್ನು ಸುಮಾರು 10,203 ಕೋಟಿ ರೂಪಾಯಿಗೆ ಸಿಲ್ವರ್​ ಲೇಕ್​ ಖರೀದಿ ಮಾಡಿತ್ತು. ಮೇ ಹಾಗೂ ಜೂನ್​ ತಿಂಗಳಲ್ಲಿ ಎರಡು ಹಂತದಲ್ಲಿ ಹೂಡಿಕೆ ಮಾಡಿತ್ತು.

news18-kannada
Updated:September 9, 2020, 10:25 AM IST
Reliance Retail - Silver Lake Deal: ರಿಲಯನ್ಸ್​ ರೀಟೇಲ್ ಮೇಲೆ 7,500 ಕೋಟಿ ರೂ. ಹೂಡಿಕೆ ಮಾಡಿದ ಸಿಲ್ವರ್ ಲೇಕ್
ರಿಲಯನ್ಸ್
  • Share this:
Reliance Retail - Silver Lake Deal:  ಮುಂಬೈ (ಸೆಪ್ಟೆಂಬರ್ 9): ಜಿಯೋ ಪ್ಲಾಟ್​ಫಾರ್ಮ್​ ಮೇಲೆ ಹೂಡಿಕೆ ಮಾಡಿದ್ದ ವಿಶ್ವದ ಅತ್ಯಂತ ದೊಡ್ಡ ಟೆಕ್​ ಇನ್ವೆಸ್ಟರ್​ ಸಿಲ್ವರ್​ ಲೇಕ್​ ಈಗ ರಿಲಯನ್ಸ್​ ರಿಟೇಲ್​ ಕ್ಷೇತ್ರದ ಶೇ. 1.75 ಷೇರನ್ನು 7,500 ಕೋಟಿ ರೂಪಾಯಿಗೆ ಪಡೆದುಕೊಂಡಿದೆ. ಈ ಹೂಡಿಕೆಯಿಂದ ರಿಲಯನ್ಸ್​ ರಿಟೇಲ್​ ಕ್ಷೇತ್ರಕ್ಕೆ ಮತ್ತಷ್ಟು ಬಲ ಬಂದಂತಾಗಿದೆ. ಇತ್ತೀಚೆಗಷ್ಟೇ ರಿಲಯನ್ಸ್​ ಫ್ಯೂಟರ್​ ರಿಟೇಲ್​ ಗ್ರೂಪ್​ ಅನ್ನು ಭಾರಿ ದೊಡ್ಡ ಮೊತ್ತಕ್ಕೆ ಪಡೆದುಕೊಂಡಿತ್ತು.  ಸಿಲ್ವರ್​ ಲೇಕ್​ ರಿಲಯನ್ಸ್​ ಮೇಲೆ ಎರಡನೇ ಬಾರಿ ಹೂಡಿಕೆ ಮಾಡುತ್ತಿದೆ. ಈ ಮೊದಲು ಜಿಯೋದ ಶೇ. 2 ಪಾಲನ್ನು ಸುಮಾರು 10,203 ಕೋಟಿ ರೂಪಾಯಿಗೆ ಸಿಲ್ವರ್​ ಲೇಕ್​ ಖರೀದಿ ಮಾಡಿತ್ತು. ಮೇ ಹಾಗೂ ಜೂನ್​ ತಿಂಗಳಲ್ಲಿ ಎರಡು ಹಂತದಲ್ಲಿ ಹೂಡಿಕೆ ಮಾಡಿತ್ತು.

ಅತ್ಯುತ್ತಮ ಯಶಸ್ವಿ ಹೂಡಿಕೆ ಸಂಸ್ಥೆ ಎನ್ನುವ ಖ್ಯಾತಿ ಸಿಲ್ವರ್​ ಲೇಕ್​ ಪಾರ್ಟ್​ನರ್​ಗೆ ಇದೆ. ಟ್ವಿಟ್ಟರ್​, ಅಲಿಬಾಬಾ, ಡೆಲ್​ ಟೆಕ್ನಾಲಕಜಿ, ಎನ್​ಟಿ ಫೈನಾನ್ಶಿಯಲ್​ ಸೇರಿ ಅನೇಕ ಸಂಸ್ಥೆಗಳ ಮೇಲೆ ಈ ಕಂಪೆನಿ ಹೂಡಿಕೆ ಮಾಡಿದೆ.

ಈ ಒಪ್ಪಂದದ ಬಗ್ಗೆ ಪ್ರತಿಕ್ರಿಯಿಸಿರುವ ರಿಲಾಯನ್ಸ್​ ಇಂಡಸ್ಟ್ರೀಸ್​ ಲಿಮಿಟೆಡ್​, ಸಿಲ್ವರ್​ ಲೇಕ್​ ಹೂಡಿಕೆಯಿಂದ ನಮ್ಮ ಸಂಸ್ಥೆಗೆ ಮತ್ತಷ್ಟು ಬಲ ಬಂದಿದೆ. ಭವಿಷ್ಯದ ದೃಷ್ಟಿಯಲ್ಲಿ ಈ ಹೂಡಿಕೆ ಬಹಳ ಮಹತ್ವ ಪಡೆದುಕೊಂಡಿದೆ ಎಂದಿದೆ.
Youtube Video

ರಿಲಾಯನ್ಸ್ ಇಂಡಸ್ಟ್ರೀಸ್ ಸಂಸ್ಥೆಗೆ ಸೇರಿದ ರಿಲಾಯನ್ಸ್ ರೀಟೇಲ್ ವೆಂಚರ್ಸ್ (RRVL) ಕಂಪನಿಯು ಫ್ಯೂಚರ್ ಗ್ರೂಪ್​ನ ಹಲವು ವ್ಯವಹಾರಗಳನ್ನ ಖರೀದಿ ಮಾಡಿತ್ತು. ಕಿಶೋರ್ ಬಿಯಾನಿ ಅವರ ಫ್ಯೂಚರ್ ಗ್ರೂಪ್​ನ ರೀಟೇಲ್, ವೋಲ್​ಸೇಲ್, ಲಾಜಿಸ್ಟಿಕ್ಸ್, ವೇರ್​ಹೌಸಿಂಗ್ ವ್ಯವಹಾರಗಳನ್ನ ಒಟ್ಟು 24,713 ಕೋಟಿ ರೂಪಾಯಿಗೆ ಕೊಳ್ಳುತ್ತಿರುವುದಾಗಿ ರಿಲಾಯನ್ಸ್ ರೀಟೇಲ್ ವೆಂಚರ್ಸ್​ ಘೋಷಿಸಿತ್ತು.

ಫ್ಯೂಚರ್ ಗ್ರೂಪ್​ನ ಪ್ರತಿಯೊಂದು ವ್ಯವಹಾರಕ್ಕೂ ಪ್ರತ್ಯೇಕ ಬೆಲೆ ನಿಗದಿ ಮಾಡದೇ ಒಟ್ಟಿಗೆ ಲಂಪ್​ಸಮ್ ಆಗಿ ಎಲ್ಲಾ ವ್ಯವಹಾರಗಳನ್ನ ರಿಲಾಯನ್ಸ್ ಖರೀದಿಸಿ ವಹಿಸಿಕೊಂಡಿದೆ. ಮೇಲೆ ತಿಳಿಸಿದ ವ್ಯವಹಾರಗಳನ್ನ ಹೊಂದಿರುವ ಫ್ಯೂಚರ್ ಗ್ರೂಪ್​ನ ಕಂಪನಿಗಳು ಫ್ಯೂಚರ್ ಎಂಟರ್​ಪ್ರೈಸಸ್ ಲಿಮಿಟೆಡ್ ಸಂಸ್ಥೆಯೊಂದಿಗೆ ವಿಲೀನಗೊಳ್ಳಲಿವೆ.
Published by: Rajesh Duggumane
First published: September 9, 2020, 9:59 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories