Reliance Jio: ಗೂಗಲ್​ ಕ್ರೋಮ್​ ಮತ್ತು ಮೈಕ್ರೋಸಾಫ್ಟ್​​ ಎಡ್ಜ್​ನೊಂದಿಗೆ ಕೈ ಜೋಡಿಸಿದ ಜಿಯೋ ಬ್ರೌಸರ್​!

ರಿಲಾಯನ್ಸ್​ ಜಿಯೋ ಇದೀಗ ಆ್ಯಂಡ್ರಾಯ್ಡ್​ ಬಳಕೆದಾರರಿಗಾಗಿ ಜಿಯೋ ಬ್ರೌಸರ್​ ಬೀಟಾ ವರ್ಷನ್​ ಅನ್ನು ಪರಿಚಯಿಸಿದೆ. ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ ನೂತನ ವರ್ಷನ್​ ಬಳಕೆಗೆ ಸಿಗುತ್ತಿದ್ದು, ಡೌನ್​ಲೋಡ್​ ಮಾಡುವ ಮೂಲಕ ಬಳಸಬಹುದಾಗಿದೆ. ಬಳಕೆದಾರರಿಗೆ ಹೆಚ್ಚಿನ ಫೀಚರ್​ ಒದಗಿಸಲು ಜಿಯೋ ಬ್ರೌಸರ್​ನಲ್ಲಿ ಗೂಗಲ್​ ಕ್ರೋಮ್​​​, ಮೈಕೋಸಾಫ್ಟ್​ ಎಡ್ಜ್​ ಮತ್ತು ಒಪೇರಾದೊಂದಿಗೆ ಕೈ ಜೋಡಿಸಿದೆ. ಸದ್ಯ ಬಳಕೆದಾರರು ಗೂಗಲ್​ ಪ್ಲೇ ಸ್ಟೋರ್​ಗೆ ತೆರಳುವ ಮೂಲಕ ಡೌನ್​ಲೋಡ್​ ಮಾಡಿಕೊಂಡು ಜಿಯೋ ಬ್ರೌಸರ್​ ಬೀಟಾ ವರ್ಷನ್​ ಬಳಸಬಹುದಾಗಿದೆ.

ಇತ್ತೀಚೆಗೆ ಕೇಂದ್ರ ಸರ್ಕಾರ ಚೀನಾ ಮೂಲಕ ಅನೇಕ ಆ್ಯಪ್​​ಗಳನ್ನು ಬ್ಯಾನ್​ ಮಾಡಿದೆ. ಆಂತರಿಕ ಮತ್ತು ಬಾಹ್ಯ ದೃಷ್ಠಿಕೋನದಿಂದಾಗಿ ಈ ನಿರ್ಣಯವನ್ನು ಕೈಗೊಂಡಿದೆ. ಮಾತ್ರವಲ್ಲದೆ, ದೇಶಿಯ ಆ್ಯಪ್​ಗಳ ಅಭಿವೃದ್ಧಿಯತ್ತ ಚಿತ್ತ ಹರಿಸಿದೆ. ಆತ್ಮನಿರ್ಭಾರ್​ ಭಾರತ್​ ದ್ಯೇಯದೆಡೆಗೆ ಹೆಚ್ಚಿನ ಗಮಹರಿಸುತ್ತಿದೆ. ಇನ್ನು ಜಿಯೋ ಬ್ರೌಸರ್​​ ಚೀನಾ ಮೂಲದ ಯುಸಿ ಬ್ರೌಸರ್​​ ಆ್ಯಪ್​ಗೆ ಸರಿಸಮಾನವಾಗಿ ಅಭಿವೃದ್ಧಿ ಪಡಿಸಲಾಗಿದೆ.

ಜಿಯೋ ಬ್ರೌಸರ್​ನಲ್ಲಿ  ಪ್ರೈವೆಟ್​ ಬ್ರೌಸಿಂಗ್​ ಮೋಡ್​ ಜೊತೆಗೆ ಸೆಕ್ಯೂರಿಟಿ ಪಿನ್​ ನಮೂದಿಸಬಹುದಾಗಿದೆ. ಬುಕ್​ ಮಾರ್ಕ್​ ಮತ್ತು ಫೈಲ್​ಗಳನ್ನು ಡೌನ್​ ಮಾಡುವ ಆಯ್ಕೆಯನ್ನು ಇದರಲ್ಲಿ ನೀಡಲಾಗಿದೆ.

ಜಿಯೋ ಬ್ರೌಸರ್​ ಬೇರೆ ಲಿಂಕ್​ ಬಳಸಿಕೊಂಡು ಇತರೆ ವೆಬ್​ಸೈಟ್​ಗಳಿಗೂ ಪ್ರವೇಶಿಸಲು ಅನುವು ಮಾಡಿಕೊಟ್ಟಿದೆ. ಗೇಮಿಂಗ್​ ಮತ್ತು ಹೈ-ರೆಸಲ್ಯೂಶನ್​ ವಿಡಿಯೋ ದೊರಕುವಂತೆ ಅಭಿವೃದ್ಧಿ ಪಡಿಸಲಾಗಿದೆ.