ಚೆಕ್​ ಪಾವತಿ ವ್ಯವಸ್ಥೆಯಲ್ಲಿ ಬದಲಾವಣೆ; ಆರ್​ಬಿಐ ಹೊಸ ನಿಯಮದ ಬಗ್ಗೆ ಇರಲಿ ಗಮನ!

RBI New Rules: ಗ್ರಾಹಕರು 50 ಸಾವಿರಕ್ಕಿಂತ ಹೆಚ್ಚಿನ ಹಣಪಾವತಿ ಮಾಡುವಾಗ ಈ ನಿಯಮಪಾಲನೆ ಅವಶ್ಯಕವಾಗಿದೆ.

ಪ್ರಾತಿನಿಧಿಕ ಚಿತ್ರ.

ಪ್ರಾತಿನಿಧಿಕ ಚಿತ್ರ.

  • Share this:
    ನವದೆಹಲಿ (ಸೆ.28): ಬ್ಯಾಂಕಿಂಗ್​ ವಲಯದಲ್ಲಿ ಚೆಕ್​ ಪಾವತಿಗಳಲ್ಲಿ ನಡೆಯುತ್ತಿರುವ ಅವ್ಯವಹಾರದ ಬಗ್ಗೆ ಕಣ್ಣೀಡುವ ಸಲುವಾಗಿ ಭಾರತೀಯ ರಿಸರ್ವ್​ ಬ್ಯಾಂಕ್​ ಹೊಸ ಪದ್ದತಿ ಜಾರಿಗೆ ಮುಂದಾಗಿದೆ. ಇದೇ ಕಾರಣದಿಂದ ಚೆಕ್​ ಪಾವತಿಗೆ 'ಧನಾತ್ಮಾಕ ಪಾವತಿ ವ್ಯವಸ್ಥೆ' ಕುರಿತು ಆರ್​ಬಿಐ ಅಧಿಸೂಚನೆ ಹೊರಡಿಸಿದೆ. ಈ ವ್ಯವಸ್ಥೆ ಮುಂದಿನ ವರ್ಷ ಎಂದರೆ 2021ನೇ ಜನವರಿಯಿಂದ ಈ ವ್ಯವಸ್ಥೆ ಚಾಲನೆಗೆ ಬರಲಿದೆ. ಗ್ರಾಹಕರು 50 ಸಾವಿರಕ್ಕಿಂತ ಹೆಚ್ಚಿನ ಹಣಪಾವತಿ ಮಾಡುವಾಗ ಈ ನಿಯಮಪಾಲನೆ ಅವಶ್ಯಕವಾಗಿದೆ. ಇದರಿಂದ ಚೆಕ್​ ಬೊನ್ಸ್​, ಚೆಕ್​ ವ್ಯವಹಾರಗಳಲ್ಲಿನ ವ್ಯತ್ಯಾಸಗಳು ಶೀಘ್ರ ಪತ್ತೆಯಾಗಲಿದೆ.

    ಏನಿದು 'ಧನಾತ್ಮಾಕ ಪಾವತಿ ವ್ಯವಸ್ಥೆ'

    • ಈ ಪದ್ದತಿ ಅಡಿ 50 ಸಾವಿರಕ್ಕಿಂತ ಹೆಚ್ಚಿನ ಮೊತ್ತ ಚೆಕ್​ಬುಕ್​ ಮೂಲಕ ವ್ಯವಹಾರ ಮಾಡುವ ಗ್ರಾಹಕರು ಪ್ರಮುಖ ವಿವರಗಳನ್ನು ಬ್ಯಾಂಕ್​ಗೆ ಮರುದೃಢೀಕರಣ ಮಾಡಬೇಕಾಗುತ್ತದೆ. ಚೆಕ್​ ನೀಡಿದ ದಿನಾಂಕ, ಪಾವತಿ ಮಾಡಿದ ವ್ಯಕ್ತಿಯ ಹೆಸರು. ಪಾವತಿದಾರರ ವಿವರ ಮತ್ತು ಹಣದ ಕುರಿತು ವಿವರ ನೀಡಬೇಕು.

    • ಅದರಲ್ಲಿಯೂ ಐದು ಲಕ್ಷಕ್ಕೂ ಹೆಚ್ಚಿನ ಪಾವತಿಗೆ ಈ ದೃಢೀಕರಣ ಕಡ್ಡಾಯವಾಗಿದೆ.

    • ಈ ವ್ಯವಸ್ಥೆ ಚೆಕ್​ ಪಾವತಿದಾರರು ಕನಿಷ್ಠ ಮಾಹಿತಿಯನ್ನು ಅಂದರೆ ಚೆಕ್​ನ ದಿನಾಂಕ ಹೆಸರು ಸೇರಿದಂತೆ ಮೇಲೆ ತಿಳಿಸಿದ ಅಂಶಗಳನ್ನು ಮೊಬೈಲ್​ ಸಂದೇಶ, ಮೊಬೈಲ್​ ಅಪ್ಲಿಕೇಶನ್​, ಇಂಟರ್​ನೆಟ್​ ಬ್ಯಾಂಕಿಗ್​ ಅಥವಾ ಎಟಿಎಂ ಮೂಲಕ ಚೆಕ್​ ನೀಡಲಾಗುವುದು.

    • ಚೆಕ್​ ವ್ಯವಹಾರಕ್ಕೂ ಮುನ್ನ ಗ್ರಾಹಕರು ನೀಡಿರುವ ವಿವರಗಳನ್ನು ಕೂಡ ಒಮ್ಮೆ ಪರಿಶೀಲಿಸಲಾಗುವುದು ಇದರಿಂದ ಅವ್ಯವಹಾರ ತಡೆಗೆ ಸಹಾಯವಾಗಲಿದೆ.

    • ಅಷ್ಟೇ ಅಲ್ಲದೇ, ಚೆಕ್​ ವಿತ್​ ಡ್ರಾ ಆದಲ್ಲಿ, ವ್ಯತ್ಯಾಸ ಕಂಡುಬಂದಲ್ಲಿ ಬ್ಯಾಂಕ್​ಗಳು ಚೆಕ್​ಗಳನ್ನು ಮೊಟಕುಗೊಳಿಸುವ ಮೂಲಕ ತಕ್ಷಣಕ್ಕೆ ಪರಿಹಾರ ಕ್ರಮ ತೆಗೆದುಕೊಳ್ಳಲಿದೆ.

    • ರಾಷ್ಟ್ರೀಯ ಪಾವತಿ ನಿಗಮ ಈ ವ್ಯವಸ್ಥೆಯನ್ನು ಅಭಿವೃದ್ಧಿ ಪಡಿಸಲಿದೆ. 50ಸಾವಿರಕ್ಕಿಂತ ಹೆಚ್ಚಿನ ಮೊತ್ತದ ಚೆಕ್​ ನೀಡುವ ಎಲ್ಲಾ ಖಾತೆದಾರರಿಗೆ ಇದನ್ನು ಸಕ್ರಿಯಗೊಳಿಸಾಗುವುದು.

    • 'ಧನಾತ್ಮಾಕ ಪಾವತಿ ವ್ಯವಸ್ಥೆ' ಕುರಿತು ಅರಿವು ಮೂಡಿಸಲು ಮೊಬೈಲ್​ ಸಂದೇಶಗಳನ್ನು ಆಯಾ ಬ್ಯಾಂಕ್​ ಗ್ರಾಹಕರಿಗೆ ನೀಡಲಿದೆ. ಇದರ ಜೊತೆಗೆ ಎಟಿಎಂ ಹಾಗೂ ಬ್ಯಾಂಕ್​ ವೆಬ್​ಸೈಟ್​ ಮತ್ತು ಇಂಟರ್​ನೆಟ್​ ಬ್ಯಾಂಕ್​ ಮೂಲಕವೂ ಜಾಗೃತಿ ಮೂಡಿಸಲಾಗುವುದು.

    • 'ಧನಾತ್ಮಾಕ ಪಾವತಿ ವ್ಯವಸ್ಥೆ' ಅನುಸಾರವಾಗಿ ಚೆಕ್​ ಸ್ವೀಕರಿಸುವಾಗಿನ ತೊಂದರೆಗಳನ್ನು ಸಿಟಿಸಿ ಗ್ರೇಡ್​ ಮೂಲಕ ಪರಿಹಾರ ಮಾಡಲಾಗುದು.

    • ಜೊತೆಗೆ ಸಿಟಿಎಸ್​ ಹೊರಗೆ ಠೇವಣಿಸಿ ಇರಿಸಿದ ಚೆಕ್​ಗಳಿಗೆ ಇದೇ ರೀತಿಯ ವ್ಯವಸ್ಥೆಯನ್ನು ಜಾರಿಗೆ ತರಲು ಕೂಡ ಬ್ಯಾಂಕ್​ಗಳು ಮುಕ್ತವಾಗಿರುತ್ತವೆ.

    Published by:Seema R
    First published: