ಆಸ್ತಿ ಮಾರಿದ್ದೇನೆ ಎಂದು ಸುಳ್ಳು ಹೇಳಿದ್ದ ರಾಜ್​ ಕುಂದ್ರಾ: ಪೈರಸಿ ತಡೆಗಟ್ಟಲು ಕಟ್ಟಿದ್ದ ಬಲಿಷ್ಟ ವಕೀಲರ ತಂಡ

ರಾಜ್ ಕುಂದ್ರಾ ಅವರು ಅಶ್ಲೀಲ ಚಿತ್ರಗಳ ತಯಾರಿಕೆಯಲ್ಲಿ ನೇರವಾಗಿ ಭಾಗಿಯಾಗಿದ್ದರು ಎಂದು ತನಿಖೆಯಲ್ಲಿ ಕಂಡುಕೊಂಡಿರುವುದಾಗಿ ಇತ್ತೀಚಿನ ಬೆಳವಣಿಗೆಯೊಂದರಲ್ಲಿ ತಿಳಿದುಬಂದಿದೆ ಎಂದು ಮುಂಬೈ ಅಪರಾಧ ಶಾಖೆಯ ಆಪ್ತ ಮೂಲಗಳು ಸಿಎನ್ಎನ್-ನ್ಯೂಸ್ 18 ಗೆ ತಿಳಿಸಿವೆ.

ಕುಂದ್ರಾ ಈ ಹಿಂದೆ ತನ್ನ ವ್ಯವಹಾರವನ್ನು ಯುಕೆಯಲ್ಲಿ ನೆಲೆಸಿರುವ ತನ್ನ ಸಂಬಂಧಿಗೆ  ಮಾರಿರುವುದಾಗಿ ಹೇಳಿಕೊಂಡಿದ್ದರು, ಆದರೆ ಈ ವಿಷಯ ಸುಳ್ಳು ಎಂದು ಆಸ್ತಿ ಕೋಶದ ಅಧಿಕಾರಿಗಳು ತನಿಖೆ ನಡೆಸಿ ರಾಜ್​ ಕುಂದ್ರಾ ಅವರ ನಿಜ ಮುಖವನ್ನು ಬಯಲು ಮಾಡಿದ್ದಾರೆ. ಮಾರಾಟ ಮಾಡಲಾಗಿದೆ ಹೇಳುತ್ತಿರುವ ಈ ಕಂಪೆನಿಯ ಎಲ್ಲಾ ವ್ಯವಹಾರಗಳಲ್ಲಿ ದಿನ ನಿತ್ಯ ರಾಜ್​ಕುಂದ್ರಾ ಭಾಗವಹಿಸುತ್ತಿದ್ದರು ಅಲ್ಲದೇ ಇವರೇ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಿದ್ದರೂ ಎಂದೂ ಸಹ ತನಿಖೆ ವೇಳೆ ಬಯಲಾಗಿದೆ.

ಹಾಟ್‌ಶಾಟ್ಸ್ (ಎಚ್‌ಎಸ್) ಅಪ್ಲಿಕೇಶನ್‌ಗಾಗಿ ತಯಾರಿಸಲಾಗುತ್ತಿದ್ದ ಅಶ್ಲೀಲ ವಿಡಿಯೋಗಳ ನಕಲು ಹಾಗೂ ಪೈರಸಿ ಮಾಡದಂತೆ ತಡೆಗಟ್ಟಲು ಕುಂದ್ರಾ ಬಲವಾದ ಕಾನೂನು ತಂಡವನ್ನು ರಚಿಸಿದ್ದರು. ಈ ಕಾನೂನು ತಂಡವು ಭಾರತ ಮತ್ತು ವಿದೇಶಗಳಲ್ಲಿ ಕಾಪಿರೈಟ್​ ಹಾಗೂ ನಕಲು ಆಗದಂತೆ ತಡೆಯುತ್ತಿತ್ತು, ನಿರಂತರವಾಗಿ ಪರಿಶೀಲಿಸುತ್ತಿತ್ತು ಎಂದು ಹೇಳಲಾಗಿದೆ.

ರಾಜ್​ಕುಂದ್ರಾ ಅವರಿಂದ ವಶಪಡಿಸಿಕೊಂಡಿರುವ ಫೋನ್​ನಲ್ಲಿ ಇರುವ ಮಾಹಿತಿಗಳನ್ನು ಸಹ ಕಲೆಹಾಕಲಾಗುತ್ತಿದೆ. ಕುಂದ್ರಾ ಅಡ್ಮಿನ್​ ಆಗಿರುವ ಎಚ್​ಎಸ್​ ಅಕೌಂಟ್​ ವಾಟ್ಸ್​ಆ್ಯಪ್​ ಗ್ರೂಪಿಗೆ ಇವರೇ ಅಡ್ಮಿನ್​ ಅಲ್ಲದೇ ಇನ್ನೂ ಎರಡು ವಾಟ್ಸಪ್​ ಗ್ರೂಪ್​ಳಿವೆ ಎಂದು ಪೊಲೀಸರು ಹೇಳಿದ್ದಾರೆ. ಎಚ್​ಎಸ್​ ಅಕೌಂಟ್​ ಗ್ರೂಪಿನಲ್ಲಿ ಮುಖ್ಯವಾಗಿ ಆದಾಯ ಹಾಗೂ ವ್ಯವಹಾರಗಳ ಬಗ್ಗೆ ಹೆಚ್ಚು ಮಾತುಕತೆಯಾಗುತ್ತಿತ್ತು ಎಂದು ಹೇಳಲಾಗಿದೆ.

ಪ್ರಸ್ತುತ, ‘ಎಚ್‌ಎಸ್ ಟೇಕ್ ಡೌನ್’ ಹೆಸರಿನ ಎರಡನೇ ವಾಟ್ಸಾಪ್ ಗುಂಪು ಪರಿಶೀಲನೆಯಲ್ಲಿದೆ. ಕುಂದ್ರಾ ಈ ಗುಂಪಿನ ಅಡ್ಮಿನ್​ ಸಹ ಆಗಿದ್ದಾರೆ.

‘ಎಚ್‌ಎಸ್ ಟೇಕ್ ಡೌನ್’ ವಾಟ್ಸಪ್​ ಗುಂಪು ಕುಂದ್ರಾ ಹಾಗೂ ಕಾನೂನು ತಂಡದ ಸದಸ್ಯರನ್ನು ಒಳಗೊಂಡಿದೆ ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ. ಕುಂದ್ರಾ ಕಂಪನಿಯಿಂದ ತಯಾರಿಸಿದ ಅಶ್ಲೀಲ ವಿಡಿಯೋಗಳನ್ನು ಯಾರಾದರೂ ಕದ್ದಿದ್ದಾರಾ ಅವರ ವಿರುದ್ದ ಯಾವ ಕ್ರಮ ತೆಗೆದುಕೊಳ್ಳಬೇಕು ಎನ್ನುವ ಕುರಿತು ಚರ್ಚೆ ನಡೆಸಲಾಗುತ್ತಿತ್ತು, ಹಾಗೂ ಯಾರಾದರೂ ಕದ್ದಿದ್ದಾರಾ ಎನ್ನುವ ಕುರಿತು ಪರಿಶೀಲನೆ ನಡೆಯುತ್ತಿತ್ತು ಎಂದು ತನಿಖೆ ವೇಳೆ ಕಂಡುಕೊಳ್ಳಲಾಗಿದೆ.

ಈ ವಕೀಲರ ತಂಡವು ಎಲ್ಲಾ ವೆಬ್​ಸೈಟ್​ಗಳ ಮೇಲೆ ನಿಗಾ ಇಡಲು ಮತ್ತು ಪರಿಹಾರವನ್ನು ಕೋರಿ ಅಥವಾ ಪೋರ್ಟಲ್‌ಗಳ ವಿರುದ್ಧ ಕ್ರಿಮಿನಲ್ ಪ್ರಕರಣ ಹಾಕಿ ಕಾನೂನು ನೋಟಿಸ್‌ಗಳನ್ನು ಕಳುಹಿಸಲು ನಿಯೋಜಿಸಲಾಗಿತ್ತು ಎನ್ನಲಾಗಿದೆ. ಮುಂದಿನ ದಿನಗಳಲ್ಲಿ ಈ ಕಾನೂನು ತಂಡವನ್ನು ಸಹ ಪ್ರಶ್ನಿಸಲಾಗುವುದು ಎಂದು ಪೊಲೀಸ್​ ಮೂಲಗಳು ಹೇಳಿವೆ.

‘ಎಚ್‌ಎಸ್ ಟೇಕ್ ಆಪರೇಷನ್’ ಎಂಬ ಮೂರನೇ ವಾಟ್ಸಾಪ್ ಗುಂಪು ಸಹ ಚಾಲ್ತಿಯಲ್ಲಿ ಇದ್ದು, ಇಲ್ಲಿ ನಟರು, ಕಥಾಹಂದರ, ಎಡಿಟಿಂಗ್​, ಶೂಟಿಂಗ್​ ಸ್ಥಳಗಳು, ಸಿಬ್ಬಂದಿಗಳು ಮತ್ತು ಅಂತಿಮ ಔಟ್​ ಪುಟ್​ ಬಗ್ಗೆ ಚರ್ಚೆ ನಡೆಸಲಾಗುತ್ತಿತ್ತು.

ಇದನ್ನೂ ಓದಿ: ಕೊರೋನಾ ಸೊಂಕು ಮತ್ತೆ ವ್ಯಾಪಕವಾಗಿ ಹರಡಿರುವ ಶಂಕೆ: ಬೃಹತ್​ ಪರೀಕ್ಷೆಗೆ ಮುಂದಾದ ಚೀನಾ

ಈ ಎಲ್ಲಾ ಚಟುವಟಿಕೆಗಳಲ್ಲಿ ತೊಡಗಿಕೊಂಡಿರುವ ಹಾಗೂ ವಾಟ್ಸ್​ಆ್ಯಪ್​ ಗುಂಪುಗಳಲ್ಲಿ ಸಕ್ರಿಯವಾಗಿ ಇರುವ ಎಲ್ಲಾ ಸದಸ್ಯರನ್ನು ಸಹ ಮುಂದಿನ ದಿನಗಳಲ್ಲಿ ಪ್ರಶ್ನಿಸಲಾಗುವುದು ಎಂದು ಮುಂಬೈ ಪೊಲೀಸ್​ ಮೂಲಗಳು ಹೇಳಿವೆ.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು.