Republic Day 2021 | ಗಣರಾಜ್ಯೋತ್ಸವ ದಿನ ರಫೇಲ್ ಪರೇಡ್, ರಾಮಮಂದಿರ ಮೊದಲಾದ ಸ್ತಬ್ದಚಿತ್ರ ಪ್ರದರ್ಶನ

ನವದೆಹಲಿ(ಜ. 26): ಈ ಬಾರಿಯ 72ನೇ ಗಣರಾಜ್ಯೋತ್ಸವವನ್ನು ಕೋವಿಡ್ ಹಿನ್ನೆಲೆಯಲ್ಲಿ ಸರಳವಾಗಿ ಆಚರಿಸಲಾಯಿತು. ಮೊದಲ ಬಾರಿಗೆ ಮುಖ್ಯ ಅತಿಥಿ ಇಲ್ಲದೆಯೇ ಗಣರಾಜ್ಯೋತ್ಸವ ನಡೆಯಿತು. ಆದರೆ, ಗಣರಾಜ್ಯೋತ್ಸವದ ಶಿಸ್ತು ಮತ್ತು ವೈಭವ ಎಂದಿನಂತೆ ಈ ವರ್ಷವೂ ಇತ್ತು. ಗಣರಾಜ್ಯೋತ್ಸವದ ಪ್ರಮುಖ ಆಕರ್ಷಣೆಯಾಗಿರುವ ಪರೇಡ್ ಮತ್ತು ಸ್ತಬ್ದಚಿತ್ರ ಪ್ರದರ್ಶನ ಜನರನ್ನು ಯಥಾಪ್ರಕಾರ ಸೆಳೆಯಿತು.

1) ಫ್ರಾನ್ಸ್ ದೇಶದಿಂದ ಖರೀದಿಸಿರುವ ರಫೇಲ್ ಫೈಟರ್ ಜೆಟ್​ಗಳು ಮೊದಲ ಬಾರಿಗೆ ಪರೇಡ್​ನಲ್ಲಿ ಭಾಗವಹಿಸಿವೆ. ರಫೇಲ್​ಗಳು ಭಾರತದ ಬಳಿ ಸದ್ಯ ಇರುವ ಅತ್ಯುತ್ತಮ ಯುದ್ಧವಿಮಾನಗಳಾಗಿವೆ.

2) ಫ್ಲೈಟ್ ಲೆಫ್ಟಿನೆಂಟ್ ಭಾವನಾ ಕಾಂತ್ ಅವರು ಪೆರೇಡ್​ನಲ್ಲಿ ಭಾಗಿಯಾದರು. ಭಾರತದ ಮೊದಲ ಮಹಿಳಾ ಫೈಟರ್ ಪೈಲಟ್​ಗಳಲ್ಲಿ ಭಾವನಾ ಒಬ್ಬರು. ರಿಪಬ್ಲಿಕ್ ಪೆರೇಡ್​ನಲ್ಲಿ ಮಹಿಳಾ ಫೈಟರ್ ಪೈಲಟ್ ಭಾಗಿಯಾಗಿದ್ದು ಇದೇ ಮೊದಲು. ವಿವಿಧ ಫೈಟರ್ ವಿಮಾನ, ಕಾಪ್ಟರ್​ಗಳ ಪ್ರತಿಕೃತಿಗಳನ್ನ ತೋರಿಸುವ ಸ್ತಬ್ದಚಿತ್ರಗಳ ವ್ಯವಸ್ಥೆಯ ಭಾಗವಾಗಿ ಅವರು ಪಾಲ್ಗೊಂಡರು.

ಇದನ್ನೂ ಓದಿ: Farmers protest: ಟ್ರ್ಯಾಕ್ಟರ್ ಮೆರವಣಿಗೆಯ ಬಳಿಕ ಪಾರ್ಲಿಮೆಂಟ್ ಚಲೋ ಹಮ್ಮಿಕೊಂಡ ರೈತರು

3) ಲಡಾಖ್​ನ ಐತಿಹಾಸಿಕ ತಿಕ್ಸೆ ಮಾನೆಸ್ಟರಿ ಹಾಗೂ ಅದರ ಸಾಂಸ್ಕೃತಿ ಪರಂಪರೆಯನ್ನು ಪ್ರತಿನಿಧಿಸುವ ಸ್ತಬ್ದಚಿತ್ರ ಪ್ರದರ್ಶನ.

4) ಆಂಧ್ರಪ್ರದೇಶದ ಪ್ರಸಿದ್ಧ ಲೇಪಾಕ್ಷಿ ದೇವಸ್ಥಾನದ ಸ್ತಬ್ದಚಿತ್ರ.

5) ಐಎನ್​ಎಸ್ ವಿಕ್ರಾಂತ್ ಮತ್ತು ನೌಕಾಪಡೆ ಕಾರ್ಯಾಚರಣೆಗಳನ್ನ ಪ್ರತಿನಿಧಿಸುವ ಪ್ರತಿಕೃತಿಗನ್ನೊಳಗೊಂಡ ಸ್ತಬ್ದಚಿತ್ರಗಳ ಮೆರವಣಿಗೆ.6) ಉತ್ತರ ಪ್ರದೇಶದಿಂದ ರಾಮಮಂದಿರದ ಪ್ರತಿಕೃತಿ ಇರುವ ಸ್ತಬ್ದಚಿತ್ರ.

7) ಡಿಆರ್​ಡಿಒದಿಂದ ಎರಡು ಸ್ತಬ್ದಚಿತ್ರ.

8) ಕರ್ನಾಟಕದ ವಿಜಯನಗರ ಸಾಮ್ರಾಜ್ಯ ನೆನಪಿಸುವ ಸ್ತಬ್ಧ ಚಿತ್ರ

9) ಕೋವಿಡ್-19 ಲಸಿಕೆಯ ವಿಜಯೋತ್ಸವ ನೆನಪಿಸುವ ಸ್ತಬ್ದ ಚಿತ್ರ

10) ಆಯುಷ್ ಇಲಾಖೆಯಿಂದ ಸ್ತಬ್ದ ಚಿತ್ರ.

ಇದೇ ವೇಳೆ, ಪ್ರತಿಭಟನಾನಿರತ ರೈತರಿಂದ ಪ್ರತ್ಯೇಕವಾಗಿ ರಿಪಬ್ಲಿಕ್ ಪರೇಡ್ ನಡೆಯಲಿದೆ. ಈ ವೇಳೆ ವಿವಿಧ ರಾಜ್ಯಗಳಿಂದ ರೈತರು ಪ್ರತ್ಯೇಕ ಸ್ತಬ್ದಚಿತ್ರಗಳನ್ನ ಪ್ರದರ್ಶಿಸಲಿದ್ದಾರೆ. ಇದು ದೆಹಲಿಯ ಔಟರ್ ರಿಂಗ್ ರೋಡ್​ನಲ್ಲಿ ನಡೆಯಲಿದೆ.